Irumudi Glimpse: ఇరుముడి గ్లింప్స్ రివ్యూ... ఆ ఒక్క షాట్‌లో రవితేజ మాస్ టచ్ - డాటర్ సెంటిమెంట్ ఎక్కువ

Irumudi Glimpse Review: రవితేజ హీరోగా శివ నిర్వాణ దర్శకత్వం వహిస్తున్న 'ఇరుముడి' ఫస్ట్ గ్లింప్స్ విడుదలైంది. ఒక్కటంటే ఒక్క షాట్‌లో మాస్ టచ్ చూపించిన ఈ గ్లింప్స్‌ ఎలా ఉందంటే?

రవితేజ 'ఇరుముడి' ఫస్ట్ గ్లింప్స్ ఎలా ఉందో చూడండి

Source : https://www.youtube.com/watch?v=TaBNA7bv0K8

Ravi Teja Irumudi Glimpse News: మాస్ మహారాజా రవితేజ రెగ్యులర్ మాస్ యాక్షన్ సినిమాల నుంచి కాస్త పక్కకు జరిగి, హృదయాన్ని హత్తుకునే ఓ చక్కటి భావోద్వేగభరిత కథతో ప్రేక్షకుల ముందుకు రాబోతున్నారు. 'ఇరుముడి'తో మరోసారి తనలో ఫ్యామిలీ ఎమోషన్స్ బయటకు తీస్తున్నారు. శివ నిర్వాణ దర్శకత్వంలో తెరకెక్కుతున్న ఈ సినిమా గ్లింప్స్ తాజాగా విడుదలైంది. అది ఎలా ఉందో రివ్యూలో చూడండి.

ఒక్క షాట్‌లో మాస్ టచ్...
మందు మానేయడం కోసం దీక్ష!?
'ఇరుముడి' గ్లింప్స్ చూస్తుంటే... తండ్రీ కుమార్తె కథ ప్రధానాంశం అని అర్థం అవుతోంది. సాధారణ మధ్య తరగతి తండ్రి పాత్రలో రవితేజ చాలా సహజంగా కనిపించారు. నటనలోనూ సహజత్వం కనిపించింది. తన ప్రపంచం కూతురు అనుకుని ఆమె చుట్టూ తిరిగే తండ్రిగా ఆయన నటన అద్భుతంగా ఉంది. అయితే ఒక్కటంటే ఒక్క షాట్‌లో రవితేజ మాస్ టచ్ చూపించారు. కత్తితో పీక కోసే సన్నివేశంలో యాక్షన్ హీరోని బయటకు తీశారు.

కూతురి కోసం మందు మానేసిన తండ్రిగా రవితేజ కనిపించనున్నట్టు 'ఇరుముడి' గ్లింప్స్ చూస్తుంటే అర్థం అవుతోంది. అమ్మాయి అడగటంతో తాగుడు అలవాటుకు దూరంగా ఉండటం కోసం, క్రమశిక్షణతో కూడిన జీవితాన్ని అలవరచుకోవడం కోసం అయ్యప్ప దీక్ష తీసుకున్నట్టు తెలుస్తోంది. చిన్నారి కోరిక మేరకు అయ్యప్ప స్వామిమాల ధరించిన హీరో తర్వాత ఏం చేశాడనేది ఆసక్తికరం.

దర్శకుడు శివ నిర్వాణ తండ్రీకూతుళ్ల మధ్య సున్నితమైన భావోద్వేగాలను చాలా చక్కగా తెరకెక్కించారు. ఈ సినిమా కోసం రవితేజ తన ఇమేజ్‌ను పక్కన పెట్టి నటుడిగా ప్రేక్షకుల ముందుకు రాబోతున్నట్టు అర్థం అవుతోంది. రవితేజ కుమార్తె పాత్రలో నక్షత్ర నటించింది. గ్లింప్స్‌లో ఆ చిన్నారి నటన ముద్దు ముద్దుగా ఉంది.

Swamiye Saranam Ayyappa 🙏🏻

Presenting you all THE HEART OF IRUMUDI🖤#Irumudi Glimpse :)))https://t.co/vqvAXxgA0H

In cinemas from August 2026. pic.twitter.com/4ihG6LtKdJ

— Ravi Teja (@RaviTeja_offl) June 3, 2026

'ఇరుముడి' సినిమాకు జీవీ ప్రకాష్ కుమార్ సంగీతం అందిస్తున్నారు. విష్ణు శర్మ సినిమాటోగ్రాఫర్. మైత్రీ మూవీ మేకర్స్ పతాకంపై రవిశంకర్ యలమంచిలి, నవీన్ యెర్నేని నిర్మిస్తున్న ఈ సినిమాలో ప్రియా భవానీ శంకర్ హీరోయిన్. ఆగస్టులో సినిమాను విడుదల చేయడానికి సన్నాహాలు చేస్తున్నారు. తెలుగుతో పాటు తమిళంలోనూ సినిమా విడుదల కానుంది. తమిళ్ గ్లింప్స్ కూడా విడుదల చేశారు. వరుస ఫ్లాప్స్‌ తర్వాత రవితేజకు ఈ సినిమా సక్సెస్ అందిస్తుందని ఫ్యాన్స్‌ ఆశిస్తున్నారు.