Chaitra Achar : నువ్వు హీరోయినా... సె*** వర్కరా? - హీరోయిన్కు మెసేజ్... ట్విస్ట్ ఏంటంటే?
Chaitra Achar Reaction : నువ్వు హీరోయినా... సె*** వర్కరా?... ఇదీ ఓ నటికి వచ్చిన అసభ్యకర మెసేజ్. దీనిపై తీవ్ర ఆగ్రహం వ్యక్తం చేసిన సదరు హీరోయిన్ పోలీసులకు ట్యాగ్ చేశారు.
Actress Chaitra Achar Strong Reaction About Abusive Messages : కన్నడ హీరోయిన్, సింగర్ చైత్ర జే ఆచార్కు ఆన్లైన్లో ఓ వ్యక్తి అసభ్యకర సందేశాలు పంపాడు. 'నువ్వు హీరోయిన్వా... సె*** వర్కర్వా?' అంటూ మెసేజ్ పంపడంపై తీవ్ర ఆగ్రహం వ్యక్తం చేసిన ఆమె పోలీసులకు ఫిర్యాదు చేశారు.
పోలీస్ యూనిఫాంలో?
పోలీస్ యూనిఫాంతో ప్రొఫైల్ ఫోటో ఉన్న ఓ వ్యక్తి చైత్రకు ఇలా అసభ్యకర మెసేజ్ పంపాడు. దీంతో ఆమె ఆ స్క్రీన్ షాట్స్ తీసి పంపిన వ్యక్తి ఫోటోతో పాటు ఇన్ స్టాలో షేర్ చేశారు. అంతే కాకుండా బెంగుళూరు పోలీసులకు ట్యాగ్ చేస్తూ... చర్యలు తీసుకోవాలని కోరారు. 'గౌరవనీయులైన బెంగుళూరు పోలీసులారా... ఈ వ్యక్తి మీ శాఖకు చెందిన వారిగా కనిపిస్తున్నారు. అతను అడిగిన అసభ్యకరమైన ప్రశ్నకు మీరు రియాక్ట్ కాగలరా?' అంటూ ఆమె తన పోస్ట్లో రాశారు.
అయితే, ఇది వైరల్ కావడంతో మెసేజ్ పంపిన సదరు వ్యక్తి ఆమెకు సారీ చెప్పినట్లు తెలుస్తోంది. ఆ కామెంట్స్ ఏదో పొరపాటున ఆందోళనతో పంపానని... తన కెరీర్కు నష్టం వాటిల్లే అవకాశం ఉందని పేర్కొంటూ ఆ పోస్ట్ తొలగించాలని కోరినట్లు సమాచారం. అతను సారీ చెప్పిన సందేశాన్ని కూడా చైత్ర షేర్ చేశారు. ఇలాంటి సందేశాలు పంపే ముందు గౌరవం, వృత్తి జీవితం గురించి ఆలోచించారా? అని ఆమె అడిగినట్లు తెలుస్తోంది. ఆన్ లైన్ వేధింపులు, ఇండస్ట్రీలో మహిళల పట్ల కొందరు ప్రవర్తిస్తున్న తీరుపై హీరోయిన్ ఆందోళన వ్యక్తం చేశారు.
Also Read : స్టన్నింగ్ లుక్లో రకుల్ - మూవీ ప్రమోషన్ విత్ వీకెండ్ గ్లామరస్ ట్రీట్
నెటిజన్ల ప్రశంసలు
ఎప్పుడూ సోషల్ మీడియాలో యాక్టివ్గా ఉంటూ తరచూ తన ఫోటోలను షేర్ చేస్తుంటారు చైత్ర ఆచార్. ఆన్ లైన్ వేధింపులను హీరోయిన్ ధైర్యంగా ఎదిరించడంపై నెటిజన్లు ప్రశంసలు కురిపిస్తున్నారు. అలా మెసేజెస్ పెట్టే వారికి ఇలానే బుద్ధి చెప్పాలని కామెంట్స్ చేస్తున్నారు. చైత్ర ఆచార్ నటిగానే కాకుండా సింగర్గానూ మంచి ఫాలోయింగ్ సంపాదించుకున్నారు.
కన్నడతో పాటు తెలుగు, తమిళ భాషల్లోనూ మూవీస్ చేస్తున్నారు. తెలుగులో ప్రభాస్ ఫౌజీ మూవీలో కీలకపాత్రలో నటిస్తున్నారు. అలాగే, స్ట్రాబెర్రీ, లైలాస్ స్వీట్ డ్రీమ్స్, తమిళ మూవీ 'మీసయ మురుక్కు 2' వంటి మూవీస్ చేస్తున్నారు. ఆమె ప్రధాన పాత్రలో నటించిన 'మై లార్డ్' మూవీ ఫిబ్రవరిలో ప్రేక్షకుల ముందుకు వచ్చి మంచి టాక్ సొంతం చేసుకుంది. ప్రస్తుతం ప్రముఖ ఓటీటీ అమెజాన్ ప్రైమ్ వీడియోలో స్ట్రీమింగ్ అవుతోంది.
Also Read : తెలుగు రాష్ట్రాల్లో సూర్య బాక్సాఫీస్ స్టామినా ఇంతేనా... వీరభద్రుడు ఓపెనింగ్ డే కలెక్షన్స్ ఎంతంటే?
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
