Anupama Parameswaran Dating Rumours With Dhruv Vikram : గత కొంతకాలంగా హీరో హీరోయిన్ల మధ్య డేటింగ్ రూమర్స్పై విపరీతంగా ప్రచారం సాగుతున్న సంగతి తెలిసిందే. తాజాగా మలయాళ బ్యూటీ అనుపమ పరమేశ్వరన్, కోలీవుడ్ స్టార్ విక్రమ్ కుమారుడు ధ్రువ్ విక్రమ్తో డేటింగ్ రూమర్స్ హల్చల్ చేస్తున్నాయి.
గతేడాది అనుపమ వరుస సినిమాలతో అలరించింది. బైసన్, కిష్కింధపురి, పరదా చిత్రాలతో అలరించగా... బైసన్లో ధ్రువ్ విక్రమ్ హీరోగా నటించాడు. వీరిద్దరూ జంటగా నటించిన మూవీ తమిళంలో మంచి విజయం సాధించింది. అయితే, అంతకు ముందు నుంచే వీరిద్దరూ డేటింగ్లో ఉన్నారనే ప్రచారం మొదలైంది. ఒకరి స్పాటిఫై లిస్ట్ షేర్ చేసుకోవడం, సెల్ఫీలు బయటకు రావడంతో ఈ రూమర్స్కు మరింత బూస్ట్ ఇచ్చాయి.
ధ్రువ్ సెల్ఫీ విత్ అనుపమ
తాజాగా ఓ అవార్డ్ ఫంక్షన్లో అనుపమతో ధ్రువ్ విక్రమ్ క్యూట్ సెల్పీ దిగడం... దీన్ని తన ఇన్ స్టాలో షేర్ చేయగా అనుపమ లవ్ సింబల్ ఎమోజీతో రియాక్ట్ కావడంతో వీరిద్దరి మధ్య డేటింగ్లో ఉన్నారంటూ నెటిజన్స్ కన్ఫర్మ్ చేసేశారు. ముంబైలో జరిగిన 'టీహెచ్ఆర్ ఇండియాస్ ది ఆనర్స్' అవార్డ్స్ ఫంక్షన్లో బైసన్ టీం హాజరైంది. ఈ వేడుకలో తమ టీం అవార్డ్స్ గెలుచుకోవడంతో ఆ ఫోటోలను ఇన్ స్టా వేదికగా షేర్ చేశారు. అందులోనే ఈ సెల్ఫీ కూడా ఉంది.
'అర్ధరాత్రి ఆయనకే కాల్ చేస్తా!'
రీసెంట్గా చెన్నైలో జరిగిన 'జేఎఫ్డబ్ల్యూ అవార్డ్స్' ఫంక్షన్లోనూ అనుపమ, ధ్రువ్ జంట స్పెషల్ అట్రాక్షన్గా నిలిచింది. స్టేజ్పై అనుపమకు ధ్రువ్ బర్త్ డే విషెష్ చెప్పగా ఆమె తెగ సిగ్గు పడిపోయింది. ఈ వీడియో నెట్టింట వైరల్గా మారింది. అంతకు ముందు అనుపమను 'రాత్రి 2 గంటలకు కాల్ చేయాల్సి వస్తే ఎవరికి చేస్తారు?' అని అడిగితే... 'నేను బహుశా ధ్రువ్కే కాల్ చేస్తాను' అంటూ ఆన్సర్ చెప్పారు.
సమ్థింగ్ సమ్థింగ్
దీంతో నెటిజన్లు వీరిద్దరి మధ్య 'సమ్ థింగ్ సమ్ థింగ్' ఉందంటూ కన్ఫర్మ్స్ చేసేస్తున్నారు. 'ఇక్కడ ఏం జరుగుతుందో మనందరికీ తెలిసిందే' అంటూ ఒక యూజర్ కామెంట్ చేయగా... అనుపమ, ధ్రువ్ నైస్ కపుల్ అంటూ మరో యూజర్ కామెంట్ చేశాడు. మరి ఈ డేటింగ్ రూమర్స్పై అటు అనుపమ కానీ ఇటు ధ్రువ్ విక్రమ్ కానీ ఎప్పుడూ రియాక్ట్ కాలేదు.
Also Read : తలైవా రజనీ కాంత్ విత్ కమల్ హాసన్ - బిగ్గెస్ట్ మూవీ నుంచి ప్రోమో ఎప్పుడంటే?
సినిమాల విషయానికొస్తే... గతేడాది వరుస సినిమాలతో అలరించిన అనుపమ... రీసెంట్గా తన బర్త్ డే సందర్భంగా ఆర్జే షాన్ దర్శకత్వంలో పాన్ ఇండియా సైకలాజికల్ థ్రిల్లర్ మూవీ అనౌన్స్ చేశారు. అలాగే, క్రేజీ కల్యాణం అనే మూవీలోనూ నటించనున్నారు. ఇక ధ్రువ్ విక్రమ్ గతేడాది బైసన్తో తమిళంలో హిట్ కొట్టాడు. ఇప్పుడు డైరెక్ట్గా టాలీవుడ్ ఎంట్రీ ఇచ్చేందుకు సిద్ధం అవుతున్నట్లు తెలుస్తోంది. మైత్రీ మూవీ మేకర్స్ ఈ మూవీని నిర్మిస్తుండగా... దీపక్ రెడ్డి దర్శకత్వం వహించనున్నట్లు సమాచారం.