Lenin Live Updates: లెనిన్ లైవ్ అప్డేట్స్... స్పాయిలర్స్ లేకుండా అఖిల్ అక్కినేని సినిమాలో ఏం జరుగుతుందో తెలుసుకోండి

Lenin FDFS Release Live Updates: అఖిల్ అక్కినేని, భాగ్యశ్రీ బోర్సే జంటగా నటించిన సినిమా 'లెనిన్'. స్పాయిలర్స్ లేకుండా సినిమాలో సీన్ టు సీన్ ఏం జరిగిందో తెలుసుకోండి.

'లెనిన్' సినిమా ఫస్ట్ డే ఫస్ట్ షో లైవ్ అప్డేట్స్

Source : https://www.instagram.com/annapurnastudios/

Akhil Akkineni Lenin Movie First Day First Show Live Updates: అఖిల్ అక్కినేని కథానాయకుడిగా నటించిన తాజా సినిమా 'లెనిన్'. అక్కినేని నాగార్జున, సూర్యదేవర నాగ వంశీ నిర్మించారు. భాగ్యశ్రీ బోర్సే హీరోయిన్. మురళీకిషోర్ అబ్బూరు దర్శకత్వం వహించారు. ఈ రోజు (జూలై 10న) థియేటర్లలో విడుదలైంది. స్పాయిలర్స్ లేకుండా సినిమా లైవ్ అప్డేట్స్ తెలుసుకోండి. 

• హైదరాబాద్ ప్రసాద్స్ మల్టీప్లెక్స్‌లో 'లెనిన్' షో మొదలైంది. రన్ టైమ్ 2 గంటల 39 నిమిషాలు.
• మ్యాన్ ఆఫ్ మాసెస్ ఎన్టీఆర్ వాయిస్ ఓవర్‌తో 'లెనిన్' సినిమా ప్రారంభమైంది. శ్రీరామాపురం ఊరి పద్ధతులు, సంప్రదాయాలు వివరించారు.
• రామాయణంలో, మహాభారతంలో పాత్రలతో తమ ఊరిలో ప్రజలను వర్ణిస్తూ... ప్రధాన పాత్రలను పరిచయం చేశారు అఖిల్. పల్లెటూరి పాత్రలో మాస్ ఎంట్రీ ఇచ్చారు.
• జాతర నేపథ్యంలో మొదటి పాట 'రావణ సందనాల' తెరకెక్కించారు.
• జాతరలో హీరో హీరోయిన్ల మధ్య పరిచయం జరిగింది. భారతి పాత్రలో భాగ్యశ్రీ బోర్సే ఎంట్రీ ఇచ్చారు. జాతర నేపథ్యంలో సన్నివేశాలు వస్తున్నాయి.
• అఖిల్, భాగ్యశ్రీపై ఎట్టా ఎట్టా పాటను మాస్ ఆడియన్స్ మెచ్చేలా తెరకెక్కించారు.
• పాట తర్వాత బస్ ఫైట్, ఆ తర్వాత కథలో కీలకమైన ఒక ట్విస్ట్ రివీల్ చేశారు. జాతర నేపథ్యంలో సన్నివేశాలు ఆసక్తికరంగా సాగుతున్నాయి.
• సినిమాలో మూడో పాట వారెవ్వా...ను అందంగా చిత్రీకరించారు. కథలో డ్రామాటిక్ సీన్స్ వస్తున్నాయి. మరో మలుపు చోటు చేసుకుంది.
• ఇంటర్వెల్ యాక్షన్ సీక్వెన్సులో ఎమోషన్ కూడా ఉంది. అఖిల్ అదరగొట్టారు. గూస్ బంప్స్ తెప్పించేలా తమన్ బ్యాగ్రౌండ్ స్కోర్ చేశారు. బండి చక్రంతో ఎగిరే సీన్ అయితే సూపర్ అంతే.
• ఎవరూ ఊహించని షాక్ ఇచ్చారు దర్శకుడు. ఇంటర్వెల్ బ్యాంగ్ మైండ్ బ్లాక్ అయ్యేలా చేశారు. సెకండాఫ్ మీద మరింత క్యూసియారిటీ క్రియేట్ చేశారు. ఇంటర్వెల్ వరకు ఒకెత్తు, తర్వాత మరో ఎత్తు అనేలా అంచనాలు పెంచింది.
• ఇంటర్వెల్ తర్వాత మళ్లీ సినిమా మొదలైంది. కథలో ఒక్కో చిక్కుముడి విప్పుతూ ముందుకు వెళుతున్నారు దర్శకుడు.
• లెనిన్ తన వాళ్ళపై ఎటాక్ ఎవరు చేశారో తెలుసుకునే పనిలో ఉన్నాడు. మరో వైపు కుటుంబ నేపథ్యంలో సన్నివేశాలు వస్తున్నాయి. మళ్లీ లెనిన్, అతని మనుషులపై ఎటాక్ ప్లాన్ చేశారు.
• కథలో మరో ట్విస్ట్... ఎవ్వరూ ఊహించని మరొక షాక్ ఇచ్చారు దర్శకుడు. ఒక్కొక్కరి రంగు మెల్లగా బయట పడుతోంది.
• లెనిన్ కి అసలు నిజం తెలిసింది. తమన్ సంగీతంలోని రకసికరా పాట నేపథ్యంలో వినిపించింది. గూస్ బంప్స్ వచ్చేలా... జాతర నేపథ్యంలో బ్యాగ్రౌండ్ స్కోర్ ఇచ్చారు తమన్.
• తన అనుకున్నవాళ్ళు చేసిన పనులు తెలిసి లెనిన్ గుండె బద్దలైంది. కథ కొత్త మలుపు తీసుకుంది. క్లైమాక్స్ వైపు వెళుతోంది.
• క్లైమాక్స్ కంటే ముందు షాకింగ్ ట్విస్ట్ ఇచ్చారు. ట్విస్ట్ తర్వాత భారీ యాక్షన్ సీక్వెన్స్... విలన్స్ అందరినీ ఒక్క గూటి కిందకు చేర్చాడు లెనిన్.
• క్లైమాక్స్ కంప్లీట్ అయ్యింది. డిటైల్డ్ రివ్యూ కోసం  ఏబీపీ దేశం ఫాలో అవ్వండి.