bigg-boss

Kavya Shree: 'బిగ్ బాస్'పై కావ్య శ్రీ కామెంట్స్... నిఖిల్ పేరు కూడా తీయలేదుగా

S Niharika — Wed, 9 Sep 2026 15:36:08 +0530

'బిగ్ బాస్' రియాలిటీ షోపై బుల్లితెర అందాల భామ కావ్య శ్రీ (Actress Kavya Shree) సెన్సేషనల్ కామెంట్స్ చేశారు. ప్రస్తుతానికి తాను ఆ ఇంటిలోకి వెళ్ళాలని అనుకోవడం లేదన్నారు. 'బిగ్ బాస్'కి వెళ్ళడానికి ఇది సరైన సమయం కాదని భావిస్తున్నట్లు చెప్పారు. ప్రస్తుతానికి కుటుంబంతో సమయాన్ని గడపాలని అనుకుంటున్నట్లు చెప్పారు. ఒకవేళ అవకాశం వస్తే రిజెక్ట్ చేయడం కరెక్ట్ కాదని, భవిష్యత్తులో ఏం జరుగుతుందో ఇప్పుడే చెప్పలేమని కావ్య శ్రీ పేర్కొన్నారు. ఇక, 'బిగ్ బాస్' తెలుగు సీజన్ 8 విన్నర్ నిఖిల్ మలియక్కల్ పేరు కూడా తీయలేదు ఆవిడ.

అర్హత ఉంది కాబట్టి విజేతగా నిలిచాడు!
'గోరింటాకు' సీరియల్‌లో కావ్య శ్రీ, నిఖిల్ మలియక్కల్ జంటగా నటించారు. ఆ సీరియల్ చేసేటప్పుడు వాళ్ళిద్దరూ ప్రేమలో పడ్డారని ప్రచారం జరిగింది. ఆ తర్వాత ఏమైందో ఏమో... బ్రేకప్ జరిగింది. నిఖిల్ 'బిగ్ బాస్'కి వెళ్లి విజేతగా నిలిచారు. ఆ తర్వాత 'చిన్ని' సీరియల్ చేశారు. అందులో కావ్య శ్రీది మెయిన్ రోల్ కావడం... బ్రేకప్ తర్వాత వాళ్ళిద్దరూ కలిసి నటించడంతో 'చిన్ని' సీరియల్ వార్తల్లో నిలిచింది. ఇప్పుడు 'బిగ్ బాస్' విజేతల గురించి స్పందించమని అడిగితే నిఖిల్ పేరు కూడా తీయకుండా సమాధానం ఇచ్చారు కావ్య శ్రీ.

Also Read: Deepika Padukone Baby Bump - కడుపులో ఓ బిడ్డ... కళ్ళముందు మరో బిడ్డ... భర్తతో దీపిక... వైరల్ బేబీ బంప్ & బర్త్‌డే ఫోటోషూట్

'బిగ్ బాస్' విన్నర్స్‌లో మీకు ఎవరంటే ఇష్టం? ఆయన పేరు ఏమైనా చెబుతారా? అని కావ్య శ్రీని ప్రశ్నించగా... ''ఇష్టం అంటూ ఎవరూ లేరు. వాళ్ళకు అర్హత ఉంది కాబట్టి విన్నర్ అయ్యారు. అందరూ కష్టపడి విన్నర్ అయ్యారు. ఇష్టమంటూ ఎవరూ లేరు'' అని సమాధానం ఇచ్చారు. జీవితంలో బాధపడిన సందర్భాలు ఏమైనా ఉన్నాయా? అని అడిగితే... ''ఉండే ఉంటాయి. ఓ దశలో బాధపడి ఉంటాం. నేను అటువంటి బ్యాడ్ మూమెంట్స్ గుర్తు పెట్టుకోను'' అని చెప్పారు కావ్య శ్రీ. అదీ సంగతి.

Also Read: Epic First Review - ఎపిక్ ఫస్ట్ రివ్యూ: యూత్ కోసం ఫస్టాఫ్... ఆలోచింపజేసేలా సెకండాఫ్, కొత్త క్లైమాక్స్

టాలీవుడ్‌లో తనకు అత్యంత ఇష్టమైన కథానాయకుడు పవన్ కళ్యాణ్ అని కావ్య శ్రీ తెలిపారు. ఆయన హీరో మాత్రమే కాదని, ప్రతి విషయంలోనూ తనకు ఎంతో స్ఫూర్తి ఇస్తారని ఆమె వివరించారు. సినిమాల్లో అవకాశం వస్తే ఏ హీరోతోనైనా స్క్రీన్ షేర్ చేసుకోవడానికి తాను సిద్ధమని కావ్య శ్రీ చెప్పారు.

Also Read: Vishwanath And Sons OTT Release Date - ఓటీటీలోకి ఈ వారమే సూర్య సినిమా... నెట్‌ఫ్లిక్స్‌లో 'విశ్వనాథ్ అండ్ సన్స్' స్ట్రీమింగ్ ఎప్పుడంటే?

Nandus World Nandana : నా భర్తే చూసుకుంటారు... నాకేమీ తెలీదు - నందూస్ వరల్డ్ నందన స్టేట్మెంట్... బిగ్ బాస్ కోసమే వచ్చిందా?

Ganesh Guptha — Wed, 9 Sep 2026 08:45:12 +0530

Nandu World Nandana Questioned By Vijayawada Police : విదేశాల్లో ఉద్యోగాలు, లండన్ వీసాల పేరిట నిరుద్యోగులు, విద్యార్థుల నుంచి డబ్బులు వసూలు చేశారన్న ఆరోపణల కేసులో ఫేమస్ యూట్యూబర్, నందూస్ వరల్డ్ నందనను పోలీసులు విచారించారు. ఎన్టీఆర్ జిల్లా ఇబ్రహీంపట్నం పోలీసుల ఎదుట మంగళవారం ఆమె విచారణకు హాజరయ్యారు.

'నాకు సంబంధం లేదు'

'లండన్ కేంద్రంగా నడుస్తున్న డెస్టినీ కన్సల్టెన్సీ గురించి నాకు తెలియదు. దాని వ్యవహారాలను నా భర్త మధుకర్, అకౌంటెంట్ చూసుకుంటారు. అందులో నా జోక్యం ఉండదు.' అని నందన పోలీసులకు చెప్పినట్లు తెలుస్తోంది. నందన తన తల్లి, లాయర్‌తో విచారణకు హాజరయ్యారు. ఆమెను సీఐ సుబ్రహ్మణ్యం, ఎస్సై రాజు... దాదాపు నాలుగు గంటల పాటు ప్రశ్నించారు.

కన్సల్టెన్సీలో ఆమె పాత్ర ఏంటి? దాని యజమాని, డైరెక్టర్స్ ఎవరు? ఇలా పలు కోణాల్లో పోలీసులు ప్రశ్నలు సంధించారు. అంతా తన భర్తే చూసుకుంటారని తనకేమీ తెలియదని నందన చెప్పినట్లు సమాచారం. కొన్ని ప్రశ్నలకు సరైన సమాధానాలు చెప్పకపోవడంతో మళ్లీ ఈ నెల 16న విచారణకు రావాలని నోటీసులిచ్చి పంపించారు.

మీడియాతో లాయర్ల వాగ్వాదం

ప్రకాశం జిల్లా అద్దంకికి చెందిన కొందరు బాధితులు కూడా తామూ నందన చేతిలో మోసపోయామంటూ ఇబ్రహీంపట్నం పోలీసుల ఎదుట ఆవేదన వ్యక్తం చేశారు. స్టేషన్‌కు రమా నందన వస్తుందని తెలిసి అక్కడికి చేరుకున్న మీడియా ప్రతినిధులకు, ఆమె తరఫు లాయర్లకు మధ్య వాగ్వాదం జరిగింది. చివరకు లాయర్స్ మీడియాకు సారీ చెప్పడంతో వివాదం సద్దుమణిగింది.

Also Read : Vishwanath And Sons OTT: ఓటీటీలోకి ఈ వారమే సూర్య సినిమా... నెట్‌ఫ్లిక్స్‌లో 'విశ్వనాథ్ అండ్ సన్స్' స్ట్రీమింగ్ ఎప్పుడంటే?

అసలేం జరిగిందంటే?

నందూస్ వరల్డ్ కపుల్ పేరిట నందన, ఆమె భర్త మధుకర్ యూట్యూబ్‌లో చాలా పాపులర్. వీరి వీడియోస్ ట్రెండ్ అవుతుంటాయి. ఇదే ఫేమ్‌తో నందన సినిమాల్లోనూ అవకాశాలు దక్కించుకున్నారు. రీసెంట్‌గా 'మన శంకర వరప్రసాద్ గారు' మూవీలో నటించారు నందన. ఇదే ఫేమ్‌తో లండన్‌లో వీసాలు, నిరుద్యోగులకు ఉద్యోగాలు ఇప్పిస్తానని చాలా మంది నుంచి డబ్బులు వసూలు చేశారని వీరిపై ఆరోపణలు వచ్చాయి. తన నుంచి రూ.15 లక్షలు వసూలు చేశారని ఇబ్రహీంపట్నానికి చెందిన శివక్రాంతి కుమార్ ఫిర్యాదు మేరకు కేసు నమోదైంది.

అలా, పలువురు బాధితులు పోలీసులను ఆశ్రయించడంతో నందూస్ వరల్డ్ నందనపై పోలీసులు లుక్ అవుట్ నోటీసులు జారీ చేశారు. అయితే, ఆమె శంషాబాద్ ఎయిర్ పోర్టులో కనిపించడంతో పోలీసులు అదుపులోకి తీసుకుని... విజయవాడ పోలీసులకు అప్పగించారు.

బిగ్ బాస్ కోసమే వచ్చారా?

అయితే, ఇప్పటివరకూ లండన్‌లోనే ఉన్న నందన సడన్‌గా హైదరాబాద్‌కు ఎందుకు వచ్చారా? అంటూ చర్చ మొదలైంది. ఆమె బిగ్ బాస్ తెలుగు సీజన్ 10లో వైల్డ్ కార్డ్ ద్వారా ఎంట్రీ ఇచ్చేందుకే వచ్చారనే ప్రచారం సాగుతోంది. మరి దీనిలో నిజానిజాలు తెలియాల్సి ఉంది. మరి ఈ వ్యవహారంలో నందన భర్త మధుకర్ పాత్ర ఎంతనేది పోలీసుల విచారణలో తెలియాల్సి ఉంది.

Also Read : Crime Thriller OTT : కేస్ ఫైల్ ఓపెన్ చేస్తే రక్తం కళ్ల చూడాల్సిందే - ఓటీటీ ట్రెండింగ్‌లో సైకలాజికల్ క్రైమ్ థ్రిల్లర్... ఎందులో స్ట్రీమింగ్ అంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Bigg Boss Season 10 Episodes: బిగ్‌బాస్ సీజన్ 10 ఎపిసోడ్: చరణ్‌కి దెబ్బేసిన దేబ్‌జానీ..! రోహిత్‌ మీద విరుచుకుపడ్డ కృష్ణుడు..!

Jhanshi Balleda — Wed, 9 Sep 2026 06:11:00 +0530

Bigg Boss Season 10 Letest Episode: బిగ్‌బాస్ సీజన్ 10 రెండో రోజు ఎపిసోడ్‌లో ఏం జరిగిందో.. ఎలాంటి ట్విస్ట్‌లు చోటు చేసుకున్నాయో.. బిగ్‌బాస్ కంటెస్టెంట్స్‌కి ఎలాంటి టాస్క్‌లు ఇచ్చారో బిగ్‌బాస్ హైలెట్స్ ఇప్పుడు తెలుసుకుందాం..

ఓపెన్ నామినేషన్స్..

రెడ్ అండ్ బ్లూ టీమ్స్ సెలక్షన్ కోసం సాండ్ బ్యాగ్స్ గేమ్ పెడతారు. ఎవరు ఎన్ని బ్యాగ్స్ తీసుకొని ఇద్దరికీ ఇస్తారో ఎవరి దగ్గర ఎన్ని బ్యాగ్స్ ఉంటే వాటిలో ఉన్న బ్యాడ్స్‌ ఆధారంగా టీమ్ సెలక్ట్ చేసుకోమని చెప్తారు. రాం ప్రసాద్‌కి 5 బ్యాగులు వస్తే రోహిత్‌కి 4 బ్యాగ్‌లు వస్తాయి. రాం ప్రసాద్, రోహిత్‌లకు తమకి వచ్చే బ్యాడ్జ్‌ల బట్టీ సెలక్ట్ చేసుకోమని అంటారు. రాం ప్రసాద్ తన టీంలో త్రిగున్, నరేశ్, దేబ్‌జానీ, సుధీర్, కృష్ణుడు, ముఖేశ్, వర్షని సెలక్ట్ చేసుకుంటే రోహిత్ టీమ్‌లో అమన్, శృష్టి, షాలిని, ఝాన్సీ, వంశీ, చైత్రని సెలక్ట్ చేసుకుంటాడు.

రెడ్ టీమ్ తరుఫున

హౌస్‌మెంట్ కావడానికి అనర్హులు అనే వాళ్లని టీమ్ మొత్తం కలిసి సెలక్ట్ చేయండి అని బిగ్‌బాస్ చెప్తే రాం ప్రసాద్ చరణ్‌ అనర్హుడు అని ఓటు వేస్తాడు. సుధీర్ అమన్‌కి, వర్ష రోహిత్‌ అనర్హుడు అని చెప్తుంది. అయితే ఆ టైంలోనే రోహిత్‌ సార్ చాలా ఓవర్ చేస్తున్నారు.. సార్‌కి చాలా మంది చెప్పినట్లు ఉన్నారు.. నెత్తి మీద కళ్లు ఉన్నాయి.. సార్ కిందకి దిగాలి అని నేను ఓటు వేస్తున్నా అని చెప్తుంది. తర్వాత ముకేశ్ సృష్టికి.. దేబ్‌జానీ షాలి అనర్హురాలు అని చెప్తుంది. తర్వాత రోహిత్ తన టీమ్ తరఫున రాంప్రసాద్, కృష్ణుడు, వర్ష, త్రిగున్‌, దేబ్‌జానీ అనర్హులు అని చెప్తాడు.

ఇదే నా పాయింట్

త్రిగుణ్‌తో ఓవర్ డామినేషన్, అవసరం లేని డామినేషన్ చేస్తున్నారు మీతో మాట్లాడితే ఎలా గొడవ చేస్తారా అని భయంతో మాట్లాడలేకపోతున్నాం అని చెప్తాడు. తర్వాత దేబ్‌జానితో మీరు ఎక్కడో అందరితో డిపెండెంట్‌గా ఉన్నావని అనిపిస్తుంది. నీ పని కూడా ఇంకా మొదలు పెట్టలేదు.. మా టీమ్ మాట్లాడుకుంటూ పనులు మొదలు పెట్టాం.. మీరు ఇంకా పనులు చేయలేదు అని రోహిత్ అంటే అది నా ఇష్టం నేను రేపటి నుంచి చేస్తాను అని దేబ్‌జాని చెప్తుంది.

నేను పరుగెత్తలేదా.. కృష్ణుడి ఫైర్..

దేబ్‌జానీతో రోహిత్ మాట్లాడుతూ ఉంటే కృష్ణుడు మధ్యలో వచ్చి చాలా యాటిట్యూడ్‌తో హా.. ఏంటి రోహిత్ నేను పరుగెత్తలేనా.. నువ్వు లీడర్‌ కాదు.. నీకు ఆ సత్తా లేదు.. నువ్వే సరిగ్గా గేమ్ ఆడలేదు.. నువ్వు నాకు చెప్తావా.. నువ్వేం అనుకుంటున్నావు పెద్ద తోపు అనుకుంటున్నావా.. నువ్వు లీడర్‌వా.. మేం సైనికులమా? లేకపోతే నువ్వు రాజు అనుకుంటున్నావా.. అని ఫైర్ అయిపోతాడు. ఇక రాంప్రసాద్ సిల్లీ రీజన్స్‌తో నామినేషన్ చేశారు నేను కూడా ఇక నుంచి ప్రతీ చిన్న పాయింట్‌తో నామినేషన్ చేస్తా మీరు భరించలేరు అని అంటాడు.

టాస్క్ ఇదే..

తర్వాత బిగ్‌బాస్ రెడ్ అండ్ బ్లూ టీమ్స్‌కి టాస్స్ ఇస్తారు. రెండు టీమ్స్ నుంచి నుంచి టార్గెట్ అయిన సభ్యులుకి ఇస్తున్న ఛాలెంజ్ పేరు ప్రొటెక్టివ్ బాస్. ఈ టాస్క్లో మొత్తం రెండు రౌండ్స్ ఉంటాయి. మొదటి రౌండ్లో ఒక టీం సభ్యులు అటాకర్స్‌గా రెండో టీం సభ్యులు డిఫెండర్స్‌లా మారుతారు. రెండో రౌండ్లో రోల్స్ రివర్స్ అవుతాయి. ఇది అటాకర్స్, డిఫెండర్స్ మధ్య జరిగే ఒక థ్రిల్లింగ్ బ్లాస్టర్ బ్యాటిల్. అటాకర్స్ తమ బ్లాస్టర్ గన్స్‌తో గార్డెన్ ఏరియా, లివింగ్ రూమ్, బెడ్రూమ్ జోన్స్లో ఉన్న డిఫెండర్స్ని కిల్ చేస్తూ, ఒక్కొక్క జోన్ని దాటుకుంటూ చివరగా బ్యాక్యార్డ్ జోన్లో ఉన్న బాస్‌ని చేరుకోవాలి. ఏ టీంకైతే తమ బాస్‌ని ఎక్కువ సేఫ్ సేవ్ చేసుకుంటుందో ఆ టీం ఈ టాస్క్లో విజేతలుగా నిలిచి హై రిస్క్ జోన్లోకి వెళ్లకుండా తమని తాము కాపాడుకుంటారు అని చెప్తారు. బిగ్‌ బాస్ టాస్క్ మొదలు పెట్టగానే రెండు టీమ్స్ గన్‌లు పట్టి ఆట మొదలు పెడతారు.

షాలినిని కొట్టిన త్రిగుణ్‌..

టాస్క్ మధ్యలో షాలిని హెల్మంట్‌ పెట్టుకోకపోయినా త్రిగుణ్ అటాక్ చేయడంతో షాలిని హర్ట్ అవుతుంది. షాలిని వద్దు అన్నా కొట్టారని గొడవ పడుతుంది. చివరకు ఏడుస్తుంది. ఇక త్రిగుణ్ ఓవర్ చేస్తున్నాడు అని కామనర్స్ అనుకుంటారు. తర్వాత చరణ్, షాలిని, రోహిత్, శృష్టి త్రిగున్ అందర్నిడామినేట్ చేస్తున్నాడు. అందరికీ తన పాయింట్స్ పెడుతున్నాడు. కృష్ణుడు రోహిత్‌ని అన్న మాటలు కూడా త్రిగుణ్ మాటలే అని కృష్ణుడు చాలా ఎక్కువ మాట్లాడాడు అని అనుకుంటారు.

చరణ్ దగ్గర ఏడ్చేసిన షాలిని..

అందరూ తనని నెగిటివ్‌గా తీసుకుంటున్నారని రాం ప్రసాద్‌ కూడా తనకి సంబంధం లేని విషయంలో వచ్చి నా మీద అరిచాడు అని నా గురించి తనకు తెలీదు కదా.. అందరూ నా గురించి తెలీకుండా యాటిట్యూడ్ అని ఎలా చెప్తారు. నెగిటివ్ ఎలా చేస్తారు అని ఏడుస్తుంది.

టార్గెట్‌ రోహిత్..

తర్వాత సెలబ్రిటీస్ అందరూ రోహిత్ గురించే మాట్లాడుకుంటారు. రోహిత్‌ని అగ్రిపరీక్షలో టాప్‌లో కూర్చొపెట్టారు అందుకే ఇప్పుడు అదే తీరులో ఉన్నాడు అని అనుకుంటారు. వర్ష, నరేశ్, సుధీర్ మాట్లాడుకుంటూ చరణ్ మాట్లాడటానికి భయపడుతున్నాడు అని చరణ్‌ని పిలిచి నీతో మాట్లాడి అనుకున్నా నువ్వే మాట్లాడటం లేదు అని చరణ్ అంటాడు. తర్వాత దేబ్‌జానీ చరణ్‌ని పిలిచి మాట్లాడుతుంది. నీతో షాలినితో నాకు ఇంకా బాండ్ అవ్వడం లేదు. నువ్వు నీకంటూ ఫైట్ చేసుకోవాలి అని చెప్తూ ఉంటుంది. ఇంతలో త్రిగుణ్ వచ్చి మీ నలుగురు కలిసి ఉంటారు. నువ్వు గట్టిగా మాట్లాడటం లేదు.. అని చెప్తాడు. తర్వాత దేబ్‌జానీ చరణ్‌కి డెలూలూ అనే ట్యాగ్ పెట్టి ఇక నుంచి నేను చరణ్ ఫ్రెండ్ అని అంటుంది. దెలూలూ అంటే నెగిటివ్ ఇంత సేపు అంత మంచిగా మాట్లాడి నెగిటివ్ పెట్టావు అని చరణ్‌ అంటాడు. తర్వాత రోహిత్‌ వాళ్ల దగ్గరకు వెళ్లి దేబ్‌జానీ దెబ్బేసిందిరా అని చెప్తాడు.

దేబ్‌జానీ స్వయంవరం..

దేబ్‌జానీ ముఖేశ్‌తో నాకు స్వయంవరం అంటే చాలా ఇష్టం ఇప్పుడు ఆ స్కీట్ చేద్దామా అని అంటుంది. నరేశ్‌ని తీసుకొచ్చి చేద్దామా అని ముఖేశ్ అంటాడు. నరేశ్ రాగానే ఇద్దరూ స్కిట్ చేస్తారు. ఇంతలో బిగ్‌బాస్ దేబ్జానీ నీకు మంచి పార్టనర్ రావాలి అంటే పులిహోరా బాగా కలపడం నేర్చుకోవాలని అంటారు. అందరూ నవ్వుతారు. తర్వాత చరణ్ బాధ పడ్డాడు అని తెలిసి దేబ్‌జానీ మాట్లాడుతుంది. చరణ్ ఏడ్వడంతో నేను నీ అక్కనిరా.. నేను నీకు అండగా ఉంటాను అని చెప్పి ఓదార్చుతుంది.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

BiggBoss Season 10 1st Episode: బిగ్‌బాస్ సీజన్ 10: తొలి రోజే గొడవ.. కామనర్స్ వర్సెస్ సెలబ్రిటీస్‌.. రెచ్చిపోయిన త్రిగుణ్, రోహిత్!!

Jhanshi Balleda — Tue, 8 Sep 2026 07:33:01 +0530

Bigg Boss Season 10 Letest Episode: బిగ్‌బాస్ సీజన్ 10 మొదటి రోజు మొదటి ఎపిసోడ్‌లో ఏం జరిగిందో.. ఎలాంటి ట్విస్ట్‌లు చోటు చేసుకున్నాయో.. బిగ్‌బాస్ కంటెస్టెంట్స్‌కి ఎలాంటి టాస్క్‌లు ఇచ్చారో బిగ్‌బాస్ హైలెట్స్ ఇప్పుడు తెలుసుకుందాం..

స్పెషల్ కీస్ ఆ ఇద్దరికే..

బిగ్‌బాస్ స్పెషల్ పవర్‌ ఉన్న తాళాలు గెలుచుకున్న ఎనిమిది మందికి మరో ఇద్దరికి కూడా తాళాలు ఇచ్చే అవకాశం ఉందని ఆ ఇద్దరు ఎవరో మీరే చెప్పండి అని చెప్పడంతో.. త్రిగుణ్, రాం ప్రసాద్, వర్షిణి, ముఖేశ్, షాలిని, ఝాన్సీ, నరేశ్, సృష్టి ఎనిమిది మంది కలిసి వంశీ, కృష్ణుడులకు ఇవ్వాలని నిర్ణయించుకొని అందరి ముందు తమ తమ కారణాలు చెప్పి వాళ్లిద్దరికీ రెండు తాళాలు ఇవ్వాలని నిర్ణయించుకున్నట్లు చెప్తారు. తాళాలు మాకు ఎందుకు ఇవ్వలేదు అని అమన్, రోహిత్ ప్రశ్నిస్తారు. ఇక బిగ్‌ బాస్ అందరికీ మహా పరీక్షకి రెడీగా ఉండమని చెప్తారు.

కామెడీ షురూ..

ఉదయం అందరూ కలిసి బిగ్‌ బాస్ సాంగ్‌కి డ్యాన్స్ చేస్తారు. కాఫీలు టీలు చేసుకొని తాగుతూ చిల్ అవుతారు. అందరూ పొద్దున్నే రెడీ అయిపోయారు మనకే ఇంకా రెడీ అవ్వలేదు అని దేబ్‌జానీ రాం ప్రసాద్‌తో మీటింగ్ పెడుతుంది. ఇప్పుడే లేచా కదా ఏం చేయాలి రామన్నా అని అడుగుతుంది. రామన్న నిన్ను బాగా అర్థం చేసుకున్నాడు కదా నేను మంచోడిని అని బిగ్‌బాస్‌కి చెప్పు అని రాం ప్రసాద్ సెటైర్లు వేస్తాడు. దేబ్‌జానీ కెమెరాతో మాట్లాడుతుంది. రాం ప్రసాద్, నరేశ్ కలిసి పంటలు వేసుకొని నామినేషన్ల గురించి మాట్లాడుకుంటారు. ఇక సృష్టి దగ్గరకు సుధీర్ వెళ్లి ఎస్ అనే ట్యాటూ వేసుకున్నావ్ నా పేరు కూడా వస్తుంది అని ఫ్లర్టింగ్ మొదలు పెడతాడు.

తాళాలు వాటి పవర్లు..

బిగ్ బాస్ కీస్ దక్కించుకున్న 10 మందిని బాక్స్‌లు ఓపెన్ చేయమని అందులో ఏం ఉందో మీరు చదివి కెమెరాకి చూపించండి ఇంట్లో ఎవరికీ తెలీకూడదు అని చెప్తారు. త్రిగుణ్‌కి టేక్‌ ఓవర్ పవర్ వస్తుంది. దీని అర్థం వేరే వాళ్ల పవర్‌ని త్రిగుణ్‌ తీసుకోవచ్చు.. ఝాన్సీకి ఎవిక్షన్ ఫ్రీ పవర్ వస్తుంది. దీని ద్వారా ఎలిమినేషన్ భయం ఉంటే ఆ వారం సేవ్ అవ్వడానికి వాడుకోవచ్చు. తర్వాత ముఖేశ్‌కి ఆల్రెడీ వాడిన పవర్‌ని రివైజ్ చేసే పవర్ వస్తుంది. వర్షిణికి ఎవరైనా టాస్క్‌లో విన్ అయితే ఆ పవర్ తీసుకునే పవర్ వర్ణిణికి వచ్చింది. కృష్ణుడికి హౌస్‌లో ఉన్న ఎవరి ప్లేస్‌ని అయినా తన ప్లేస్‌తో స్వాప్ చేయొచ్చనే పవర్ వస్తుంది. షాలినికి ఏ ప్లేయర్‌కి అయినా నచ్చిన డ్యూటీ ఇచ్చే పవర్ వస్తుంది. సృష్టికి డైరెక్ట్ నామినేషన్ పవర్.. రాం ప్రసాద్‌కి నామినేషన్‌లో తనని అయినా నచ్చిన వారినైనా సేవ్ చేసే పవర్ రాం ప్రసాద్‌కి ఇచ్చారు. వంశీకి ఏ ప్లేయర్‌ని అయినా రెండు వారాలు కెప్టెన్ కాకుండా చేసే పవర్ వస్తుంది. ఇక నరేశ్‌కి డబుల్ ఓట్ పవర్ వస్తుంది.

మహా పరీక్ష..

బిగ్‌బాస్ కంటెస్టెంట్స్‌కి మహా పరీక్ష పెడతారు. ఈవారం నామినేషన్ ప్రక్రియ లేనప్పటికీ ప్రేక్షకుల ఓట్ల ద్వారా ఎలిమినేష్ ఉందని చెప్తారు. ఇద్దరినీ నాయకుల పేర్లు చెప్పమని అడుగుతారు. అందరూ వాళ్ల వాళ్ల పేర్లు చెప్పుకొని తర్వాత వేరే పేరు చెప్తారు. రోహిత్‌ ఎక్కువ ఓట్లతో లీడర్ అవ్వడంతో రాం ప్రసాద్, త్రిగుణ్‌కి టై రావడంతో త్రిగుణ్ గివ్‌ అప్ ఇచ్చేసి రాం ప్రసాద్‌కి లీడర్‌గా ఉండమని అంటాడు. రోహిత్‌కి అగ్నిపరీక్ష కంటెస్టెంట్స్ మాత్రమే ఓట్లు వేశారు.. కామనర్స్ వర్సెస్ సెలబ్రిటీలు చేసేశారని అందుకే తను త్యాగం చేసేసి నట్లు త్రిగుణ్ అంటాడు. త్రిగుణ్ మాటలకు అగ్రిపరీక్ష నుంచి వచ్చిన ఆరుగురు అలా ఎలా అంటారు అని గొడవ పడతారు. చివరగా రోహిత్, రాం ప్రసాద్‌లో లీడర్స్ అవుతారు. రోహిత్‌కి రెడ్, రాం ప్రసాద్‌కి నీలం రంగు రుమాలు ఇస్తారు. ఒకరు బ్లూ టీమ్, మరొకరు రెడ్ టీమ్‌కి నాయకులు అని చెప్తారు. దీంతో ఎపిసోడ్ పూర్తయిపోతుంది.

Bigg Boss 10 Contestants Remunerations : బిగ్ బాస్ 10 కంటెస్టెంట్స్ రెమ్యునరేషన్స్ - హయ్యెస్ట్ ఎవరికో తెలుసా?

Ganesh Guptha — Mon, 7 Sep 2026 10:38:59 +0530

Bigg Boss Telugu Sesaon 10 Contestants Remunerations : గత 9 సీజన్ల కంటే ఈసారి మరింత కొత్తగా మరిన్ని సవాళ్లతో ఫేమస్ రియాలిటీ షో బిగ్ బాస్ సీజన్ 10 ఆదివారం ప్రారంభమైంది. కింగ్ నాగార్జున హోస్ట్‌గా 16 మంది కంటెస్టెంట్స్ హౌస్‌లోకి అడుగుపెట్టారు. 'ఈసారి ఆటలో కాదు... ఆటే సవాల్' అంటూ ఎలివేషన్ ఇచ్చారు. ఈసారి 10 మంది సెలబ్రిటీలతో పాటు ఆరుగురు కామనర్స్ కూడా ఎంట్రీ ఇచ్చారు.

హోస్ట్ నాగార్జున ఈ సీజన్‌కు రూ.40 కోట్ల రెమ్యునరేషన్ తీసుకుంటున్నట్లు తెలుస్తోంది. ఇక హౌస్‌లో కంటెస్టెంట్స్ రెమ్యునరేషన్‌పై కూడా అందరిలోనూ ఆసక్తి నెలకొంది. సెలబ్రిటీలతో పాటు కామనర్స్‌కు ఎంత రెమ్యునరేషన్ ఇస్తున్నారో ఓసారి చూస్తే...

ఎవరి రెమ్యునరేషన్ ఎంతంటే?

బిగ్ బాస్ హౌస్‌లోకి ఎంటర్ అయినప్పటి నుంచి అంటే ఆదివారం నుంచి కంటెస్టెంట్స్ రెమ్యునరేషన్ కౌంట్ అవుతుంది. ఫస్ట్ వీక్ రెమ్యునరేషన్ ముందుగానే వారి అకౌంట్లలోకి క్రెడిట్ చేస్తారు నిర్వాహకులు.

జబర్దస్త్ కమెడియన్ నరేష్‌కు - రూ.2.5 లక్షలు ఇస్తున్నట్లు తెలుస్తోంది. జబర్దస్త్‌తో పాటు గత పదేళ్లుగా పలు షోస్‌తో ఫేమ్ అయ్యారు. చూడడానికి పొట్టిగా ఉన్నా కూడా అదే అతనికి యునిక్ ఐడెంటిటీ అయ్యే అవకాశం ఉంది. హౌస్‌లో ఏ టాస్క్ పెట్టినా ఇతని హైట్ దృష్టిలో పెట్టుకునే డిజైన్ చేయాల్సి ఉంది.
టాలీవుడ్ హీరో త్రిగుణ్‌కు - వారానికి రూ.2.75 లక్షల రెమ్యునరేషన్ అందిస్తున్నారు. ఇటీవల చెన్నై లవ్ స్టోరీలో సెకండ్ హీరోగా చేసి ఫుల్ క్రేజ్ సంపాదించుకున్నారు. అలాగే, పలు సినిమాల్లో కీలకపాత్రలు పోషించారు.
యూట్యూబర్ సుధీర్ రెడ్డి - వారానికి రూ.1.25 లక్షలు. పాడ్ కాస్ట్‌లతో ఎలాంటి కాంట్రవర్సీస్ లేకుండా మంచి కంటెంట్ అందిస్తారు.
సీరియల్ నటి దేబ్జానీ - వారానికి రూ.2.75 లక్షలు అందిస్తున్నట్లు తెలుస్తోంది.
ప్రముఖ యాంకర్ వర్షిణి - వారానికి రూ.3.75 లక్షలు. ఈమెకు ఇన్ స్టా గ్రామ్‌లో 1 మిలియన్ ప్లస్ ఫాలోవర్స్ ఉన్నారు.
నటుడు టెంపర్ వంశీ - వారానికి రూ.2 లక్షలు. ఎన్నో సినిమాల్లో విలన్ రోల్ చేసి ఫుల్ క్రేజ్ సంపాదించుకున్నారు.
నటుడు కృష్ణుడు - వారానికి రూ.2 లక్షలు. ఎన్నో సినిమాల్లో సహాయ పాత్రలు, కొన్ని సినిమాల్లో హీరోగా చేసి ఫుల్ పాపులర్ సంపాదించుకున్నారు కృష్ణుడు.
సీరియల్ నటి చైత్ర రాయ్ - వారానికి రూ.2.5 లక్షలు. సీరియల్స్‌తో బుల్లితెర ప్రేక్షకులకు దగ్గరయ్యారు. 7 లక్షలకు పైగా ఇన్ స్టా గ్రామ్ ఫాలోవర్స్ ఉన్నారు.
ఆటో రామ్ ప్రసాద్ - జబర్దస్త్ ఫేమ్, నటుడు ఆటో రామ్ ప్రసాద్ వారానికి రూ.4.5 లక్షల రెమ్యునరేషన్ తీసుకుంటున్నట్లు తెలుస్తోంది. ఇది హౌస్‌లో మిగిలిన కంటెస్టెంట్స్ అందరి కంటే చాలా ఎక్కువని టాక్. జబర్దస్త్ షో ద్వారా ఫుల్ పాపులర్ అయిన రామ్ ప్రసాద్... సినిమాల్లోనూ తనదైన నటనతో ఫుల్ ఫాలోయింగ్ సంపాదించుకున్నారు.
ముఖేష్ గౌడ - సీరియల్ నటుడు ముఖేష్ గౌడ వారానికి రూ.3 లక్షల రెమ్యునరేషన్ తీసుకుంటున్నట్లు తెలుస్తోంది. గుప్పెడంత మనసు రిషి సార్‌గా బుల్లితెర ఆడియన్స్‌లో విపరీతమైన క్రేజ్ ఉంది.

Also Read : Bigg Boss 10 Telugu: 'బిగ్ బాస్ 10'కు నాగార్జున రెమ్యూనరేషన్ ఎంతో తెలుసా? కింగ్‌కు కోట్లలో ఇస్తున్న స్టార్ మా

కామనర్స్ రెమ్యునరేషన్స్

బిగ్ బాస్ లాస్ట్ సీజన్‌లో ఒక్కో కామనర్‌కు వారానికి రూ.70 వేల రెమ్యునరేషన్ ఇచ్చారు. అయితే, అగ్నిపరీక్ష సీజన్ 1 టైంలో ఒక్క రూపాయి కూడా ఇవ్వలేదు. కానీ ఈసారి అగ్నిపరీక్ష సీజన్ 2కు అటెండ్ అయిన 15 మందికి ఒక్కొక్కరికి రూ.50 వేలు ఇచ్చినట్లు తెలుస్తోంది. హౌస్‌లోకి ఎంటర్ అయిన ఆరుగురికి వారానికి రూ.70 వేల రెమ్యునరేషన్ ఇచ్చినట్లు సమాచారం.

Also Read : Bigg Boss 10 Buzz : ఆట కాదు వేట... బిగ్ బాస్ కంటెస్టెంట్స్ గెట్ రెడీ - బజ్ హోస్ట్‌గా శివాజీ

Gundenininda Gudigantalu Serial September 7 | వరలక్ష్మీ వ్రతంలో రోహిణికి ట్విస్ట్

ABP Desam — Mon, 7 Sep 2026 10:02:57 +0530

బుల్లితెర ప్రేక్షకులను ఆకట్టుకుంటున్న ‘గుండె నిండా గుడిగంటలు’ సీరియల్ సోమవారం ఎపిసోడ్‌ తీవ్ర ఉత్కంఠభరితంగా సాగింది. వరలక్ష్మీ వ్రతంలో రోహిణిని కూర్చోబెట్టాలా వద్దా అనే అంశంపై ఇంట్లో పెద్ద చర్చే నడిచింది. మీనా, శృతి రోహిణికి సపోర్ట్ చేయగా, అనవసరంగా జోక్యం చేసుకుని మూతి పళ్లు రాలగొట్టుకోవద్దంటూ బాలు హెచ్చరిస్తాడు. అయితే, మీనా పట్టుబట్టడంతో సత్యం ద్వారా ప్రభావతిని ఒప్పించే ప్రయత్నం జరుగుతుంది.

మరోవైపు రౌడీ ఫైనాన్సర్ గుణ.. శివ దూరం కావడంతో లెక్కలు తప్పాయని, అందుకు కారణమైన బాలుపై పగ తీర్చుకోవాలని చూస్తాడు. ఇదే సమయంలో దినేష్‌తో మాట్లాడి, రోహిణి సీక్రెట్ తెలుసుకోవాలని ప్రయత్నిస్తాడు. ఆపై రెండు లక్షల కోసం రోహిణికి ఫోన్ చేసి భయపెట్టాలని చూస్తే, రోహిణి తిరగబడి గుణకు గట్టి వార్నింగ్ ఇస్తుంది. అయినా ఎలాగైనా రోహిణి అసలు గుట్టు బయటపెడతానని గుణ నిర్ణయించుకుంటాడు.

ఇక ఇంట్లో ప్రభావతిని ఒప్పించేందుకు బాలు ఒక నకిలీ ఫోన్ కాల్ ప్లాన్ వేస్తాడు. సుశీలమ్మ కాల్ చేసినట్లు నటించి నాటకమాడటంతో, ప్రభావతి దిగివచ్చి కొడుకు మనోజ్ భవిష్యత్తు కోసం రోహిణిని వ్రతంలో కూర్చోబెట్టడానికి అంగీకరిస్తుంది. వ్రతంలో కూర్చునే అవకాశం రావడంతో రోహిణి ఎంతో సంతోషిస్తుంది. కానీ, ప్రభావతి పూజా నియమాలు, సామగ్రి వివరాలు చెబుతున్న కొద్దీ రోహిణిలో అసలు భయం మొదలవుతుంది. ఆ వ్రతాన్ని నిష్ఠగా ఎలా చేయాలో తెలియక టెన్షన్ పడుతుంది. మొత్తానికి వ్రతంలో కూర్చున్నా రోహిణికి అసలు పరీక్ష ఇప్పుడే మొదలైంది.

Bigg Boss 10 Buzz : ఆట కాదు వేట... బిగ్ బాస్ కంటెస్టెంట్స్ గెట్ రెడీ - బజ్ హోస్ట్‌గా శివాజీ

Ganesh Guptha — Mon, 7 Sep 2026 09:27:19 +0530

Actor Sivaji Hosts Bigg Boss Telugu Season 10 Buzz : బిగ్ బాస్ సీజన్ 10 ప్రారంభమైంది. కింగ్ నాగార్జున హోస్ట్‌గా పది మంది సెలబ్రిటీలతో పాటు ఆరుగురి కామనర్స్‌ హౌస్‌లోకి ఎంట్రీ ఇచ్చారు. ఇక సోమవారం నుంచి బిగ్ బాస్ బజ్ కూడా ప్రారంభం కానుంది. హౌస్ నుంచి ఎలిమినేట్ అయిన వారి అభిప్రాయాలు, హౌస్‌లో వారు ఎదుర్కొన్న అనుభవాలను ఈ బజ్‌లో కంటెస్టెంట్స్ షేర్ చేసుకుంటారు. దీనికి హౌస్ట్‌గా నటుడు శివాజీ వ్యవహరిస్తారు.

'ఆట కాదు వేట'

బిగ్ బాస్ 10 బజ్‌కు సంబంధించిన ప్రోమోను రివీల్ చేశారు శివాజీ. సోమవారం (సెప్టెంబర్ 7) నుంచి ప్రతి రోజూ ఉదయం 10 గంటలకు రాత్రి 6 గంటలకు 'స్టార్ మా మ్యూజిక్‌'లో (Star Maa Music) ప్రసారం కానుంది. 'గతం చెరిపే ఛాన్స్ ఇవ్వదు. చించేసే ఆప్షన్ ఉండదు. వెతుక్కుంటూ వెంటాడుతూ వెనక వెనకే వస్తుంది. అలా ముగిసిందనుకునే బిగ్ బాస్ హౌస్ మేట్ జర్నీని ఇప్పుడు, ఇక్కడ తేల్చుకుందాం. బిగ్ బాస్ బజ్ ఆట కాదు వేట.' అంటూ ఎలివేట్ చేశారు. ప్రస్తుతం ఈ వీడియో ట్రెండ్ అవుతోంది.

ముందు రోజు రాత్రి వచ్చిన బిగ్ బాస్ ఎపిసోడ్‌తో పాటు కొంచెం కంటెంట్ యాడ్ చేసి తర్వాతి రోజు స్టార్ మా మ్యూజిక్‌ బజ్ ఎపిసోడ్‌లో టెలికాస్ట్ చేస్తారు. అలా ఉదయం 10 గంటలకు, సాయంత్రం 6 గంటలకు ఎపిసోడ్స్ ప్రసారం అవుతాయి. బిగ్ బాస్ హౌస్ నుంచి ఎలిమినేట్ అయి బయటకు వచ్చిన కంటెస్టెంట్స్‌ను హాట్ సీట్‌లో కూర్చోబెట్టి వారి నుంచి నిజాలు రాబడతారు. ఈ ఇంటర్వ్యూలకు సోషల్ మీడియాలో సూపర్ క్రేజ్ ఉంటుంది. అటు, యూట్యూబ్‌లో సైతం వ్యూయర్ షిప్ పెరుగుతుందని నిర్వాహకులు భావిస్తున్నారు.

Also Read : Bigg Boss Telugu 10 Live Updates : బిగ్ బాస్ తెలుగు సీజన్ 10 - హౌస్‌లో ఫైనల్‌గా అడుగుపెట్టిన సెలబ్రిటీస్, కామనర్స్ వీళ్లే...

16 మంది కంటెస్టెంట్స్

బిగ్ బాస్ సీజన్ 10లో మొత్తం 16 మంది కంటెస్టెంట్స్ ఎంట్రీ ఇచ్చారు. సెలబ్రిటీస్ 10 మంది, కామనర్స్ ఆరుగురు హౌస్‌లో అడుగుపెట్టారు. సీరియల్ నటి దేబ్జానీ, తెలుగు హీరో త్రిగుణ్, యూట్యూబర్ సుధీర్ రెడ్డి, సీరియల్ నటి చైత్ర రాయ్, జబర్దస్త్ ఫేమ్స్ ఆటో రామ్ ప్రసాద్, నరేష్, టెంపర్ వంశీ, నటుడు కృష్ణుడు, ప్రముఖ యాంకర్ వర్షిణి, సీరియల్ నటుడు ముఖేష్ గౌడ ఎంట్రీ ఇచ్చారు.

అగ్నిపరీక్ష సీజన్ 2లో తమ గేమ్స్, స్ట్రాటజీస్‌తో సత్తా చాటి అటు జ్యూరీ, ఇటు ఆడియన్స్ మనసులు గెలుచుకున్న ఆరుగురు సామాన్యులు హౌస్‌లోకి అడుగుపెట్టారు. సీజన్ 2 ఫైనల్ ఎపిసోడ్స్‌లో గోల్డెన్ టికెట్ గెలుచుకుని డైరెక్ట్‌గా హౌస్‌లోకి ఎంటరయ్యారు సింగర్ ఝాన్సీ, అలాగే, షాలిని, రోహిత్, అమన్, సృష్టి, చరణ్ హౌస్‌లోకి ఎంట్రీ ఇచ్చారు. ఇక సెలబ్రిటీస్, కామనర్స్ మధ్య పోటా ఎలా ఉండబోతుందోననే ఆసక్తి అందరిలోనూ ఉంది.

Also Read : Antha Ramuloru Chusukuntaru Glimpse : గోదారమ్మ ఒడిలో క్యూట్ లవ్ స్టోరీ - అంతా రాములోరు చూస్కుంటారు...

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Bigg Boss 10 Telugu: 'బిగ్ బాస్ 10'కు నాగార్జున రెమ్యూనరేషన్ ఎంతో తెలుసా? కింగ్‌కు కోట్లలో ఇస్తున్న స్టార్ మా

S Niharika — Mon, 7 Sep 2026 09:06:26 +0530

How Much Does Nagarjuna Charge For Bigg Boss Telugu Season 10: తెలుగు టీవీ హిస్టరీలో అత్యంత వీక్షకాదరణ పొందిన రియాలిటీ షోలలో 'బిగ్ బాస్' తెలుగు (Bigg Boss Telugu) ఒకటి. రీసెంట్‌గా 'బిగ్ బాస్' తెలుగు సీజన్ 10 స్టార్ట్ అయ్యింది. దీనికి కింగ్ అక్కినేని నాగార్జున (Akkineni Nagarjuna) హోస్ట్ చేస్తున్నారు. 'బిగ్ బాస్ 3' నుంచి ఈ షోకి ఆయనే హోస్ట్. కొత్త సీజన్ ప్రారంభం కావడంతో వీక్షకులతో పాటు పరిశ్రమ వర్గాల దృష్టి ఆయనపై పడింది. ఈసారి ఎంత కొత్తగా హోస్ట్ చేస్తారని చూస్తున్నారు. ఈ తరుణంలో ఆయన రెమ్యూనరేషన్ గురించి కూడా డిస్కషన్ జరుగుతోంది. 'బిగ్ బాస్ 10'కు ఆయన ఎంత తీసుకుంటున్నారో తెలుసా?

నాగార్జునకు కోట్లలో ఇస్తున్న స్టార్ మా
టాలీవుడ్ సినిమా, టీవీ ఇండస్ట్రీలో వినిపిస్తున్న తాజా సమాచారం ప్రకారం... కింగ్ అక్కినేని నాగార్జునకు స్టార్ మా ఛానల్ కోట్లలో పారితోషికాన్ని ఇస్తున్నారట. 10వ సీజన్ కోసం సుమారు 40 కోట్ల రూపాయల భారీ పారితోషికాన్ని కింగ్ తన ఖాతాలో వేసుకోబోతున్నట్లు సమాచారం.

లాస్ట్ సీజన్ (బిగ్ బాస్ తెలుగు 9)కు నాగార్జున దాదాపు 35 కోట్ల రూపాయల వరకు పారితోషికంగా తీసుకున్నట్లు తెలిసింది. గత సీజన్‌తో పోలిస్తే ఈసారి 10వ 'బిగ్ బాస్' తెలుగు సీజన్‌కు ఆయన రెమ్యూనరేషన్ 5 కోట్ల రూపాయలు పెరిగిందని సమాచారం. అయితే... ఇటు స్టార్ మా వర్గాలు గానీ, అటు అక్కినేని వర్గాలు గానీ పారితోషికం గురించి ఎటువంటి సమాచారం ఇవ్వలేదు.

Also Read: Samantha Visits Isha Foundation With Baby Bump - పెళ్ళి చేసుకున్న గుడికి బేబీ బంప్‌తో వెళ్ళిన సమంత... 'సద్గురు'తో స్టార్ హీరోయిన్

'బిగ్ బాస్ 9' విషయంలో నాగార్జునపై విమర్శలు
'బిగ్ బాస్'ను విజయవంతంగా నడిపిస్తున్న హోస్టులలో నాగార్జున ఒకరు. అయితే గత సీజన్ సమయంలో ఆయన హోస్టింగ్ శైలిపై కొంతమంది వీక్షకులు చాలా అంటే చాలా విమర్శలు చేశారు. వీకెండ్ ఎపిసోడ్స్ నిర్వహించే సమయంలో ఆ షోకి కావాల్సినంత ఎనర్జీతో చేయలేదన్నారు. ఆయన హోస్ట్ ఇంపాక్ట్ చూపించడంలో ఫెయిల్ అయ్యిందన్నారు. సోషల్ మీడియాలో ట్రోల్స్ వచ్చాయి. అయితే కొంత మంది పనికట్టుకుని కావాలని విమర్శలు చేసినట్టు అభిమానులు తెలిపారు.

Also Read: Mandaadi OTT - నెట్‌ఫ్లిక్స్ చేతికి 'మందాడి... రిలీజుకు ముందే సుహాస్ సినిమాకు భారీ డీల్

'బిగ్ బాస్' 10వ సీజన్ ద్వారా ఆ విమర్శలు అన్నింటికీ నాగార్జున సమాధానం చెబుతారా? లేదా? అని అభిమానులు, వీక్షకులు ఎంతో ఆసక్తిగా ఎదురు చూస్తున్నారు. ఈసారి వీకెండ్ ఎపిసోడ్స్‌లో మరింత ఉత్సాహం, వినోదం, జోష్ తీసుకు వస్తారని వీక్షకులు భావిస్తున్నారు. సీజన్ లాంచింగ్ ఎపిసోడ్ లో ఆయన ఎనర్జీ అదిరింది. తనదైన శైలిలో కింగ్ హోస్ట్ చేశారు.

Also Read: Nandamuri Mokshagna Debut Movie Officiallu Announced - సింహంలా వస్తున్న బాలయ్య వారసుడు... వశిష్ఠ దర్శకత్వంలో అఫీషియల్‌గా అనౌన్స్ చేసిన మైత్రి

Bigg Boss Season 10 Contestants List: బిగ్ బాస్ సీజన్ 10 గ్రాండ్ ఓపెనింగ్: హౌస్‌లోకి ఎంట్రీ ఇచ్చిన 16 మంది వీరే..

Jhanshi Balleda — Sun, 6 Sep 2026 23:48:52 +0530

Bigg Boss Season 10 Grand Launch: ప్రేక్షకులు ఎంతగానో ఎదురు చూస్తున్న బిగ్‌బాస్ 10 ఈ రోజు సాయంత్రం 7 గంటలకు చాలా గ్రాండ్‌గా ప్రారంభమైంది.. కింగ్ నాగార్జున అదిరిపోయే ఎంట్రీ ఇచ్చి ఒక్కో కంటెస్టెంట్‌ని హౌస్‌లోకి పంపించారు. ఎవరెవరు ఎంట్రీ ఇచ్చారు.. మధ్య మధ్యలో ఎలాంటి టాస్క్‌లు పెట్టారు.. సెలబ్రిటీలు ఎవరు వచ్చారు అనే విషయాలు మొత్తం ఇప్పుడు తెలుసుకుందాం..

మొదటి కంటెస్టెంట్ దేబ్‌జానీ..

బిగ్‌ బాస్‌ సీజన్‌ 10కి మొదటి కంటెస్టెంట్‌గా ఎన్నెన్నో జన్మల బంధం, సత్యభామ సీరియల్స్ హీరోయిన్ దేబ్‌జానీ ఎంట్రీ ఇచ్చింది. రావడం రావడమే తన ముద్దు ముద్దు మాటలు, క్యూట్ ఎక్స్‌ప్రెషన్స్‌తో నాగార్జున కోసం గుండెల్లో ఏముందో కళ్లల్లో తెలుస్తుంది అని పాట పాడుతూ ఇంప్రెస్ చేసింది. ఫన్ లవింగ్, హానెస్ట్.. డే డ్రీమర్.. పడుకుని కలలు కంటారు.. నేను పడుకోకపోయినా కలలు కంటాను.. కొంత సేపు డ్రీమ్‌లో ఉండి బయటకు వస్తా.. సీ సైడ్ బీచ్‌లో ఉన్నా.. గౌన్ వేసుకుని ఉన్నా.. తెల్ల గుర్రంలో నా రాజకుమారుడు వస్తున్నాడు.. అదే నా బెస్ట్ డ్రీమ్.. నా బాయ్ ఫ్రెండ్‌తో కలిసి ఎయిర్ పోర్ట్ నుంచి వస్తుంటే.. కెమెరాలు క్లిక్ చేస్తుంటారు.. నేను హీరోలా మా బాయ్ ఫ్రెండ్‌ని కాపాడుతూ ఉంటా.. అని దేబ్‌జానీ క్యూట్‌గా చెప్పి అందర్ని ఆకట్టుకుంది. గత సీజన్‌లో బిగ్‌ బాస్‌ హౌస్‌లోకి మొదటి కంటెస్టెంట్‌గా వెళ్లిన కామనర్ కల్యాణ్ పడాలా విన్నర్ అయ్యారు. మరి ఈ సీజన్‌లో మొదటి కంటెస్టెంట్‌గా అడుగు పెట్టిన దేబ్‌జానీ కూడా విన్నర్ అవుతుందా.. బిబీ హౌస్‌లో ఈ క్యూట్ భామ ప్రయాణం ఎలా ఉంటుందో ముందు ముందు చూడాలి..

రెండో కంటెస్టెంట్ చెన్నై లవ్ స్టోరీ త్రిగుణ్..

బిగ్‌ బాస్ సీజన్ 10 రెండో కంటెస్టెంట్‌గా చెన్నై లవ్‌ స్టోరీ సినిమాలో సెకండ్ హీరో త్రిగుణ్ ఎంట్రీ ఇచ్చారు. హీరో త్రిగుణ్‌ పీఎస్వీ గురుడ వేగ, డియర్ మేఘ వంటి సినిమాల్లో నటించాడు. అందరిలో ఒకడిలా ఉండాలనుకుంటున్నాను అని నాగ్‌తో చెప్పి హౌస్‌లోకి ఎంట్రీ ఇచ్చాడు. హౌస్‌లోకి వెళ్లే ముందు నాగ్‌ త్రిగుణ్‌కి ఓ సీక్రెట్ టాస్క్‌ ఇచ్చారు. వచ్చే శనివారం లోపు ఇంట్లో దెయ్యం ఉందని కనీసం నలుగురినైనా భయపెట్టాలని చెప్పారు. మరి త్రిగుణ్ ఈ అవకాశం సద్వినియోగం చేసుకుంటారో లేదో చూడాలి..

మూడో కంటెస్టెంట్ సింగర్..

మూడో కంటెస్టెంట్‌గా సింగర్ ఝాన్సీ ఎంట్రీ ఇచ్చింది. బిగ్‌ బాస్ అగ్నిపరీక్ష సీజన్‌2 లో ప్రేక్షకులు ఓట్లతో పాటు గోల్డెన్‌ టికెట్‌ దక్కించుకొని డైరెక్ట్ ఎంట్రీ దక్కించుకుంది. మూడో తరగతి నుంచి పాటలు మొదలు పెట్టానని అవకాశాలు రాలేదని ఇప్పుడు ఈ వేదిక ద్వారా ప్రేక్షకులకు ఇంకా దగ్గరవ్వాలని కోరుకుంటున్నట్లు తెలిపింది.

నాలుగో కంటెస్టెంట్ సుధీర్..

నాలుగో కంటెస్టెంట్‌గా య్యూట్యూబర్ సుధీర్ టాక్స్ హౌస్‌లోకి ఎంట్రీ ఇచ్చారు. యూట్యూబర్ కాకముందు చాలా కష్టాలు పడ్డాను అని ఉద్యోగం కోసం సింగపూర్ వెళ్తే స్నేహితులు మోసం చేశారని తన బాధలు చెప్తూ కన్నీరు పెట్టుకున్నాడు. బిగ్‌బాస్‌ హౌస్లో సుధీర్ జర్నీ ఎలా ఉంటుందో ముందు ముందు తెలుస్తుంది.

ఐదో కంటెస్టెంట్ అమన్..

ఐదో కంటెస్టెంట్‌గా కామనర్ అగ్నిపరీక్ష సీజన్‌ 2లో ఎక్కువ ఓట్లు దక్కించుకున్న అమన్ ఎంట్రీ ఇచ్చాడు. అమన్‌కి నాగార్జున రెండు టాస్క్‌లు ఇచ్చారు. మొదటిది చిల్లులు పడిన టీషర్ట్ ఇచ్చి ఎన్ని హోల్స్ ఉన్నాయో కనిపెట్టమని చెప్పారు. ఈ క్వశ్చిన్ అమన్‌కి అగ్నిపరీక్ష సెలక్షన్‌లో జ్యూరీ అడిగింది. ఇక రెండ్ టాస్క్ ఓ రెడ్ డాట్ ఇచ్చి నీ తర్వాత వచ్చే ముగ్గురు కంటెస్టెంట్స్‌లో ఒకరికైనా ఇది అతికించాలని ఒకవేళ టాస్క్ సమయంలో ఆ పని చేసింది నువ్వే అని తెలిసిపోతే నీకో మంచి అవకాశం పోతుందని నాగ్ చెప్పారు.

ఆరో కంటెస్టెంట్ చైత్ర..

బిగ్‌బాస్ 10లోకి ఆరో కంటెస్టెంట్‌గా సీరియల్ నటి చైత్ర రాయ్ ఎంట్రీ ఇచ్చంది. తన ప్రయాణాన్ని పంచుకున్న చైత్ర తన బరువు విషయంలో ఓ వ్యక్తి చేసిన కామెంట్ సీరియస్‌గా తీసుకొని 80 నుంచి 60కి తగ్గినట్లు చెప్తుకొచ్చింది. బిగ్‌బాస్ తనకి సెకండ్ ఇన్నింగ్స్ అని చెప్పిన చైత్ర హోస్‌లో తనని తాను ఎలా నిరూపించుకుంటుందో చూడాలి.

ఏడో కంటెస్టెంట్ రాంప్రసాద్..

హౌస్‌లోకి ఏడో కంటెస్టెంట్‌గా జబర్దస్ట్ ఆటో రాం ప్రసాద్ ఎంట్రీ ఇచ్చాడు. సుధీర్, శ్రీనులో కామెడీ చేసి కడుపుబ్బా నవ్వించే రాం ప్రసాద్‌ హోస్‌లో తన మార్క్ చూపించుకుంటారో లేదో చూడాలి.

ఎనిమిదో కంటెస్టెంట్ షాలిని..

ఎనిమిదో కంటెస్టెంట్‌గా షాలినీ ఎంట్రీ ఇచ్చింది. అగ్నిపరీక్ష 2లో చలాకీగా ఆడిన షాలినీ హౌస్‌లో అంతకు మించి స్ట్రాటజీలతో ఆడుతానని చెప్పింది. హౌస్‌లో చాలా చాలా ఎక్కువ మాట్లాడా అంటూ చెప్పి ఎంట్రీ ఇచ్చింది.

తొమ్మిందో కంటెస్టెంట్ వంశీ..

తొమ్మిదో కంటెస్టెంట్‌గా పలు సినిమాల్లో విలన్‌గా నటించిన వంశీ ఎంట్రీ ఇచ్చాడు. టెంపర్ సినిమాతో వంశీ మంచి గుర్తింపు తెచ్చుకున్నాడు. ప్రేక్షకులకు దగ్గరవ్వడమే తన టార్గెట్ అని వంశీ చెప్పాడు.

పదో కంటెస్టెంట్ సృష్టి..

హౌస్‌లోకి పదో కంటెస్టెంట్‌గా సృష్టి ఎంట్రీ ఇచ్చింది. అందరితో ఈజీగా కలిసిపోతానని తనకి కాన్ఫిడెంట్ చాలా ఎక్కువ అని చెప్పిన సృష్టి హౌస్‌లోకి గ్రాండ్ ఎంట్రీ ఇచ్చింది.

పదకొండు.. జబర్దస్త్ నరేశ్..

పదకొండో కంటెస్టెంట్‌గా జజర్దస్త్ నరేశ్ ఎంట్రీ ఇచ్చాడు. ఇప్పటి వరకు తన కామెడీతో గుర్తింపు తెచ్చుకున్న నరేశ్ టార్గెట్ ఈ సారి గూగుల్‌లో నరేశ్ అని కొడిగే బిగ్‌బాస్ సీజన్ 10 విన్నర్ అని రావాలని చెప్పాడు.

పన్నెండో కంటెస్టెంట్ చరణ్..

పన్నెండో కంటెస్టెంట్‌గా అగ్నిపరీక్ష చరణ్ ఎంట్రీ ఇచ్చాడు. తన పర్సనాలిటీనే తన బలం అని చెప్పిన చరణ్ అందర్ని నవ్విస్తూ ఉంటానని బిగ్బాస్ హౌస్‌లో కూడా తన కామెడీని చూపిస్తానని చెప్పాడు.

పదమూడో కంటెస్టెంట్ కృష్ణుడు..

పదమూడో కంటెస్టెంట్‌గా నటుడు కృష్ణుడు ఎంట్రీ ఇచ్చాడు. సినిమాల్లో రాణిస్తున్న టైంలో యాక్సిడెంట్ అయి లావు అయిపోయానని తర్వాత వినాయకుడి రూపంలో మంచి గుర్తింపు వచ్చిందని చెప్పిన కృష్ణుడు తన ఫ్యామిలీ గురించి చెప్పి ఎమోషనల్ అయ్యాడు. సీట్స్ అంటే విపరీతంగా ఇష్టం ఉన్న కృష్ణుడు బిగ్ బాస్ కోసం స్వీట్స్ వద్దని చెప్పేశాడు.

పద్నాలుగో కంటెస్టెంట్ వర్షిణి..

పద్నాలుగో కంటెస్టెంట్‌గా నటి, యాంకర్ వర్షిణి ఎంట్రీ ఇచ్చింది. బిగ్‌ బాస్ లాంటి పెద్ద ఫ్లాట్ఫాంలో ఇమడలేను అనుకున్న ఈ భామ.. తనేంటో ఫ్రూవ్ చేసుకోవడానికి వచ్చానని చెప్పింది.

పదిహేనో కంటెస్టెంట్ రోహిత్..

బీబీ 10 లోకి 15వ కంటెస్టెంట్‌గా అగ్నిపరీక్ష రోహిత్ నాయుడు ఎంట్రీ ఇచ్చాడు. బిందుమాధవి రోహిత్‌ని వేదిక మీదకు తీసుకొచ్చి రోహిత్ చాలా పవర్‌ ఫుల్ కంటెస్టెంట్ అని రొమాంటిక్ యాంగిల్ కూడా ఉందని నాగ్‌ సార్‌కి చెప్పింది.

16వ కంటెస్టెంట్ రిషి సార్..

బిబీ10 లోకి చివరి కంటెస్టెంట్‌గా గుప్పెడంత మనసు రిషిసార్ అదే ముకేశ్ గౌడ ఎంట్రీ ఇచ్చాడు. తనలోని ఎంటర్‌టైన్మెంట్ యాంగిల్‌ని జనాలకు పరిచయం చేయాలి అనుకుంటున్నట్లు చెప్పిన ముకేశ్ ప్రేమలో పడే చాన్స్ లేదని చెప్పాడు.

మొత్తానికి బిగ్‌బాస్ సీజన్ 10 లోకి మొత్తం 16 మంది కంటెస్టెంట్స్ ఎంట్రీ ఇచ్చారు. అందరికీ టాస్క్‌లు పెట్టిన నాగ్ చివరిగా అందరికి టాటా బాయ్ బాయ్ చెప్పి ఇంటికి తాళం వేసేశారు.

Bigg Boss Telugu 10 House : బిగ్ బాస్ 10 హౌస్‌లో రోబో - ఇంటీరియర్ విజువల్ వండర్... స్పెషాలిటీస్ ఏంటో తెలుసా?

Ganesh Guptha — Sun, 6 Sep 2026 16:55:58 +0530