Allu Sirish Nayanika Wedding : వివాహ బంధంతో ఒక్కటైన అల్లు శిరీష్, నయనిక - సినీ, రాజకీయ ప్రముఖులు హాజరు

Allu Sirish Wedding : యంగ్ హీరో అల్లు శిరీష్, నయనికలు వివాహ బంధంతో ఒక్కటయ్యారు. హైదరాబాద్ కొల్లూరులోని అయినా ఈవెంట్ స్పేస్‌లో వీరి పెళ్లి ఘనంగా జరిగింది.

అల్లు శిరీష్ నయనికల వెడ్డింగ్

Source : ABP Desam

Allu Sirish Nayanika Reddy Wedding : టాలీవుడ్ యంగ్ హీరో అల్లు శిరీష్, నయనికలు వివాహ బంధంలోకి అడుగుపెట్టారు. హైదరాబాద్‌లోని కొల్లూరు అయినా ఈవెంట్ స్పేస్‌లో శుక్రవారం రాత్రి 9:18 గంటలకు శిరీష్ తన ప్రేయసి మెడలో మూడు ముళ్లు వేశారు. కుటుంబ సభ్యులు, అతి కొద్ది మంది అతిథుల సమక్షంలో వీరి వేడుక ఘనంగా జరిగింది. 

వీరి పెళ్లి వేడుకకు తెలంగాణ సీఎం రేవంత్ సహా ఏపీ డిప్యూటీ సీఎం పవన్ కల్యాణ్ దంపతులు, ఏపీ మంత్రి నారా లోకేశ్, తెలంగాణ మంత్రి కోమటిరెడ్డి వెంకటరెడ్డి, మెగాస్టార్ చిరంజీవితో పాటు రామ్ చరణ్, ఇతర కుటుంబ సభ్యులు, వెంకటేశ్, కల్యాణ్ రామ్, సూర్య, రాశీ ఖన్నాతో పాటు ఇతర సినీ రాజకీయ ప్రముఖులు హాజరై నూతన వధూవరులను ఆశీర్వదించారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.

సోషల్ మీడియా వేదికగా కొత్త జంటకు అభిమానులతో పాటు నెటిజన్లు విషెష్ చెబుతున్నారు. మరోవైపు, అల్లు అర్జున్, స్నేహారెడ్డిల పెళ్లి వార్షికోత్సవం కూడా మార్చి 6నే కావడంతో ఇద్దరు సోదరులకు కలిపి విషెష్ చెప్పారు. 

రామ్ చరణ్ ట్వీట్

కొత్త దంపతులకు గ్లోబల్ స్టార్ రామ్ చరణ్ స్పెషల్ విషెష్ చెప్పారు. మెగాస్టార్ చిరంజీవి, తన భార్య ఉపాసనతో కలిసి పెళ్లి వేడుకకు హాజరైన ఆయన నూతన దంపతులను ఆశీర్వదించారు. 'అల్లు శిరీష్, నయనిక జంటను చూస్తుంటే చాలా సంతోషంగా ఉంది. నయనికతో అద్భుతమైన కొత్త ప్రయాణాన్ని ప్రారంభించినందుకు శిరీష్‌కు అభినందనలు. మీ వైవాహిక జీవితం ఇద్దరికీ అంతులేని ప్రేమ, ఆనందం, ఆశీర్వాదాలు ఎల్లప్పుడూ ఉండాలి.' అంటూ ట్వీట్ చేశారు. కొత్త దంపతులతో దిగిన ఫోటోను షేర్ చేశారు.

టాలీవుడ్ యంగ్ హీరో నితిన్ భార్య షాలినికి నయనిక బెస్ట్ ఫ్రెండ్. నితిన్ పెళ్లి తర్వాత ఇచ్చిన ఓ పార్టీలో అల్లు శిరీష్, నయనికలు పరిచయం అయ్యారు. ఆ తర్వాత అది ప్రేమగా మారి... ఇరు కుటుంబాల పెద్దల అంగీకారంతో వివాహం బంధంలోకి అడుగుపెట్టారు.

So happy to see @AlluSirish begin this wonderful new journey with #Nayanika

Wishing the both of you endless happiness, love and a blessed married life ❤️

Congratulations ✨ pic.twitter.com/2FYRvGcNXX

— Ram Charan (@AlwaysRamCharan) March 6, 2026

మరిన్ని చదవండి

పెళ్లికి రెడీ అవుతోన్న బెల్లంకొండ శ్రీనివాస్? - అమ్మాయి ఎవరో తెలుసా?