Ranveer Singh : రణవీర్కు బిగ్ రిలీఫ్ - బ్యాన్ ఎత్తేస్తూ అఫీషియల్ అనౌన్స్మెంట్
Ranveer Singh Reaction : బాలీవుడ్ హీరో రణవీర్ సింగ్పై బ్యాన్ ఎత్తేస్తూ FWCIE అఫీషియల్గా అనౌన్స్ చేసింది. రణవీర్ లీగల్ నోటీస్ పంపిన తర్వాత దీనిపై రియాక్ట్ అయ్యింది.
FWICE Revokes Ban On Ranveer Singh Over Don 3 Controversy : గత కొద్ది రోజులుగా బీ టౌన్లో డాన్ 3 కాంట్రవర్సీ కంటిన్యూ అవుతున్న సంగతి తెలిసిందే. తాజాగా బాలీవుడ్ లెజెండ్ రణవీర్ సింగ్పై విధించిన బ్యాన్ను 'ఫెడరేషన్ ఆఫ్ వెస్ట్రన్ ఇండియా సినీ ఎంప్లాయీస్' విత్ డ్రా చేసుకుంది. ఈ మేరకు సంస్థ అధ్యక్షుడు బీఎన్ తివారీ ఓ అనౌన్స్మెంట్ రిలీజ్ చేశారు. సినీ కార్మికుల సంఘాలు, నిర్మాతల మండలి రిక్వెస్ట్ మేరకు రణవీర్పై విధించిన ఆంక్షలను వెంటనే ఎత్తేస్తున్నట్లు తెలిపారు.
రణవీర్ లీగల్ నోటీసులు పంపిన తర్వాత ఈ నిర్ణయం తీసుకున్నారు. సమస్యను సామరస్యంగా పరిష్కరించుకోవాలని సూచించారు. FWICE చీఫ్ అడ్వైజర్, ఫిల్మ్ మేకర్ అశోక్ పండిట్ దీనిపై రియాక్ట్ అయ్యారు. నిషేధాన్ని ఉపసంహరించుకోవాలని రణవీర్ కోరారని... మూవీ టీంతో చర్చించి సమస్య పరిష్కరించుకోవాలని తాము రణవీర్కు విజ్ఞప్తి చేసినట్లు చెప్పారు. దీనిపై రణవీర్ నుంచి సానుకూల స్పందన వస్తుందని ఆశిస్తున్నట్లు చెప్పారు.
'ఆ హక్కు మాకు లేదు'
ఇండస్ట్రీలో ఎవరిపైనా నిషేధం విధించే హక్కు తమకు లేదని అశోక్ తెలిపారు. 'ఓ వ్యక్తితో కలిసి వర్క్ చెయ్యొద్దని సభ్యులకు సలహా మాత్రమే ఇవ్వగలం. ఎవరినీ వారి వృత్తి కంటిన్యూ చేయకుండా నిరోధించలేదు. రణవీర్ పంపిన నోటీసును లీగల్ టీం పరిశీలిస్తోంది. న్యాయ మార్గాల ద్వారా రియాక్ట్ అవుతాం. FWICE చర్చలకు సిద్ధంగా ఉంది. ఈ వివాదాన్ని పరిష్కరించుకోవడానికి రణవీర్ కూడా చర్చలో పాల్గొంటారని ఆశిస్తున్నాం.' అని అన్నారు.
Also Read : Ram Charan : రామ్ చరణ్ దేవాలయం - అర్జున్ థియేటర్ వద్ద చరణ్ విగ్రహంపై ట్రోలింగ్స్... సారీ చెప్పిన ఫ్యాన్స్
అసలేంటీ వివాదం?
బాలీవుడ్ నటుడు, దర్శక నిర్మాత పర్హాన్ అక్తర్ తెరకెక్కించాలనుకున్న డాన్ 3 నుంచి రణవీర్ మధ్యలో వైదొలగడం వివాదానికి కారణమైంది. షూటింగ్ ప్రారంభానికి కొద్ది రోజుల ముందే రణవీర్ తమకు చెప్పడంతో భారీ నష్టం వాటిల్లిందని చిత్ర నిర్మాణ సంస్థ ఎక్సెల్ ఎంటర్టైన్మెంట్ పేర్కొంది. అందుకు పరిహారంగా రూ.40 కోట్ల వరకూ చెల్లించాలని కోరినట్లు బీటౌన్ టాక్.
ఈ వివాదం FWICE వద్దకు చేరడంతో అతనికి సహాయ నిరాకరణ చేయాలని సంస్థ నిర్ణయించింది. దీనిపై రణవీర్ కోర్డును ఆశ్రయించడంతో FWICEకి లీగల్ నోటీసులు జారీ అయ్యాయి. తాజాగా రణవీర్పై బ్యాన్ ఎత్తేస్తూ నిర్ణయం తీసుకున్నారు. మరి ఈ వివాదానికి ఇకనైనా చెక్ పడుతుందో లేదో వెయిట్ చేయాల్సి ఉంది.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
