‘బిగ్ బాస్’ సీజన్-6 రసవత్తరంగా సాగుతోంది. ప్రస్తుతం హౌస్ కెప్టెన్ ఎంపిక కోసం టాస్కులు కొనసాగుతున్నాయి. శ్రీహాన్, ఆదిరెడ్డి, శ్రీసత్య కెప్టెన్సీ టాస్కులకు ఎంపికయ్యారు. ఈ రోజు (శుక్రవారం) ప్రసారమయ్యే ఎపిసోడ్‌లో ‘ఎత్తర జెండా’ టాస్క్ ఇచ్చాడు బిగ్ బాస్. ఇందులో భాగంగా వారు ఇసుకను ఎత్తి ఒక బాక్సులో నింపాలి. ఈ పోటీలో ఆదిరెడ్డి గెలిచి, కెప్టెన్సీకి ఎన్నికైనట్లు సోషల్ మీడియాలో వార్తలు వస్తున్నాయి. అయితే, ఇందులో నిజమెంత అనేది ఎపిసోడ్ ప్రసారమైన తర్వాతే తెలుస్తుంది.
శుక్రవారం విడుదల చేసిన ‘బిగ్ బాస్’ ప్రోమోలో సూర్య గురించి ఆరోహి ఏడ్వడం కనిపించింది. శ్రీహన్ ఆమెను ఓదార్చుతుంటే.. సూర్య మాత్రం సూట్ కేసుల మధ్యలోకి దొంగచాటుగా స్వీట్లు తింటూ ఫన్ క్రియేట్ చేశాడు. ఆరోహి అక్కడికి వెళ్లగానే ఏమీ తెలియనట్లు కింద నిద్రపోయాడు. మరోవైపు గీతూ, ఫైమా, రాజశేఖర్, ఆదిరెడ్డి మధ్య ఆసక్తికర చర్చ సాగింది. ‘‘రాజుకు నేను క్రష్. నాకు రాజు క్రష్’’ అని గీతూ అంది. దీంతో రాజశేఖర్ గీతూకు కన్ను కొట్టాడు. దీంతో ఫైమా మరి నేను? అని ఫీలైంది. ఇంకా జరిగిందనేది ఈ రోజు ప్రసారమయ్యే ఎపిసోడ్‌లో తెలుస్తుంది.
గురువారం ఎపిసోడ్ హైలెట్స్: బిగ్ బాస్ పెట్టిన కెప్టెన్సీ కంటెండర్ల టాస్క్ ‘అడవిలో ఆట’. ఇందులో పోలీస్ టీమ్ గెలిచింది. దీంతో పోలీస్ టీమ్ నుంచి ఆదిరెడ్డి, ఫైమా, శ్రీసత్యలు, దొంగల టీమ్ నుంచి శ్రీహాన్, అత్యాశ గల వ్యాపారిగా నటించిన గీతూ కెప్టెన్సీ కంటెండర్లు అయ్యారు. వీరికి మొదటి రౌండ్ లో భాగంగా బిగ్ బాస్ టాస్క్ ఇచ్చారు. బ్రిక్స్ ని పిరమిడ్‌లా కట్టి వాటిని కాపాడుకోవాలి. ఇందులో ఫైమా, గీతూ అవుట్ అయ్యారు. దీంతో శ్రీహాన్, ఆదిరెడ్డి,శ్రీసత్య రెండో రౌండ్ కు వెళ్లారు. ఈ టాస్క్‌కి రేవంత్ సంచాలక్ గా వ్యవహరించాడు.
అయితే శ్రీహాన్ బ్రిక్స్‌ని తాకాడంటూ కంప్లయింట్ ఇచ్చింది ఫైమా. దానికి ఇనయ నేను కూడా చూశానంటూ సాక్ష్యం చెప్పింది. దీంతో శ్రీహాన్ ‘ఏ పిట్ట వచ్చిన నీ దగ్గర ఏం కూసినా... సంచాలక్‌గా నీ నిర్ణయం నువ్వు తీసుకో’ అన్నాడు రేవంత్‌తో. దాంతో ఇనయా ‘నన్ను పిట్ట అని ఎలా అంటావ్’ అంటూ గొడవ పెట్టుకుంది. మధ్యలోకి గీతూ అనవసరంగా వచ్చింది. ఆమెకు ఇనయ అంటే పడదు. నేను ఆ పిట్టని అంటూ వచ్చి పాటలు పాడింది. ఆమె ఈ ఇష్యూలో ఇన్వాల్స్ అవ్వాల్సిన అవసరం లేకున్నా కూడా అయ్యింది. ఈ గొడవ చాలా సేపు సాగింది. ఇనయా ముందురోజు ‘వీడు’ అంటే పడని శ్రీహాన్, ఇనయాను మాత్రం పిట్ట అనవచ్చా? అయినా సరే పిట్ట అంటే తప్పేంటి అంటూ కనిపించాడు శ్రీహాన్.
ఆమెకు చిప్ కరప్ట్ అయిపోయింది...
ఇక ఇనయా అంటే పడని వారంతా ఆదిరెడ్డి గీతూ ఒక చోట, నేహా - ఆర్జే సూర్య మరో చోట కూర్చుని ఆమె గురించి మాట్లాడుకోవడం మొదలుపెట్టారు. ఆమెకు చిప్ కరప్ట్ అయిపోయింది అన్నాడు ఆర్జే సూర్య. ఇక గీతూ ‘శ్రీహాన్ ని మగాడివైతే’ అని ఇనయా అంది దానికి ఆమెకు క్లాస్ పడుతుంది అని చెప్పింది గీతూ. నిన్నటి ఎపిసోడ్‌లో పిట్ట గోల బాగా హైలైట్ అయింది.