బిగ్ బాస్ సీజన్ 8 డే 18 కి సంబంధించిన ప్రోమో తాజాగా రిలీజ్ అయ్యింది. ఈ మొదటి ప్రోమోలో నిన్న జరిగిన ౠరని కొట్టు రేషన్ పట్టు అనే టాస్క్ కు సంబంధించిన హీటెడ్ డిస్కషన్ కంటిన్యూ అయినట్టుగా చూపించారు. ఈ నేపథ్యంలోనే హౌస్ మేట్స్ అందరూ ఎవరి పాయింట్ వాళ్ళు మాట్లాడుతుంటే యష్మి గౌడ మళ్ళీ ఆటిట్యూడ్ తో రెచ్చిపోయింది. దీంతో నిఖిల్, యష్మి గౌడ మధ్య మాటల యుద్ధమే జరిగింది. ఇక ఆ తర్వాత ప్రేరణ ఫుడ్ విసిరేసింది అంటూ విష్ణు ప్రియ కన్నీరు మున్నీరయింది.
నోరు పారేసుకుంటున్న యష్మి గౌడ
నిన్న జరిగిన బూరని కొట్టు రేషన్ పట్టు అనే ఎపిసోడ్లో సంచాలక్ నిర్ణయాన్ని సస్పెన్స్ లో పెట్టారు బిగ్ బాస్. అయితే ఇంకా ఆ డిస్కషన్ కంటిన్యూ అవుతున్నట్టుగా తాజా ప్రోమోలో చూపించారు. సంచాక్ గా ఉన్న సోనియా శక్తి టీం విన్ అయ్యిందని నిర్ణయానికి వచ్చేసింది. కానీ హౌస్ మేట్స్ మాత్రం అందుకు ఒప్పుకోవట్లేదు. ఆపోజిట్ టీం అయిన కాంతారా క్లాన్ సభ్యులు అభయ్, యష్మి గౌడ, ప్రేరణ కంబం ఇదే విషయం గురించి చెప్పిందే చెప్పి రచ్చ రచ్చ చేస్తున్నారు. "బిగ్ బాస్ చెప్పిన రూల్స్ లో కంటెస్టెంట్ ఒంటిపై ఉన్న బెలూన్ అనే లైన్ ఫస్ట్ లోనే ఉంది కదా. దాన్ని ఎందుకు పరిగణలోకి తీసుకోలేదు" అంటూ సోనియాపై ఫైర్ అయ్యింది యష్మి గౌడ. అయితే నిఖిల్ మాత్రం "అతను బయటకు కాలు లోపల పెట్టి బెలూన్స్ ను పగలగొట్టాడు. బయటకు వెళ్ళినా సరే లోపలికి వచ్చి ఆడాలి" అని చెప్పాడు. వెంటనే యష్మి గౌడ నోరు వేసుకుని పడిపోతూ "లేదు.. సంచాలక్ ఆపాడు. నీవల్ల, నీ స్టిక్ విరిగిపోయింది అనే కారణంతో స్టాప్ చేసి మరీ కొట్టొద్దు అన్నారు. మీ సంచాలక్ ఎందుకు సైలెంట్ గా నిల్చుకోవాలి" అంటూ నిఖిల్ చెప్పేది వినకుండా అరుస్తూనే ఉంది యష్మి గౌడ. దీంతో నిఖిల్ సీరియస్ అవుతూ ఆగమని అరిచాడు. "నేను అరుస్తాను" అని చెప్పేసరికి, "అయితే పక్కకెళ్ళి ఆడు" అంటూ ఫైర్ అయ్యాడు నిఖిల్. ఇక ఆ తర్వాత హౌస్ లో ఫుడ్ డ్రామా మళ్లీ మొదలైంది.
విష్ణు ప్రియ, ప్రేరణ మధ్య తెగని గుడ్డు గొడవ...
ఈవారం మొదట్లోనే విష్ణు ప్రియ రెండు గుడ్లు తినడం తనకు నచ్చలేదంటూ ప్రేరణ నామినేట్ చేసిన విషయం తెలిసిందే. ఏంట్రా ఈ గుడ్డు గొడవ అని మళ్లీ తలలు పట్టుకుంటే, తాజాగా మరోసారి అదే టాపిక్ తెరపైకి తీసుకొచ్చారు. "ఫుడ్ వేసేటప్పుడు విసిరికొట్టినట్టుగా వేసింది ప్రేరణ. ఎవరిదైనా ఆకలే కదా" అంటూ ఎమోషనల్ అయింది విష్ణు ప్రియ. హౌస్ మేట్స్ అందరూ కలిసి ఆమెను బుజ్జగించడంతోపాటు ప్రేరణను దీని గురించి అడిగే ప్రయత్నం చేయగా, అక్కడ కూడా ప్రేరణ ఆటిట్యూడ్ చూపించినట్టుగా ప్రోమోని చూస్తే అర్థమవుతుంది.