Singer Jhansi : బిగ్ బాస్ హౌస్‍‌లోకి రైతు బిడ్డ సింగర్ ఝాన్సీ - అగ్నిపరీక్ష నుంచి డైరెక్ట్ హౌస్‍‌లోకి... బ్యాగ్రౌండ్ ఏంటో తెలుసా?

Bigg Boss 10 : అగ్ని పరీక్ష సీజన్ 2 నుంచి డైెరెక్ట్‌గా బిగ్ బాస్ హౌస్‌లోకి సింగర్ ఝాన్సీ ఎంట్రీ ఇచ్చారు. లాస్ట్ ఎపిసోడ్స్‌లో సత్తా చాటి స్పెషల్ ఎంట్రీ టికెట్ ద్వారా గోల్డెన్ ఛాన్స్ దక్కించుకున్నారు.

బిగ్ బాస్ హౌస్‌లోకి సింగర్ ఝాన్సీ

Source : https://www.youtube.com/watch?v=Prd_zaYKQLY

Singer Jhansi Entry To Bigg Boss Telugu Season 10 As Commoner : బిగ్ బాస్ తెలుగు సీజన్ 10 మహా సమరం ప్రారంభానికి సిద్ధమైంది. ఆదివారం సాయంత్రం 6 గంటల నుంచి కొత్త సీజన్ ప్రారంభం కానుంది. సెలబ్రిటీలతో పాటు సామాన్యులు కూడా హౌస్‌లోకి ఎంట్రీ ఇస్తున్నారు. ఈసారి అగ్నిపరీక్ష సీజన్ 2లో మరింత ఫైర్, ఇంట్రెస్టింగ్ గేమ్స్‌తో హోరా హోరీగా సాగుతోంది. చివరకు మిగిలిన 13 మంది కంటెస్టెంట్స్‌లో రైతు బిడ్డ ఝాన్సీ డైరెక్ట్ ఎంట్రీ టికెట్ ద్వారా హౌస్‌లో బెర్త్ కన్ఫర్మ్ చేసుకున్నారు. ఈ విషయాన్ని ఆమె ఇన్ స్టా వేదికగా వెల్లడించారు.

అగ్నిపరీక్ష To డైరెక్ట్ బిగ్ బాస్ హౌస్

నిజానికి అగ్నిపరీక్షలో ఆడిన గేమ్స్, జ్యూరీ ఒపీనియన్, ఆడియన్స్ ఓటింగ్ బట్టి హౌస్‌లో సామాన్యుల ఎంట్రీని ఫైనల్ చేస్తారు. అయితే, సీజన్ 2లో మాత్రం డైరెక్ట్ ఎంట్రీ టికెట్ ఇంట్రడ్యూస్ చేశారు. లాస్ట్ 2 ఎపిసోడ్లలో పెట్టిన 12 గేమ్స్‌లో అందరినీ వెనక్కు నెట్టిన కంటెస్టెంట్ సింగర్ ఝాన్సీ ఆ టికెట్ తన సొంతం చేసుకున్నారు. దీంతో హౌస్‌లోకి ఆమె డైరెక్ట్‌గా వెళ్లనున్నారు. ఈ బెస్ట్ మూమెంట్‌ను ఆమె సోషల్ మీడియా వేదికగా షేర్ చేసుకున్నారు.

తొలి అడుగు

'తొలి అడుగు పడింది. ఇప్పుడు బిగ్‌బాస్ 10 వేదికపైకి అడుగు పెట్టబోతున్నా. ఈ ప్రయాణంలో ఇంతవరకు నన్ను ముందుకు నడిపించిన మీ ప్రేమ, మీ ఆశీర్వాదాలే నా అసలైన బలం. మీ ఆశీస్సులు నాకు కొండంత బలం. ఇక నా ఆటతో… మన పాటతో… మిమ్మల్ని అలరించడానికి సిద్ధమవుతున్నాను. మీ ప్రేమ, మీ సపోర్ట్ ఎప్పటికీ ఇలాగే ఉండాలి. నా ప్రతి అడుగులో మీ ప్రోత్సాహం కావాలి. మీ సింగర్ ఝాన్సీ.' అంటూ రాసుకొచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Gundeboina jhansi (@singer_jhansi)

బ్యాగ్రౌండ్ ఏంటంటే?

తెలంగాణ సూర్యాపేట జిల్లా చివ్వెంల మండలం కోమటికుంట గ్రామానికి చెందిన ఝాన్సీ సాధారణ రైతు కుటుంబానికి చెందిన అమ్మాయి. ఎలాంటి మ్యూజికల్ బ్యాగ్రౌండ్, సౌకర్యాలు లేకపోయినా జానపద పాటలు పాడుతూ వాటిని సోషల్ మీడియాలో పోస్ట్ చేసి మంచి ఫాలోయింగ్ సంపాదించుకున్నారు. పొలంలో పనులు చేస్తూనే చదువులోనూ టాపర్‌గా నిలిచారు. తెలంగాణ జానపద పాటలను పాడి యూట్యూబ్, సోషల్ మీడియాలో భారీ వ్యూస్ సాధించారు.

రామ్ రెడ్డి దొర, అడ్డా బాటలకాడ నల్ల సారంగులయ్య, అందాల రాధ, కాసరం కట్ట వంటి జానపదాలతో ఫుల్ ఫాలోయింగ్ సంపాదించుకున్నారు. మాస్, ఎనర్జిటిక్ వాయిస్‌తో అందరినీ విశేషంగా ఆకట్టుకున్నారు. ఝాన్సీ పాటలు, ప్రైవేట్ ఆల్బమ్స్ ఇప్పటికీ ట్రెండ్ అవుతూనే ఉన్నాయి. బిగ్ బాస్ ఆడిషన్స్‌లోనూ తన మాటలతో జ్యూరీని ఆకట్టుకున్నారు ఝాన్సీ. అగ్నిపరీక్ష సీజన్ 2లో తనదైన గేమ్ స్ట్రాటజీస్‌తో గెలిచి ఫైనల్‌గా సర్ప్రైజ్ ఎంట్రీ టికెట్ గెలిచి డైరెక్ట్‌గా బిగ్ బాస్ హౌస్‌లోకి ఫస్ట్ కంటెస్టెంట్‌గా ఎంట్రీ ఇస్తున్నారు. ఆమెకు నెటిజన్స్ విషెష్ చెబుతున్నారు.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

మరిన్ని చదవండి

గ్లామరస్ డ్రెస్‌లో మీర్జాపూర్ బ్యూటీ - ముంతాజ్ బీబీ క్యూట్ లుక్ వేరే లెవల్