Mahesh Babu: రాజమౌళికి మహేష్ బర్త్ డే విషెష్ - 'SSMB29' న్యూ లుక్ వేరే లెవల్

SSMB29: దర్శకధీరుడు రాజమౌళి పుట్టినరోజు సందర్భంగా ఆయనకు శుభాకాంక్షలు వెల్లువెత్తుతున్నాయి. సూపర్ స్టార్ మహేష్ బాబు ఆయనకు స్పెషల్ విషెష్ తెలిపారు.

రాజమౌళికి మహేష్ బాబు విషెష్

Source : https://x.com/urstrulyMahesh/status/1976506016771735644/photo/1

Mahesh Babu Birthday Wishes To Rajamouli: తెలుగు సినిమాను ప్రపంచస్థాయికి తీసుకెళ్లిన దర్శకుడు రాజమౌళి. స్టూడెంట్ నెం 1 నుంచి మొదలైన ఆయన ప్రస్థానం మొన్నటి RRR వరకూ ఎన్నో అద్భుతమైన చిత్రాలను తెరకెక్కించారు. ఇండియన్ సినిమాకు ఆస్కార్ అవార్డు వరించేలా రూపొందించిన ఘనత ఆయన సొంతం. తెలుగు చలన చిత్ర పరిశ్రమను అంతర్జాతీయంగా అందలం ఎక్కించిన దర్శక ధీరుడు పుట్టినరోజు సందర్భంగా ఆయనకు శుభాకాంక్షలు వెల్లువెత్తుతున్నాయి. తాజాగా సూపర్ స్టార్ మహేష్ బాబు జక్కన్నకు స్పెషల్ విషెష్ చెప్పారు.

'SSMB29' న్యూ లుక్

జక్కన్నతో తాను దిగిన ఓ ఫోటోను షేర్ చేసిన మహేష్ బాబు స్పెషల్ మెసేజ్‌తో బర్త్ డే విషెష్ తెలిపారు. 'ఇండస్ట్రీలో ఉన్న ఒకే ఒక్క దర్శకధీరుడు రాజమౌళికి పుట్టినరోజు శుభాకాంక్షలు. మీరు తెరకెక్కించినవన్నీ అద్భుతాలే. మీ నుంచి మరో అద్భుతం త్వరలోనే రానుంది.' అంటూ ట్వీట్ చేశారు. రీసెంట్‌గా 'SSMB29' న్యూ లుక్ అందులో ఉండడంతో వైరల్ అవుతోంది. మరోవైపు, మ్యాన్ ఆఫ్ మాసెస్ ఎన్టీఆర్, గ్లోబర్ స్టార్ రామ్ చరణ్, పలువురు సినీ ప్రముఖులు జక్కన్నకు విషెష్ తెలిపారు.

Wishing the one and only @ssrajamouli a very Happy Birthday…The best is always yet to come😍😍😍..Have a great one sir 🤗🤗🤗♥️♥️♥️ pic.twitter.com/U3tcyJIbgv

— Mahesh Babu (@urstrulyMahesh) October 10, 2025

Wishing you a very Happy Birthday Jakkana @ssrajamouli!! Loads of love ❤️ pic.twitter.com/xeXlU7DnmD

— Jr NTR (@tarak9999) October 10, 2025

Happy Birthday to one of the greatest filmmakers of our time, my dearest @ssrajamouli garu ❤️

— Ram Charan (@AlwaysRamCharan) October 10, 2025

ప్రస్తుతం రాజమౌళి సూపర్ స్టార్ మహేష్ బాబుతో 'SSMB29' మూవీ తెరకెక్కిస్తోన్న సంగతి తెలిసిందే. ఇప్పటికే కీలక షెడ్యూల్స్ కంప్లీట్ కాగా... తాజాగా హైదరాబాద్‌ రామోజీ ఫిల్మ్ సిటీలో రూ.60 కోట్లతో 'వారణాసి' టెంపుల్ సెట్ వేసినట్లు తెలుస్తోంది. దీనిలో కీలక సీన్స్ షూట్ చేయనున్నారు. ఈ ప్రాజెక్ట్ విషయంలో జక్కన్న పక్కా సీక్రెసీ మెయింటెయిన్ చేస్తున్నారు. షూటింగ్ మొదలై ఏడాది దాటినా ఇప్పటివరకూ అఫీషియల్‌‌గా ఒక్క అనౌన్స్‌మెంట్ రాలేదు. చివరకు ప్రియాంక చోప్రా నటిస్తున్నారనే విషయం కూడా చెప్పలేదు.

టైటిల్ అదేనా?

'Globe Trotter' అంటూ ప్రపంచ సాహస ప్రయాణంగా మూవీ ఉండబోతుందని ఇప్పటికే హింట్ ఇచ్చారు జక్కన్న. మహేష్ బర్త్ డే సందర్భంగా ప్రీ లుక్ సైతం రిలీజ్ చేశారు. హాలీవుడ్ రేంజ్‌లో పాన్ వరల్డ్ స్థాయిలో మూవీని రిలీజ్ చేసేందుకు ప్లాన్ చేస్తున్నారు రాజమౌళి. నవంబరులో ఫస్ట్ లుక్‌తో పాటే గ్లింప్స్ కూడా రిలీజ్ చేసే అవకాశం ఉంది. ఈ మూవీకి 'వారణాసి' అనే టైటిల్ ఫిక్స్ చేస్తారనే ప్రచారం సాగుతోంది. హాలీవుడ్ లెజెండ్ జేమ్స్ కామెరూన్ చేతుల మీదుగా టైటిల్, ఫస్ట్ లుక్ రిలీజ్ చేసేందుకు సన్నాహాలు చేస్తోంది మూవీ టీం. మూవీలో మహేష్‌తో పాటు బాలీవుడ్ హీరోయిన్ ప్రియాంక చోప్రా, ఆర్ మాధవన్, పృథ్వీరాజ్ సుకుమారన్ కీలక పాత్రలు పోషిస్తున్నారు.

మరిన్ని చదవండి

ఓటీటీలోకి జాన్వీ కపూర్ 'పరమ్ సుందరి' - కానీ, చిన్న ట్విస్ట్