He Man Telugu Trailer : హీ మ్యాన్ తెలుగు ట్రైలర్ - టాలీవుడ్ హీరో నిఖిల్ వాయిస్ ఓవర్... బిగ్ సర్ప్రైజ్ ఏంటో తెలుసా?
He Man Telugu Trailer Review : హాలీవుడ్ బ్లాక్ బస్టర్ హీ మ్యాన్ తెలుగు ట్రైలర్ వచ్చేసింది. ఇందులో హీరో పాత్రకు టాలీవుడ్ యంగ్ హీరో వాయిస్ ఓవర్ అందించారు.
He Man Telugu Trailer Released Voice Over By Nikhil Siddharth : హాలీవుడ్ బిగ్ బ్లాక్ బస్టర్ మూవీ 'హీ - మ్యాన్ అండ్ ది మాస్టర్స్ ఆఫ్ ది యూనివర్స్' ఇప్పుడు ఇండియన్ ఆడియన్స్ను అలరించేందుకు రెడీ అవుతోంది. ఇప్పటికే రిలీజైన ఇంగ్లీష్ ట్రైలర్ భారీ హైప్ క్రియేట్ చేస్తుండగా... లేటెస్ట్ తెలుగు ట్రైలర్ టాలీవుడ్ ఆడియన్స్కు బిగ్ సర్ప్రైజ్ ఇచ్చింది.
యంగ్ హీరో నిఖిల్ వాయిస్
తెలుగు వెర్షన్లో హీరో హీ - మ్యాన్ పాత్రకు యంగ్ హీరో నిఖిల్ సిద్ధార్థ తన వాయిస్ అందించారు. కార్తికేయ, కార్తికేయ 2, స్పై సినిమాలతో ఫుల్ క్రేజ్ సంపాదించుకున్న నిఖిల్ ఇప్పుడు ఈ ఐకానిక్ పాత్రకు డబ్బింగ్ చెప్పడం అభిమానుల్లో ఆసక్తిని పెంచుతోంది. ఇక విలన్ స్కెలెటర్ పాత్రకు ప్రముఖ నటుడు ఆదిత్య మీనన్ తన బేస్ వాయిస్ను అందించగా, డంకన్ పాత్రకు సీనియర్ నటుడు రావు రమేష్ వాయిస్ ఇవ్వడం విశేషం. ఈ పవర్ ఫుల్ తెలుగు వాయిస్ కాస్ట్ కారణంగా ‘ఎటెర్నియా’ ప్రపంచంలోని యాక్షన్, ఎమోషన్, ఫాంటసీ వంటి అంశాలు తెలుగు ప్రేక్షకులకు మరింత దగ్గరవనున్నాయి.
అమెజాన్ ఎంజీఎం స్టూడియోస్ నిర్మాణంలో, ట్రావిస్ నైట్ దర్శకత్వంలో తెరకెక్కుతున్న ఈ మూవీలోలో నికోలస్ గలిట్జైన్ ప్రిన్స్ ఆడమ్ / హీ-మ్యాన్గా నటిస్తుండగా, కమిలా మెండెస్ టీలా పాత్రలో కనిపించనున్నారు. అలాగే జారెడ్ లెటో స్కెలెటర్ పాత్రలో నటిస్తుండగా, మ్యాన్-అట్ - ఆర్మ్స్ పాత్రలో ఇడ్రిస్ ఎల్బా కనిపించనున్నారు.
Also Read : ఇండియాకు ఓపియం ఎలా వచ్చిందంటే? NTR Dragon Glimpseలో చూపించిన డ్రగ్ హిస్టరీ
అలిసన్ బ్రి, మొరెనా బక్కారిన్, క్రిస్టెన్ విగ్ తదితరులు కీలక పాత్రల్లో నటిస్తున్న 'హీ - మ్యాన్' ప్రపంచాన్ని కొత్త తరానికి గ్రాండ్గా పరిచయం చేయబోతోంది. ఈ చిత్రాన్ని సోనీ పిక్చర్స్ అంతర్జాతీయంగా విడుదల చేయనుంది. జూన్ 5న ఇంగ్లీష్తో పాటు హిందీ, తెలుగు, తమిళం, మలయాళం భాషల్లో భారతదేశంలో విడుదల కానుంది.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
