Aamir Khan Gauri Spratt Is Officially Married : బాలీవుడ్ స్టార్ ఆమిర్ ఖాన్ తన ప్రియురాలు గౌరీ స్ప్రాట్ను ఆదివారం వివాహం చేసుకున్నారు. 61 ఏళ్ల వయసులో ముచ్చటగా మూడో పెళ్లి చేసుకున్నారు. ముంబయి బాంద్రాలోని నివాసంలో కుటుంబ సభ్యులు, అత్యంత సన్నిహితుల మధ్య రిజిస్టర్ వివాహం చేసుకున్నారు. మధ్యాహ్నం 12:45 గంటలకు మ్యారేజ్ పేపర్స్పై సంతకాలు చేశారు. ఆమిర్ కుమారుడు జునైద్ ఖాన్, కూతురు ఐరా ఖాన్లు ఈ వేడుకకు హాజరయ్యారు. ప్రస్తుతం పెళ్లి ఫోటో వైరల్ అవుతోంది.
గతేడాది, తన 60 బర్త్ డే సందర్భంగా ప్రియురాలు గౌరీ స్ప్రాట్ను పరిచయం చేశారు. అంతకు ముందు రెండేళ్ల నుంచి తాము డేటింగ్లో ఉన్నామని వెల్లడించారు. గౌరీకి ఇది రెండో వివాహం. బెంగుళూరుకు చెందిన గౌరీ స్ప్రాట్... వెల్నెస్ అండ్ బ్యూటీ రంగంలో వర్క్ చేస్తున్నారు. ముంబయిలో ఫేమస్ సెలూన్ యజమాని రీటా స్ప్రాట్ కుమార్తె గౌరీ. లండన్లోని 'యూనివర్సిటీ ఆఫ్ ఆర్ట్స్' నుంచి ఫ్యాషన్ రంగంలో విద్య అభ్యసించి... ది బ్లెంట్ సెలూన్ నెట్వర్క్ నిర్వహిస్తున్నారు.
ఆమిర్ ఖాన్ మొదటి భార్య రీనా దత్తా. 1986లో వీరి వివాహం జరగ్గా... 2002లో పరస్పర అంగీకారంతో డివోర్స్ తీసుకున్నారు. వీరికి జునైద్ ఖాన్, ఐరా ఖాన్ ఇద్దరు పిల్లలు. ఆ తర్వాత 2005లో కిరణ్ రావును రెండో వివాహం చేసుకున్నారు. 2021లో విడాకులు ప్రకటించారు. వీరికి ఆజాద్ రావు అనే కుమారుడు ఉన్నాడు. ఇప్పుడు 61 ఏళ్ల వయసులో ముచ్చటగా మూడో పెళ్లి చేసుకున్నారు. పలువురు బాలీవుడ్ ప్రముఖులు, ఫ్యాన్స్ న్యూ కపుల్కు విషెష్ చెబుతున్నారు.
Also Read : Fauzi First Review : ఫౌజీ ఫుటేజ్ చూశా - అది వేరే స్పాన్... ప్రభాస్ మూవీపై నాగవంశీ రివ్యూ