Madhuram Song Lyrics: కార్తీక్ మెలోడీ పాడితే మధురమే... మెగా కోడలు లావణ్య 'సతీ లీలావతి'లో లవ్ సాంగ్ లిరిక్స్ - వనమాలి ఏం రాశారంటే?
Sathi Leelavathi Songs: సింగర్ కార్తీక్ ఫ్యాన్ బేస్, ఆయన మెలోడీ పాటలకు ఉన్న క్రేజ్ గురించి చెప్పాల్సిన అవసరం లేదు. మెగా కోడలు లావణ్య కొత్త సినిమా 'సతీ లీలావతి'లో ఆయన ఓ పాట పాడారు. ఆ సాంగ్ లిరిక్స్...
సింగర్ కార్తీక్ (Singer Karthik)కు మన తెలుగు ప్రేక్షకుల్లో సపరేట్ ఫ్యాన్ బేస్ ఉంది. మరీ ముఖ్యంగా ఆయన మెలోడీ సాంగ్స్ అంటే మళ్ళీ మళ్ళీ లూప్లో వినే శ్రోతలు ఉన్నారు. అటువంటి వాళ్ళ కోసం మరో పాట వచ్చింది. మెగా కోడలు లావణ్య త్రిపాఠి కొత్త సినిమాలో ఆయన ఒక పాట పాడారు. అది విన్నాక... 'కార్తీక్ మెలోడీ పాడితే మధురమే' అంటున్నారు ఆయన అభిమానులు. ఆ సాంగ్ ఏ సినిమాలోనిది? ఎవరు రాశారు? లిరిక్స్ ఏమిటి? అనేది చూడండి.
మధురమే... వాడి జత మధురమే!
Sathi Leelavathi Songs Lyrics In Telugu: లావణ్య త్రిపాఠి కొణిదెల ప్రధాన పాత్రలో నటించిన సినిమా 'సతీ లీలావతి'. ఇందులో ఆమెకు జోడీగా మలయాళ నటుడు, సమంత 'శాకుంతలం' ఫేమ్ దేవ్ మోహన్ నటించారు. ఈ సినిమాలోని మెలోడీ సాంగ్ 'మధురం'ను కార్తీక్ పాడారు. మిక్కీ జే మేయర్ సంగీతం అందించగా... వనమాలి రాసిన ఆ సాంగ్ లిరిక్స్ చూడండి:
ఇన్నాళ్లీ పరిచయాన్ని నువ్వూహించావా?
నీలో ఏం జరుగుతోందో గమనిస్తున్నావా?
ఏముందో వాడిలోనా తెలిసే లోగానే
గుండెల్లో చోటు కాస్త పంచేస్తున్నావా?
ఒక్కో క్షణం ఓ వింత...
చూస్తున్నావా తన చెంత
అంతందంగా మారిందా?
నీకీ జగమంతా
కళ్లు రెండూ కలిశాకా...
ఉన్నట్టుండి మనసంతా
తుళ్లి తుళ్లి పడుతోందా?
నిన్నే నువ్వే మరిచేంతా
మధురం... వాడి జత మధురం
మధురంలే... ఆ తలుపే మధురం
మధువొలికేటి కల మధురం... మది మదరం
మధురం... వాడి జత మధురం
మధురంలే... ఆ తలుపే మధురం
మధువొలికేటి కల మధురం... మది మదరం
ఇన్నాళ్లీ పరిచయాన్ని నువ్వూహించావా?
నీలో ఏం జరుగుతోందో గమనిస్తున్నావా?
ఏముందో వాడిలోనా తెలిసే లోగానే
గుండెల్లో చోటు కాస్త పంచేస్తున్నావా?
చరణం 1
ఇది వరకు ఉరికిన ఈ సమయం
నేడు విసిగిస్తుందా?
తన కొరకు వేచే నీ హృదయం
ఆగనంటోందా?
కనుల ముందు వాడిని చూస్తూనే
గంతులే వేస్తుందా?
నిన్ను నడిపించే నమ్మకం వాడే
నీ బలం నీకే తెలిపే సాటిలేని సరిజోడే..
కళ్లు రెండూ కలిశాకా...ఉన్నట్టుండి మనసంతా
తుళ్లి తుళ్లి పడుతోందా? నిన్నే నువ్వే మరిచేంతా
మధురం... వాడి జత మధురం
మధురంలే... ఆ తలుపే మధురం
మధువొలికేటి కల మధురం... మది మదరం
మధురం... వాడి జత మధురం
మధురంలే... ఆ తలుపే మధురం
మధువొలికేటి కల మధురం... మది మదరం
'సతీ లీలావతి' చిత్రానికి తాతినేని సత్య దర్శకత్వం వహించారు. ఇంతకు ముందు నేచురల్ స్టార్ నాని హీరోగా 'భీమిలి కబడ్డీ జట్టు', నవ దళపతి సుధీర్ బాబు 'శివ మనసులో శృతి - ఎస్ఎంఎస్' చిత్రాలకు ఆయన దర్శకత్వం వహించారు. 'సతీ లీలావతి' సినిమాలో నరేష్, వీటీవీ గణేష్, సప్తగిరి, మొట్టా రాజేంద్రన్, జాఫర్ సాదిక్, జోషి తదితరులు ప్రధాన తారాగణం. ఈ చిత్రాన్ని ఆనంది ఆర్ట్ క్రియేషన్స్ సమర్పణలో దుర్గా దేవి పిక్చర్స్ పతాకంపై నాగ మోహన్ నిర్మించారు.
టాప్ హెడ్ లైన్స్
ట్రెండింగ్ వార్తలు
