ఐకాన్ స్టార్ అల్లు అర్జున్(Allu Arjun) ప్రస్తుతం బ్రేక్ మోడ్ లో ఉన్నారు. 'పుష్ప'(Puspa) సినిమా తరువాత బన్నీ తన ఫ్యామిలీతో కలిసి సమయం గడుపుతున్నారు. భార్యా, పిల్లలతో వెకేషన్ కి వెళ్లారు. రీసెంట్ గా ఇండియా తిరిగొచ్చారు. వచ్చిన వెంటనే ఓ యాడ్ షూట్ కోసం థాయిలాండ్ కి వెళ్లారు బన్నీ. ఒక సాఫ్ట్ డ్రింక్ కి సంబంధించిన ఈ యాడ్ ను దర్శకుడు హరీష్ శంకర్ డైరెక్ట్ చేశారు.
ఇదిలా ఉండగా.. ఇప్పుడు మరో యాడ్ షూటింగ్ లో పాల్గొన్నారు బన్నీ. దీనికి సంబంధించిన ఫొటోలు సోషల్ మీడియాలో చక్కర్లు కొడుతున్నాయి. ఈ యాడ్ ను దర్శకుడు త్రివిక్రమ్(Trivikram) రూపొందిస్తున్నారు. ఈ కమర్షియల్ కోసం బన్నీ చాలా స్టయిలిష్ గా రెడీ అయ్యారు. ఫ్యూచర్ లో బన్నీ మరిన్ని బ్రాండ్స్ ని ప్రమోట్ చేసే ఛాన్స్ ఉంది.
ప్రస్తుతం ఈ హీరో 'పుష్ప' పార్ట్ 2 కోసం రెడీ అవుతున్నారు. ఆగస్టు నుంచి ఈ సినిమా రెగ్యులర్ షూటింగ్ మొదలుకానుంది. రష్మిక హీరోయిన్ గా నటిస్తోన్న ఈ సినిమాలో ఫహద్ ఫాజిల్ విలన్ గా నటిస్తున్నారు. అలానే అనసూయ, సునీల్ లాంటి తారలు కీలకపాత్రలు పోషిస్తున్నారు. మైత్రి మూవీ మేకర్స్ బ్యానర్ పై నిర్మిస్తోన్న ఈ సినిమా డిసెంబర్ లోనే విడుదలయ్యే అవకాశాలు ఉన్నాయి.
Also Read: ఈ వారం విడుదల కానున్న సినిమాలు, సిరీస్‌లు ఇవే!
Also Read: నాని సినిమాలో ఇంటెన్స్ లవ్ స్టోరీ - ప్లస్ అవుతుందా?