Funky Box Office Collection Day 1 : విశ్వక్ 'ఫంకీ' ఓపెనింగ్ డే కలెక్షన్స్ - మాస్ కా దాస్ కామెడీ ఎంటర్టైనర్ ఎంత కలెక్ట్ చేసిందంటే?

Funky Day 1 Collection : మాస్ కా దాస్ విశ్వక్ సేన్ లేటెస్ట్ కామెడీ ఎంటర్టైనర్ 'ఫంకీ' ఫస్ట్ డే డీసెంట్ కలెక్షన్స్ సాధించింది. అటు ఓవర్సీస్‌లోనూ తొలి రోజు మంచి కలెక్షన్స్ వచ్చాయి.

ఫంకీ ఫస్ట్ డే కలెక్షన్స్

Source : https://www.instagram.com/p/DUp4ThDgbT_/?hl=en

Vishwak Sen's Funky Movie Box Office Collection Day 1 : మాస్ కా దాస్ విశ్వక్ సేన్, 'జాతి రత్నాలు' ఫేం అనుదీప్ కాంబోలో వచ్చిన 'ఫంకీ' శుక్రవారం ప్రేక్షకుల ముందుకు వచ్చింది. ఈ మూవీకి మిక్స్‌డ్ టాక్ వచ్చినా ఫస్ట్ డే డీసెంట్ కలెక్షన్స్ సాధించింది. 

ఫస్ట్ డే కలెక్షన్స్ ఎంతంటే?

'ఫంకీ' ఫస్ట్ డే ఇండియావ్యాప్తంగా రూ.2.25 కోట్ల నెట్ కలెక్షన్స్ సాధించినట్లు ప్రముఖ ట్రేడ్ వెబ్‌సైట్ సాక్నిల్క్ వెల్లడించింది. ఇక వరల్డ్ వైడ్‌గా రూ.3.65 కోట్ల గ్రాస్ కలెక్షన్స్ సాధించినట్లు తెలుస్తోంది. అటు ఓవర్సీస్‌లో ప్రీమియర్స్, ఫస్ట్ డే కలిపి రూ.1.44 కోట్ల ($160K) కలెక్షన్స్ వచ్చినట్లు సమాచారం. మొత్తంగా ఫస్ట్ డే రూ.4 కోట్లకు పైగా కలెక్షన్స్ సాధించినట్లు తెలుస్తోంది.

వీకెండ్ కావడంతో రాబోయే మూడు రోజుల్లో మంచి కలెక్షన్స్ రావొచ్చని సినీ విశ్లేషకులు అంచనా వేస్తున్నారు. అటు, ప్రధాన నగరాల్లో ఫస్ట్ డే థియేటర్ ఆక్యుపెన్సీ బాగుంది. హైదరాబాద్, వరంగల్, విశాఖ, కాకినాడ, గుంటూరు ప్రాంతాల్లో మార్నింగ్ షోస్ 30 శాతం కంటే ఎక్కువ ఆక్యుపెన్సీ నమోదైంది.

ఈ మూవీలో విశ్వక్ సరసన కయాదు లోహర్ హీరోయిన్‌గా నటించారు. అలాగే, సీనియర్ హీరో నరేష్, సంపత్ రాజ్, మురళీధర్ గౌడ్, సంపత్ రాజ్, వీటీవీ గణేష్ తదితరులు కీలకపాత్రలు పోషించారు. స్టార్ డైరెక్టర్ హరీష్ శంకర్, ప్రొడ్యూసర్స్ దిల్ రాజ్, నాగవంశీ తదితరులు అతిథి పాత్రల్లో మెరిశారు. భీమ్స్ సిసిరోలియో మ్యూజిక్ అందించగా... అనుదీపై శైలి కామెడీ, విశ్వక్ యాక్టింగ్ యూత్‌ను బాగా ఆకట్టుకుంటోంది. 

స్టోరీ ఏంటంటే?

కోమల్ (విశ్వక్ సేన్) ఓ కొత్త డైరెక్టర్. మంచి ప్రొడక్షన్స్ అనే నిర్మాణ సంస్థలో ఛాన్స్ దక్కించుకుని రూ.4 కోట్లతో సినిమా తీస్తానని మాటిచ్చి రూ.40 కోట్లు ఖర్చు చేయిస్తాడు. అయినా మూవీ ఇంకా కంప్లీట్ కాదు. దీంతో నిర్మాత (నరేష్) స్ట్రెస్‌కు గురై ఆస్పత్రిలో చేరతాడు. ఈ విషయం తెలుసుకున్న నిర్మాత కుమార్తె చిత్ర (కయాదు లోహర్) మూవీ బాధ్యతల్ని తీసుకుంటుంది. కోమల్‌తో కోటి రూపాయల్లోనే మూవీని కంప్లీట్ చేయిస్తానని చెప్పి మరీ రంగంలోకి దిగుతుంది.

 అలా సినిమా చేస్తున్న క్రమంలోనే చిత్రతో లవ్‌లో పడతాడు కోమల్. మరి తన ప్రేమను కోమల్ చిత్రకు చెప్పాడా? చిత్ర అనుకున్నట్లుగానే బడ్జెట్ లోపే సినిమా తీయగలిగిందా? మూవీ కంప్లీట్ అయ్యే లోపు ఇద్దరి మధ్య ఏం జరిగింది? అనేది తెలియాలంటే మూవీ చూడాల్సిందే.

మరిన్ని చదవండి

'విష్ణు విన్యాసం'లో మొదలే మొదలే సాంగ్ - రొమాంటిక్ క్యూట్ లిరిక్స్ చూశారా...