Keerthy Suresh Said She is not Single: మహానటి కీర్తి సురేష్‌ ట్రోల్స్‌పై స్పందించింది. కెరీర్‌ ప్రారంభంలో తన సినిమాలన్ని డిజాస్టర్ అయ్యాయని, దాంతో తాను ఎన్నో విమర్శలు ఎదుర్కొన్నానని చెప్పింది. బహుశా దక్షిణాది హీరోయిన్లలో ఎక్కువగా ట్రోల్స్‌ ఎదుర్కొంది తానేనేమో అంటూ చమత్కరించింది. ఆమె నటించిన లేటెస్ట్‌ తమిళ చిత్రం 'రఘుతాత'. ఆగష్టు 15న ఈ సినిమా విడుదల కానుంది. ఈ నేపథ్యంలో మూవీ ప్రమోషన్స్‌లో భాగంగా కీర్తి సురేష్‌ ఓ పాడ్‌కాస్ట్‌తో ముచ్చటించింది. ఈ సందర్భంగా తొలిసారి తన రిలేషన్ స్టేటస్‌పై నోరు విప్పింద తాను సింగిల్‌ కాదంటూ ఇన్‌డైరెక్ట్‌గా హింట్‌ ఇచ్చి కుర్రకారు గుండెల్లో బాంబు పేల్చింది.
ఈ మేరకు కీర్తి సురేష్‌ మాట్లాడుతూ.. ప్రస్తుతం నా వృత్తిపరమైన జీవితం పట్ల చాలా సంతోషంగా ఉన్నా. మనసుకు నచ్చిన సినిమాలు చేస్తున్నా. వర్క్‌ లైఫ్‌ సంతృప్తిగా ఉంది. కానీ, కెరీర్‌ ప్రారంభంలో నేను నటించిన చాలా సినిమాలు బాక్సాఫీసు వద్ద పరాజయం పొందాయి. దాంతో నాకు సినిమాలు ఎంచుకోవడం రాదని, టేస్ట్‌ లేదంటూ విమర్శించారు. ఇక నా కెరీర్‌ అంతే అంటూ ట్రోల్‌ చేశారు. బహుశా సౌత్‌ ఇండస్ట్రీలో అత్యధిక ట్రోల్స్‌ ఎదుర్కొన్న నటిని నేనే అనుకుంటా. అయితే మహానటి తర్వాత నాపై ట్రల్స్‌ తగ్గాయి. అయితే విమర్శలను నేను స్వాగతిస్తాను. అందులో వివరణాత్మక విమర్శలను నుంచి కొత్త విషయాలను నేర్చుకున్నాను. అయితే ప్రతిదానికి నేను సమాధానం ఇచ్చుకోవాల్సిన అవసరం లేదు. కానీ కొంతమంది కావాలనే నాపై నెగిటివ్‌ కామెంట్స్ చేస్తున్నారు. అవి నేను పెద్దగా పట్టించుకోను. అలాంటి వాటికి కాలమే సమాధానమే చెబుతుందని నా నమ్ముతాను" అంటూ చెప్పుకొచ్చింది.
అనంతరం పెళ్లిపై తన అభిప్రాయాన్ని పంచుకుంది. "ఇద్దరు వ్యక్తులు ఒకరిపై ఒకరు గౌరవం ఇచ్చుకుంటూ జీవితాన్ని కొనసాగించడమే పెళ్లి" అని పేర్కొంది. అనంతరం హోస్ట్‌ సింగిల్‌గా ఉంటున్నారు.. లైఫ్‌ బోర్‌గా అనిపించడం లేదా? అని ప్రశ్నించగా.. దానికి కీర్తి నవ్వుతూ.. "నేను సింగిల్‌ అని చెప్పలేదుగా" అంటూ సమాధానం ఇచ్చింది. ప్రస్తుతం ఆమె కామెంట్స్ నెట్టింట వైరల్‌ అవుతున్నాయి. అంటే కీర్తి ప్రస్తుతం రిలేషన్ ఉందని అంతా ఫిక్స్‌ అయిపోతున్నారు.
కాగా గతంలో కీర్తి సురేష్‌ పెళ్లంటూ ఎన్నో సార్లు వార్తలు వచ్చాయి. ప్రముఖ తమిళ మ్యూజిక్ డైరెక్టర అనిరుధ రవిచందర్‌తో రిలేషన్ ఉందని, అతడినే పెళ్లి చేసుకోబోతుంటూ పుకార్లు షికారు చేశాయి. అయితే అందులో నిజం కీర్తి తండ్రి తేల్చేశారు. ఇటీవల కీర్తి ఓ వ్యక్తితో చాలా క్లోజ్‌గా దిగిన ఫోటో నెట్టింట వైరల్‌ అయ్యింది. ఇద్దరు ఎల్లో కలర్‌ డ్రెస్‌లు వేసుకుని కనిపించారు. ఈ ఫోటో షేర్‌ చేస్తూ కీర్తి అతడికి బర్త్‌డే విషెస్‌ తెలిపింది. దాంతో అతడు ఆమె ప్రియుడు అనుకున్నారు. అతడు తన చిన్ననాటి స్నేహితుడని, అతడినే పెళ్లి చేసుకోబోతుందంటూ రూమర్స్ గుప్పుమన్నాయి. కానీ ఈ వార్తలపై కీర్తి స్పందించకపోవడం గమనార్హం.
Also Read: మాథియాస్‌తో ఫస్ట్‌డేట్‌ - దుబాయ్‌లో అమ్మేస్తాడేమో అని భయపెట్టారు, తాప్సీ కామెంట్స్