Chevella Bus Accident : చేవెళ్ల బస్ యాక్సిడెంట్ - బాలకృష్ణ 'NBK111', నాగ చైతన్య 'NC24' మూవీ అప్డేట్స్ వాయిదా

NBK111 Movie Update : రంగారెడ్డి జిల్లా చేవెళ్లలో సోమవారం ఘోర ప్రమాదం ఎంతో విషాదాన్ని నింపింది. ఈ క్రమంలో సినీ పరిశ్రమ తీవ్ర దిగ్భ్రాంతి వ్యక్తం చేశారు. పలు మూవీ అప్డేట్స్ వాయిదా పడ్డాయి.

మూవీ అప్డేట్స్ వాయిదా

Source : https://x.com/ursniresh/status/1984942509186011534/photo/1

NBK111 Movie Update Postponed Due To Chevella Accident : గాడ్ ఆఫ్ మాసెస్ బాలకృష్ణ, డైరెక్టర్ గోపీచంద్ కాంబో హిస్టారికల్ యాక్షన్ డ్రామా 'NBK111'. ఇప్పటికే ఈ మూవీ షూటింగ్ ప్రారంభం కాగా... సోమవారం హీరోయిన్ వివరాలు వెల్లడించేందుకు టీం ప్లాన్ చేసింది. అయితే, రంగారెడ్డి జిల్లా చేవెళ్ల మండలం మీర్జాగూడ సమీపంలో జరిగిన ఘోర రోడ్డు ప్రమాదంలో పదుల సంఖ్యలో మృతి చెందిన సంగతి తెలిసిందే. అందుకే ఈ అప్డేట్‌ను వాయిదా వేసినట్లు చిత్ర నిర్మాణ సంస్థ ప్రకటించింది. బాధిత కుటుంబాలకు ప్రగాఢ సానుభూతి తెలియజేశారు.

In view of the heartbreaking incident near Chevella, the announcement planned for today at 12:01 PM is being held back.

Team #NBK111 extends its deepest sympathies and prayers to the families affected 🙏🏻

— Vriddhi Cinemas (@vriddhicinemas) November 3, 2025

నయనతార హీరోయిన్?

ఈ మూవీలో నయనతారను హీరోయిన్‌గా ఎంపిక చేసినట్లు తెలుస్తోంది. ఇండస్ట్రీలో బాలయ్య, నయన్‌లది హిట్ కాంబో. బాపు దర్శకత్వంలో వచ్చిన 'శ్రీరామరాజ్యం' మూవీలో నయనతార నటించారు. ఇందులో సీతారాములుగా బాలయ్య, నయనతార కనిపించారు. ఇక, ఆ తర్వాత 'సింహా' సినిమాలోనూ కనిపించారు. తమిళ దర్శకడు కేఎస్ రవికుమార్ తీసిన 'జై  సింహా'లోనూ ఇద్దరూ కలిసి నటించి హ్యాట్రిక్ హిట్ అందుకున్నారు. ఇప్పుడు నాలుగోసారి జత కట్టబోతున్నట్లు తెలుస్తోంది. ఇప్పటివరకూ కమర్షియల్, మైథాలజీ, యాక్షన్ మూవీస్ తీసిన ఈ జంట ఇప్పుడు హిస్టారికల్ బ్యాక్ డ్రాప్‌లో నటించబోతున్నారు.

ఇక బాలయ్య, గోపీచంద్ మలినేని కాంబోలో వచ్చిన 'వీరసింహారెడ్డి' బాక్సాఫీస్ వద్ద బిగ్గెస్ట్ హిట్‌గా నిలిచింది. ఇప్పుడు మళ్లీ అదే జోష్‌, డిఫరెంట్ కాన్సెప్ట్‌తో మూవీ రాబోతోంది. 'NBK111' ప్రాజెక్టును వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. త్వరలోనే అన్నీ అప్డేట్స్ రానున్నాయి.

'NC24' మూవీ అప్డేట్ కూడా...

ఇక టాలీవుడ్ యంగ్ హీరో నాగచైతన్య, విరూపాక్ష ఫేం కార్తీక్ దండు దర్శకత్వంలో డివోషనల్ టచ్ థ్రిల్లర్ రాబోతోన్న  సంగతి తెలిసిందే. ఈ మూవీలో హీరోయిన్ మీనాక్షి చౌదరి ఫస్ట్ లుక్ రివీల్‌ను మూవీ టీం రేపటికి వాయిదా వేసింది. 'చేవెళ్ల ప్రమాదంలో మృతుల కుటుంబాలకు ప్రగాఢ సానుభూతి తెలియజేస్తున్నాం.' అని పేర్కొంది. 

Team #NC24 stands in solidarity with the families affected by the unfortunate incident in Chevella.

Wishing strength, recovery, and peace to all. 🙏 pic.twitter.com/UZcPi35Wiq

— NC24 (@Nc24chronicles) November 3, 2025

నాగచైతన్య మూవీలో హీరోయిన్‌గా స్టార్ హీరోయిన్ మీనాక్షి చౌదరి నటిస్తున్నారు. చై ట్రెజర్ హంట్ రోల్‌లో నటిస్తుంటే... హీరోయిన్ మీనాక్షి ఆర్కియాలజిస్ట్ రోల్‌లో కనిపించనున్నారు. ఇప్పటికే మూవీ షూటింగ్ శరవేగంగా సాగుతుండగా... 'వృషకర్మ' అనే టైటిల్ ఫిక్స్ చేసినట్లు తెలుస్తోంది. ఈ చిత్రాన్ని బీవీఎస్ఎన్ ప్రసాద్ ప్రొడ్యూస్ చేస్తున్నారు. 

మరిన్ని చదవండి

ఆ రింగ్ వెరీ ఇంపార్టెంట్ - రష్మిక ఎంత సిగ్గు పడిపోయిందో తెలుసా?