#BoycottRadhikaApte :
బాలీవుడ్ ముద్దుగుమ్మ రాధికా ఆప్టేను బాయ్ కాట్ చేయాలంటూ సోషల్ మీడియా వేదికగా నెటిజన్లు డిమాండ్ చేస్తున్నారు. ఆమెని వెంటనే సినిమా ఇండస్ట్రీ నుండి బహిష్కరించాలని.. ఆమె నటించిన సినిమాలు చూడకూడదని నెటిజన్లు ట్వీట్లు చేస్తున్నారు. భారతీయ సంస్కృతి, సంప్రదాయాలను వ్యతిరేకంగా చూపించే చిత్రాల్లో రాధికా నటిస్తుందంటూ ఆమెపై ఆగ్రహం వ్యక్తం చేస్తున్నారు. #BoycottRadhikaApte అనే హ్యాష్‌ట్యాగ్‌ ను ట్విట్టర్ లో ట్రెండ్ చేస్తున్నారు. దీనికి కారణం ఏంటంటే.. 2016లో విడుదలైన 'పార్చ్‌డ్‌' సినిమాలో రాధికా ఆప్టే అశ్లీల సన్నివేశాల్లో నటించింది. ఆ సీన్లు ఇప్పుడు వైరల్ గా మారాయి. దీంతో మరోసారి నెటిజన్లు ఆమెపై మండిపడుతున్నారు. హిందూ సంస్కృతి, సంప్రదాయాలకు రాధికా మచ్చతెస్తుందని.. అలాంటి వారితో సినిమాలు చేయడం మంచిది కాదంటున్నారు. ఈ ట్రోలింగ్ పై ఇప్పటివరకు రాధికా స్పందించలేదు.
మనోజ్ బాజ్ పాయ్ లగ్జరీ కార్ :
బాలీవుడ్ విలక్షణ నటుడు మనోజ్ బాజ్ పాయ్ కొన్ని తెలుగు సినిమాల్లో కూడా నటించారు. 'ది ఫ్యామిలీ మ్యాన్' సిరీస్ తో ఆయన అన్ని వర్గాల ప్రేక్షకులకు దగ్గరయ్యారు. రీసెంట్ గా విడుదలైన సీజన్ 2 ఓటీటీలో రికార్డులు సృష్టించింది. మనోజ్ నటనకు మంచి పేరొచ్చింది. తాజాగా ఈ నటుడు లగ్జరీ కార్ కొన్నాడు. బెంజ్ కంపెనీకి చెందిన ఈ కారు రేటు కోట్లలో ఉంటుంది. దీనికి సంబంధించిన ఫోటోలు సోషల్ మీడియాలో చక్కర్లు కొడుతున్నాయి.