Akhil Akkineni's Lenin Teaser Review : అక్కినేని యంగ్ హీరో అఖిల్ అక్కినేని, భాగ్యశ్రీ బోర్సే ప్రధాన పాత్రల్లో నటించిన రూరల్ బ్యాక్డ్రాప్ యాక్షన్ ఎంటర్టైనర్ 'లెనిన్' నుంచి బిగ్ సర్ప్రైజ్ వచ్చేసింది. నాగార్జున ఇండస్ట్రీకి వచ్చి ఈ రోజుతో 40 ఏళ్లు కంప్లీట్ అయిన సందర్భంగా మేకర్స్ టీజర్ రిలీజ్ చేశారు. నాకు సర్ప్రైజ్ ఇచ్చాడంటూ నాగ్ ఈ టీజర్ షేర్ చేశారు.
టీజర్ ఎలా ఉందంటే?
చిత్తూరు, రాయలసీమ బ్యాక్ డ్రాప్తో మూవీ సాగనున్నట్లు తెలుస్తుండగా... ఆర్గనైజర్గా లెనిన్ పాత్రలో అఖిల్ నటించారు. భారతి పాత్రలో భాగ్యశ్రీ కనిపించారు. ఫేమస్ ఎన్టీఆర్ డైలాగ్తో ప్రారంభమైన టీజర్... హీరో హీరోయిన్ల మధ్య లవ్ ట్రాక్, మధ్యలో కాస్త మాస్ యాక్షన్తో అదిరిపోయింది. టీజర్లో స్టోరీపై క్లారిటీ రాకపోయినా... సీమ నేపథ్యంలో సాగే యాక్షన్ డ్రామా అని తెలుస్తోంది. 'నేను తప్పిపోయి రాలేదు... మీ అందరినీ వెతుక్కుంటూ వచ్చా.' అంటూ అఖిల్ చెప్పే డైలాగ్స్ హైప్ క్రియేట్ చేస్తున్నాయి.
Also Read : నాగార్జునకు వెరీ వెరీ స్పెషల్ - ఫస్ట్ సినిమా విక్రమ్, ANR లాస్ట్ మూవీ మనం ఇవాలే రిలీజ్
ఈ మూవీకి మురళీ కిశోర్ అబ్బూరు దర్శకత్వం వహించగా... అఖిల్, భాగ్యశ్రీలతో పాటు బ్రహ్మాజీ, శివాజీ, గెటప్ శ్రీను, రంగస్థలం మహేశ్ తదితరులు కీలకపాత్రలు పోషించారు. అన్నపూర్ణ స్టూడియోస్ సమర్పణలో మనం ఎంటర్ప్రైజెస్ ఎల్ఎల్పీ, సితార ఎంటర్టైన్మెంట్స్ సంస్థలపై నాగార్జున, సూర్యదేవర నాగవంశీ నిర్మిస్తున్నారు. తమన్ మ్యూజిక్ అందిస్తుండగా... ఇప్పటికే రిలీజైన సాంగ్స్ ట్రెండ్ అవుతున్నాయి. జూన్ 26న సినిమా ప్రేక్షకుల ముందుకు రానుంది.