తెలుగు, తమిళ, కన్నడ ప్రేక్షకులకు సుపరిచితుడైన ప్రముఖ స్టార్ హీరో, యాక్షన్ కింగ్ అర్జున్ (Arjun Sarja) ఇంట విషాదం చోటు చేసుకుంది. ఆయన తల్లి లక్ష్మీ దేవమ్మ (Arjun Sarja Mother Dies At 85) ఈ రోజు కన్నుమూశారు. ఆమె వయసు 85 సంవత్సరాలు.
లక్ష్మీ దేవమ్మ (Arjun Sarja Mother Lakshmi Devi) విద్యావంతురాలు. కర్ణాటకలోని మైసూర్ లో స్కూల్ టీచర్ గా కొన్ని రోజులు పని చేశారు. ఆమెకు ఇద్దరు కుమారులు, ఓ కుమార్తె. కుమారులలో ఒకరు అర్జున్. లక్ష్మీ దేవమ్మ మనవరాలు, మనవళ్లు కూడా చిత్ర పరిశ్రమలో హీరో హీరోయిన్లుగా సినిమాలు చేస్తున్నారు.
అర్జున్ కుమార్తె ఐశ్వర్య కథానాయికగా సినిమాలు చేస్తున్నారు. ఆమెను తెలుగు తెరకు పరిచయం చేస్తూ... విశ్వక్ సేన్ కథానాయకుడిగా అర్జున్ స్వీయ దర్శకత్వంలో ఇటీవల ఒక సినిమా మొదలైంది. అర్జున్ మేనల్లుడు ధృవ్ సర్జా కన్నడ హీరో. మరో మేనల్లుడు చిరంజీవి కొంత కాలం క్రితం గుండెపోటు కారణంగా మృతి చెందారు.
Also Read : మహేష్ బాబుతో విజయ్ సేతుపతి - ఆగస్టు నుంచి
ప్రస్తుతం లక్ష్మీ దేవమ్మ పార్థీవ దేహం బెంగళూరు అపోలో ఆసుపత్రిలో ఉంది.
Also Read : క్వారంటైన్ అంత సరదాగా ఏమీ ఉండదు - కరోనా తగ్గిన తర్వాత వరలక్ష్మీ ఫస్ట్ వీడియో