‘బిగ్ బాస్’ హౌస్‌లోని మీరో నిఖిల్ ఎంట్రీ ఇచ్చాడు. ‘కార్తికేయ-2’తో మంచి సక్సెస్ అందుకున్న నిఖిల్.. ‘18 పేజెస్’ మూవీతో ప్రేక్షకుల ముందుకు రాబోతున్నాడు. ఈ సందర్భంగా హోస్ట్ నాగార్జునకు నిఖిల్ ఆ మూవీ విశేషాలను తెలిపాడు. అనంతరం నాగార్జున నిఖిల్‌కు ఒక టాస్క్ ఇచ్చారు. రెడ్ క్యాప్‌తో ఇంట్లోకి వెళ్లమని చెప్పారు. ఆ తర్వాత రెండ్ క్యాప్‌ను తలపై పెట్టి టాప్-5లో ఒకరిని ఎలిమినేట్ చేసి.. హౌస్ నుంచి బయటకు తీసుకెళ్లాలని చెప్పారు. దీంతో నిఖిల్ హౌస్‌లోకి వెళ్లి.. హౌస్‌మేట్స్‌తో ఓ ఆట ఆడుకున్నాడు. క్యాప్ పట్టుకుని వారి చుట్టూ తిరుగుతూ.. టెన్షన్ పెట్టాడు. చివరికి రోహిత్‌కు రెడ్ క్యా్ప్ పెట్టి తనతోపాటు బయటకు తీసుకెళ్లిపోయాడు. రోహిత్ ఎలిమినేషన్‌తో అతడి తల్లిదండ్రులు, భార్య మెరినా ఎమోషనల్ అయ్యారు. మంచి వాడిలా ఇంటి నుంచి బయటకు వచ్చావని నాగార్జున.. రోహిత్‌ను కొనియాడారు. అయితే, రోహిత్ మంచితనం, వ్యక్తిత్వం ప్రేక్షకులను ఆకట్టుకుంది. అతడు విజేతగా నిలిచే ఛాన్సు ఉందని కూడా అనుకున్నారు. కానీ, అతడే 5వ కంటెస్టెంట్‌గా హౌస్ నుంచి ఎలిమినేట్ కావడం ఆశ్చర్యపరిచింది. ప్రస్తుతం ‘బిగ్ బాస్’లో టాప్-4 కంటెస్టెంట్లు ఉన్నారు. 


ఇంతకు ముందు బిగ్ బాస్ ఫినాలే సందర్భంగా హౌస్ జర్నీని వేశారు నాగార్జున. అది చూసి అందరూ ఎమోషన్ అయ్యారు.కొందరికి కళ్లల్లో నీళ్లు తిరిగాయి. ఆ కన్నీరు చెంపల మీద నుంచి జారినా వారు కంట్రోల్ లో ఉన్నారు. కానీ గీతూ మాత్రం వెక్కి వెక్కి ఏడ్వడం మొదలుపెట్టింది. ఆమెను ఫైమా ఓదార్చసాగింది. అంతేకాదు టాప్ 5 కంటెస్టెంట్లతో నాగార్జున మాట్లాడుతున్నంత సేపు ముఖం మాడ్చుకునే ఉంటుంది గీతూ. మిగతా అందరూ ఎలిమినేట్ వాళ్లే. కానీ వారు చాలా సాధారణంగా ప్రవర్తించారు. ఈమె మాత్రం తానే విన్నర్ అవ్వాల్సింది,మిస్ అయిపోయినట్టు తెగ ఫీలైపోతుంది. తన ప్రవర్తనలోనే లోపం ఉందని ఆమె ఇప్పటికీ తెలుసుకోలేకపోతుంది. 


‘బిగ్ బాస్’ సీజన్-6లో పాల్గొన్న కంటెస్టెంట్లు వీరే


1. కీర్తి భట్ (‘కార్తీక దీపం’ సీరియల్ నటి)
2. సుదీప (‘నువ్వు నాకు నచ్చావ్’లో బాలనటి)
3. శ్రీహన్ (సిరి బాయ్ ఫ్రెండ్, యూట్యూబర్)
4. నేహా (యాంకర్)
5. శ్రీ సత్య (మోడల్)
6. అర్జున్ కళ్యాణ్ (సీరియల్ నటుడు)
7. చలాకీ చంటి (‘జబర్దస్త’ కమెడియన్)
8. అభినయ శ్రీ (నటి, డ్యాన్సర్)
9. గీతూ (సోషల్ మీడియా ఇన్ఫ్లుయెన్సర్)
10. బాలాదిత్య (నటుడు)
11. మరీనా (సీరియల్ నటి, రోహన్ భార్య)
12. రోహన్ (సీరియల్ నటి, మరినా భర్త)
13. వాసంతి కృష్ణన్ (సీరియల్ నటి)
14. షాని (నటుడు)
15. ఆర్జే సూర్య (ఆర్జే)
16. ఆది రెడ్డి (యూట్యూబర్)
17. ఆరోహిరావు (టీవీ యాంకర్)
18. ఫైమా (‘జబర్దస్త్’ కమెడియన్)
19. రాజశేఖర్ (నటుడు)
20. ఇనయా (నటి)
21. రేవంత్  (సింగర్)


రేవంత్ విన్నర్?


బిగ్ బాస్ సీజన్ 6 విన్నర్ గా రేవంత్ నిలిచినట్టు సమాచారం. ఇక శ్రీహాన్ రన్నరప్ గా మిగిలాడని, ఆదిరెడ్డి మూడో స్థానంలో ఉన్నాడని తెలుస్తోంది. ఇక విన్నర్ మెటీరియల్ అనుకున్న రోహిత్ అయిదో స్థానానికే పరిమితం అయ్యాడని, కీర్తి నాలుగోస్థానంలో ఉందని తెలుస్తోంది. రేవంత్ విన్నర్ అని మొదట్నుంచి వినిపిస్తూనే ఉంది. ఇంకా విన్నర్ ని ప్రకటించక ముందే నా కొడుకుని విన్నర్ చేసినందుకు ధన్యవాదాలు అంటూ రేవంత్ తల్లి ఇప్పటికే కామెంట్ చేసింది. ఇలాంటి కొడుకే తనకు పుట్టాలని ఎప్పటికీ దేవుడిని కోరుకుంటానని కూడా చెప్పింది. అంతేకాదు రేవంత్ ఇంటి దగ్గర సంబరాలకు కూడా అంతా రెడీ చేసేశారు. రేవంత్ కూడా ఎప్పట్నించో తానే విన్నర్ అని చెప్పుకుంటూ వచ్చాడు. అంతేకాదు బిగ్ బాస్ కు వెళ్లడానికి ముందే విన్నర్ అయి తిరిగొస్తా అంటూ చాలా కాన్ఫిడెంట్ గా చెప్పాడ. ఇప్పుడు అదే నిజమైనట్టు తెలుస్తోంది. 


ఫినాలే వేదికపై నాగార్జున ఇద్దరి కంటెస్టెంట్‌ల చేతులు పట్టుకుని నిల్చుని చివరకు విజేత చేతిని పైకెత్తుతాడు. అలా వేదికపై నిల్చుంది రేవంత్, శ్రీహాన్ అని తెలుస్తోంది. వీరిద్దరిలో రేవంత్ విన్నర్ అయినట్టు సమాచారం. ఇక శ్రీహాన్ రన్నర్‌గా మిగిలిపోయినట్టు తెలుస్తోంది. ఆదిరెడ్డి, రోహిత్, కీర్తి ఒక్కొక్కరిగా ఎలిమినేట్ అయి ముందే బయటికి వచ్చేశారు.