Couple Friendly Box Office Collection : 'కపుల్ ఫ్రెండ్లీ' ఫస్ట్ వీకెండ్ కలెక్షన్స్ - డార్లింగ్ మెచ్చిన రొమాంటిక్ కామెడీ డ్రామా ఎంత కలెక్ట్ చేసిందంటే?

Couple Friendly Collections : సంతోష్ శోభన్ లేటెస్ట్ రొమాంటిక్ కామెడీ డ్రామా 'కపుల్ ఫ్రెండ్లీ' ఫస్ట్ వీకెండ్ వరల్డ్ వైడ్‌గా మంచి కలెక్షన్స్ రాబట్టింది. మూవీ టీం అఫీషియల్ అనౌన్స్‌మెంట్ ఇచ్చింది.

కపుల్ ఫ్రెండ్లీ వీకెండ్ కలెక్షన్స్

Source : https://www.instagram.com/p/DUuhdYEgdjv/?hl=en

Santosh Shoban's Couple Friendly First Weekend Collection : చిన్న సినిమాగా వచ్చి పాన్ ఇండియా స్టార్ ప్రభాస్‌తోనే సూపర్ అనిపించుకున్న లేటెస్ట్ రొమాంటిక్ కామెడీ డ్రామా 'కపుల్ ఫ్రెండ్లీ'. సంతోష్ శోభన్, మానస వారణాసి జంటగా నటించిన ఈ మూవీ బాక్సాఫీస్ వద్ద మంచి కలెక్షన్స్ రాబడుతోంది.

ఫస్ట్ వీకెండ్ కలెక్షన్స్

వాలెంటైన్స్ డే సందర్భంగా 14న ప్రేక్షకుల ముందుకు వచ్చిన ఈ మూవీ ఫస్ట్ డే మంచి ఓపెనింగ్స్ సాధించింది. తొలి రోజు రూ.1.89 కోట్ల గ్రాస్ కలెక్షన్స్ సాధించగా... రెండో రోజు రూ.2.07 కోట్ల గ్రాస్ వసూళ్లు సాధించింది. ఇక మొత్తంగా ఫస్ట్ వీకెండ్ వరల్డ్ వైడ్‌గా రూ.3.96 కోట్ల గ్రాస్ కలెక్షన్స్ సాధించినట్లు మూవీ టీం వెల్లడించింది. ఈ మేరకు స్పెషల్ పోస్టర్ రిలీజ్ చేసింది. ఇండియాలో ఫస్ట్ డే రూ.75 లక్షల నెట్ కలెక్షన్స్ వచ్చినట్లు ట్రేడ్ వర్గాలు తెలిపాయి. యూత్ ఆడియన్స్ ఎక్కువగా మూవీకి ఫిదా అవుతున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by UV Creations (@uvcreationsofficial)

ఈ మూవీలో సంతోష్ శోభన్ సరసన మానస వారణాసి హీరోయిన్‌గా నటించారు. అలాగే, హీరో తండ్రిగా గోపరాజు రమణ, హీరోయిన్ తండ్రిగా రాజీవ్ కనకాల నటించారు. యోగిబాబు కీలక పాత్ర పోషించారు. అశ్విన్ చంద్రశేఖర్ దర్శకత్వం వహించగా... ఆదిత్య రవిచంద్రన్ మ్యూజిక్ అందించారు. యువీ క్రియేషన్స్ బ్యానర్‌పై మూవీని నిర్మించారు.

స్టోరీ ఏంటంటే?

నెల్లూరుకు చెందిన యువకుడు శివ (సంతోష్ శోభన్) ఇంటీరియర్ డిజైనింగ్ నేర్చుకుని ఉద్యోగావకాశాల కోసం చెన్నై వస్తాడు. అలా ఏళ్లు గడిచినా సరైన ఛాన్స్ రాకపోవడంతో పార్ట్ టైం బైక్ రైడర్‌గా వర్క్ చేస్తూ జీవితాన్ని నెట్టుకొస్తుంటాడు. ఈ జర్నీలోనే అనుకోకుండా మిత్ర (మానసా వారణాసి)తో పరిచయం ఏర్పడుతుంది. ఆమెది కూడా సరిగ్గా శివలాంటి కథే. ఐటీ జాబ్ సాధించాలన్న కలతో సిటీకి వస్తుంది. ఓ వైపు జాబ్ రాక మరోవైపు ఇంట్లో పెళ్లి చేసేస్తారన్న భయంతో జాబ్ వచ్చిందని అబద్ధం చెప్పి చెన్నైలోనే గడిపేస్తుంటుంది.

అలా వీరిద్దరూ ఒకే చోటుకు చేరతారు. పెళ్లి కాక ముందే ఒకే ఇంట్లో కలిసి జీవించాల్సి వస్తుంది. ఆ తర్వాత ఏమైంది? వీరి విషయం ఇంట్లో తెలిసిందా? మిత్ర వచ్చాక శివ జీవితం ఎలా మారింది? వారిద్దరి మధ్య పుట్టిన లవ్ ఎలాంటి మలుపులు తిరిగింది? అనేది తెలియాలంటే మూవీ చూడాల్సిందే.

మరిన్ని చదవండి

హీరోయిన్ త్రిష ఫైర్ - సారీ చెప్పిన బీజేపీ లీడర్... విజయ్‌పై విమర్శల కాంట్రవర్సీకి చెక్ పడేనా!