Aishwarya Rai : కేన్స్ ఫెస్టివల్లో ఐశ్వర్యా రాయ్ - ట్రెండీ లుక్... డ్రెస్ స్పెషాలిటీస్ ఏంటో తెలుసా!
Aiswarya Rai Cannes Festival : ప్రతీసారి లానే ఈసారి కూడా కేన్స్ ఫిల్మ్ ఫెస్టివల్లో బాలీవుడ్ హీరోయిన్, విశ్వ సుందరి ఐశ్వర్యా రాయ్ మెరిశారు. రెడ్ కార్పెట్ స్పెషల్ డిజైన్ డ్రెస్ ఆమె లుక్ వైరల్ అవుతోంది.
Bollywood Actress Aishwarya Rai At 79th Cannes Film Festival : విశ్వ సుందరి, బాలీవుడ్ హీరోయిన్ ఐశ్వర్యా రాయ్ కేన్స్ ఫిల్మ్ ఫెస్టివల్లో మెరిశారు. ప్రతీ సారీ ఆమె స్పెషల్ లుక్తో సెంటరాఫ్ అట్రాక్షన్గా నిలుస్తుంటారు. ఈసారి ఫెస్టివల్కు అటెండ్ కారనే ప్రచారానికి చెక్ పెడుతూ తన కుమార్తె ఆరాధ్యతో కలిసి వెళ్లారు.
రెడ్ కార్పెట్పై..
ఈసారి రెడ్ కార్పెట్పై స్పెషల్ డ్రెస్లో మెరిశారు ఐశ్వర్య. తన లుక్స్తో అటు అతిథులను ఇటు సోషల్ మీడియాను షేక్ చేశారు. ఫేమస్ డిజైనర్ అమిత్ అగర్వాల్ స్పెషల్గా డిజైన్ చేసిన 'లుమినారా' అనే డీప్ శాఫైర్ బ్లూ గౌన్లో రెడ్ కార్పెట్పై నడిచారు. ప్రస్తుతం ఆ డ్రెస్ గురించే అందరి నోటా చర్చ సాగుతోంది. 'క్రిస్టల్ వీన్' అనే ఎంబ్రాయిడరీ టెక్నిక్ ఉపయోగించి దాదాపు 62 రోజులు (దాదాపు 1,500 గంటలకు) పైగా కేవలం హ్యాండ్ వర్క్తోనే డిజైన్ చేశారు.
దీని స్పెషాలిటీ ఏంటంటే... కెమెరా ప్లాష్ కానీ ఏదైనా లైటింగ్ పడినప్పుడు గౌన్పై ఉన్న లిక్విడ్స్ కదులుతున్నట్లుగా కనిపించే ఆప్టికల్ ఇల్యూషన్ ఇది క్రియేట్ చేస్తుంది. ఈ డ్రెస్కు మ్యాచ్ అయ్యేలా డైమండ్ శాఫైర్ కాలర్ నెక్లెస్, సిల్కీ హెయిర్ స్టైల్తో ట్రెండీ లుక్లో మెరిశారు.
View this post on Instagram
Also Read : ఓటీటీలోకి మల్టీ స్టారర్ పేట్రియాట్ - బ్లాక్ బస్టర్ మూవీ ఎప్పుడు, ఎందులో స్ట్రీమింగ్ అంటే?
క్వీన్గా నిలవాలనే...
కేన్స్లో ఐశ్వర్య ఎప్పుడూ స్పెషల్గానే నిలుస్తారని... ఈసారి కూడా ఆమె క్వీన్గా నిలవాలనే ఈ లుక్ డిజైన్ చేసినట్లు అమిత్ అగర్వాల్ తెలిపారు. అంతకు ముందు ఎయిర్ పోర్టులో ఐశ్వర్య, ఆమె కుమార్తె ఆరాధ్య కలిసి వెళ్లిన వీడియోలు వైరల్గా మారాయి. షూస్ దగ్గర నుంచీ చేతిలో బ్యాగ్ వరకూ స్పెషల్ అట్రాక్షన్గా నిలిచాయి. ఐశ్వర్య చేతిలో ప్రముఖ బ్రాండ్ 'గూచీ' ఉండగా... దాని ధర రూ.4 లక్షలకు పైగానే ఉంటుందని తెలుస్తోంది.
ఐశ్వర్యా రాయ్ ఫస్ట్ టైం 2002లో కేన్స్కు వెళ్లారు. అప్పటి నుంచీ ప్రతీ ఏడాది కూడా ఆమె స్పెషల్ దుస్తుల్లో అట్రాక్షన్గా నిలుస్తూనే ఉన్నారు. గతేడాది భారతీయత ఉట్టిపడేలా నుదిటిన సింధూరంతో చీరకట్టులో అందరి దృష్టిని ఆకర్షించారు. ఈ ఏడాది కూడా లుమినారా అనే డిజైన్ డ్రెస్లో రెడ్ కార్పెట్పై మెరిశారు.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
