Komalee Prasad Tamil Debut Movie Pooja Ceremony : 'హిట్ 2', శశివదనే చిత్రాలతో తనకంటూ ఓ గుర్తింపు తెచ్చుకున్నారు హీరోయిన్ కోమలీ ప్రసాద్. ఆమె తాజాగా తమిళంలోకి ఎంట్రీ ఇస్తున్నారు. కోమలీ ప్రధాన పాత్రలో పవర్ ఫుల్ ఫీమేల్ ఓరియెంటెడ్ సూపర్ నేచరల్ క్రైమ్ థ్రిల్లర్‌‌గా 'మండవెట్టి' రూపొందుతోంది. కోలీవుడ్‌లో 'మండ‌వెట్టి' సినిమాను ప్రారంభించ‌టం త‌మ‌కెంతో గర్వంగా ఉంద‌ని చెప్పారు కోమలి.

పూజా కార్యక్రమాలతో ప్రారంభం

'వెల్ల కుదిర' వంటి సెన్సిబుల్‌, సైక‌లాజిక‌ల్ మూవీని రూపొందించి ప్రేక్ష‌కుల‌తో పాటు విమ‌ర్శ‌కుల ప్ర‌శంస‌లు అందుకున్న డైరెక్ట‌ర్ శ‌ర‌ణ్‌రాజ్ సెంథిల్ కుమార్ ఈ సినిమాను తెర‌కెక్కిస్తున్నారు. రొటీన్‌కు భిన్నంగా, భావోద్వేగాలు ప్ర‌ధానంగా 'మండ‌వెట్టి'ని రూపొందిస్తున్నారు. ట‌స్క‌ర్స్ డెన్ పిక్చ‌ర్స్ బ్యాన‌ర్‌పై మూవీ రూపొందుతోంది. గురువారం మూవీ టీం లాంఛనంగా పూజా కార్యక్రమాలు పూర్తి చేసి షూటింగ్ ప్రారంభించింది. ప్రస్తుతం తమిళనాడులోని మదురై జిల్లా ఉసిలంపట్టి ప్రాంతంలో షూటింగ్ జరుగుతోంది. 

మూవీలో కోమలీ ప్రసాద్‌తో పాటు తేన‌ప్ప‌న్‌, గ‌జ‌రాజ్‌, అమృత స‌హాయ‌క పాత్ర‌ల్లో క‌నిపించ‌నున్నారు. వీరి న‌ట‌న క‌థ‌లోని ఎమోష‌న్స్‌కు మ‌రింత బాల‌న్ని తీసుకురానున్నాయి.

Also Read : 'వేల్పారి'లో మల్టీ సారర్స్ - శంకర్ డ్రీమ్ ప్రాజెక్టులో సూపర్ కాంబో... అప్పుడు మిస్ అయినా...

ఎవరూ ఎక్స్ పెక్ట్ చేయని రోల్

కోమలీ ప్రసాద్ కెరీర్‌లో ఈ తమిళ సినిమా ఒక కీలకమైన అడుగు. ప్రారంభం నుంచే ప్రేక్ష‌కుల‌ను మెప్పించేలా భావోద్వేగాలు ఉన్న పాత్రలకే ఆమె ఎక్కువగా ప్రాధాన్యం ఇస్తూ వచ్చారు. ఇప్పటివరకు ఆమె తెలుగు ఆడియెన్స్‌ను నెపోలియన్, రౌడీ బాయ్స్, సెబాస్టియన్ P.C. 524, హిట్ – సెకండ్ కేస్, హిట్ – థర్డ్ కేస్, శశివదనే చిత్రాల‌తో ఆక‌ట్టుకున్నారు. అలాగే డిజిటల్ మాధ్య‌మాల్లోనూ లూజర్ (ZEE5), మోడర్న్ లవ్ 

గ్లామ‌ర్‌తో పాటు న‌ట‌నకు స్కోప్ ఉన్న పాత్ర‌ల‌తో ఆక‌ట్టుకునేలా ఉంటుంది. 'మండ‌వెట్టి' త‌మిళ సినిమాతో కోమ‌లి తమిళ సినీ ప‌రిశ్ర‌మ‌లోకి పవర్ ఫుల్ రోల్‌తో ఎంట్రీ ఇస్తుండడం హైప్ క్రియేట్ చేస్తోంది. క‌థ‌లోని పాత్ర‌లు, వాతావ‌ర‌ణం ఓ బ‌ల‌మైన మ‌హిళా ప్ర‌ధాన‌మైన సినిమా కోణాన్ని ఆవిష్క‌రిస్తున్నాయి. త్వ‌ర‌లోనే ఈ సినిమాకు సంబంధించిన మ‌రిన్ని వివ‌రాల‌ను తెలియ‌జేస్తామ‌ని మేక‌ర్స్ పేర్కొన్నారు.