Kotha Lokah Chapter 2 : 300 కోట్ల బ్లాక్ బస్టర్ 'కొత్త లోక చాప్టర్ 1' - సీక్వెల్‌పై అప్డేట్ వచ్చేసింది

Kotha Lokah Chapter 1 Sequel : గతేడాది 300 కోట్లకు పైగా వసూళ్లు సాధించిన మలయాళ బ్లాక్ బస్టర్ 'కొత్త లోక చాప్టర్ 1' సీక్వెల్‌పై డైరెక్టర్ డొమినిక్ అరుణ్ ఇంట్రెస్టింగ్ అప్డేట్ ఇచ్చారు.

కొత్త లోక సీక్వెల్‌పై క్రేజీ అప్డేట్

Source : https://www.instagram.com/p/DKmYnz3Sp2S/?hl=en&img_index=1

Director Dominic Arun Key Update On Kotha Lokah Chapter 2 : గతేడాది ఎలాంటి అంచనాలు లేకుండా ప్రేక్షకుల ముందుకు వచ్చి బిగ్ బ్లాక్ బస్టర్‌గా నిలిచింది 'కొత్త లోక చాప్టర్ 1'. మలయాళ బ్యూటీ కల్యాణి ప్రియదర్శన్ ప్రధాన పాత్రలో నటించిన ఈ సూపర్ ఫాంటసీ థ్రిల్లర్ బాక్సాఫీస్ వద్ద దాదాపు రూ.300 కోట్లకు పైగా కలెక్షన్స్ సాధించింది. 

సీక్వెల్‌పై క్లారిటీ

ఈ మూవీకి డొమినిక్ అరుణ్ దర్శకత్వం వహించగా... కల్యాణి  ప్రియదర్శన్‌తో పాటు 'ప్రేమలు' ఫేం నస్లెన్ ప్రధాన పాత్రలో నటించారు. అలాగే, దుల్కర్ సల్మాన్, టొవినో థామస్, షాబిన్ సౌహిర్ అతిథి పాత్రల్లో మెరిశారు. ఫస్ట్ పార్ట్ క్లైమాక్స్‌లోనే సీక్వెల్ చాప్టర్ 2పై క్లారిటీ ఇవ్వగా... తాజాగా డైరెక్టర్ డొమినిక్ కీలక అప్డేట్ ఇచ్చారు. ప్రస్తుతం 'కొత్త లోక చాప్టర్ 2' మూవీ పోస్ట్ ప్రొడక్షన్ పనులు సాగుతుండగా... మూవీ షూటింగ్ ఈ ఏడాది డిసెంబర్‌లో ప్రారంభం అవుతుందని తెలిపారు.

ఈ మూవీని దుల్కర్ తన సొంత నిర్మాణ సంస్థ 'వేఫెరర్ ఫిల్మ్స్' బ్యానర్‌పై దాదాపు రూ.30 కోట్ల బడ్జెట్‌తో నిర్మించారు. ఫస్ట్ పార్ట్‌లో దుల్కర్, టొవినో థామస్ అతిథి పాత్రల్లో మెరవగా సీక్వెల్‌లో పూర్తి స్థాయిలో కనిపించనున్నట్లు తెలుస్తోంది. ఫస్ట్ పార్ట్ క్లైమాక్స్‌లో సస్పెన్స్ క్రియేట్ చేయగా సీక్వెల్‌లో వీటికి ఆన్సర్ దొరికే ఛాన్స్ ఉంది. ఈ మూవీ సీక్వెల్ అప్డేట్ కోసం మూవీ లవర్స్ ఎంతగానో ఎదురుచూస్తున్నారు. త్వరలోనే మరిన్ని వివరాలు వెల్లడి కానున్నాయి. 

ఓటీటీలో స్ట్రీమింగ్

ప్రముఖ ఓటీటీ 'జియో హాట్ స్టార్'లో 'కొత్త లోక చాప్టర్ 1' స్ట్రీమింగ్ అవుతోంది. హీరోయిన్‌కు సూపర్ పవర్స్ ఉంటే ఏం జరుగుతుంది? అనేదే ప్రధానాంశంగా మూవీని తెరకెక్కించారు. స్టోరీ విషయానికొస్తే... చంద్ర (కల్యాణి ప్రియదర్శన్)కు సూపర్ పవర్స్ ఉన్న విషయం కొద్దిమందికి మాత్రమే తెలుసు. వాటితో ఆమె అన్నీ మంచి పనులు చేస్తుంటుంది. కొందరి ఆదేశాల మేరకు బెంగుళూరు వచ్చిన ఆమె రాత్రిపూట ఓ సాధారణ అమ్మాయిగా రెస్టారెంట్లో పని చేస్తుంటుంది. తనకు పవర్స్ ఉన్న విషయం ఎవరికీ తెలియకుండా జాగ్రత్త పడుతుంది.

ఇదే టైంలో చంద్ర ఇంటి ఎదురు అపార్ట్‌మెంట్లో ఉండే సన్నీ (నస్లెన్) తొలి చూపులోనే ఆమెను చూసి ఇష్టపడతాడు. ఆమె సాధారణ మనిషి కాదన్న విషయం తెలుసుకుని షాక్ అవుతాడు. అసలు చంద్ర ఎవరు? ఆమెకు సూపర్ పవర్స్ ఎలా వచ్చాయి? వందల ఏళ్లుగా ఆమె యవ్వనంగా ఎలా ఉంది? తన పవర్స్ మంచి కోసం వాడినా వచ్చిన ఇబ్బందులేంటి? అనేది తెలియాలంటే మూవీ చూడాల్సిందే. 

మరిన్ని చదవండి

'బాహుబలి' బాటలోనే 'RRR' - యానిమేటెడ్ మూవీ కన్ఫర్మ్ చేసిన రాజమౌళి