Lalitha Movie: గర్ల్‌ ఫ్రెండ్ అంటే బానిస కాదు... టాక్సిక్ రిలేషన్స్‌ టచ్ చేస్తున్న జొన్నవిత్తుల?

Jonnavithula Ramalingeswara Rao New Movie: ప్రముఖ గేయ రచయిత జొన్నవిత్తుల రామలింగేశ్వర రావు దర్శకత్వం వహిస్తున్న సినిమా 'లలిత'. సినిమాను అనౌన్స్ చేయడంతో పాటు నందును పరిచయం చేశారు.

లిరిసిస్ట్ జొన్నవిత్తుల రామలింగేశ్వర రావు దర్శకత్వంలో వస్తున్న మూవీ 'లలిత'

Source : ABPLIVE AI

ప్రముఖ గేయ రచయిత జొన్నవిత్తుల రామలింగేశ్వర రావు (Jonnavithula Ramalingeswara Rao) గురించి ప్రత్యేక పరిచయాలు అవసరం లేదు. 'వివాహ భోజనంబు' నుంచి 'డీజే - దువ్వాడ జగన్నాథమ్' వరకు పలు సినిమాల్లో బోలెడు పాటలు రాశారు. ఆయనలో గేయ రచయిత మాత్రమే కాదు... దర్శకుడు కూడా ఉన్నారు. ఆయన దర్శకత్వంలో రూపొందుతున్న తాజా సినిమా 'లలిత' (Lalitha Movie). మూవీ అనౌన్స్ చేయడంతో పాటు నందును పరిచయం చేశారు. 

గర్ల్ ఫ్రెండ్ అంటే బానిస కాదు!
'లలిత' చిత్రాన్ని కాస్మిక్ పవర్ క్రియేట్స్ పతాకంపై పి. సుధీర్ రాజు, డి. వైష్ణవి నేహా ప్రొడ్యూస్ చేస్తున్నారు. ఇందులో నందిని హీరోయిన్‌. తాజాగా ఆమె లుక్ విడుదల చేశారు. టైటిల్, నందు లుక్ కంటే... 'గర్ల్ ఫ్రెండ్ అంటే బానిస కాదు' అంటూ ఇచ్చిన క్యాప్షన్ ఎక్కువ మందిని ఆకట్టుకుంటోంది. క్యాప్షన్ బట్టి టాక్సిక్ రిలేషన్షిప్స్ వంటి వాటిని జొన్నవిత్తుల టచ్ చేస్తున్నారా? అని చర్చ మొదలైంది. ప్రజెంట్ యూత్ మైండ్ సెట్, లవ్ వంటి అంశాలను ఆయన ఎలా చూపిస్తారు? అనేది ఆసక్తికరం. తన వ్యక్తిత్వం కోసం నిలబడే ఓ మహిళ కథగా సామాజిక నేపథ్యంలో రూపొందుతున్న చిత్రమిది అని జొన్నవిత్తుల తెలిపారు. త్వరలో మరిన్ని వివరాలు వెల్లడిస్తామన్నారు.

Here comes Lalitha....🪷

She says "𝐀 𝐆𝐢𝐫𝐥𝐟𝐫𝐢𝐞𝐧𝐝 𝐈𝐬 𝐍𝐨𝐭 𝐀 𝐒𝐥𝐚𝐯𝐞!"

Directed by @jonnavithula_RR 🎬
Produced by #SudheerRaju & #VaishnaviNeha #LalithaTheMovie pic.twitter.com/8fA5LLMoeG

— Suresh PRO (@SureshPRO_) May 18, 2026

'లలిత' సినిమాలో అభిలాష్ పీలా, అఖిల్ వివాన్ హీరోలు. వాళ్ళిద్దరికీ ఇదే తొలి సినిమా. ఈ చిత్రానికి డ్యుయో మణి, నాగరాజు సంగీత దర్శకులు. వాళ్లిద్దరూ మ్యూజికల్ డ్యూయోగా పేరు పొందారు. నాగరాజు ప్రముఖ వేణువాదకుడు. ఆంధ్రప్రదేశ్ ప్రభుత్వం నుంచి 'కళారత్న', 'వేణుగాన విశారద' పురస్కారాలు పొందారు.

Lalitha Movie Cast And Crew: అభిలాష్, అఖిల్ వివాన్ హీరోలుగా, నందిని హీరోయిన్‌గా నటిస్తున్న 'లలిత' చిత్రానికి రఘు బాబు, పృథ్వీ రాజ్, 'తాగుబోతు' రమేష్, డీడీ శ్రీనివాస్, వి. ఝాన్సీ మేఘనా, సురేష్ దామరపల్లి, శ్రీవాణి త్రిపురనేని, జయశ్రీ రాచకొండ, మహేంద్రనాథ్, కిరణ్ కళ్యాణ్ కొండ తదితరులు ఇతర ప్రధాన తారాగణం. ఈ చిత్రానికి ప్రొడక్షన్ ఎగ్జిక్యూటివ్: వేములమడ శ్రీనివాస్, కళా దర్శకుడు: నాని తంగేటి, నృత్య దర్శకత్వం: శ్రష్టి వర్మ, సంగీతం: మణి & నాగరాజు, ఛాయాగ్రహణం: టి. సురేంద్ర రెడ్డి, కూర్పు: కె. రమేష్, సహ నిర్మాతలు: టి. సాయి చైతన్య - పి. గోపి, నిర్మాణ సంస్థ: కాస్మిక్ పవర్ క్రియేట్స్, ఎగ్జిక్యూటివ్ నిర్మాత: కొల్లి రామ గోపాల్ చౌదరి, నిర్మాతలు: పి. సుధీర్ రాజు - డి. వైష్ణవి నేహా, కథ - స్క్రీన్‌ ప్లే - మాటలు - పాటలు - దర్శకత్వం: జొన్నవిత్తుల రామలింగేశ్వర రావు.