Dhee Show Pandu: పండు మాస్టర్కు యాక్సిడెంట్... విశాఖలో ఘోర రోడ్డు ప్రమాదంలో రెండు కాళ్ళకూ?
Dhee Pandu Master Accident: ఈటీవీలో ప్రసారమయ్యే డ్యాన్స్ రియాలిటీ షో 'ఢీ' ద్వారా తెలుగు ప్రేక్షకులకు సుపరిచితుడైన డ్యాన్సర్, కొరియోగ్రాఫర్ పండు మాస్టర్ ఘోర రోడ్డు ప్రమాదానికి గురయ్యారు.
ఈటీవీలో ప్రసారం అయ్యే డ్యాన్స్ రియాలిటీ షో 'ఢీ' (Dhee) చూసే వీక్షకులకు పండు మాస్టర్ (Pandu Master) తెలిసే ఉంటారు. ఆ షో ద్వారా ఆయన తెలుగు ప్రేక్షకులకు సుపరిచితులు అయ్యారు. పండు డాన్సర్ మాత్రమే కాదు... మూవీ కొరియోగ్రాఫర్ కూడా. ఆయన ఘోర రోడ్డు ప్రమాదానికి గురయ్యారు. విశాఖపట్నం జిల్లాలోని ఆనందపురం సమీపంలో ప్రమాదం చోటు చేసుకుంది. పూర్తి వివరాల్లోకి వెళితే...
ఈవెంట్ నుంచి తిరిగి వస్తుండగా...
కారు ప్రమాదంలో రెండు కాళ్ళకూ గాయాలు
తన టీమ్తో కలిసి విశాఖపట్నం జిల్లాలోని తగరపువలసలో జరిగిన అమ్మవారి ఉత్సవాల్లో పండు మాస్టర్ పెర్ఫార్మన్స్ ఇచ్చారు. డ్యాన్స్ ఈవెంట్లో పాల్గొని తిరిగి వస్తున్న సమయంలో ప్రమాదం జరిగింది. మంగళవారం ఈవెంట్ జరగ్గా... ఆ తర్వాత పండు టీమ్ రిటర్న్ అయ్యింది. రిటర్న్ జర్నీలో ప్రమాదం సంభవించింది.
పండు మాస్టర్ టీమ్లోని ఒక డ్యాన్సర్ స్వల్ప అస్వస్థతకు గురి అవ్వగా... అతని కోసం కారును రోడ్డు పక్కన ఆపారు. కారులో నుంచి కిందకు దిగిన పండు మాస్టర్, కారు వెనుక భాగంలో నిలబడి ఉన్నారు. సరిగ్గా ఆ సమయంలో వెనుక వేగంగా వచ్చిన ఒక కోళ్ల వ్యాన్ పండు మాస్టర్ను బలంగా ఢీ కొట్టింది. కోళ్ల వ్యాన్, కారుకు మధ్యలో పండు మాస్టర్ చిక్కుకున్నారని సమాచారం. ఈ ప్రమాదంలో ఆయన రెండు కాళ్లకు తీవ్రంగా గాయాలు అయ్యాయని తెలిసింది.
పండు మాస్టర్కు ప్రమాదం జరిగి విషయం తెలిసిన వెంటనే నైట్ బీట్ పోలీసులు ఆ ప్రాంతానికి చేరుకున్నారు. స్థానికులు, పండు టీమ్ సభ్యుల సహాయంతో ఆయనను హుటాహుటిన సమీపంలోని ప్రైవేటు ఆసుపత్రికి తరలించారు. ప్రస్తుతం వైద్యులు అత్యవసర చికిత్స అందిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. ప్రమాదానికి కారణమైన కోళ్ల వ్యాన్, కారును పోలీస్ స్టేషన్కు తరలించారు. కోళ్ల వ్యాన్ నడుపుతున్న డ్రైవర్ అతి వేగం వల్ల ఈ ప్రమాదం జరిగిందా? లేదా ఇతర కారణాలు ఉన్నాయా? అనే కోణంలో కూడా పోలీసులు విచారణ చేపట్టారు.
'ఢీ' షోతో పాటు పలు టీవీ కార్యక్రమాలలో పండు మాస్టర్ పార్టిసిపేట్ చేశారు. ఆ షోల ద్వారా వచ్చిన క్రేజ్ కారణంగా తెలుగు రాష్ట్రాల్లో తన టీమ్తో డ్యాన్స్ షోలు ఇవ్వడం ప్రారంభించారు. ఆయన త్వరగా కోలుకోవాలని సన్నిహితులు, సినీ ప్రముఖులు ఆకాంక్షిస్తున్నారు. పండు మాస్టర్ యాక్సిడెంట్ న్యూస్ టీవీ వర్గాల్లో వైరల్ అయ్యింది. దాంతో ఆయనకు ఎలా ఉందో తెలుసుకోవాలని ఆరా చేస్తున్నారు.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
