కూల్, రొమాంటిక్ సినిమాలతో అలరించిన యంగ్ హీరో నితిన్ ఇప్పుడు తన రూట్ మార్చేసి యాక్షన్ చిత్రంలో నటిస్తున్నాడు. “మాచర్ల నియోజకవర్గం” అనే డిఫరెంట్ కాన్సెప్ట్ తో ప్రేక్షకుల ముందుకు రాబోతున్నాడు. ఇప్పటికే ఈ చిత్రానికి సంబందించిన ఫస్ట్ ఎటాక్ సినిమా మీద విపరేతమైన అంచనాలని పెంచేసింది. తాజాగా ఈ చిత్రానికి సూపర్ అప్డేట్ ని వదిలారు. ఎ సినిమాలో అంజలి ప్రత్యేకమైన సాంగ్ లో నటిస్తుంది. దీనికి సంబంధించిన పోస్టర్ ని మేకర్స్ వదిలారు. హాట్ లుక్స్ తో మెస్మరైజ్ చేస్తుంది అంజలి. మరో సారి స్పెషల్ సాంగ్ లో నటిస్తూ కుర్రకారు మతి పోగొట్టేందుకు సిద్ధం అవుతుంది.
ఈ చిత్రం నుంచి అంజలి నటించిన స్పెషల్ సాంగ్ సోమవారం రిలీజ్ కానుంది. నితిన్ సరసన కృతి శెట్టి, క్యాథరిన్ థెరిస్సా నటిస్తున్నారు. రాజశేఖర్ రెడ్డి ఈ చిత్రానికి దర్శకత్వం వహిస్తున్నారు. సుధాకర్ రెడ్డి, నిఖిత రెడ్డి సంయుక్తంగా దీన్ని నిర్మిస్తున్నారు. రాజకీయ కథా నేపథ్యంలో వస్తున్న ఈ సినిమాలో నితిన్ కలెక్టర్ గా కనిపించనున్నారు. మహతి స్వర సాగర్ సంగీతం అందిస్తున్నారు. ఆగస్ట్ 12 న ఈ సినిమా ప్రేక్షకుల ముందుకు రాబోతుంది. అంజలికి ఇది రెండో స్పెషల్ సాంగ్. సరైనోడు చిత్రంలో అల్లు అర్జున్ సరసన స్పెషల్ సాంగ్ లో మెరిసింది.