SIR 2026: SIR సర్వే కోసం మీ ఇంటికి అధికారులు వస్తున్నారా? సిద్ధం చేసుకోవాల్సిన పత్రాలు ఇవే!

Janasena Coordination Committees: స్థానిక సంస్థల ఎన్నికల నిర్వహణకు జనసేన పార్టీ సమన్వయ కమిటీ.. కోఆర్డినేటర్లు వీరే

Shankar Dukanam — Sun, 6 Sep 2026 09:29:58 +0530

JanaSena for AP Local Body Elections | అమరావతి: త్వరలో జరగనున్న స్థానిక సంస్థల ఎన్నికల్లో పార్టీని బలోపేతం చేయడంతో పాటు నాయకులు, జనసైనికులు, వీర మహిళలను సన్నద్ధం చేసేందుకు జనసేన అధినేత, ఆంధ్రప్రదేశ్ డిప్యూటీ సీఎం పవన్ కల్యాణ్ కీలక నిర్ణయం తీసుకున్నారు. ఇందులో భాగంగా లోక్‌సభ నియోజకవర్గాల వారీగా ప్రత్యేక సమన్వయ కమిటీలను ఏర్పాటు చేసినట్లు జనసేన సెంట్రల్ ఆఫీసు ఒక ప్రకటన విడుదల చేసింది.

ఈ కమిటీల నిర్వహణ కోసం ప్రతి లోక్‌సభ నియోజకవర్గానికి ఒక సమన్వయకర్తతో పాటు ముగ్గురు కమిటీ సభ్యులను నియమించారు. వీరికి సహాయంగా ఉండేందుకు ఆయా లోక్‌సభ పరిధిలోని ప్రతి అసెంబ్లీ నియోజకవర్గం నుంచి ఒకరిని ఎంపిక చేసి సహాయక బృందాన్ని ఏర్పాటు చేశారు. స్థానిక సంస్థల ఎన్నికల విధివిధానాల కోసం నియమించిన కమిటీ సభ్యులకే ఈ లోక్‌సభ నియోజకవర్గాల సమన్వయ బాధ్యతలను కూడా అప్పగించారు. ఈ కమిటీలు జనసేన పార్టీ అనుసరించే సిద్ధాంతాలు, విధివిధానాలను క్షేత్రస్థాయికి తీసుకెళ్లడమే కాకుండా, కూటమి పక్షాలతో పూర్తి సమన్వయం కొనసాగించేలా పర్యవేక్షిస్తాయి. ఎంపిక చేసిన సభ్యులందరికీ ఈ నెల 9న మంగళగిరిలోని పార్టీ కార్యాలయంలో ప్రత్యేక అవగాహన కార్యక్రమం నిర్వహించనున్నారు.

జనసేన కోఆర్డినేటర్లు ఎవరంటే

స్థానిక ఎన్నికల సమన్వయ బాధ్యతల కోసం నియోజకవర్గాల వారీగా ప్రముఖ నేతలకు జనసేన అధినేత పవన్ కళ్యాణ్ కోఆర్డినేషన్ బాధ్యతలు అప్పగించారు. శ్రీకాకుళం, విజయనగరం జిల్లాలకు లోకం నాగమాధవి, అరకుకు కె.రవికుమార్, విశాఖపట్నం, అనకాపల్లిలకు చెన్నుబోయిన వంశీకృష్ణ యాదవ్ కోఆర్డినేటర్లుగా వ్యవహరించనున్నారు. అలాగే కాకినాడ, రాజమహేంద్రవరం బాధ్యతలను కొటికలపూడి గోవిందరావు (చినబాబు), అమలాపురం, ఏలూరు బాధ్యతలను బొలిశెట్టి శ్రీనివాస్, నరసాపురం, మచిలీపట్నం బాధ్యతలను మండలి బుద్ధప్రసాద్‌కు అప్పగించారు.

విజయవాడ, గుంటూరులకు మంత్రి కందుల దుర్గేశ్, బాపట్ల, నరసరావుపేటలకు వల్లభనేని బాలశౌరి, ఒంగోలు, నెల్లూరులకు తమ్మిరెడ్డి శివశంకర్ సమన్వయకర్తలుగా వ్యవహరిస్తారు. ఇక రాయలసీమ విషయానికి వస్తే నంద్యాలకు యనమల భాస్కర్, కర్నూలు, హిందూపురానికి చిలకం మధుసూదన్‌రెడ్డి, అనంతపురానికి సామినేని ఉదయభాను, కడప, రాజంపేట పార్లమెంట్ నియోజకవర్గాల పరిధిలో దేవ వరప్రసాద్, తిరుపతి, చిత్తూరు నియోజకవర్గాలకు పి.ధర్మరాజులు జనసేన కోఆర్డినేటర్లుగా బాధ్యతలు నిర్వహించనున్నారు.

AP Local Elections: స్థానిక ఎన్నికలకు కూటమి పార్టీలు కసరత్తు.. టీడీపీ ఎమ్మెల్యేలకు శిక్షణా తరగతులు

Satyaprasad Bandaru — Thu, 3 Sep 2026 18:33:41 +0530

AP Local Elections: ఏపీలో కూటమి పార్టీలు స్థానిక ఎన్నికలు రెడీ అవుతున్నాయి. ఇప్పటికే జనసేన అధిష్ఠానం.. ఎమ్మెల్యేలు, ఎంపీలు, కార్యకర్తలతో వరుసగా భేటీ అవుతుంది. టీడీపీ కూడా ఎన్నికల కసరత్తును స్పీడప్ చేసింది. ఈ నెల 6, 7 తేదీల్లో టీడీపీ ఎమ్మెల్యేలకు శిక్షణ తరగతులు నిర్వహించనున్నట్లు తెలుస్తోంది. ఏడు అంశాలపై శిక్షణ తరగతులు నిర్వహించనున్నట్లు తెలుస్తోంది. టీడీపీ ఎమ్మెల్యేలు అందరూ శిక్షణ తరగతులకు హాజరు కావాలని టీడీపీ కేంద్ర కార్యాలయం ఆదేశించింది. ఎన్నిక‌ల నిర్వహణ కసరత్తులో భాగంగా ఎమ్మెల్యేలకు శిక్షణ తరగతులు నిర్వహించనున్నట్లు తెలుస్తోంది. ఇవాళ సాయంత్రం మంత్రులు, కీల‌క నేత‌ల‌తో సీఎం టింగ్ నిర్వహించ‌నున్నారు. స్థానిక సంస్థల ఎన్నిక‌లు, మున్సిపాలిటీల్లో జ‌రుగుతున్న ప‌నులు, కూట‌మి పార్టీల స‌మ‌న్వయంపై చ‌ర్చించే అవ‌కాశం ఉంది.

వాయిదా వేసే ప్రసక్తే లేదు - మంత్రి లోకేష్

రాష్ట్రంలో స్థానిక సంస్థల ఎన్నికలు అనుకున్న సమయానికే జరుగుతాయని, వాయిదా వేసే ప్రసక్తే లేదని మంత్రి లోకేష్ స్పష్టం చేశారు. అమరావతిలో టీడీపీ మంత్రులతో ఆయన బ్రేక్‌ఫాస్ట్‌ మీటింగ్ నిర్వహించారు. ఈ సమావేశంలో మంత్రి లోకేష్ పార్టీ నాయకులకు, ఎమ్మెల్యేలకు ఎన్నికల గురించి దిశానిర్దేశం చేశారు. ఎన్నికల ప్రక్రియ అక్టోబర్ నాటికి పూర్తవుతుందన్నారు. ఎన్నికల ప్రక్రియను వేగవంతం చేసి, అన్ని స్థానాల్లోనూ కూటమి అభ్యర్థుల విజయానికి నాయకులు, కార్యకర్తలు సన్నద్ధం కావాలని మంత్రి లోకేష్ నేతలకు పిలుపునిచ్చారు. స్థానిక సంస్థల ఎన్నికలు దశలవారీగా జరుగుతాయని మంత్రి లోకేష్ తెలిపారు.

Also Read: ఐపీఎస్‌లు కాంతి రాణా, విశాల్ గున్నీలకు రిలీఫ్ - రెండేళ్ల తర్వాత సస్పెన్షన్ ఎత్తివేత - త్వరలో పోస్టింగులు !

మొదటిగా మున్సిపల్ ఎన్నికలు, ఆ తర్వాత ఎంపీటీసీ, జెడ్పీటీసీ, ఆపై పంచాయతీ ఎన్నికలు పూర్తి చేసేలా ప్రణాళికలు సిద్ధం చేస్తున్నామని మంత్రి లోకేష్ పేర్కొన్నారు. పెండింగ్‌ కేసులను పరిష్కరించుకుని, అన్ని స్థానాల్లోనూ ఎన్నికలు నిర్వహించేలా ప్రయత్నిస్తున్నామన్నారు. వైసీపీ హయాంలో నిలిచిపోయిన అర్హులందరికీ అక్టోబర్ నెల నుంచి దశలవారీగా కొత్త పింఛన్లను మంజూరు చేస్తామని చెప్పారు. ప్రతి దరఖాస్తును పరిశీలించి లబ్ధిదారులకు న్యాయం చేస్తామన్నారు.

Also Read: సాగునీటి ప్రాజెక్టులపై సీఎం చంద్రబాబు డ్రామాలు.. ముందు పోలవరం ఎత్తు తేల్చండి? - వైఎస్ జగన్

అమల్లో ఉన్న జాబితాతోనే

ఎస్‌ఐఆర్‌ ఓటర్ల జాబితానే స్థానిక సంస్థల ఎన్నికలకు తుది జాబితాగా తీసుకోవాలని వైసీపీ సుప్రీంకోర్టును ఆశ్రయించింది. అయితే స్థానిక సంస్థల ఎన్నికల నోటిఫికేషన్‌ వచ్చే సమయానికి ఫోర్సులో ఉన్న, చెల్లుబాటయ్యే ఓటర్ల జాబితానే ఎన్నికలకు ప్రాతిపదికగా తీసుకోవచ్చని ప్రభుత్వం చెబుతోంది. ఎస్‌ఐఆర్‌ ప్రక్రియ పూర్తయి తుది ఓటర్ల జాబితా వచ్చే వరకు ఎన్నికలను ఆపాల్సిన అవసరం లేదని ప్రభుత్వ వైఖరిగా ఉంది. ఎన్నికల నోటిఫికేషన్‌ విడుదలయ్యే నాటికి అమల్లో ఉన్న ఓటర్ల జాబితాతోనే ఎన్నికలు నిర్వహించాలని ప్రభుత్వం భావిస్తోంది. మరోవైపు బీసీ రిజర్వేషన్లపై కోర్టు నుంచి అభ్యంతరాలు వచ్చినా.. వాటిని అధిగమించే మార్గాలపై ప్రభుత్వం ఆలోచన చేస్తుంది. అవసరమైతే పార్టీ పరంగా కూడా బీసీలకు ఓసీ జనరల్ కేటగిరీలో సీట్లు కేటాయించేలా నిర్ణయం తీసుకోవాలని టీడీపీ భావిస్తోంది.

Also Read: ఇంద్రకీలాద్రిపై అక్టోబరు 11 నుంచి దసరా ఉత్సవాలు! ఏ రోజు ఏ అలంకారం?

Janasena Politics: స్థానిక సంస్థల ఎన్నికల కోసం 14 మందితో జనసేన కమిటీ నియమించిన పవన్ కళ్యాణ్

Shankar Dukanam — Fri, 21 Aug 2026 17:12:03 +0530

Janasena Committee for Local Body Elections | అమరావతి: స్థానిక సంస్థల ఎన్నికల నిర్వహణకు ఏపీ ప్రభుత్వం ఇటీవ నిర్ణయం తీసుకుంది. 23 మున్సిపాలిటీలు, కార్పొరేషన్లపై హైకోర్టులో కేసులు పెండింగ్ లో ఉండగా.. మిగతా 100 అర్బన్ పట్టణ స్థానిక సంస్థలకు ఎన్నికలపై ఈసీ కసరత్తు చేస్తోంది. అయితే స్థానిక సంస్థల ఎన్నికల కోసం జనసేన పార్టీ సన్నద్దమవుతోంది. స్థానిక సంస్థల ఎన్నికల్లో అనుసరించాల్సిన విధి విధానాలు రూపకల్పనకి ప్రత్యేక కమిటీని పార్టీ అధ్యక్షులు పవన్ కళ్యాణ్ శుక్రవారం ప్రకటించారు.

ఏపీ డిప్యూటీ సీఎం పవన్ కళ్యాణ్ ప్రకటించిన ఈ కమిటీలో 14 మంది సభ్యులను నియమించారు. ఎన్నికలకు సంబంధించిన విధి విధానాలతోపాటు క్షేత్ర స్థాయిలో జనసేన శ్రేణుల ఆలోచనలను ఈ కమిటీ పరిగణనలోకి తీసుకుంటుంది. పవన్ కళ్యాణ్ జనసేన శాసనసభా పక్షం సమావేశంలో జన సైనికులు, వీర మహిళల పోరాట స్ఫూర్తిని కొనసాగించాలన్నారు. వారి ఆత్మ గౌరవాన్ని నిలిపేలా స్థానిక సంస్థల ఎన్నికలకు సిద్దమవుదామని పవన్ కళ్యాణ్ పిలుపునిచ్చారు. ఎన్నికలకు సన్నద్ధతలో భాగంగా పార్టీ విధివిధానాల కోసం ఈ ప్రత్యేక కమిటీని నియమించారు.

జనసేన స్థానిక సంస్థల ఎన్నికల కమిటీ సభ్యులు వీరే

1. మండలి బుద్ధ ప్రసాద్

2. టి.శివ శంకర్

3. కందుల దుర్గేష్

4. వల్లభనేని బాలశౌరి

5. బొలిశెట్టి నివాస్

6. దేవ వరప్రసాద్

7. సీహెచ్ వంశీకృష్ణ యాదవ్

8. మతి లోకం మాధవి

9. పత్సమట్ల ధర్మ రాజు

10. చిలకం మధుసూదన్ రెడ్డి

11. కొటికలపూడి గోవిందరావు (చినబాబు)

12. సామినేని ఉదయభాను

13. యనమల భాస్కర్

14. కొరికాన రవి కుమార్

AP Municipal Elections 2026: మున్సిపల్ ఎన్నికలకు ఏపీ ప్రభుత్వం గ్రీన్ సిగ్నల్.. బీసీలకు కొత్త రిజర్వేషన్లు వర్తింపు

Shankar Dukanam — Wed, 19 Aug 2026 19:19:00 +0530

AP Urban Local Body and Municipal Elections | అమరావతి: ఏపీలో త్వరలో ఎన్నికలు జరగనున్నాయి. మున్సిపల్ ఎన్నికలకు ఏపీ ప్రభుత్వం బుధవారం నాడు గ్రీన్ సిగ్నల్ ఇచ్చింది. ఎన్నికల నిర్వహణకు ఏర్పాట్లు చేయాలంటూ జీవో జారీ చేసింది. దాంతో ఏపీలో 100 పట్టణ స్థానిక సంస్థలకు ఎన్నికలు నిర్వహించనున్నారు. 87 మునిసిపాలిటీ పాలక వర్గాల గడువు ఇప్పటికే పూర్తయింది. మరో 13 పాలకవర్గాల గడువు నవంబర్‌తో ముగియనుందని అధికారులు తెలిపారు. మున్సిపల్ ఎన్నికలకు నిర్వహణకుగానూ ఏపీ ప్రభుత్వం, రాష్ట్ర ఎన్నికల సంఘంతో సమన్వయం చేసుకుంటోంది.

బీసీలకు కొత్త రిజర్వేషన్లు వర్తింపు..
కోర్టు కేసుల కారణంగా రాష్ట్రంలోని మరో 23 మున్సిపాలిటీలో ఎన్నికలు వాయిదా వేశారు. అర్బన్ మున్సిపాలిటీలు, పట్టణాల్లో బీసీలకు 33.33 శాతం రిజర్వేషన్‌తోనే ఎన్నికలు నిర్వహించనున్నారు. మున్సిపల్‌ కార్పొరేషన్లు, మున్సిపాలిటీలు, నగర పంచాయతీల్లో ఇటీవల ఆమోదించిన బీసీ రిసర్వేషన్‌లు అమలు చేయనున్నారు.

2025 ఓటర్ల జాబితా ఆధారంగానే ఓటర్ల జాబితా

ఆంధ్రప్రదేశ్‌లో త్వరలో జరగనున్న స్థానిక సంస్థల ఎన్నికలను ప్రత్యేక సమగ్ర సవరణ (SIR) తుది జాబితాలతో కాకుండా 2025 నాటి ఓటర్ల జాబితాల ఆధారంగానే నిర్వహించాలని రాష్ట్ర ఎన్నికల సంఘం (AP SEC) నిర్ణయించింది. అక్టోబరు 3న SIR తుది జాబితాలు విడుదలయ్యే వరకు వేచి ఉంటే మున్సిపల్ ఎన్నికల నిర్వహణలో తీవ్ర జాప్యం జరుగుతుందనే ఉద్దేశంతో ఈ నిర్ణయం తీసుకుంది.

Also Read: AP CM Chandrababu: గ్రూప్ 1 పేపర్లను ఎలక్ట్రిషియన్లు, డ్రైవర్లు, సెక్యూరిటీ గార్డులతో దిద్దించారు: చంద్రబాబు ధ్వజం

రాష్ట్ర ప్రభుత్వం అక్టోబరులోనే ఎన్నికలు నిర్వహించాలని భావిస్తుండటంతో, ఓటర్ల జాబితాల రూపకల్పనకు SEC నోటిఫికేషన్ (నెం.401/SEC-F1/2026-1) జారీ చేసింది. మున్సిపాలిటీల్లో సెప్టెంబర్ 3 నాటికి, పంచాయతీల్లో ఆగస్టు 17 నాటికి ఓటర్ల జాబితాల ప్రచురణ పూర్తి చేయాలని స్పష్టం చేసింది. పంచాయతీల్లో పోలింగ్ కేంద్రాల ప్రక్రియను ఆగస్టు 21 నుంచి 31 వరకు పూర్తి చేయనున్నారు. అదనపు బ్యాలెట్ బాక్సుల సేకరణతో పాటు 45 రోజుల్లోగా సిబ్బంది శిక్షణ ప్రక్రియను పూర్తి చేసేలా ఈసీ ఏర్పాట్లు ముమ్మరం చేస్తోంది.

Telangana Voter List 2026: తెలంగాణ ఓటర్ల జాబితా ముసాయిదా విడుదల! డేంజర్‌లో 92 లక్షల ఓట్లు! మీ పేరును ఈలింక్‌లో చెక్ చేసుకోండి!

Khagesh — Mon, 17 Aug 2026 17:47:03 +0530

Telangana Voter List 2026: తెలంగాణ రాష్ట్రంలో ఓటర్ల జాబితా సమగ్ర సవరణ ప్రక్రియ కీలక దశకు చేరుకుంది. రాష్ట్ర ప్రధాన ఎన్నికల అధికారి సుదర్శన్ రెడ్డి సోమవారం నాడు ఎస్‌ఐఆర్ ముసాయిదా ఓటర్ల జాబితాను అధికారికంగా విడుదల చేశారు. ఓటర్ల జాబితాలో పారదర్శకతను పెంచడం, తప్పులను సరిదిద్దడం, అర్హులైన ప్రతి ఒక్కరికీ ఓటు హక్కు కల్పించడమే లక్ష్యంగా ఈ ప్రక్రియను చేపట్టినట్టు ఆయన వెల్లడించారు.

ముసాయిదా లెక్కలు ఇవే

రాష్ట్ర ఎన్నికల సంగం వెల్లడించిన వివరాల ప్రకారం, తెలంగాణలో ఎస్‌ఐఆర్ ప్రక్రియ ప్రారంభానికి ముందు మొత్తం ఓటర్ల సంఖ్య 3, 38, 26, 448గా ఉంది. తాజా ముసాయిదా రూపకల్పనలో భాగంగా ఇప్పటి వరకు 2, 64, 87, 213 మంది ఓటర్ల వివరాలను డిజిటలైజ్ చేసినట్టు అధికారులు తెలిపారు. ఇది మొత్తం ఓటర్లలో 7. 30 శాతానికి సమానం.

మిగిలిన ఓటర్ల వివరాల్లో వివిధ రకాల వ్యత్యాసాలు ఉన్నట్టు గుర్తించారు. సుమారు 60, 50, 918 మంది ఓటర్లు వివరాల్లో తప్పులు లేదా అసంపూర్ణ సమాచారం ఉన్నట్టు గుర్తించారు. దాదాపు 32,36, 659 మంది ఓటర్లకు సంబంధించి ప్రాపర్ మ్యాపింగ్ లేదనని అధికారులు నిర్దారించారు. అబ్సెంట్‌, షిఫ్టెడ్, డెడ్‌, డూప్లికేట్, విభాగాల్లో మొత్తం 73, 39,235 మంది ఓటర్లు ఉన్నట్టు నివేదికలు చెబుతున్నాయి.

92 లక్షల మందికి నోటీసులు ఎందుకు?

ఓటర్ల జాబితాలో డూప్లికేట్‌ ఓట్లను తొలగించం, చిరునామాలు మారిన వారి వివరాలను సరిదిద్దడం కోసం రాష్ట్రవ్యాప్తంగా 92 లక్షల మందికి నోటీసులు జారీ చేయాలని ఎన్నికల సంఘం నిర్ణయించింది. ఈ నోటీసులను బూత్ లెవల్‌ ఆఫీసర్స్ ద్వారా నేరుగా లేదా పోస్టు ద్వారా ఓటర్లు చేరవేస్తారు.

నోటీసులు అందుకున్న వారు ఏం చేయాలి?

నోటీసులు అందిన ఓటర్లు తమ వివరాల ధృవీకరణ కోసం అవసరమైన ఆధారాలను సమర్పించాల్సి ఉంటుంది. ఒక వేళ ఓటరు చనిపోయినా, శాశ్వతంగా వేరే ప్రాంతానికి వలస వెళ్లినా, ఆ వివరాలను విచారణలో భాగంగా నిర్దారిస్తారు ఈ ప్రక్రియ కోసం ప్రభుత్వం ఇప్పటికే ఒక మోడల్‌ నోటీసు సిద్ధం చేసింది. అందులో ఓటరు పేరు, గుర్తింపు కార్డు సంఖ్య, సంబంధిత పోలింగ్ కేంద్రం వివరాలు పొందుపరిచారు.

ముఖ్యమైన గడువులు

ఓటర్ల జాబితా సవరణ ప్రక్రియ సజావుగా సాగేందుకు ఎన్నికల సంఘం టైమ్‌లైన్ ప్రకటించింది. నోటీసులు అందుకున్న వారు తమ సమాధానాలను లేదా అభ్యంతరాలను సెప్టెంబర్‌ 16 వరకు సమర్పించవచ్చు. ఆగస్టు 17 నుంచి అక్టోబర్ 15 వరకు అందిన దరఖాస్తులను, అభ్యంతరాలను అధికారులు క్షేత్రస్థాయిలో పరిశీలిస్తారు. అన్ని సవరణలు పూర్తి చేసిన తర్వాత అక్టోబర్‌ 19న తుది ఓటర్ల జాబితాను విడుదల చేస్తారు.

జిల్లాల వారీగా స్థితిగతులు

ఎన్నికల సంఘం విడుదల చేసిన 33 జిల్లాల నివేదిక పరిశీలిస్తే, గ్రామీణ జిల్లాల్లో డిజిటలైజేషన్ వేగంగా సాగగా, పట్టణ ప్రాంతాల్లో ముఖ్యంగా హైదరాబాద్, రంగారెడ్డి జిల్లాల్లో సవాల్లు ఎదురవుతున్నాయి.

కుమరం భీం ఆసిఫాబాద్‌లో డిజిటలైజేషన్ ప్రక్రియ 89 శాతానికిపైగా పూర్తి అయ్యింది. అత్యంత క్లిష్టమైన హైదరాబాద్ జిల్లాలో 15 నియోజకవర్గాలకు గాను డిజిటలైజేషన్ శాతం కేవలం 59. 01శాతం మాత్రమే ఉంది. ఇక్కడ మాత్రం సుమారు 19.41 మంది ASDD ఓటర్లు ఉన్నట్టు నివేదిక స్పష్టం చేస్తోంది. రంగారెడ్డి జిల్లాలో డిజిటలైజేషన్ 65. 21 శాతం నమోదైంది. ఎల్బీనగర్, శేరిలింగంపల్లి వంటి నియోజకవర్గాల్లో భారీగా ఓటర్ల వివరాల సవరణ అవసకం ఉంది.

అధికారులు ఏం చెబుతున్నారు?

ఈ ప్రక్రియలో 2 వేల మందికిపైగా అధికారులు పాల్గొంటున్నారని సీఈఓ సుదర్శన్ రెడ్డి తెలిపారు. ఓటరు జాబితాలో తన పేరు లేదని ఎవరైనా గుర్తిస్తే, వారు ఫామ్‌ 6A ద్వారా కొత్తా దరఖాస్తు చేసుకోవచ్చని ఆయన సూచించారు.

ఓటర్ల జాబితాలో మీ పేరు ఉందో లేదో చెక్ చేసుకునే డైరెక్ట్ లింక్ ఇదే

AP Local Body Elections: 2025 ఓటర్ల జాబితా ఆధారంగా ఏపీలో స్థానిక ఎన్నికలు.. ఎస్‌ఈసీ నిర్ణయానికి కారణమిదే!

Shankar Dukanam — Sun, 16 Aug 2026 14:31:32 +0530

AP Local Body Elections | అమరావతి: ఆంధ్రప్రదేశ్‌లో త్వరలో స్థానిక సంస్థల ఎన్నికలు జరగనున్నాయి. అయితే ఏపీ స్థానిక సంస్థల ఎన్నికలను ప్రత్యేక సమగ్ర సవరణ (SIR) తుది ఓటర్ల జాబితాలతో కాకుండా పాత ఓటర్ల జాబితా ఆధారంగానే నిర్వహించాలని రాష్ట్ర ఎన్నికల సంఘం (AP SEC) నిర్ణయించింది. 2025 నాటి సర్ ఓటర్ల జాబితాల ఆధారంగానే పోలింగ్ జరగనుంది.

అక్టోబరు 3న SIR తుది ఓటర్ల జాబితాలు ప్రచురితం చేయనున్నారు. వాటిని ప్రామాణికంగా తీసుకుని స్థానిక సంస్థల్లో ఓటర్ల జాబితాలు సిద్ధం చేయాలని భావిస్తే స్థానిక ఎన్నికల నిర్వహణలో తీవ్ర జాప్యం జరుగుతుందని భావించి 2025 నాటి ఓటర్ల జాబితాలకే రాష్ట్ర ఎన్నికల సంఘం అనుమతించింది. ఈ మేరకు పురపాలక, నగరపాలక సంస్థలు, నగర పంచాయతీల్లో ఫొటో గుర్తింపు ఓటర్ల జాబితాల ప్రచురణకు ఈసీ ఆదేశాలతో ఏర్పాట్లు వేగవంతంగా సాగుతున్నాయి. స్థానిక సంస్థలకు అక్టోబరులోనే ఎన్నికలు నిర్వహించాలనే యోచనతో ఏపీ ప్రభుత్వం ఉందని గుర్తించిన రాష్ట్ర ఎన్నికల సంఘం పూర్తిస్థాయిలో ఓటర్ల జాబితా, ఎన్నికల ఏర్పాట్లకు సన్నాహాలు చేస్తోంది.

రిజర్వేషన్లపై త్వరలో కీలక నిర్ణయం

బీసీ రిజర్వేషన్లకు సంబంధించి ఏర్పాటు చేసిన డెడికేటెడ్ కమిషన్ శుక్రవారమే తన నివేదికను సమర్పించింది. దీనిపై కూటమి ప్రభుత్వం త్వరలోనే నిర్ణయం తీసుకునే అవకాశాలు ఉన్నాయి. అత్యంత కీలకమైన రిజర్వేషన్ల ప్రక్రియ పూర్తయితే ఎన్నికలు మరింత దగ్గరపడినట్లే అని అధికారులు భావిస్తున్నారు. ఈ క్రమంలో ఓటర్ల జాబితాల ప్రచురణను మున్సిపాల్టీల్లో సెప్టెంబర్ 3 నాటికి, ఇప్పటివరకు జాబితా సిద్ధం చేయని సుమారు 50 పంచాయతీల్లో ఆగస్టు 17 లోగా పూర్తి చేయాలని పురపాలక, పట్టణాభివృద్ధి, పంచాయతీరాజ్ శాఖలను రాష్ట్ర ఎన్నికల సంఘం ఆదేశించింది.

పంచాయతీల్లో పోలింగ్ కేంద్రాల ఎంపిక, వాటి పబ్లికేషన్ ప్రక్రియను ఆగస్టు 21 నుంచి 31 లోగా పూర్తి చేయాలని స్పష్టం చేసింది. స్థానిక ఎన్నికల నిర్వహణకు అవసరమైన అదనపు బ్యాలెట్ బాక్సుల కోసం ఇతర రాష్ట్రాలకు రాష్ట్ర ఎన్నికల కమిషనర్ ఇప్పటికే లేఖలు రాశారు. ఎన్నికల సిబ్బందికి శిక్షణ, ఇతరత్రా ముందస్తు ఏర్పాట్లను 30 నుండి 45 రోజుల్లోగా పూర్తి చేయాలనే ప్రణాళికతో ఎన్నికల సంఘం చర్యలు చేపట్టింది.

ఓటర్ల జాబితా కోసం నోటిఫికేషన్ జారీ

ఓటర్ల జాబితాను సిద్ధం చేయడం కోసం రాష్ట్ర ఎన్నికల సంఘం నోటిఫికేషన్ నెం.401/SEC-F1/2026-1 జారీ చేసింది. దాంతో మున్సిపల్ కార్పొరేషన్లకు సంబంధించి వార్డుల వారీగా ఫొటో ఓటర్ల తుది జాబితాల ప్రచురణకు ఏర్పాట్లు ముమ్మరంగా సాగుతున్నాయి. భారత ఎన్నికల సంఘం సేకరించిన తాజా అసెంబ్లీ ఓటర్ల డేటాను ప్రాతిపదికగా తీసుకుని మున్సిపల్ వార్డుల వారీగా విభజిస్తున్నారు. ఈ ప్రక్రియను పారదర్శకంగా నిర్వహించేందుకు మున్సిపల్ కమిషనర్లు, పోలింగ్ స్టేషన్ అధికారులు క్షేత్రస్థాయిలో సమన్వయం చేసుకుంటున్నారు. రాష్ట్రంలోనే అతిపెద్దదైన గ్రేటర్ విశాఖ మున్సిపల్ కార్పొరేషన్ (GVMC) పరిధిలో పాలనా సౌలభ్యం, ఫిర్యాదుల త్వరిత పరిష్కారం కోసం జోనల్ కమిషనర్లకు ప్రత్యేకాధికారాలు ఇచ్చారు.

ఓటర్లు తమ ఓటు హక్కు నమోదు, సవరణలు, జాబితాల్లో పేర్లను సరిచూసుకోవడానికి CEO Andhra Pradesh Portal ద్వారా సమాచారం పొందవచ్చు. స్థానిక ఎన్నికల నిర్వహణ విధానం, ముందస్తు సమాచారం, అప్‌డేట్స్ తెలుసుకోవడానికి Election Commission of India వెబ్‌సైట్‌ను చూడాలని అధికారులు సూచించారు.

GHMC Elections: జీహెచ్‌ఎంసీ ఎన్నికల్లో బీజేపీ ఒంటరిగా పోటీ : రామచందర్‌రావు కీలక ప్రకటన

Shankar Dukanam — Fri, 7 Aug 2026 21:05:23 +0530

BJP in GHMC Elections | ఢిల్లీ: త్వరలో జరగనున్న గ్రేటర్ హైదరాబాద్ మున్సిపల్ కార్పొరేషన్ (GHMC), మిగతా రెండు కార్పొరేషన్ ఎన్నికల్లో భారతీయ జనతా పార్టీ (BJP) ఏ ఇతర పార్టీతోనూ పొత్తు పెట్టుకోకుండా ఒంటరిగానే బరిలోకి దిగుతుందని తెలంగాణ రాష్ట్ర భాజపా అధ్యక్షుడు ఎన్. రామచందర్‌రావు స్పష్టం చేశారు. ఢిల్లీలో పార్టీ జాతీయ అధ్యక్షుడు నితిన్ నబీన్‌తో కీలక భేటీ అనంతరం ఆయన మీడియాతో మాట్లాడారు. రాష్ట్రంలో బీజేపీ నేతల మధ్య ఎలాంటి తీవ్ర విభేదాలు లేవని, కేవలం కొన్ని విషయాల్లో భేదాభిప్రాయాలు ఉన్నాయని స్పష్టం చేశారు. పార్టీలో పాత, కొత్త నాయకులనే భేదాలు లేకుండా అందరినీ కలుపుకొని ముందుకెళ్తామని తెలిపారు. పలువురు కీలక నేతలు కూడా త్వరలోనే భాజపాలో చేరేందుకు ఆసక్తి చూపుతున్నారని ఆయన పేర్కొన్నారు.

కాంగ్రెస్ పాలనలో అవినీతి పెరిగిపోయింది..
తెలంగాణలో అధికారంలో ఉన్న కాంగ్రెస్ ప్రభుత్వ పాలనపై విమర్శలు గుప్పించిన రామచందర్‌రావు, రాష్ట్రంలో అవినీతి విపరీతంగా పెరిగిపోయిందని రామచందర్ రావు ఆరోపించారు. ఎన్నికల సమయంలో ఇచ్చిన 6 గ్యారెంటీలు, ఇతర హామీలను నెరవేర్చడంలో కాంగ్రెస్ ప్రభుత్వం పూర్తిగా విఫలమైందని విమర్శించారు. ప్రభుత్వ వైఫల్యాలు, ప్రజలు ఎదుర్కొంటున్న సమస్యలపై బీజేపీ నాయకులందరూ కలిసికట్టుగా పోరాటం చేయాలని నితిన్ నబీన్ నిర్దేశించారని ఈ సందర్భంగా రాష్ట్ర బీజేపీ అధ్యక్షుడు వెల్లడించారు. రాబోయే రోజుల్లో బీజేపీని రాష్ట్రంలో అధికారంలోకి తీసుకురావడానికి సమగ్రమైన రోడ్‌మ్యాప్ సిద్ధం చేయాలని జాతీయ నాయకత్వం స్పష్టమైన ఆదేశాలు ఇచ్చిందని ఆయన తెలిపారు.

ఈ క్రమంలోనే రాష్ట్రవ్యాప్తంగా ఉన్న 937 మండలాల్లో పార్టీ సంస్థాగత నిర్మాణాన్ని మరింత బలోపేతం చేసేందుకు విస్తృత చర్యలు చేపడుతున్నట్లు తెలిపారు. తెలంగాణ అసెంబ్లీ సమావేశాలు ముగిసిన వెంటనే బీజేపీ ఎంపీలు, ఎమ్మెల్యేలు, ముఖ్య నాయకులతో ఒకసారి ప్రత్యేక సమావేశం నిర్వహించి భవిష్యత్ కార్యాచరణను ఖరారు చేస్తామన్నారు. జీహెచ్‌ఎంసీ ఎన్నికల్లో విజయం సాధించడం ద్వారా తెలంగాణలో బీజేపీ మరింత బలపడి, అధికారంలోకి రావడానికి రూట్ క్లియర్ అవుతుందనే దీమా వ్యక్తం చేశారు. క్షేత్రస్థాయిలో ప్రజల సమస్యలపై నిరంతరం పోరాడే నాయకులు, కార్యకర్తలకే రాబోయే ఎన్నికల్లో ప్రాధాన్యత ఉంటుందని రామచందర్‌రావు వివరించారు.

Congress Politics: తెలంగాణ నుంచి రాజ్యసభకు వెళ్లను.. నా సీటును బీజేపీ చోరీ చేసింది: మీనాక్షి నటరాజన్

Shankar Dukanam — Sun, 21 Jun 2026 16:24:48 +0530

హైదరాబాద్‌: ఇటీవల జరిగిన రాజ్యసభ ఎన్నికల్లో కాంగ్రెస్ అభ్యర్థి మీనాక్షి నటరాజన్ నామినేషన్ వ్యవహారం రాజకీయంగా దుమారం రేపింది. బీజేపీ వర్సెస్ కాంగ్రెస్ గా మొదలైన వివాదం అనంతరం కాంగ్రెస్ వర్సెస్ కాంగ్రెస్‌గా మారడం తెలిసిందే. ఈ వివాదంపై తెలంగాణ కాంగ్రెస్‌ వ్యవహారాల ఇన్‌ఛార్జ్‌ మీనాక్షి నటరాజన్‌ మరోసారి స్పందించారు. తెలంగాణ నుంచి రాజ్యసభకు వెళ్లేది లేదని స్పష్టం చేశారు. తన రాజ్యసభ నామినేషన్‌ రిజెక్ట్ కావడంపై భారతీయ జనతా పార్టీ (BJP) కావాలనే తనపై దుష్ప్రచారం చేస్తోందని ఆమె మండిపడ్డారు. తనపై ఎలాంటి లీగల్‌ కేసులు లేవని ఆమె స్పష్టం చేశారు.

ఇటీవల మధ్యప్రదేశ్‌ నుంచి రాజ్యసభ స్థానానికి ఆమె నామినేషన్‌ వేయగా, పరిశీలించిన ఎన్నికల అధికారులు రిజెక్ట్ చేశారు. ఒక పాత కేసు అంశాన్ని ఎన్నికల అఫిడవిట్‌లో పేర్కొనలేదనే కారణంతో ఎన్నికల సంఘం ఆమె నామినేషన్‌ను తిరస్కరించడం రాజకీయ వివాదంగా మారింది. బీజేపీ, ఈసీ పరస్పరం లాలూచీపడి కుట్రపూరితంగా తన రాజ్యసభ నామినేషన్‌ను తిరస్కరించాయని మీనాక్షి నటరాజన్ తీవ్ర ఆరోపణలు చేశారు. తన కేసుల సమాచారాన్ని కాంగ్రెస్‌ నేతలే లీక్ చేశారంటూ జరుగుతున్న ప్రచారంలో వాస్తవం లేదని కొట్టిపారేశారు.

#WATCH | Hyderabad, Telangana | On rejection of her Rajya Sabha nomination, Congress leader Meenakshi Natarajan says, “…The conspiracy of Congress party theory is being floated by the BJP, and that is being done to sort of divert us and not lead us to the conspiracy they are… pic.twitter.com/gTdBqreXDZ
— ANI (@ANI) June 21, 2026

రాజ్యసభ సీటు బీజేపీ చోరీ..
బీజేపీ ఓటు చోరీలే కాదు రాజ్యసభ సీట్లు కూడా చోరీ చేస్తుందని.. అందుకు తనకు ఎదురైన అనుభవమే నిదర్శనం అన్నారు. మధ్యప్రదేశ్ నుంచి తన రాజ్యసభ సీటు చోరీకి గురైందని, బీజేపీ చేస్తున్న కుట్రలను ప్రజలకు తెలియజేయాలనే ఉద్దేశంతోనే తాను ప్రస్తుతం పోరాడుతున్నానని మీనాక్షి నటరాజన్‌ పేర్కొన్నారు. అంతేకానీ తెలంగాణ నుంచి రాజ్యసభకు వెళ్లాలని తనకు లేదని క్లారిటీ ఇచ్చారు.

Also Read: Revanth Reddy Letter To Kishan Reddy: హైదరాబాద్ మెట్రో పై ఢిల్లీ వేదికగా తేల్చుకుందాం - కిషన్ రెడ్డికి సీఎం రేవంత్ రెడ్డి లేఖ

తన కోసం మరెవరితోనైనా రాజీనామా చేయించి ఆ స్థానం నుంచి రాజ్యసభ సీటు తీసుకునే ఆలోచన తనకు లేదన్నారు. తాను మధ్యప్రదేశ్‌కు చెందిన వ్యక్తిని కాబట్టే అక్కడి నుంచే సీటు కోరుకుంటున్నట్లు తెలిపారు. కేవలం కేసు ఉన్నంత మాత్రాన నామినేషన్‌ రిజెక్ట్ చేయరని, నిబంధనలకు విరుద్ధంగా బీజేపీ నేతలను నామినేషన్‌ రూమ్‌లోకి ఎలా అనుమతించారని ఆమె ఈసీని ప్రశ్నించారు.

మీనాక్షి నటరాజన్ నామినేషన్ రద్దు, కేసు వివరాలు
తెలంగాణ కాంగ్రెస్ వ్యవహారాల ఇన్‌ఛార్జ్ మీనాక్షి నటరాజన్‌పై హైదరాబాద్ నాంపల్లి కోర్టులో దాఖలైన పిటిషన్‌ను కోర్టు కొన్ని రోజుల కిందట తిరస్కరించింది. ప్రజాప్రతినిధుల కేసులను విచారించే ప్రత్యేక పరిధి తమకు లేదని కోర్టు స్పష్టం చేసింది. నారాయణపేట కాంగ్రెస్ నేత, శ్రీలత అనే మహిళల మధ్య గొడవలో.. దీపాదాస్ మున్షీ, మహేష్ కుమార్ గౌడ్, మీనాక్షిలను నిందితులుగా చేర్చడంతో కోర్టు వీరికి నోటీసులు ఇచ్చింది.

తన పేరు తొలగించాలని మీనాక్షి లీగల్‌గా స్పందించడంతో కోర్టు ఈ ఆరోపణలను కాగ్నిజెన్స్‌లోకి తీసుకుంది. మధ్యప్రదేశ్ రాజ్యసభ ఎన్నికల నామినేషన్ల సమయంలో నాంపల్లి కోర్టులో కాగ్నిజెన్స్ ఉన్న ఈ కేసు వివరాలను దాచారనే సాంకేతిక కారణాన్ని తెరపైకి తెచ్చిన బీజేపీ ఆమె రాజ్యసభ అభ్యర్థిత్వాన్ని రద్దు చేయించడంతో జాతీయ పార్టీల నేతల మధ్య మాటల తూటాలు పేలుతున్నాయి.

SIR Process In Andhra Pradesh and Telangana 2026: 24 ఏళ్ల తర్వాత తెలుగు రాష్ట్రాల్లో ఓటర్‌ లిస్ట్ క్లీన్‌ అప్ డ్రైవ్! మీ ఓటు భద్రమేనా?

Khagesh — Thu, 18 Jun 2026 13:28:30 +0530

SIR Process In Andhra Pradesh and Telangana 2026: బిగ్ అలర్ట్ ఫోక్స్‌! మీరు ఆంధ్రప్రదేశ్ లేదా తెలంగాణలో ఓటరా? అయితే మీకో షాకింగ్ న్యూస్. గత 24 ఏళ్లలో ఎన్నడూ లేని విధంగా కేంద్ర ఎన్నికల సంఘం తెలుగు రాష్ట్రాల్లో ఒక హిస్టారిక్ డెసిషన్ తీసుకుంది. ఎప్పుడో 2002-2004 కాలంలో జరిగిన స్పషల్ ఇన్టెస్టివ్‌ రివిజన్ ప్రక్రియను మళ్లీ ఇప్పుడు 2026లో అఫీషియల్‌గా రీ-స్టార్ట్ చేశారు. అంటే మీ ఓటర్ ఐడీ కార్డు కేవలం మీ జేబులో ఉంటే సరిపోదు, ఈ సరి కొత్త సర్వేలో మీ వివరాలు మ్యాచ్ అవ్వకపోతే మీ ఓటు లిస్ట్‌ నుంచి గల్లంతు కావడం ఖాయం.

ఇది ఒక సాధారణ రొటీన్ అప్‌డేట్ కాదు. ఇదొక ఎలక్ట్రోరల్ ఎర్త్‌క్వేక్‌. రెండు రాష్ట్రాల్లో కలిసి లక్షలాది మంది ఓట్లపై ప్రస్తుతం సందిగ్దత నెలకొంది. దాదాపు లక్షల మంది ఓట్లు డేంజర్‌ జోన్‌లో పడ్డాయంటే పరిస్థితి ఎంత సీరియస్‌గా ఉందో అర్థం చేసుకోవచ్చు. భారీ సంఖ్యలో అన్‌మ్యాప్డ్‌ ఓటర్లను అధికారులు గుర్తించారు. అసలు ఈ 24 ఏళ్ల తర్వాత వచ్చిన ఈ సవరణ ఏంటీ ఎందుకు ఈ ప్రక్రియ చేపట్టింది? ఓటు కాపాడుకోవాలంటే ఏం చేయాలో చూద్దాం.

అసలు ఏంటీ ఈ సర్‌

సాధారణంగా ఎన్నికల సంఘం ప్రతి ఎన్నికల ముందు ఓటర్ల జాబితాను సవరిస్తుంది. దీనిని సమ్మరీ రివిజన్ అంటారు. కానీ గత రెండు దశాబ్ధాలుగా ఓటర్లు ఒక ప్రాంతం నుంచి మరో ప్రాంతానికి వలస వెళ్లడం, చనిపోయిన వారి పేర్లు అలాగే ఉండిపోవడం, ఒక వ్యక్తికి రెండు మూడు ప్రాంతాల్లో ఓటు హ్కు ఉండటం వల్ల డేటాబేస్ గందరగోళంగా మారింది.

దీనిని ప్రక్షాళన చేసేందుకు 2002లో చివరిసారిగా దేశవ్యాప్తంగా సర్ నిర్వహించారు. ఆ తర్వాత మళ్లీ ఇప్పుడు ఇంత పెద్ద ఎత్తున సమగ్ర గ్రౌండ్‌ లెవెల్ సర్వే చేపడుతున్నారు. ఇప్పటికే పలు రాష్ట్రాల్లో ప్రక్రియ పూర్తి చేసింది. ఇప్పుడు తెలుగు రాష్ట్రాల్లో అధికారులు సర్వే ప్రారంభించారు. ప్రస్తుతం 2026లో ఎన్నికల సంఘం 2002 ఎలక్టోరల్ రోల్‌ను కీ రిఫరెన్శ్‌గా తీసుకొని ఇప్పటి 2026 డేటాతో కంప్యూట్, మాన్యువల్‌ మ్యాపింగ్ చేస్తోంది.

30శాతం మిస్‌మ్యాచ్‌- డేంజర్‌ జోన్‌లో ఓట్లు

ఎన్నికల సంఘం అధికారులు ప్రాథమికంగా జరిపిన మ్యాపింగ్‌లో విస్తుపోయే నిజాలు వెలుగు చూశాయి. 2002 జాబితాతో ప్రస్తుత ఓటర్ల జాబితాను కంపేర్ చేయగా తెలుగు రాష్ట్రాల్లో 30 శాతం మంది మిస్‌ మ్యాచ్ అయ్యారు. ఒక్క తెలంగాణలోనే దాదాపు రెండు కోట్ల ఓట్లు అన్‌మ్యాపింగ్, లోపాలు ఉన్నట్టు గుర్తించారు. డూప్లికేట్ ఓట్లు, చనిపోయిన వారి ఓట్లను వంద శాతం పారదర్శకంగా తొలిగించడమే ఈ సర్వే ప్రధాన ఉద్దేశం.

మీ ఇంటికే రానున్న BLOs

ఈ సవరణ కోసం ఎన్నికల సంఘం క్షేత్రస్థాయిలో భారీ సైన్యాన్ని రంగంలోకి దించింది. ఆంధ్రప్రదేశ్‌లో దాదాపు 46,397 మంది తెలంగాణలో వేలాది మంది బూత్‌లెవల్ ఆఫీసర్స్‌ను నియమించారు. వారంతా ఇంటికి వచ్చి వివరాలు సేకరిస్తారు.

మీ వద్దకు వచ్చే బీఎల్‌వోలు ప్రత్యేకమైన యునిక్‌ ఎన్యూమరేన్ పామ్ తీసుకొస్తారు. ఇందులో మీ ప్రస్తుత వివరాలు ప్రింట్ అయి ఉంటాయి. ఒక వేళ మీరు మొదటి విజిట్‌లో ఇంట్లో లేకపోతే, బీఎల్‌వోలు కనీసం మూడుసార్లు మీ ఇంటికి వచ్చి మిమ్మల్ని కలవడానికి ప్రయత్నిస్తారు. మీ 2002నాటి ఓటు వివరాలతో ప్రస్తుత వివరాలు లింక్ కాకపోతే, మీకు EROs నుంచి అధికారికంగా నోటీసులు వస్తాయి. అప్పటికీ స్పందించకపోతే మీ ఓటు తొలగిస్తారు.

2002లో మీ ఓటు ఎక్కడ ఉందో ఎలా తెలుసుకోవాలి?

ఈ సర్‌ మ్యాపింగ్‌ ప్రక్రియలో అర్బన్ ఓటర్లు ఇబ్బంది పడకుండా ఉండేందుకు ఎన్నికల సంఘం ఆన్‌లైన్‌ సదుపాయాన్ని కల్పించింది. voters.eci.gov.inng సిటిజన్ సర్వీస్‌ పోర్టల్ ద్వారా మీరు మీ పాత రికార్డులను వెతకవచ్చు. ఇంటర్నెట్‌ బ్రౌజర్‌లో https://voters.eci.gov.in వెబ్‌సైట్‌ ఓపెన్ చేసి లాగిన్ అవ్వండి. హోంపేజీలో నిపిస్తున్న search your name in last SIR అనే ఆప్షన్‌ను క్లిక్ చేయండి. మీ రాష్ట్రం, జిల్లా, 2002లో మీరు ఏ నియోజకవర్గంలో ఉన్నారో ఆ వివరాలను ఎంటర్ చేయండి. మీ పేరు, నియోజకవర్గం, పోలింగ్ కేంద్రం నంబరు వంటి వివరాలు వస్తాయి. ఆ వివరాలను మీ ఏరియా బీఎల్‌వోకి అందిస్తే మ్యాపింగ్ విజయవంతం అవుతుంది.

ఈ ప్రక్రియ షెడ్యూల్‌ను ఎలక్షన్ కమిషన్ అత్యంత ప్రతిష్టాత్మకంగా అమలు చేస్తోంది. జూన్ 15 నుంచి ప్రారంభమైన ఈ సుదీర్ఘ ప్రక్రియ అక్టోబర్ నాటికి ముగిసి, సరికొత్త ప్యూరిఫైడ్ ఓట్ లిస్ట్ బయటకు రానుంది.

కీలక ప్రక్రియ	ఆంధ్రప్రదేశ్‌లో షెడ్యూల్‌	తెలంగాణలో షెడ్యూల్‌
ఇంటింటి సర్వే ప్రారంభం	జూన్ 15, 2026	జూన్ 25, 2026
బీఎల్‌వోల వెరిఫికేషన్	జులై 14, 2026	జులై 24, 2026
డ్రాఫ్ట్ రోల్స్ సిద్ధం	జులై 21, 2026	ఆగస్టు 01, 2026
అభ్యంతరాల స్వీకరణ	జులై- ఆగస్టు 2026	ఆగస్టు సెప్టెంబర్‌ 2026
తుది ఓటర్ల జాబితా	అక్టోబర్‌01, 2026	అక్టోబర్ చివరి నాటికి

SIR 2026: SIR సర్వే కోసం మీ ఇంటికి అధికారులు వస్తున్నారా? సిద్ధం చేసుకోవాల్సిన పత్రాలు ఇవే!

Khagesh — Mon, 15 Jun 2026 21:59:11 +0530

SIR 2026: భారత్ ఎన్నికల సంఘం దేశవ్యాప్తంగా ఓటర్ల జాబితాను అత్యంత పారదర్శకంగా మార్చడానికి ప్రత్యేక సమగ్ర సవరణ SIR-2026 కార్యక్రమాన్ని చేపట్టింది. తెలంగాణ, ఆంధ్రప్రదేశ్‌తోపాటు దేశంలోని అన్ని రాష్ట్రాల్లో ఈ ప్రక్రియ అత్యంత కీలకంగా మారింది. దాదాపు రెండు దశాబ్దాల తర్వాత ఇంతటి భారీ స్థాయిలో ఇంటింటికీ వెళ్లి ఓటర్లను వెరిఫై చేస్తున్నారు.

ఓటర్ల జాబితాలో పేరు ఉండి, మరణించిన వారు, లేదా శాశ్వతంగా వలస వెళ్లిన వారి పేర్లను తొలగించడమే ఈ సర్వే ప్రధాన ఉద్దేశం. అర్హులైన ప్రతి ఒక్కరికీ ఓటు హక్కు కల్పించడం, డూప్లికేట్‌ ఓట్లను ఏరివేయడం ద్వారా ఎన్నికల వ్యవస్థను బలోపేతం చేయడమే దీని లక్ష్యం. అంతేకాకుండా 18ఏళ్లు నిండిన కొత్త ఓటర్లను గుర్తించి వారిని జాబితాలో చేర్చడం కూడా ఇందులో భాగమే.

ప్రస్తుతం ఆంధ్రప్రదేశ్‌లో మీ నియోజకవర్గాల్లో బూత్‌ స్థాయి అధికారులు మీ ఇంటికి వచ్చే ప్రక్రియ ప్రారంభమైంది. తెలంగాణలో 25 నుంచి ప్రారంభంకానుంది. ఈ ఎన్యుమరేషన్ ప్రక్రియలో భాగంగా అధికారులు కనీసం రెండు మూడు సార్లు మీ ఇంటిని సందర్శించే అవకాశం ఉంది. సమయం వృథా కాకుండా ఉండాలంటే ముందుగానే సమాచారాన్ని సిద్ధం చేసుకోవడం మంచిది.

BLO ఇంటికి వచ్చినప్పుడు ఏం అడుగుతారు?

మీ ఇంటికి వచ్చే BLO ప్రధానంగా ఓటరు కార్డు నంబర్‌, కుటుంబ సభ్యుల సంఖ్యను అడుగుతారు. కుటుంబంలో ఎవరికైనా త్వరలో 18 ఏళ్లు నిండబోతున్నాయా అన్న వివరాలు కూడా వారు సేకరిస్తారు. వివాహం వల్ల లేదా ఉద్యోగం వల్ల ఎవరైనా ఇల్లు మారారా, లేదా మరణించారా అన్న సమాచారం అడుగుతారు. గత రికార్డుల్లో ఏమైనా తప్పులు ఉంటే వాటిని గురించి సరి చేయడానికి వారు మీకు సహకరిస్తారు. మీ పాత వివరాలు అంటే 2002-2004 ఓటర్ లిస్ట్‌లో మీ పేరు ఉందా అనే అంశాన్ని కూడా వారు తనిఖీ చేయవచ్చు.

ఏయే డాక్యుమెంట్స్ అవసరం

సర్వే సమయంలో ఎలాంటి ఇబ్బందులు లేకుండా ఉండేందుకు కొన్ని పత్రాలు సిద్ధం చేసుకోవాలి. ఇంటిలోని అందరు ఓటర్ల ఒరిజినల్‌కార్డులు లేదా కలర్ జిరాక్స్‌ కాపీలు సిద్ధం చేసుకోవాలి. దీని కోసం బర్త్ సర్టిఫికెట్‌ పదో తరగతి మెమో, పాస్‌పోర్ట్‌ లేదా పాన్ కార్డు సమర్పించవచ్చు. కరెంట్‌ బిల్లు, వాటర్‌ బిల్లు, గ్యాస్ రశీదు లేదా బ్యాంక్‌ పాస్‌బుక్ ఉపయోగించవచ్చు. ఆదార్‌ కార్డును కేవలం గుర్తింపు కార్డుగా మాత్రమే అంగీకరిస్తారు. దానిని DOBగా లేదా అడ్రెస్‌ ప్రూఫ్‌గా తీసుకోరు.

ఏ పామ్‌లు నింపాలి

BLO మీ ఇంటికి వచ్చినప్పుడు ఒక ఎన్యుమరేషన్ఫామ్ ఇస్తారు. అందులో అడిగిన వివరాలు తప్పుల్లేకుండా ఫిల్ చేయాలి. మీకు కొత్తగా ఓటు నమోదు చేసుకోవాలంటే ఫామ్‌-6 నింపాలి. మీ ఓటరు కార్డులో పేరు, వయసు, లేదా ఫొటో వంటి తప్పులు సరి చేయడానికి ఫామ్‌-8 నింపాలి. ఎవరైనా చనిపోయినా, డూప్లికేట్‌ ఓటును తొలగించాలన్నా ఫామ్‌-7ను సమర్పించాలి. ఈ ఫారాలను నింపేటప్పుడు కేవలం క్యాపిటల్‌ లెటర్స్‌ మాత్రమే వాడాలి. పేరు మీ టెన్త్‌క్లాస్‌ మెమో లేదా ఆధార్‌లో ఉన్న విధంగానే కచ్చితంగా ఉండేలా చూసుకోండి.

డిజిటల్ వెసులుబాటు

మీరు ఆఫ్‌లైన్‌లో వెయిట్ చేయకూడదనుకుంటే, నేరుగా ఎన్నికల సంఘం వెబ్‌సైట్‌ voter.eci.gov.inద్వారా కూడా సర్వే పూర్తి చేయవచ్చు. లేదా ECI/Voter Helpline App ద్వారా మొబైల్‌లోనే మీ వివరాలను వెరిఫై చేసుకోవచ్చు. ఏమైనా సందేహాలు ఉంటే టోల్‌ఫ్రీ నెంబర్‌ 1950కు కాల్ చేసి సహాయం పొందవచ్చు.