Mana Shankara Varaprasad Garu Records : 'మన శంకర వరప్రసాద్ గారు' మరో రికార్డ్ - 50 డేస్ ఇన్ 109 సెంటర్స్

MSVPG Records : చిరంజీవి మన శంకర వరప్రసాద్ గారు సరికొత్త రికార్డు క్రియేట్ చేసింది. బాక్సాఫీస్ వద్ద అత్యధిక కలెక్షన్స్ సాధించడమే కాకుండా 109 సెంటర్లలో 50 రోజులకు పైగా పూర్తి చేసుకుంది.

మన శంకర వరప్రసాద్ గారు సరికొత్త రికార్డు

Source : https://www.instagram.com/p/DUFUwtoiEHk/?hl=en

Chiranjeevi's MSVPG Completes New Record In 109 Centers : అప్పట్లో ఏదైనా సినిమా హిట్ అయితే '100 డేస్ 300 సెంటర్స్ పక్కా' అనే కామెంట్స్ వినిపించేవి. ప్రస్తుతం ఓటీటీ ట్రెండ్‌లో మూవీ హిట్ అయినా థియేట్రికల్ రన్ నెల రోజులకు మించి ఉండడం లేదు. అలాంటి రికార్డును బ్రేక్ చేసింది మెగాస్టార్ సంక్రాంతి బ్లాక్ బస్టర్ 'మన శంకర వరప్రసాద్ గారు'. బాక్సాఫీస్‌కు మళ్లీ రికార్డులతో నింపేసింది. ఇప్పటికే హిస్టరీ క్రియేట్ చేసిన మూవీ తాజాగా మరో సెన్సేషన్ క్రియేట్ చేసింది.

50 డేస్ ఇన్ 109 సెంటర్స్ 

మెగాస్టార్ చిరంజీవి హీరోగా స్టార్ డైరెక్టర్ అనిల్ రావిపూడి కాంబోలో సంక్రాంతికి వచ్చిన 'మన శంకర వరప్రసాద్ గారు' 109 సెంటర్లలో 50 రోజులకు పైగా పూర్తి చేసుకుంది. మెగాస్టార్ మరోసారి మాస్ ఫ్యామిలీ ఎంటర్టైనర్లలో కింగ్ అని నిరూపించుకున్నారు. వరల్డ్ వైడ్‌గా దాదాపు రూ.400 కోట్లకు పైగా కలెక్షన్లతో దూసుకెళ్తూ సరికొత్త రికార్డులు సృష్టించింది. రీసెంట్ రిలీజెస్‌లో ఎవరూ సాధించలేని అసాధారణమైన మైలురాయిని అధిగమించింది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shine Screens (@shinescreenscinema)

ఓటీటీలోనూ...

మరోవైపు, ఓటీటీలోనూ 'మన శంకర వరప్రసాద్ గారు' అదరగొడుతోంది. ప్రస్తుతం 'ZEE5'లో స్ట్రీమింగ్ అవుతుండగా... అన్నీ భాషల్లోనూ నెంబర్ వన్ ప్లేస్‌లో నిలిచింది. ఓటీటీలోనే బిగ్గెస్ట్ హిట్‌గా అవతరించింది. ఓటీటీలోకి వచ్చినా తెలుగు రాష్ట్రాల్లోని థియేటర్లలోనూ మంచి ఆక్యుపెన్సీ కంటిన్యూ చేస్తోంది. ఫలితంగా 109 సెంటర్లలో 50 డేస్ రికార్డు క్రియేట్ చేసింది. 

రీసెంట్‌గా వచ్చిన మూవీస్‌లో అత్యంత ఎక్కువ కలెక్షన్స్ సాధించిన ప్రాంతీయ చిత్రంగా నిలిచింది. అటు ఓవర్సీస్‌లోనూ అంతే స్థాయిలో రెస్పాన్స్ అందుకుంది. నార్త్ అమెరికాలో దాదాపు $3.5 మిలియన్స్ వసూళ్లు సాధించింది. బుక్ మై షోలో 3.8 మిలియన్లకు పైగా టికెస్ట్ సేల్ అయ్యాయి. ఓ రీజనల్ ఫిల్మ్‌కు ఇదే అత్యధికం.

ఈ మూవీలో చిరు సరసన నయనతార హీరోయిన్‌గా నటించారు. విక్టరీ వెంకటేశ్ స్పెషల్ రోల్‌లో మెరిశారు. వీరితో పాటే హర్షవర్ధన్, కేథరిన్ ట్రెసా, జరీనా వహాబ్, అభినవ్ గోమటం, శరత్ సక్సేనా తదితరులు కీలకపాత్రలు పోషించారు. షైన్ స్క్రీన్స్, గోల్డ్ బాక్స్ ఎంటర్టైన్మెంట్స్ బ్యానర్స్‌పై సుస్మిత కొణిదెల, సాహు గారపాటి నిర్మించారు. భీమ్స్ సిసిరోలియో మ్యూజిక్ అందించారు. మీసాల పిల్ల దగ్గర నుంచి శశిరేఖ సాంగ్ వరకూ అన్నీ పాటలు ఇప్పటికీ ట్రెండ్ అవుతూనే ఉన్నాయి.

మూవీలో మాస్, కామెడీ, ఎమోషన్ అంశాలకు ఫ్యామిలీ ఆడియన్స్ కనెక్ట్ అయ్యారు. అనిల్ రావిపూడి తనదైన మార్క్ డైరెక్షన్‌తో పాటు ఫుల్ ఎంటర్టైన్మెంట్ అందించారు. ఈ సంక్రాంతికి మెగా అభిమానులకు ఓ ఫుల్ ట్రీట్ అందించారు.

మరిన్ని చదవండి

మహేశ్ వారణాసి నెక్స్ట్ షెడ్యూల్ ఫిక్స్ - ప్రియాంక చోప్రా హింట్