Kamal Haasan: రజనీకాంత్ 'జెలసీ' కామెంట్‌పై కమల్ హాసన్ రియాక్షన్... మాది పోటీయే

Kamal Haasan On Rajinikanth: జోసెఫ్ విజయ్ ముఖ్యమంత్రి కావడంపై తనకు అసూయ ఏమీ లేదని, ఒకవేళ కమల్ హాసన్ అయితే అసూయ పడేవాడినని రజనీకాంత్ అన్నారు. ఆ వ్యాఖ్యలపై కమల్ రియాక్ట్ అయ్యారు.

తమిళనాడు ముఖ్యమంత్రి విజయ్ అభినందన ప్రెస్‌మీట్‌లో తన గురించి రజనీకాంత్ చేసిన వ్యాఖ్యలపై కమల్ హాసన్ స్పందించారు.

Source : ABPLIVE AI

ఇప్పుడు తమిళనాడులో రాజకీయాలను, సినిమాలను వేరు చేసి చూడలేని పరిస్థితి. ఎందుకంటే... తమిళ చిత్రసీమలో యంగ్ స్టార్ హీరోల్లో ఒకరైన దళపతి విజయ్ (CM Joseph Vijay) సీఎం. ఆయన ముఖ్యమంత్రి కావడం సూపర్ స్టార్ రజనీకాంత్ (Rajinikanth)కి ఇష్టం లేదని, అందుకే అభినందించలేదని తమిళ నాట జోరుగా ప్రచారం మొదలైంది. విమర్శలకు ఫుల్ స్టాప్ పెట్టారు రజనీ. ఆ ప్రెస్ మీట్ (Rajinikanth Chennai Press Meet)లో కమల్ హాసన్ గురించి ఓ కామెంట్ చేశారు. దానికి లోకనాయకుడు కౌంటర్ ఇచ్చారు. 

రజనీతో పోటీ మాత్రమే ఉంది... అసూయ లేదు!
Kamal Haasan On Rajinikanth Political Comments: దళపతి జోసెఫ్ విజయ్ సీఎం కావడంపై తనకు ఎటువంటి అసూయ, ఈర్ష్య ద్వేషాలు లేవని... ఒకవేళ కమల్ హాసన్ ముఖ్యమంత్రి అయితే అసూయ చెందేవాడినని రజనీకాంత్ అన్నారు. ఆ మాట ఎందుకు చెప్పారంటే... కమల్‌ది, తనది ఒక తరం అని! వయసులో తన కంటే విజయ్ చాలా చిన్నవాడిని, తమ మధ్య జనరేషన్ గ్యాప్ ఉందని రజనీ పేర్కొన్నారు. ఆయన మాటలను కమల్ ముందు ఉంచింది తమిళ్ మీడియా.

'మీరు ముఖ్యమంత్రి అయితే అసూయ చెందేవాడిని అని రజనీకాంత్ అన్నారు. దానిపై మీ స్పందన ఏమిటి?' అని కమల్ హాసన్‌ను ప్రశ్నించారు. అప్పుడు కమల్ ''నాకు, రజనీకి మధ్య పోటీ మాత్రమే ఉంది. మా మధ్య జెలసీ లేదు. చిత్రసీమలో గానీ, ఇతర రంగాల్లో గానీ పరస్పరం గౌరవించుకునే మాలాంటి ఇద్దరు వ్యక్తులను మీరు చూడలేరు'' అని చెప్పారు.

'తమిళగ వెట్రి కళగం' (Tamizhaga Vetri Kazhagam) పార్టీని స్థాపించిన జోసెఫ్ విజయ్... తొలిసారి పోటీ చేసిన ఎన్నికల్లో భారీ విజయం సాధించి ముఖ్యమంత్రి అయ్యారు. కమల్ హాసన్ పార్టీ పెట్టారు గానీ విజయం సాధించలేదు. తర్వాత డీఎంకే మద్దతుతో రాజ్యసభ సభ్యుడు అయ్యారు.

🎬 “Rajinikanth and I are good competitors, but never jealous of each other,” says actor and MNM MP Kamal Haasan on his long-standing bond with the superstar.#KamalHaasan #Rajinikanth pic.twitter.com/Ugg1Wt1Gt2

— VARTA ( वार्ता ) (@varta24news) May 17, 2026

రజనీతో కమల్ హాసన్ సినిమా... ఒకటికి రెండు!
చిరకాల మిత్రులు కమల్ హాసన్, రజనీకాంత్ కలిసి రెండు సినిమాలు చేస్తున్నారు. ఓ సినిమాలో ఇద్దరూ నటిస్తున్నారు. నెల్సన్ దిలీప్ కుమార్ దర్శకత్వంలో ఆ సినిమా రూపొందుతోంది. హీరో ఎవరు? అంటూ KH x RK Reunion పేరుతో విడుదల చేసిన ప్రోమో వైరల్ అయ్యింది. మరొక సినిమాను కమల్ హాసన్ నిర్మిస్తుండగా... రజనీకాంత్ హీరోగా నటిస్తున్నారు. అదీ సంగతి.