The Paradise : 'ది ప్యారడైజ్'లో నాని ఎనర్జిటిక్ సాంగ్ రెడీ - 'జడల్' ఇంట్రడక్షన్ హై లెవల్
Nani Intro Song : 'ది ప్యారడైజ్' మూవీలో నాని లుక్ హైప్ క్రియేట్ చేయగా... ఆయన ఇంట్రడక్షన్ సాంగ్ అంతకు మించి ఉండేలా మేకర్స్ ప్లాన్ చేస్తున్నారు. భారీ సెట్లో సాంగ్ షూట్ చేస్తున్నారు.
Nani's The Paradise Intro Song Update : నేచరల్ స్టార్ నాని, 'దసరా' ఫేం శ్రీకాంత్ ఓదెల కాంబో అవెయిటెడ్ పవర్ ఫుల్ గ్యాంగ్స్టర్ డ్రామా 'ది ప్యారడైజ్'. గతంలో ఎన్నడూ లేని విధంగా డిఫరెంట్ రోల్ 'జడల్'గా నాని కనిపించబోతుండగా... ఫస్ట్ గ్లింప్స్ గూస్ బంప్స్ తెప్పించింది. నాని లుక్ పదింతల హైప్ పెంచేసింది. తాజాగా... హీరో ఇంట్రడక్షన్ సాంగ్ మేకర్స్ భారీగా ప్లాన్ చేస్తున్నారు.
ఇదే హైలెట్ అవుతుందా?
ప్రస్తుతం 'ది ప్యారడైజ్' మూవీ షూటింగ్ హైదరాబాద్లో శరవేగంగా సాగుతుండగా... వందలాది మంది డ్యాన్సర్లతో హీరో ఇంట్రడక్షన్ సాంగ్ ప్లాన్ చేస్తున్నారు. దీని కోసం ఓ భారీ సెట్ వేశారు. రాక్ స్టార్ అనిరుద్ రవిచందర్ హై ఎనర్జీ మాస్ బ్యాంగర్ను ఈ పాట కోసం ట్యూన్ చేయగా పాట చిత్రీకరణ ప్రారంభమైంది. రోల్కు తగ్గట్లుగానే 'జడల్' లుక్, డ్యాన్స్ కంపోజ్ చేశారు.
విజయ్ నటించిన 'జన నాయగన్'కు వర్క్ చేసిన కొరియోగ్రాఫర్ సుధన్ మాస్టర్... నేచరల్ స్టార్ కోసం డైనమిక్ స్టెప్పులు కంపోజ్ చేశారు. మొత్తానికి హై ఎనర్జీ యాక్షన్ లెవల్ స్టెప్పులతో పాటను అద్భుత దృశ్యంగా తీర్చిదిద్దారు. నాని ట్రేడ్ మార్క్ కచ్చితంగా సాంగ్లో కనిపిస్తుందని... ఈ పాట మూవీకే హైలెట్గా నిలుస్తుందని చెబుతున్నారు.
Also Read : 'గాయపడ్డ సింహం' ఏం చేసిందంటే? - నవ్వులు పూయిస్తోన్న తరుణ్ భాస్కర్ కొత్త మూవీ ట్రైజర్
రిలీజ్ ఎప్పుడు?
ఈ మూవీలో 'జడల్' పాత్రలో నాని కనిపించనుండగా... నెగిటివ్ రోల్లో శికంజి మాలిక్గా మోహన్ బాబు నటిస్తున్నారు. వీరితో పాటే బిర్యానీ పాత్రలో సంపూర్ణేశ్ బాబు, బాలీవుడ్ యాక్టర్ రాఘవ్ జ్యుయల్ కీలక పాత్రలో కనిపించనున్నారు. SLV సినిమాస్ బ్యానర్పై సుధాకర్ చెరుకూరి భారీ బడ్జెట్తో మూవీని నిర్మిస్తున్నారు. తెలుగుతో పాటు హిందీ, తమిళం, కన్నడ, మలయాళం, బెంగాళీ, ఇంగ్లీష్, స్పానిష్ ఇలా 8 భాషల్లో వరల్డ్ వైడ్గా రిలీజ్ కానుంది.
ఈ ఏడాది మార్చి 26న సినిమా రిలీజ్ అవుతుందని మూవీ టీం ప్రకటించినా అది వాయిదా పడే అవకాశాలు కనిపిస్తున్నాయి. ఇప్పటికీ షూటింగ్ కంప్లీట్ కాకపోవడం, పోస్ట్ ప్రొడక్షన్ పనులు పెండింగ్ ఉండడంతో అనుకున్న టైంకు వస్తుందా? అనే అనుమానాలు వ్యక్తమవుతున్నాయి. అయితే, మూవీ టీం నుంచి ఇప్పటివరకూ వాయిదాపై ఎలాంటి ప్రకటనా రాలేదు. త్వరలోనే దీనిపై క్లారిటీ వచ్చే ఛాన్స్ ఉంది.
టాప్ హెడ్ లైన్స్
ట్రెండింగ్ వార్తలు
