మెగా కుటుంబం నుంచి మరొక నిర్మాత వస్తున్నారు. అదీ మహిళా నిర్మాత! మెగా ఫ్యామిలీ నుంచి సుష్మితా కొణిదెల, నిహారిక నిర్మాణ రంగంలో ఉన్నారు. ఇప్పుడు వాళ్ళ కజిన్ విద్యా మాధురి కూడా నిర్మాణంలో అడుగుపెట్టారు. ఈ రోజు ఆమె ఒక నిర్మాతగా కొత్త సినిమా మొదలైంది.
 
స్వర్గీయ అల్లు రామలింగయ్యకు విద్యా మాధురి స్వయానా మనవరాలు. మెగాస్టార్ చిరంజీవి సతీమణి సురేఖకు అక్క కుమార్తె. కొణిదెల ప్రొడక్షన్స్‌లో కొన్ని రోజులు నిర్మాణ పనులు పర్యవేక్షించారు. ఇప్పుడు మేనకోడలు అయిన విద్యా మాధురిని (Producer Vidhya Madhuri) నిర్మాతగా పరిచయం చేస్తూ... అల్లు అరవింద్ కొత్త సినిమా స్టార్ట్ చేశారు. 


అల్లు అరవింద్ సమర్పణలో 'బన్నీ' వాస్, విద్య మాధురి నిర్మాత‌లుగా... జీఏ 2 పిక్చర్స్ సంస్థలో ప్రొడక్షన్ నెంబర్ 8 ఈ రోజు హైద‌రాబాద్ ఫిల్మ్ న‌గ‌ర్ దైవ‌ స‌న్నిధానంలో పూజా కార్యక్రమాలతో ప్రారంభం అయ్యింది. 'బన్నీ' వాస్ కుమార్తె బేబీ హన్విక క్లాప్ కొట్టారు. 'జోహార్', 'అర్జున ఫల్గుణ' చిత్రాలు తీసిన తేజా మార్ని ఈ చిత్రానికి దర్శకుడు. ఇందులో శ్రీకాంత్, వరలక్ష్మి శరత్ కుమార్, రాహుల్ విజయ్, శివానీ రాజశేఖర్ ప్రధాన తారాగణం. 


Also Read : పోలీసులకు కంప్లైంట్ చేసిన పవిత్రా లోకేష్


కంటెంట్ బేస్డ్ చిత్రమిదని, కథే ప్రధానంగా సినిమా తెరకెక్కిస్తున్నామని నిర్మాత 'బన్నీ' వాస్ తెలిపారు. మురళీ శర్మ, బెనర్జీ, పవన్ తేజ్ కొణిదెల తదితరులు నటిస్తున్న ఈ చిత్రానికి సంగీతం: శక్తికాంత్ కార్తీక్, సహ నిర్మాత‌: భాను ప్ర‌తాప్, సినిమాటోగ్రాఫర్: జగదీష్ చీకటి. 


Also Read : పవన్ కళ్యాణ్‌కు పది కోట్లు ఎక్కువ ఇవ్వడానికి ముందుకు వచ్చిన నిర్మాతలు