Hey Balwanth Movie : 'హే భగవాన్' టైటిల్ మారింది - సుహాస్ మూవీకి సరికొత్తగా... అసలు రీజన్ ఏంటంటే?

Hey Bhagawan : యంగ్ హీరో సుహాస్, శివానీ నాగారం జంటగా నటించిన లేటెస్ట్ కామెడీ ఎంటర్టైనర్ 'హే భగవాన్' టైటిల్ మారింది. సెన్సార్ బోర్డు సూచనలతో టైటిల్ మార్చినట్లు మూవీ టీం తెలిపింది.

హే భగవాన్ టైటిల్ మారింది

Source : https://www.instagram.com/p/DUuiA3lAQbU/?hl=en&img_index=1

Suhas's Hey Bhagawan Title Changed As Hey Balwanth : రీసెంట్‌గా సెన్సార్ కాంట్రవర్సీస్ టాలీవుడ్ మూవీస్‍పై సైతం ఇంపాక్ట్ చూపిస్తున్నాయి. ఇటీవల కొన్ని మూవీ టైటిల్స్ లాస్ట్ మినిట్‌లో ఛేంజ్ అయిన సంగతి తెలిసిందే. సెన్సార్ ఇష్యూతో చిన్న సినిమా 'వానర' టైటిల్ కాస్త 'వనవీర'గా మారింది. రీసెంట్ రొమాంటిక్ డ్రామా 'కపుల్ ఫ్రెండ్లీ' టైటిల్ కూడా చేంజ్ చేయాలంటూ సెన్సార్ బోర్డు సూచించింది.

'ఫ్రెండ్లీ కపుల్' అంటూ టైటిల్ మార్చాలని సెన్సార్ బోర్డు టీంకు సూచించగా... దీనికి సుముఖత వ్యక్తం చేయకపోవడంతో మూవీకి 'A' సర్టిఫికెట్ ఇచ్చారు. తాజాగా, టాలీవుడ్ యంగ్ హీరో సుహాస్, శివానీ నాగారం జంటగా నటించిన మూవీ 'హే భగవాన్' టైటిల్ కూడా సెన్సార్ సూచనలతో మారింది.

కొత్త టైటిల్ ఇదే...

'హే భగవాన్' అనే టైటిల్‌ను పునః పరిశీలించాలని సెన్సార్ బోర్డు సూచించడంతో మూవీ టీం సరికొత్త టైటిల్ ఫిక్స్ చేసింది. రిలీజ్‌కు 4 రోజుల ముందు కొత్త టైటిల్ అనౌన్స్ చేసింది. 'హే భగవాన్' కాదని 'హే బల్వంత్' అంటూ సోషల్ మీడియా వేదికగా స్పెషల్ పోస్టర్ రిలీజ్ చేసింది. 'టైటిల్ చేంజ్‌డ్. కానీ ఎంటర్టైన్మెంట్ అన్ చేంజ్‌డ్' అంటూ రాసుకొచ్చింది. ప్రస్తుతం ఇది వైరల్ అవుతోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Trishul visionary studios (@trishulvisionarystudios)

నవ్వులు పూయించిన ట్రైలర్

తన తండ్రి చేస్తున్న బిజినెస్ ఏంటో తెలుసుకుని దాన్ని డెవలప్ చేసే కొడుకు రోల్‌లో సుహాస్ నవ్వులు పూయించారు. అసలు ఆ తండ్రి చేస్తున్న బిజినెస్ ఏంటి అనేదే మూవీ సస్పెన్స్. తన కొడుకు కోసం తండ్రి ఏం చేశాడు? హీరోయిన్ కోసం తాను చేసిన పనిని హీరో ఎందుకు వదిలేయాల్సి వచ్చింది? అనేది తెలియాలంటే సినిమా రిలీజ్ వరకూ ఆగాల్సిందే.

ఈ మూవీకి గోపి అచ్చర దర్శకత్వం వహించగా... సుహాస్ సరసన శివానీ నాగారం హీరోయిన్‌గా నటించారు. వీరితో పాటే సీనియర్ హీరో నరేష్, హర్షవర్దన్, యాంకర్ స్రవంతి, అజయ్ ఘోష్ తదితరులు కీలకపాత్రలు పోషించారు. త్రిశుల్ విజనరీ స్టూడియోస్ బ్యానర్‌పై బి.నరేంద్రరెడ్డి మూవీని నిర్మించారు. బన్నీ వాస్, వంశీ నందిపాటి సినిమాను రిలీజ్ చేయనున్నారు. ఈ నెల 20న మూవీ ప్రేక్షకుల ముందుకు రానుంది.

మరిన్ని చదవండి

'ఫౌజీ' షూటింగ్‌లో ప్రభాస్‌కు గాయం! - ఫ్యాన్స్ ఆందోళన... ఆ వార్తల్లో నిజమెంత?