bigg-boss

Ashu Reddy Audio Leaked: టైమ్ ఇస్తే కోటిన్నర ఇస్తా - సెటిల్‌మెంట్‌కు ప్రయత్నిస్తూ అషు రెడ్డి వార్నింగ్ - ఆడియో లీక్

S Niharika — Tue, 28 Apr 2026 19:27:29 +0530

కేసు నమోదు కావడంతో అషు రెడ్డి కాళ్ళ బేరానికి వచ్చారా? కేసు నుంచి బయట పడేందుకు రాజీ ప్రయత్నాలు ప్రారంభించారా? కొత్త మొత్తం వెనక్కి ఇవ్వడానికి సిద్ధపడ్డారా? అంటే.... వైరల్ అవుతున్న ఆడియో కాల్ వింటే 'అవును' అని చెప్పక తప్పదు. తనను పెళ్లి చేసుకుంటానని నమ్మించి, తన దగ్గర నుంచి దఫాలుగా 9 కోట్ల రూపాయలకు పైగా డబ్బులు తీసుకుందని ఎన్నారై ధర్మేంద్ర అషు రెడ్డిపై ఫిర్యాదు చేసిన సంగతి తెలిసిందే. ఈ కేసులో కొత్త ట్విస్ట్ చోటు చేసుకుంది.

మే నెలలోపు కోటిన్నర ఇస్తా...
మిగతా డబ్బులు తర్వాత ఉన్నప్పుడు!
అషు రెడ్డి తొమ్మిది కోట్ల రూపాయలు తీసుకున్నట్టు ఆరోపణలు ఉన్నాయి. తాను చేసినవి ఆరోపణలు కాదని, ఆమె అకౌంటుకు తన అకౌంట్ నుంచి ట్రాన్స్‌ఫర్ చేసిన బ్యాంక్ స్టేట్మెంట్ సైతం ధర్మేంద్ర చూపించారు. కంప్లైంట్ చేయడమే కాకుండా ఆధారాలు సైతం సమర్పించారు. తన వెర్షన్ తీసుకోకుండా ఏకపక్షంగా కేసు నమోదు చేశారని అషు రెడ్డి కోర్టుకు వెళ్లారు. అది పక్కన పెడితే... కోర్టుకు వెళ్ళడానికి ముందు ఆవిడ రాజీ ప్రయత్నాలు చేసినట్టు అర్థం అవుతోంది.

Also Read: Sreenivasa Kavyanam: తిరుమలలో శ్రీనివాస కళ్యాణం... కావ్యతో బెల్లంకొండ పెళ్లి ముహూర్తం నుంచి రిసెప్షన్ వరకూ... ఆల్ డీటెయిల్స్‌ తెలుసుకోండి

''ఇప్పుడు మళ్ళీ నువ్వు ప్రవీణ అక్కకి ఫోన్ చేశావని నాకు కాల్ చేసింది. అది నీ ఇష్టం. ఇప్పుడు నేను మళ్ళీ నీకు చెబుతున్నాను. మే వరకు టైమ్ ఇస్తే... నేను 1.5 కోట్లు వెనక్కి ఇస్తా. అది కూడా అకౌంట్ ట్రాన్స్‌ఫర్ ద్వారా. మిగతా డబ్బులు అంటావా? లైఫ్ సెటిల్ అయినప్పుడు, నా దగ్గర ఉన్నప్పుడు ఇస్తా. లేదూ కుదరదు అంటే పెద్ద మనుషులకు నువ్వే కాల్ చేశావ్ కదా. నా జీవితంలో పెద్ద మనుషులు అంటే ప్రవీణ గారు మాత్రమే. ప్రవీణ అక్కకు వేణు స్వామిని పెడతావా? లేదంటే ఇంకొకరిని పెడతావా? అనేది నీ ఇష్టం. నేను ఇక నీ మొహం చూడాలని అనుకోవడం లేదు. ఈ విషయం గురించి మాట్లాడాలని అనుకోవడం లేదు. నాకు మే అనే ఒక్క టార్గెట్ మాత్రమే కనబడుతోంది. మే వరకు నేను నీకు డబ్బులు ఇవ్వాలి'' అని అషు రెడ్డి చెప్పిన వాయిస్ లీక్ అయ్యింది. ఆడియో కాల్ చక్కర్లు కొడుతోంది.

See Photos: కొల్హాపూర్ అమ్మవారి చెంతకు అషురెడ్డి... వెడ్డింగ్ కాంట్రావర్సీ తర్వాత ఫస్ట్ ఫోటోలు

నేను తిరిగి కేసు పెడతా... బెదిరించిన అషురెడ్డి!
ఒక వైపు డబ్బులు తిరిగి ఇస్తానని చెప్పిన అషు రెడ్డి... మరో వైపు బెదిరింపు ధోరణికి పాల్పడినట్టు కాల్ వింటుంటే అర్థం అవుతోంది. ''మే వరకు డబ్బులు ఇవ్వాలి. మా టార్గెట్ అదే. లేదంటే నేనే కేసు పెడతా. వేధిస్తున్నావని కేసు పెడతా. మా అక్కను, మా అమ్మను ఇన్వాల్వ్ చేస్తున్నావని చెబుతా. నా అనుమతి లేకుండా నా ఇంటికి రావడానికి నువ్వు ఎవరు? నువ్వు మా ఇంటికి రావడం ఏమిటి? నేను మీ ఇంటికి రావడం ఏమిటి? ఇంట్లో వాళ్ళను ఇన్వాల్వ్ చేయకుండా నువ్వు నేను మాట్లాడుకోవాలంటే, సాల్వ్ చేసుకోవాలంటే... నా వైపు నుంచి ప్రవీణ అక్క, వేణు స్వామి మధ్యలో కూర్చుంటారు. మే వరకు డబ్బులు సెటిల్ చేస్తా'' అని అషు రెడ్డి చెప్పారు. మరి ఈ ఆడియో కాల్ నిజమా? లేదంటే ఫేక్ అంటారా? అషు రెడ్డి మాత్రమే చెప్పాలి.

Also Read: Trisha: త్రిషకు నిద్రలేని రాత్రులు... 2062 వరకు సెట్ అవ్వదా?

Ashu Reddy: కొల్హాపూర్ అమ్మవారి చెంతకు అషురెడ్డి... వెడ్డింగ్ కాంట్రావర్సీ తర్వాత ఫస్ట్ ఫోటోలు

S Niharika — Sun, 26 Apr 2026 14:43:33 +0530

Divivadthya: హైదరాబాద్ లో కేఫ్‌లన్నీ తిరిగేస్తా అంటోన్న బిగ్ బాస్ బ్యూటీ!

RAMA — Fri, 10 Apr 2026 10:53:13 +0530

Tamanna Simhadri : భర్తను పరిచయం చేసిన తమన్నా సింహాద్రి - బిగ్ బాస్ ఫేం ట్రాన్స్ జెండర్ ఇన్ స్టా పోస్ట్ వైరల్

Ganesh Guptha — Fri, 3 Apr 2026 15:11:08 +0530

Bigg Boss Fame Tamanna Simhadri Introduce Her Husband : తమన్నా సింహాద్రి... ఈ పేరు తెలియని బిగ్ బాస్ అభిమానులు ఉండరు. తెలుగు బిగ్ బాస్ సీజన్ 3లో కంటెస్ట్ చేసిన ఫస్ట్ ట్రాన్స్ జెండర్. ఎన్నో సవాళ్లను అధిగమించి హౌస్‌లోకి అడుగు పెట్టిన తమన్నా... ఈ షో ద్వారా ఫుల్ పాపులారిటీ సంపాదించుకున్నారు. తాజాగా, ఆమె తన భర్తను ఇన్ స్టా వేదికగా పరిచయం చేశారు.

ఏడాది తర్వాత...

ఏడాది క్రితమే పెళ్లయినా ఇప్పటివరకూ ఆ వివరాలు వెల్లడించలేదు తమన్నా సింహాద్రి. తాజాగా మొదటి వివాహ వార్షికోత్సవం సందర్భంగా ఆ ఫోటోలను షేర్ చేయగా వైరల్ అవుతున్నాయి. తన భర్త పేరు, ఇతర వ్యక్తిగత వివరాలను ఆమె సీక్రెట్‌గా ఉంచారు. 'విత్ మై రియల్ హీరో' అంటూ ఫోటో షేర్ చేయగా... నెటిజన్లు, బిగ్ బాస్ అభిమానులు ఆమెకు విషెష్ చెబుతున్నారు.

View this post on Instagram

A post shared by Tamanna Simhadri official (@tamannasimhadri)

Also Read : 15 రోజుల్లో ధురంధర్ 2 కలెక్షన్స్ - ఇట్స్ అఫీషియల్... ఆ రికార్డ్స్ ఛేజ్ చేస్తుందా?

అసలెవరీ తమన్నా సింహాద్రి?

విజయవాడకు చెందిన తమన్నా సింహాద్రి అసలు పేరు మస్తాన్. ముంబైలో శస్త్ర చికిత్స ద్వారా ట్రాన్ జెండర్‌గా మారారు. అప్పటి నుంచి ఎన్నో అవమానాలు, సవాళ్లను ఎదుర్కొంటూ బిగ్ బాస్ హౌస్‌లో అడుగుపెట్టారు. కంటెస్టెంట్‌గా గుర్తింపు తెచ్చుకున్నారు. హౌస్‌లో యాంకర్ శ్రీముఖితో ఏర్పడిన స్నేహం ఇప్పటికీ కొనసాగుతుందని ఆమె ఓ సందర్భంలో చెప్పారు.

కుటుంబ సభ్యులే తనకు దూరంగా ఉన్న టైంలో శ్రీముఖి తనకు అండగా నిలిచిందని... ఫ్యామిలీ మెంబర్‌లా తనను ఆదరించారని తెలిపారు. అమ్మాయిగా మారి కొత్త జీవితాన్ని ప్రారంభించిన తమన్నా సింహాద్రికి సోషల్ మీడియా వేదికగా శుభాకాంక్షలు వెల్లువెత్తుతున్నాయి.

View this post on Instagram

A post shared by Tamanna Simhadri official (@tamannasimhadri)

కేవలం బిగ్ బాస్‌లోనే కాకుండా పాలిటిక్స్‌లోనూ తన అదృష్టాన్ని పరీక్షించుకుంది తమన్నా సింహాద్రి. 2019లో మంగళగిరిలో నారా లోకేశ్‌పై, 2024లో పిఠాపురంలో పవన్ కల్యాణ్‌పై పోటీ చేసి వార్తల్లో నిలిచారు.

AMB Classic Dolby: అల్లు అర్జున్ బాటలో మహేష్.. త్వరలో హైదరాబాద్‌కు డాల్బీ థియేటర్

ARYA — Wed, 1 Apr 2026 07:55:11 +0530

AMB Classic Dolby: రెండు వారాల కిందట హైదరాబాద్‌లో ప్రారంభమైన అల్లు సినిమాస్ Allu Cinemas డాల్బీ థియేటర్ ఇప్పుడు నగరానికే ఓ స్పెషల్ అట్రాక్షన్. ఐకాన్ స్టార్ అల్లు అర్జున్ ఫ్యామిలీ పేరుతో దేశంలోనే అతిపెద్ద డాల్బీ స్క్రీన్‌ను హైదరాబాద్‌కు తీసుకొచ్చింది. ఇప్పుడు సూపర్ స్టార్ మహేష్ బాబు కూడా హైదరాబాద్‌కు మరో డాల్బీ థియేటర్‌ను తీసుకురాబోతున్నారు. మహేష్‌కు థియేటర్లు కొత్తకాదు.. ఆయన చాలా ఏళ్లుగా ఈ బిజినెస్‌లోనే ఉన్నారు. ఇప్పుడు మహేష్ కూడా హైదరాబాద్‌కు డాల్బీ తెస్తున్నారు.

AMB మూవీస్ (Dolby):
సూపర్ స్టార్ మహేష్‌బాబు చాలా ఏళ్ల కిందటి నుంచి వివిధ రకాల బిజినెస్‌లలో ఉన్నారు. అందులో ముఖ్యమైంది AMB మూవీస్. ప్రముఖ ఎగ్జిబిటర్, డిస్ట్రిబ్యూటర్ ఆసియన్ సునీల్ భాగస్వామ్యంతో మహేశ్‌బాబు AMB సినిమాస్‌ను ప్రారంభించారు. ఈ బ్యానర్ కింద వివిధ నగరాల్లో మల్టిప్లెక్స్‌లు ఉన్నాయి. అల్లు సినిమాస్‌ ఈ మధ్యన హైదరాబాద్‌లో డాల్బీ థియేటర్‌ను ప్రారంభించింది కానీ.. అసలు సౌత్ ఇండియాలో మొట్టమొదటి డాల్బీ థియేటర్‌ను ఇంట్రడ్యూస్ చేసింది మహేష్ బాబే. ఈ జనవరి 16న బెంగళూరులోని AMB KAPALI లో సౌత్ ఇండియాలోనే మొట్టమొదటి డాల్బీ థియేటర్‌ను మహేష్ ప్రారంభించారు. 9 స్క్రీన్‌లు ఉన్న ఆ మల్టిప్లెక్స్‌లో 588 సీట్లు ఉన్న పెద్ద థియేటర్‌ను డాల్బీగా మార్చారు. ఇప్పుడు అదే క్రమంలో హైదరాబాద్‌కు ఆయన డాల్బీ థియేటర్‌ను తెస్తున్నారు.

View this post on Instagram

A post shared by AMB Cinemas (@amb_cinemas)

సినిమా జంక్షన్‌కు డాల్బీ

హైదరాబాద్‌ సినిమా కూడలి అయిన RTC X Roadsలోని సుదర్శన్ థియేటర్‌ను మహేష్‌బాబు భాగస్వామ్యంలో ఆసియన్ సంస్థ ఏఎంబీ క్లాసిక్ -AMB Classic పేరుతో మల్టిప్లెక్స్‌గా మారుస్తోంది. పాత థియేటర్ స్థానంలో మొత్తం 7 స్క్రీన్ల మల్టిప్లెక్స్ అక్కడ వస్తోంది. ఇప్పుడు అందులో ఓ ఆడిటోరియంను డాల్పీ థియేటర్‌గా మారుస్తున్నారు. 4K లేజర్ ప్రొజెక్షన్‌తో డాల్బీ విజన్ స్క్రీన్ అందుబాటులోకి వస్తోంది. ఇప్పటికే కోకాపేటలో దేశంలోనే అతిపెద్ద డాల్బీ స్క్రీన్‌ అందుబాటులోకి వచ్చింది. ఇది వెస్ట్ హైదరాబాద్‌లో ఉంటే.. మహేష్ డాల్బీ థియేటర్‌ హైదరాబాద్‌ నడిబొడ్డున రానుంది. పైగా RTC క్రాస్‌రోడ్‌ అంటే సినిమా జంక్షన్. సో నగరవాసులకు అందుబాటులోకి స్క్రీన్ వస్తోంది. ఈ ఏడాది చివరి నాటికి క్లాసిక్‌ డాల్బీ రెడీ కానుంది.

హైదరాబాద్‌లో మరో డాల్బీ థియేటర్‌

మహేష్‌బాబు సినిమానే కాదు... హైదరాబాద్‌లో అతి తొందరలోనే మరో డాల్బీ సినిమా అందుాటులోకి వస్తోంది. ప్రముఖ నిర్మాణ సంస్థ మైత్రీ మూవీస్ జీడిమెట్ల రంగా థియేటర్‌ను తీసుకుని దానిని పూర్తిగా ఆధునీకరిస్తోంది. ఈ థియటర్‌కూడా డాల్బీ విజన్ స్క్రీన్‌తో సిద్దమవుతున్నట్లు సమాచారం. అది ఈ ఏడాది జూన్‌ నాటికే రెడీ అవుతుందంట.. అయితే ఇక హైదారబాద్ వాసులకు పండుగే. ఈ ఏడాది చివరినాటికి మొత్తం మూడు డాల్బీ థియేటర్లు హైదరాబాద్‌లో అందుబాటులో ఉంటాయి. అలాగే నగరంలోని పెద్ద స్క్రీన్, థియేటర్ అయిన ప్రసాద్ PCXను కూడా ఆధునీకరించారు. లేటెస్ట్.. Barco Laser ప్రొజెక్షన్‌ అందుబాటులోకి తెచ్చారు.

IMAX కూడా వస్తే...
ఇక హైదరాబాద్‌కు ఉన్న లోటు IMAX స్క్రీన్. ఒకప్పుడు ప్రసాద్స్‌లో ఉన్న IMAX సేవలు నిలిచిపోవడంతో ఆ లోటు అలాగే మిగిలిపోయింది. ఇప్పుడు మన సినిమాలు భారీ విజువల్ ఎఫెక్స్ట్‌తో వస్తన్నాయి. IMAX లాంటి భారీ స్క్రీన్‌లపై వాటిని అనుభూతి చెందితే ఆ థ్రిల్లే వేరు. VARANASI, RAMAYANAM లాంటి ఇండియన్‌మూవీస్‌ను ఇప్పుడు ఐమాక్స్ ఫార్మాట్‌లో చిత్రీకరించారు. మరికొన్ని భారీ సినిమాలు కూడా వస్తాయి. అయితే హైదరాబాద్‌లో IMAX స్క్రీన్‌ కూడా మహేష్‌బాబునే తీసుకొచ్చే అవకాశం ఉంది. ఆసియన్ భాగస్వామ్యంతో హకీంపేట్ వద్ద భారీ థియేటర్‌ను నిర్మిస్తున్నారు. ఇందులో ఓ స్క్రీన్‌ ఐమాక్స్ అవుతుందనే ప్రచారం జరుగుతోంది కానీ.. దానిని వాళ్లు అధికారికంగా ధృవీకరించలేదు.

Shanmukh Jaswanth: షణ్ముఖ్ జస్వంత్ జీవితాన్ని బిగ్ బాస్ షేక్ చేసిందా? షాకింగ్ కామెంట్స్

S Niharika — Sat, 7 Mar 2026 19:42:04 +0530

షణ్ముఖ్ జస్వంత్ కెరీర్ యూట్యూబ్‌లో మొదలైంది. ఆయనకు గుర్తింపు తెచ్చిన తొలి షార్ట్ ఫిల్మ్ 'వైవా' నుంచి 'సాఫ్ట్‌వేర్‌ డేవ్‌లవ్‌పర్' సిరీస్ వరకు... ఎన్నో ఫిల్మ్స్, సిరీస్‌లు చేశారు. అయితే... యూట్యూబ్ నుంచి టీవీకి వచ్చే అవకాశం 'బిగ్ బాస్' రియాలిటీ షో ద్వారా వచ్చింది. ఒకవేళ జీవితంలో వెనక్కి వెళ్లే అవకాశం వస్తే ఆ షోకి వెళ్లడం మానేస్తానని షణ్ముఖ్ జస్వంత్ అంటున్నారు. ఒక పాడ్ కాస్ట్ ఇంటర్వ్యూలో ఆ సంగతి చెప్పారు. ఎందుకో తెలుసా?

నా జీవితానికి షాక్ ఇచ్చి షేక్ చేసింది!
తన జీవితంలో వెనక్కి వెళ్లి ఏదైనా ఓ విషయాన్ని మార్చుకునే అవకాశం వస్తే ఆ షో (బిగ్ బాస్)కి వెళ్లడం మానేస్తానని షణ్ముఖ్ జస్వంత్ చాలా స్పష్టంగా చెప్పారు. ఆ షో తనకు గుర్తింపు, పాపులారిటీని తెచ్చినప్పటికీ... అది తన జీవితాన్ని ఓ కుదుపు కుదిపిందని, పెద్ద షాక్ ఇవ్వడంతో పాటు జీవితాన్ని షేక్ చేసిందని ఆయన అభిప్రాయపడ్డారు. తన కెరీర్‌లో అప్ అండ్ డౌన్స్ చూడటానికి ఆ షో ప్రధాన కారణమని చెప్పారు షన్ను.

'బిగ్ బాస్'కు వెళ్ళడానికి ముందు దీప్తి సునైనాతో షణ్ముఖ్ ప్రేమలో ఉన్నారు. ఆ షో నుంచి వచ్చిన తర్వాత బ్రేకప్ అయ్యింది. జీవితంలో పెద్ద షాక్ & షేక్ అంటే ఆ అంశం గురించి అయ్యి ఉండొచ్చని నెటిజనులు అభిప్రాయపడుతున్నారు.

Also Read: Vijay Deverakonda: బుజ్జితల్లి... ఇంటికి పిలుస్తా, భోజనం చేద్దాం - చిట్టి ఫ్యాన్‌కు విజయ్ దేవరకొండ ప్రామిస్

'బిగ్ బాస్' షోలో షణ్ముఖ్ జస్వంత్ ప్రవర్తన, ఆయన వ్యవహార శైలి మీద వీక్షకుల నుంచి తీవ్ర విమర్శలు వచ్చాయి. ఆ సమయంలో తనపై వచ్చిన విమర్శల పట్ల షన్ను స్పందిస్తూ... అప్పట్లో (2021లో) తనను విమర్శించిన వారు ఇప్పుడు తమ జీవితాల్లో ముందుకు వెళ్లిపోయి ఉండొచ్చు కానీ ఆ చేదు అనుభవాలు తనపై చాలా ప్రభావితం చూపించాయని చెప్పారు. ఆ షో తర్వాత తాను ఎంతో మానసిక వేదనను అనుభవించానని, చాలాసార్లు ఏడ్చానని కూడా ఆయన తెలిపారు.

Also Read: Shiman Mandanna: ఎవరీ షిమన్? విజయ్ - రష్మిక పెళ్లి సందడిలో క్యూట్ లిటిల్ గర్ల్ ఎవరో తెలుసా?

ఆ షో (బాగ్ బాస్) కారణంగా ఎదుర్కొన్న పరిస్థితులు, అప్పుడు వచ్చిన నెగిటివిటీ వంటివన్నీ తనను ఈ రోజు ఈస్థాయిలో నిలబెట్టాయని, వాటి వల్ల తాను ఒక వ్యక్తిగా ఎదిగి ప్రస్తుతం సినిమాలో హీరోగా చేసే వరకు రాగలిగానని షణ్ముఖ్ జస్వంత్ చెప్పారు. ఆ షో తర్వాత తనలో చాలా మార్పు వచ్చిందన్నారు. ఇప్పుడు ప్రతి దానికి రియాక్ట్ అవ్వకుండా, రెస్పాండ్ అవ్వడం నేర్చుకున్నానని ఆయన తెలిపారు. ప్రస్తుతం ప్రశాంతంగా ఉండాలని కోరుకుంటున్నట్లు చెప్పుకొచ్చారు. ఇటీవల ఆయనకు నిశ్చితార్థం జరిగింది. త్వరలో పెళ్లి చేసుకోబోతున్నారు. అలాగే, ఈ ఏడాది హీరోగానూ ప్రేక్షకుల ముందుకు రానున్నారు.

Also Read: Polena Anjana Pawanova: అల్లు శిరీష్ పెళ్లిలో మెరిసిన అంజనా... పవన్ చిన్న కూతుర్ని చూశారా?

Divvala Madhuri : తిరుమల కొండపై బర్త్ డే సెలబ్రేషన్స్ - దివ్వెల మాధురి, తనూజలకు బిగ్ షాక్

Ganesh Guptha — Fri, 6 Mar 2026 10:30:29 +0530

TTD Action Against Divvala Madhuri Tanuja On Birthday Celebrations In Tirumala : తిరుమల కొండపై బిగ్ బాస్ ఫేం తనూజ బర్త్ డే సెలబ్రేషన్స్ చేస్తూ బిగ్ బాస్ ఫేం దివ్వెల్ మాధురి మరోసారి వార్తల్లో నిలిచిన సంగతి తెలిసిందే. తనూజ పుట్టిన రోజు సందర్భంగా ఏడుకొండలపై గెస్ట్ హౌస్‌లో నిబంధనలకు విరుద్ధంగా కేక్ కట్ చేసి మాధురి సంబరాలు చేసుకున్నారు. దీనిపై టీటీడీ సీరియస్ అయ్యింది.

పోలీసులకు ఫిర్యాదు

దివ్వెల మాధురి, తనూజలపై చట్టపరమైన చర్యలు తీసుకోవాలని టీటీడీ విజిలెన్స్ విభాగం పోలీసులకు ఫిర్యాదు చేసింది. నిబంధనలకు విరుద్దంగా వారు తిరుమలలో కేక్ కట్ చేసి సంబరాలు చేసుకున్నారని... ఆ వీడియో సోషల్ మీడియాలో పోస్టే చేశారని ఫిర్యాదులో పేర్కొన్నారు. దీనిపై పోలీసులు విచారణ చేస్తున్నారు.

View this post on Instagram

A post shared by Divvala Madhuri (@madhuri_srinivasduvvada)

Also Read : వారిని చూసి సొసైటీ సిగ్గు పడాలి - ఆంటీ కామెంట్స్... నెగిటివ్ ట్రోలింగ్స్‌పై అనసూయ రియాక్షన్

కొండపై కేక్ ఎలా?

తిరుమల కొండపై కేక్స్ తీసుకెళ్లడం నిషేధం. కట్టుదిట్టమైన భద్రతా ఏర్పాట్లు ఉన్నప్పటికీ కొండపైకి కేక్ ఎలా తీసుకెళ్లారనే దానిపై అధికారులు ఆరా తీస్తున్నారు. అంతకు ముందే వీరు శ్రీవారి ఆలయాన్ని సందర్శించినట్లు తెలుస్తోంది. బిగ్ బాస్ రన్నర్, తన బెస్ట్ ఫ్రెండ్ తనూజ బర్త్ డే సెలబ్రేషన్స్ ఘనంగా నిర్వహించిన మాధురి చిక్కుల్లో పడ్డారు. గెస్ట్ హౌస్‌లో కేక్ కట్ చేసి తినిపించారు. అంతా కాకుండా చీర, గాజులతో పాటు బంగారు కమ్మలు గిఫ్ట్‌గా ఇచ్చారు. బర్త్ డే సెలబ్రేషన్స్‌తో పాటు ఇద్దరూ కలిసి దిగిన ఫోటోలను కూడా ఇన్ స్టాలో షేర్ చేయగా వైరల్ అవుతోంది.

View this post on Instagram

A post shared by Divvala Madhuri (@madhuri_srinivasduvvada)

అయితే, గతంలోనూ దివ్వెల మాధురి తిరుమల కొండపై దువ్వాడ శ్రీనివాస్‌తో కలిసి ఇలాగే రీల్స్ షేర్ చేశారు. దీనిపై టీటీడీ తీవ్ర ఆగ్రహం వ్యక్తం చేసింది. మాఢ వీధుల్లో ఇద్దరూ కలిసి ఫోటో షూట్ చేయడంపై విమర్శలు వ్యక్తమయ్యాయి. ఇప్పుడు మరోసారి అలానే చేశారు.

Geetu Royal: తిరుమల గుడి ముందు రీల్స్‌కు రి'యాక్షన్'... గీతూ రాయల్‌కు ఏడుపు ఒకటే తక్కువ

S Niharika — Sat, 28 Feb 2026 23:04:26 +0530

పాపులారిటీ కోసమని పుణ్యక్షేత్రాల్లో కొందరు ఇన్‌ఫ్లూయెన్సర్లు చేస్తున్న పనుల పట్ల భక్తులు ఎప్పట్నుంచో ఆగ్రహం వ్యక్తం చేస్తున్నారు. ఆలయాల్లో రీల్స్ చేయడంపై అసంతృప్తి చెందుతున్నారు. తాజాగా 'బిగ్ బాస్ 6' ఫేమ్ గీతూ రాయల్ చేసిన పని మీద సైతం మండి పడుతున్నారు. పూర్తి వివరాల్లోకి వెళితే...

తిరుమల గుడి ముందు రీల్స్ చేసిన గీతూ రాయల్
Geetu Royal: ఇన్‌స్టాగ్రామ్‌లో గీతూ రాయల్ పాపులర్. ముఖ్యంగా 'బిగ్ బాస్' ఫాలో అయ్యేవాళ్ళకు. మొదట ఆ షో మీద రివ్యూలు చెప్పిన ఆవిడ... 'బిగ్ బాస్' సీజన్ 6లో పార్టిసిపేట్ చేసింది. తర్వాత మరింత పాపులారిటీ పెంచుకుంది. ఈ ఇన్‌స్టా సెలబ్రిటీ ఇటీవల తిరుమల తిరుపతి దేవస్థానానికి వెళ్ళింది. ఏడు కొండల వెంకటేశ్వర స్వామి గుడి ముందు 'గోవిందా గోవిందా' పాటకు రీల్స్ చేసింది.

తిరుమల కొండపై, అదీ గుడి ముందు గీతూ రాయల్ రీల్స్ చేయడంపై పలువురు ఆగ్రహం వ్యక్తం చేశారు. తిరుమలలో రాజకీయ కార్యక్రమాలు, అన్యమత ప్రచారాలు, రీల్స్ & డ్యాన్స్ చేయడం వంటివి నిషేధం. ఈ నేపథ్యంలో గీతూ రాయల్ వ్యవహార శైలి మీద విమర్శలు వ్యక్తం అయ్యాయి. అది టీడీడీ దృష్టికి వెళ్ళింది.

Also Read: Renu Desai: నిండుగా బట్టలు వేసుకున్నా రేటు ఎంతని అడిగారు... రేణూ దేశాయ్ సంచలన వ్యాఖ్యలు

భక్తి పేరుతో భారీ డైలాగ్స్... చివరకు ఏడుపు తక్కువ
విమర్శలు రావడంతో గీతూ రాయల్ వెనక్కి తగ్గింది. రీల్స్ డిలీట్ చేసింది. కానీ అవి సోషల్ మీడియాలో వైరల్ అయ్యాయి. ఆ తర్వాత భక్తి పేరుతో భారీ భారీ డైలాగ్స్ చెబుతూ మరొక వీడియో చేసింది. అందులో కించిత్ పశ్చాత్తాపం కూడా కనిపించలేదు. పైపెచ్చు తనపై విమర్శలు చేసిన వాళ్లపై ఎదురుదాడి చేసినట్టు ఉంది. టీటీడీ మాత్రం ఈ విషయంలో వెనక్కి తగ్గలేదు. గీతూ రాయల్ మీద చర్యలు తీసుకోవడానికి సిద్ధమైంది. ఈ నేపథ్యంలో ఏడ్చినంత పని చేసింది.

Also Read: Adivi Sesh: తిరుమల ప్రసాదం టేస్టీగా ఉంది... లడ్డూ వివాదంలో పరోక్షంగా వైసీపీకి అడివి శేష్ కౌంటర్?

తిరుమల కొండపై, గుడి ముందు రీల్స్ చేయడం చాలా చిన్న విషయం అన్నట్లు గీతూ రాయల్ చెప్పుకొచ్చింది. వెటకారంగా మాట్లాడింది. ''అందరికీ గుడ్ న్యూస్. నా మీద చర్యలు తీసుకుంటారంట. ఇంత విషయాన్ని (చిన్నది అన్నట్టు సైగ చేస్తూ) ఇంత పెద్దది చేసి అన్ని వీడియోలు చేసినందుకు థాంక్యూ సో మచ్. ఆల్రెడీ సగం జీవితం పోయింది. ఇక పోయేదానికి కూడా ఏమీ లేదు. కొద్దో గొప్పో రెండు రవ్వలు మిగిలి ఉంటే దాన్ని మీరు పోగొట్టేయండి. తర్వాత ప్రశాంతంగా ఉండండి, హ్యాపీగా బతికేయండి'' అని గీతూ రాయల్ పేర్కొంది.

Also Read: Rashmika Mandanna: దేవరకొండ ఇంట్లో రష్మిక గృహ ప్రవేశం... వైరల్ వీడియో చూశారా?

Shanmukh Jaswanth Engagement: షణ్ముఖ్ జస్వంత్ ఎంగేజ్‌మెంట్ ఫోటోలు... ఆ అమ్మాయి పేరేమిటో తెలుసా?

S Niharika — Wed, 25 Feb 2026 20:39:39 +0530

Sumathi Satakam Movie Review: 'సుమతీ శతకం' సినిమాతో హీరోగా 'బిగ్ బాస్ 7' రన్నరప్ అమర్‌దీప్ చౌదరి హిట్టు కొట్టాడా?

S Niharika — Fri, 6 Feb 2026 22:30:06 +0530

Amardeep Chowdary's Sumathi Satakam Telugu Review: 'జానకి కలగనలేదు'తో పాటు బుల్లితెరపై పలు సీరియల్స్ చేసి పాపులారిటీ సొంతం చేసుకున్న నటుడు అమర్‌దీప్ చౌదరి. 'బిగ్ బాస్' తెలుగు సీజన్ 7 రన్నరప్ కూడా. పలు రియాలిటీ షోలతో తెలుగు ప్రేక్షకులకు దగ్గరయ్యాడు. 'ఐరావతం', 'అభిలాష', 'ప్రేమదేశం' సినిమాలతో హీరో అయ్యాడు. అమర్‌దీప్ చౌదరి హీరోగా నటించిన తాజా సినిమా 'సుమతీ శతకం'. ఇందులో శైలి చౌదరి హీరోయిన్. ఫిబ్రవరి 6న థియేటర్లలో విడుదలైంది. ఈ సినిమా ఎలా ఉందంటే?

కథ (Sumathi Satakam Movie Story): కిరాణా కొట్టు కృష్ణ (అమర్‌దీప్ చౌదరి) లక్ష్యం ఒక్కటే... ఊరిలోని గుడిలో జాతరకు పెళ్లి చేసుకోవాలని. తూర్పు గోదావరి జిల్లాలోని అతని సొంతూరు వైకుంఠపురంతో పాటు చుట్టుపక్కల గ్రామాల్లో అమ్మాయిలెవరూ అతన్ని చేసుకోవడానికి ముందుకు రారు. అటువంటి పరిస్థితుల్లో గుడిలో ఓ అమ్మాయి సుమతి (శైలి చౌదరి)ని చూసి ప్రేమలో పడతాడు. కష్టపడి ఆమె ఆచూకీ కనిపెడతాడు. అంగన్ వాడి టీచర్ ఉద్యోగం చేస్తుందని తెలుసుకుని సుమతితో పరిచయం పెంచుకోవడానికి విశ్వప్రయత్నాలు చేస్తాడు. చివరకు ప్రపోజ్ చేస్తాడు.

సుమతికి ప్రపోజ్ చేసిన తర్వాత కృష్ణకు ఆమె గురించి ఓ నిజం తెలుస్తుంది. అది ఏమిటి? సుమతి ఊరి గుడిలో అమ్మవారి విగ్రహం మాయం కావడానికి, కృష్ణతో పెళ్లి వద్దని ఊరంతా చెప్పడానికి కారణం ఏమిటి? తన ప్రేమ, పెళ్లికి ఎదురైన సమస్యల నుంచి కృష్ణ ఎలా బయట పడ్డాడు? సుమతిని దక్కించుకున్నాడు? అనేది సినిమా చూసి తెలుసుకోవాలి.

విశ్లేషణ (Sumathi Satakam Telugu Review): ప్రతి సినిమాకు దర్శక నిర్మాతలు - హీరో నమ్మడానికి బలమైన కారణం ఒకటి ఉంటుంది. సుమతి శతకానికి విశ్రాంతి ముందు వచ్చే ట్విస్ట్, క్లైమాక్స్ కారణమని చెప్పాలి. విశ్రాంతి వరకు ఇదొక సగటు ప్రేమకథగా కనిపిస్తుంది. అయితే... ఇంటర్వెల్ ట్విస్ట్ చిన్నపాటి షాక్ ఇస్తుంది. ఆ తర్వాత జరగబోయే కథపై నమ్మకం కలిగిస్తుంది. పతాక సన్నివేశాల్లో అమ్మవారు ఆవహించే అమ్మాయిలు - గణాచారులు గురించి చెప్పే విషయం బావుంది. కానీ ఆ అంశాలపై కథను నడపకుండా రొటీన్ కామెడీ మీద దర్శకుడు ఎంఎం నాయుడు ఆధారపడ్డారు.

వైసీపీ నాయుడు, మాజీ ఎమ్మెల్యే కేతిరెడ్డి స్ఫూర్తితో ఊరి సర్పంచ్ రోల్ రాశారని అర్థమవుతోంది. రీల్స్, సోషల్ మీడియాలో పాపులారిటీ కోసం మహేష్ విట్టా చేసే ప్రయత్నాలు, నాటు కామెడీ మాస్ జనాన్ని మెప్పిస్తాయి. అయితే హీరోతో 'అన్నా' అంటూ టేస్టీ తేజ చేసే కామెడీ వర్కవుట్ కాలేదు. హీరో కథ కంటే మధ్యలో ఊరి సమస్యను ఎక్కువ సేపు చూపించడం సినిమాకు మైనస్. ఆ పోర్షన్స్ లెంగ్త్‌ పెంచాయి. అవి తీసేసి అమ్మవారు, దైవానుగ్రహం అంశాలపై కాన్సంట్రేట్ చేసి ఉంటే బావుండేది. కామెడీ సీన్స్ రాసే విషయంలో ఎంఎం నాయుడు సక్సెస్ కాలేదు. రొటీన్ టెంప్లేట్ ఫాలో అయ్యారు. దాంతో 'రోలర్ కోస్టర్ రైడ్'గా మారిందీ 'సుమతీ శతకం'. ఎమోషన్స్ వరకు చక్కగా క్యాప్చర్ చేశారు. పాటలు, ప్రొడక్షన్ వేల్యూస్ ఓకే. రూరల్ బ్యాక్‌డ్రాప్‌ను కెమెరా వర్క్ చూపించింది.

Also Read: With Love Movie Review - 'విత్ లవ్' రివ్యూ: పెళ్లి చూపులు నుంచి మాజీ ప్రేమికుల దగ్గరకు... సౌందర్య రజనీకాంత్ నిర్మించిన సినిమా ఎలా ఉందంటే?

టీవీకి, సినిమాకు వేరియేషన్ చూపించారు అమర్‌దీప్ చౌదరి. రియాలిటీ షోల్లో చూపించిన అగ్రేషన్ 'సుమతి శతకం'లో లేదు. పాత్రకు తగ్గట్టు నటించగలనని చూపించారు. యాక్షన్ చేయగలనని హింట్ ఇచ్చారు. అతనిలో కామెడీ టైమింగ్ వాడుకోవడంలో దర్శకుడు సక్సెస్ కాలేదు. ఎమోషనల్, యాక్షన్ సన్నివేశాల్లో బాగా చూపించారు. శైలి చౌదరి బార్బీ బొమ్మలా కనిపించే ప్రయత్నం చేసింది. పతాక సన్నివేశాల్లో నటించింది. బుల్లితెర కమెడియన్స్ కొందరు కనిపించారు.

'సుమతీ శతకం'లో కోర్ పాయింట్ బావుంది. కానీ రొటీన్ సీన్స్ - స్క్రీన్ ప్లే టెంప్లేట్ ఫాలో కావడం మైనస్. ఇంటర్వెల్, క్లైమాక్స్ ఆడియన్స్ నుంచి అప్రిసియేషన్ పొందుతాయి. విలేజ్ రోల్స్ చేసేందుకు అమర్‌దీప్ చౌదరికి విజిటింగ్ కార్డుగా హెల్ప్ అవుతుందీ సినిమా. ఓటీటీకి డీసెంట్ వాచ్.

Also Read: Barabar Premistha Controversy: బూతు పాటపై విమర్శలు... వెనక్కి తగ్గని యాటిట్యూడ్ స్టార్... అసలు ఏంటీ బరాబర్ కాంట్రవర్సీ?