Patas Praveen Marriage : ఘనంగా పటాస్ ప్రవీణ్ వివాహం - ఫైమా రియాక్షన్ వైరల్... పెళ్లి వీడియో షేర్ చేస్తూ...
Patas Praveen : జబర్దస్త్ ఫేం పటాస్ ప్రవీణ్ పెళ్లి పీటలెక్కారు. వంశితతో ఆయన వివాహం ఘనంగా జరిగింది. పలువురు బుల్లి తెర ప్రముఖులు కొత్త జంటకు విషెష్ తెలిపారు.
Faima Wishes To Patas Praveen Couple : జబర్దస్త్ కమెడియన్ పటాస్ ప్రవీణ్ వివాహం బంధంలో అడుగుపెట్టారు. ప్రముఖ నటి, డ్యాన్సర్ వంశితతో ఆయన వివాహం ఘనంగా జరిగింది. దీనికి సంబంధించిన ఫోటోలు, పెళ్లి వీడియో వైరల్ అవుతోంది. 'ఇక అన్నీ నువ్వే నాకు' అంటూ క్యాప్షన్ ఇచ్చారు ప్రవీణ్. రీసెంట్గానే వీరి ఎంగేజ్మెంట్ జరిగింది.
ఇరు కుటుంబాల పెద్దలు, బంధువులు, అత్యంత సన్నిహితుల మధ్య ఈ జంట వివాహ బంధంతో ఒక్కటయ్యారు. పెళ్లికి హాజరైన పలువురు బుల్లి తెర ప్రముఖులు నూతన జంటకు శుభాకాంక్షలు తెలిపారు. ప్రస్తుతం పెళ్లికి సంబంధించిన ఫోటోస్, వీడియోస్ వైరల్ అవుతున్నాయి. ప్రవీణ్ వంశితలది ప్రేమ వివాహం అని తెలుస్తోంది. ఇరు కుటుంబాల అంగీకారంతో వారు కొత్త జీవితంలోకి అడుగుపెట్టారు. వంశిత నటిగా, డ్యాన్సర్గా మంచి గుర్తింపు తెచ్చుకున్నారు. సోషల్ మీడియాలోనూ ఫ్యాన్ ఫాలోయింగ్ ఉంది.
View this post on Instagram
పెళ్లి వీడియో షేర్ చేసిన ఫైమా
అయితే, జబర్దస్త్లో ఫేమస్ అయిన ఫైమా మాత్రం పెళ్లికి హాజరు కాలేదు. ప్రవీణ్, ఫైమా కలిసి ఎన్నో స్కిట్స్ చేసి బెస్ట్ పెయిర్ అనిపించుకున్నారు. ప్రవీణ్, వంశితల పెళ్లి వీడియో షేర్ చేసిన పైమా... కొత్త జంటకు విషెష్ చెప్పింది. 'హ్యాపీ మ్యారీడ్ లైఫ్ రా ప్రవీణ్' అంటూ రాసుకొచ్చింది. అంతే కాకుండా వీడియో కాల్ చేసి మరీ విషెష్ తెలిపింది. ప్రస్తుతం ఈ వీడియో ట్రెండ్ అవుతోంది.
View this post on Instagram
Also Read : రియల్ లైఫ్ అమ్మ... రీల్ లైఫ్ యాక్షన్ - ఈ స్టార్ హీరోయిన్స్ డెడికేషన్ వేరే లెవల్
ఈటీవీ ప్లస్లో వచ్చిన పటాస్ షో ద్వారా ప్రవీణ్ పాపులర్ అయ్యారు. తనదైన కామెడీ టైమింగ్, డైలాగ్స్, స్కిట్స్తో తక్కువ కాలంలోనే మంచి ఫాలోయింగ్, ఫ్యాన్ బేస్ సంపాదించుకున్నారు. అదే ఫేమ్తో జబర్దస్త్లోనూ అడుగుపెట్టారు. అలా ఫైమాతో కలిసి స్కిట్స్ చేశారు. వీరిద్దరూ కలిసి స్కిట్స్ చేస్తే అది బిగ్ హిట్టే. ఆ తర్వాత శ్రీదేవి డ్రామా కంపెనీలోనూ స్కిట్స్ వేశారు. సొంతంగా యూట్యూబ్ ఛానల్ కూడా రన్ చేస్తూ... అప్పుడప్పుడూ సినిమాల్లో చిన్న చిన్న పాత్రలు చేస్తూ అలరిస్తున్నారు ప్రవీణ్.
జబర్దస్త్లో ప్రవీణ్, ఫైమా స్కిట్స్ ప్రేక్షకులను కడుపుబ్బా నవ్వించాయి. అయితే, వీరిద్దరూ రియల్గా కూడా ప్రేమలో ఉన్నారనే ప్రచారం సాగింది. పెళ్లి చేసుకుంటారనే రూమర్స్ కూడా వచ్చాయి. అయితే, ఏమైందో ఏమో కానీ ఇద్దరి మధ్య బ్రేకప్ అయ్యిందనే ప్రచారం సాగింది. బిగ్ బాస్ షో తర్వాత ఇద్దరూ ఎక్కడా కలిసి కనిపించలేదు. దీంతో బ్రేకప్ వార్తలకు బలం చేకూరింది. తాజాగా... ప్రవీణ్ వివాహ వీడియోను షేర్ చేసిన ఫైమా విషెష్ తెలిపింది.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
