Friday Box Office: టాలీవుడ్‌ను డామినేట్ చేసిన తమిళ్ హిట్... ఫిబ్రవరి 6న విడుదలైన మూవీ ఓపెనింగ్ డే కలెక్షన్స్ ఎలా ఉన్నాయంటే?

With Love Movie First Day Collection: ఫిబ్రవరి 6న అరడజనుకు పైగా సినిమాలు విడుదల అయ్యాయి. అందులో 'విత్ లవ్'కు కోటిన్నర వచ్చిందని ట్రేడ్ టాక్. మరి మిగతా సినిమాలకు ఓపెనింగ్ ఎలా ఉంది?

'విత్ లవ్'కు కోటిన్నర... మరి ఫిబ్రవరి 6న విడుదలైన మూవీస్ ఓపెనింగ్ ఎలా ఉందంటే?

Source : ABPLIVE AI

సూపర్ స్టార్ రజనీకాంత్ కుమార్తె సౌందర్య నిర్మించిన 'విత్ లవ్'ను తెలుగులోనూ విడుదల చేశారు. ఆ సినిమా కాకుండా తెలుగులో అరడజనుకు పైగా  సినిమాలు థియేటర్లలోకి వచ్చాయి. నవీన్ చంద్ర 'హానీ' నుంచి గుణశేఖర్ 'యుఫోరియా' వరకు ఫిబ్రవరి 6న అదృష్టాన్ని పరీక్షించుకున్నాయి. మరి, ఏ సినిమా కలెక్షన్ ఎంత? ఏ సినిమాకు ఓపెనింగ్ బావుంది? అనేది తెలుసుకోండి.

'విత్ లవ్'... తెలుగు, తమిళ భాషల్లో కోటిన్నర!
With Love Movie Box Office Collection Day 1: 'టూరిస్ట్ ఫ్యామిలీ' దర్శకుడు అభిషన్ జీవింత్, 'ఛాంపియన్' హీరోయిన్ అనస్వర రాజన్ జంటగా నటించిన సినిమా 'విత్ లవ్'. ఫిబ్రవరి 6న తెలుగు, తమిళ భాషల్లో విడుదల చేశారు. ఈ సినిమాకు మొదటి రోజు ఇండియాలో కోటిన్నర నెట్ కలెక్షన్ వచ్చింది. చిన్న సినిమాకు ఇది మంచి ఓపెనింగ్ అని చెప్పవచ్చు.

గుణశేఖర్ 'యుఫోరియా'... 'విత్ లవ్' కంటే తక్కువ!
Gunasekhar Euphoria Box Office Day 1 Collection: గుణశేఖర్ దర్శకత్వం వహించిన తాజా సినిమా 'యుఫోరియా'. 'ఒక్కడు' తర్వాత భూమిక చావ్లాతో ఆయన చేసిన చిత్రమిది. 'ధురంధర్' విజయం తర్వాత సారా అర్జున్ నటించిన సినిమా కావడంతో హిందీ ప్రేక్షకుల చూపు కూడా పడింది. ఓపెనింగ్ డే ఇండియాలో ఈ సినిమా 25 లక్షల నెట్ మాత్రమే కలెక్ట్ చేసింది. 

Barabar Premistha Movie Box Office Collection Day 1: ప్రముఖ బుల్లితెర నటుడు ప్రభాకర్ తనయుడు, 'యాటిట్యూడ్ స్టార్' చంద్రహాస్ సినిమా 'బారాబర్ ప్రేమిస్తా'కు కాంట్రవర్సీ కలిసి వచ్చిందని చెప్పాలి. ఇండియాలో ఈ సినిమాకు 27 లక్షల నెట్ వచ్చింది. గ్రాస్ 30 లక్షల కంటే ఎక్కువ ఉందని ట్రేడ్ వర్గాల ద్వారా తెలిసింది.

Naveen Chandra Honey Movie First Day Collection: నవీన్ చంద్ర హీరోగా కరుణ కుమార్ దర్శకత్వం వహించిన థ్రిల్లర్ సినిమా 'హానీ'కి ఇండియాలో మొదటి రోజు 10 లక్షల గ్రాస్ వచ్చింది. 

Amardeep Chowdary's Sumati Satakam Box Office Collection Day 1: అమర్ దీప్ చౌదరి హీరోగా నటించిన తాజా సినిమా 'సుమతి శతకం'. ఇండియాలో ఈ సినిమాకు ఓపెనింగ్ డే 5 లక్షల గ్రాస్ కలెక్షన్ వచ్చింది. 'శ్రీ చిదంబరం గారు' చిత్రానికి 10 లక్షల గ్రాస్ వచ్చింది. 'ఎర్ర చీర' అయితే మరీ దారుణం. ఆ చిత్రానికి కనీసం లక్ష రూపాయల నెట్ కూడా రాలేదు. 'లగ్గం' వంటి సినిమాలకు అయితే థియేటర్లకు ప్రేక్షకులు ఎవరూ రాలేదు.