Jabardasth Promo: రష్మీని ఆడుకున్న బుల్లెట్ భాస్కర్... శివాజీ పెద్ద ఆటగాడు అంటోన్న నూకరాజు

ప్రతి శుక్ర, శనివారం బుల్లితెర ప్రేక్షకులను కడుపుబ్బా నవ్విస్తున్న జబర్దస్త్ షో లేటెస్ట్ ప్రోమో వచ్చేసింది. ఈ వారం మరింత ఫన్ తో ఆకట్టుకోబోతోంది.

Jabardasth Latest Promo: దశాబ్దానికి పైగా తెలుగు బుల్లితెర ప్రేక్షకులను ఆకట్టుకున్న కామెడీ షో జబర్దస్త్. ప్రతివారం మాదిరిగానే ఈవారం మరింత కామెడీ పంచేందుకు రెడీ అవుతోంది. ఈవారం ఎపిసోడ్ కు సంబంధించిన ప్రోమో తాజా విడుదలై ప్రేక్షకులను కడుపుబ్బా నవ్విస్తోంది. ప్రోమో ప్రారంభం కాగానే, రాఘవ టీమ్ చేసిన స్కిట్ నవ్వుల్లో ముంచెత్తింది. “నేనో అమ్మాయిని ప్రేమించాను. తను మంచిది కాదని తెలిసింది. ఎలా వదిలించుకోవాలో తెలియట్లేదు” తోటి కమెడియన్ అనగానే, “సిన్సియర్ గా లవ్ చెయ్ తనే వదిలేస్తుంది” అని రాఘవ చెప్పడంతో అందరూ నవ్వుతారు. శాంతి, రాఘవ కలిసి చేసిన లవ్ ట్రాక్ కామెడీ అందరినీ భలే నవ్వించింది. 

శివాజీని పంచ్ తో కొట్టిన నూకరాజు

ఇక నూకరాజు మరోసారి ప్రపంచ యాత్రికుడిగా కామెడీతో అదరగొట్టాడు. “నమస్కారం సర్.. నేను ఎవరంటే?” అని నూకరాజు అనగానే, “ఆటగాడు, మామూలు ఆటగాడు కాదు” అని శివాజీ అంటారు. “నా కంటే మీరే పెద్ద ఆటగాడని బయట టాక్ ఉంది” అని నూకరాజు అనడంతో అందరూ నవ్వుతారు. “శివాజీకి ఒకే రోజు సినిమా షూటింగ్, జబర్దస్త్ షూటింగ్ ఉంటే, ఏ షూటింగ్ కు వెళ్తారు?” అని నూకరాజును అడగడంతో, “కచ్చింతగా జబర్దస్త్ షోకే వస్తారు. అక్కడైతే ఒక్కరే హీరోయిన్. ఇక్కడైతే షెడ్యూల్ కో హీరోయిన్. లయ గారు, లైల గారు, ఖుష్బూ గారు” అనడంతో పడీపడీ నవ్వుతారు.

భార్యలను విస్తరాకులతో పోల్చిన రామ్ ప్రసాద్ టీమ్

ఇక ఆటో రామ్ ప్రసాద్ టీమ్ ఫ్యాక్షనిస్టుల ఫస్ట్ నైట్ స్కిట్ అందరినీ నవ్వించింది. ముగ్గురు అన్నదమ్ములు ఫస్ట్ నైట్ సందర్భంగా భార్యలపై వేసిన పంచ్ లు పటాసు మాదిరిగా పేలాయి. రామ్ ప్రసాద్ తన భార్యను చూసి “విస్తరాకులో వడ్డించిన ఐటెమ్స్ లా ఉన్నావ్” అంటాడు. అప్పుడే “నేనెలా ఉన్నాను” అంటుంది శాంతి. “ఎవడో తినేసిన వదిలేసిన ఆకులా ఉన్నావు” అనడంతో అందరూ నవ్వుతారు. అటు మరో తమ్ముడి భార్య “నేను ఎలా ఉన్నాను?” అని అడగడంతో “అసలు నువ్వు ఆకులాగే లేవు” అని చెప్పడంతో ఫుల్ గా నవ్వుతారు. ఇమ్మాన్యుయేల్, ఢీ పండు ఉపేంద్ర గెటప్స్ లో ఫుల్ ఫన్ తో ఆకట్టుకున్నారు.ఇక కెవ్వు కార్తిక్ మాంత్రికుడి గెటప్ లో ఆకట్టుకున్నాడు.

రష్మీతో ఆడుకున్న బుల్లెట్ భాస్కర్

ఇక బుల్లెట్ భాస్కర్ చేసిన స్కిట్ అందరినీ ఫుల్ గా నవ్వించింది. ఖుష్బూ చందమామలా ఉందంటూ మాంచి బిస్కెట్ వేశాడు. భాస్కర్ పొగడ్తలకు ఆమె సంతోషంలో తేలిపోయారు. రష్మీ మీద భాస్కర్ వేసిన పంచులు బాగా నవ్వించాయి. కర్త, కర్మ, క్రియకు ఆమెను ఎగ్జాంఫుల్ గా చూపిస్తూ ఆటాడేసుకున్నారు. “ఇంత పెద్ద షోకు యాంకర్ చేస్తున్న రష్మి కర్త. 11 ఏండ్లుగా యాంకరింగ్ చేయడం క్రియ. ఇన్నేండ్లు మనం చూడటం మన కర్మ” అనడంతో అందరూ నవ్వుతారు. ఇక “ నేను కిటికీల జాకెట్ కుట్టించుకుంటా. ఎవరైనా డిజైనర్ ఉన్నారా?” అని సత్య అడగడంతో.. “వర్ష ఉంది” అంటాడు భాస్కర్. “తను కిటికీలు బాగా కుట్టిస్తదా?” అనడంతో “కిటికీలు కాదు పెద్ద తలుపులు పెట్టేస్తది” అనడంతో అందరూ నవ్వుతారు. ఈ షో ఫుల్ ఎపిసోడ్ ఈనెల 8, 9న రాత్రి 9.30 గంటలకు ఈటీవీలో ప్రసారం కానుంది.