Nawab Cafe Box Office Collection: దారుణంగా 'నవాబ్ కేఫ్' ఓపెనింగ్ డే కలెక్షన్స్... ఇలాగైతే కష్టమే, థియేటర్లలో జనాలు ఎక్కడ?

Nawab Cafe Collection Day 1: శివ కందుకూరి, తేజు అశ్విని జంటగా... రాజీవ్ కనకాల ప్రధాన పాత్రలో నటించిన సినిమా 'నవాబ్ కేఫ్'. మొదటి రోజు సినిమా కలెక్షన్స్ ఎలా ఉన్నాయంటే?

శివ కందుకూరి 'నవాబ్ కేఫ్' సినిమాకు మొదటి రోజు షాకింగ్ కలెక్షన్లు

Source : https://www.instagram.com/shivakandukuri/

Shiva Kandukuri' Nawab Cafe First Day Collections: శివ కందుకూరి హీరోగా యాక్ట్ చేసిన లేటెస్ట్ సినిమా 'నవాబ్ కేఫ్'. ఈ సినిమా అసలు టైటిల్ 'ఛాయ్ వాలా' (Chai Wala Movie). ఆ టైటిల్ పట్ల సెన్సార్ సభ్యులు అభ్యంతరం వ్యక్తం చేయడంతో మారింది. చివరకు ఫిబ్రవరి 20న థియేటర్లలో సినిమా రిలీజ్ అయ్యింది. మరి ఈ సినిమా ఓపెనింగ్ డే కలెక్షన్స్ ఎలా ఉన్నాయో తెలుసా?

మొదటి రోజు మరీ మూడు లక్షలేనా?
Nawab Cafe First Day India Net Collection: 'నవాబ్ కేఫ్' సినిమాకు మొదటి రోజు మూడు లక్షలు... కేవలం మూడు అంటే మూడు లక్షల రూపాయల నెట్ మాత్రమే వచ్చిందని ట్రేడ్ వర్గాల టాక్. విమర్శకుల నుంచి సినిమా బాలేదని కామెంట్స్ కూడా వచ్చాయి. మరి శనివారం సినిమా పరిస్థితి ఎలా ఉంటుందో చూడాలి.

తండ్రీ తనయుల మధ్య ఎమోషనల్ డ్రామాగా 'నవాబ్ కేఫ్'ను తెరకెక్కించారు. ఈ సినిమాలో శివ కందుకూరి తండ్రిగా రాజీవ్ కనకాల నటించగా... కథానాయికగా తెలుగు అమ్మాయి తేజు అశ్విని నటించింది. హీరో స్నేహితుడిగా రాజ్ కసిరెడ్డి, విలన్ పాత్రలో చైతన్య కృష్ణ, కీలక పాత్రలో వడ్లమాని శ్రీనివాస్ కనిపించారు. హర్షిక ప్రొడక్షన్స్ పతాకంపై రాధా వి పపుడిప్పు నిర్మించిన ఈ చిత్రానికి ప్రమోద్ హర్ష దర్శకత్వం వహించారు.