MPTC ZPTC Election Results: పరిషత్ పోరులో మెజార్టీల రికార్డులు.. పల్నాడులో కూటమి అభ్యర్థుల ప్రభంజనం!

AP Local Body Elections: ఏపీలో 23 పట్టణ స్థానిక సంస్థల ఎన్నికలకు నోటిఫికేషన్.. ఈ నెల 26న పోలింగ్

Satyaprasad Bandaru — Thu, 12 Nov 2026 13:11:10 +0530

AP Local Body Elections: రాష్ట్రంలో పెండింగ్ లో ఉన్న 23 పట్టణ స్థానిక సంస్థలకు నోటిఫికేషన్ విడుదలైంది. 4 కార్పొరేషన్, 19 మున్సిపాలిటీలకు ఈ నెల 14 నుంచి నామినేషన్లు స్వీకరించున్నట్లు ఎస్ఈసీ పునేఠా తెలిపారు. నవంబర్ 14 నుంచి నామినేషన్లు స్వీకరించనున్నారు. నవంబర్ 16 వరకు నామినేషన్లు స్వీకరిస్తారు. 17వ తేదీన నామినేషన్లు స్క్రూటినీ చేయనున్నారు. 19వ తేదీ వరకు నామినేషన్ల విత్ డ్రా ఉంటుంది. నవంబర్ 26న పోలింగ్, 30న కౌంటింగ్ ఉంటుందని ఎస్ఈసీ తెలిపారు. ఇటీవల 100 పట్టణ స్థానిక సంస్థల్లో ఎన్నికలు పూర్తయ్యాయి.

పంచాయతీ ఎన్నికలు

ఏపీలో పంచాయతీ ఎన్నికలను మూడు దశల్లో నిర్వహించనున్నట్లు ఎస్ఈసీ పునేఠా తెలిపారు. పంచాయతీ ఎన్నికల మొదటి విడత ఎన్నికలకు నవంబర్ 13న నోటిఫికేషన్ విడుదల చేయనున్నట్లు తెలిపారు. నవంబర్ 26న పోలింగ్, కౌంటింగ్ ఉంటుంది. రెండో విడత పంచాయతీ ఎన్నికలు నవంబర్ 29న , మూడో విడత ఎన్నికలు డిసెంబర్ 2న జరగనున్నాయి.

ఈ తాజా షెడ్యూల్‌లో రాష్ట్ర రాజకీయాలను శాసించే అత్యంత కీలకమైన కార్పొరేషన్లు, పట్టణాలు ఉండటం ఎన్నికల ప్రాధాన్యతను అమాంతం పెంచేసింది. శ్రీకాకుళం, కాకినాడ, రాజమహేంద్రవరం, మంగళగిరి–తాడేపల్లి వంటి నాలుగు ప్రతిష్టాత్మక కార్పొరేషన్లతో పాటు భీమవరం, తాడేపల్లిగూడెం, గుడివాడ, నరసరావుపేట, శ్రీకాళహస్తి సహా 15 మున్సిపాలిటీలు, 4 నగర పంచాయతీలలో అభ్యర్థుల భవితవ్యం తేలనుంది. నాలుగు కార్పొరేషన్లలోని 260 డివిజన్లు, 19 పురపాలక సంస్థలలోని 749 వార్డులకు రిజర్వేషన్ల ప్రక్రియ ఇప్పటికే కొలిక్కి రాగా.. మేయర్ పీఠాల కేటాయింపు ఆసక్తికరంగా మారింది. శ్రీకాకుళం, కాకినాడ మేయర్ స్థానాలను బీసీ మహిళలకు, రాజమహేంద్రవరాన్ని ఎస్సీ జనరల్‌కు, మంగళగిరి–తాడేపల్లి కార్పొరేషన్‌ను ఎస్టీ వర్గానికి రిజర్వ్ చేయడంతో ఆయా సామాజిక వర్గాల నేతలు టికెట్ల వేటలో నిమగ్నమయ్యారు.

ఎన్నికల సంఘం ఖరారు చేసిన క్యాలెండర్ ప్రకారం రేపు అంటే నవంబర్ 13 అధికారిక నోటిఫికేషన్ విడుదలై, నామినేషన్ల పర్వానికి తెరలేవనుంది. నవంబర్ 17 వరకు నామినేషన్లు స్వీకరించి, పరిశీలన, ఉపసంహరణ గడువు ముగిసిన అనంతరం నవంబర్ 26న పోలింగ్ నిర్వహించి, 30వ తేదీన ఫలితాలను ప్రకటిస్తారు. విశేషమేమిటంటే.. ఇదే నవంబర్ 26న రాష్ట్రంలో మూడు విడతల్లో జరగనున్న గ్రామ పంచాయతీ ఎన్నికల తొలి విడత పోలింగ్ కూడా జరగనుండటంతో, రేపటి నుంచే గ్రామీణ, పట్టణ ప్రాంతాల్లో ఒకేసారి ఎన్నికల జాతర మొదలుకాబోతోంది.

ఇప్పటికే 100 పురపాలక సంస్థల్లో తిరుగులేని ఆధిపత్యం ప్రదర్శించిన ఎన్డీయే కూటమి.. ఈ 23 స్థానాల్లోనూ క్లీన్ స్వీప్ చేసి తన పట్టును నిరూపించుకోవాలని పక్కా ప్రణాళికతో బరిలోకి దిగుతోంది. మరోవైపు, గత ఓటముల నుంచి తేరుకుని ఈ పెండింగ్ స్థానాల్లోనైనా గట్టి పోటీ ఇచ్చి ఉనికిని చాటుకోవాలని ప్రతిపక్ష వైఎస్సార్‌సీపీ వ్యూహాలు రచిస్తోంది. అటు పట్టణ డివిజన్లు, ఇటు పల్లె పంచాయతీలు ఒకేసారి సమరానికి సిద్ధమవుతుండటంతో నవంబర్ నెలాఖరు వరకు ఆంధ్రప్రదేశ్ రాజకీయం అత్యంత ఉత్కంఠభరితంగా సాగనుంది.

MPP ZP Schedule: ఏపీలో ఎంపీపీ, జడ్పీ ఛైర్మన్ల ఎన్నికలకు నోటిఫికేషన్‌ విడుదల

Satyaprasad Bandaru — Tue, 10 Nov 2026 18:03:10 +0530

MPP ZP Schedule: ఏపీలో స్థానిక సంస్థల ఎన్నికల ప్రక్రియ అంతిమ ఘట్టానికి చేరుకుంది. మండల ప్రజా పరిషత్‌ (ఎంపీపీ), జిల్లా పరిషత్‌ (జడ్పీ) ఛైర్మన్‌, వైస్‌ ఛైర్మన్ల పరోక్ష ఎన్నికలకు రాష్ట్ర ఎన్నికల సంఘం (ఎస్‌ఈసీ) మంగళవారం నోటిఫికేషన్‌ విడుదల చేసింది.

ఎస్‌ఈసీ ప్రకటించిన షెడ్యూల్ ప్రకారం.. ఈనెల 19న ఎంపీపీల ఎన్నిక, 20న జిల్లా పరిషత్‌ ఛైర్మన్‌, వైస్‌ ఛైర్మన్ల ఎన్నికలు జరగనున్నాయి. ఇందుకోసం ప్రత్యేక సమావేశాలు నిర్వహించాలని ఎన్నికల సంఘం అధికారులను ఆదేశించింది. మొత్తం 659 మండల ప్రజాపరిషత్‌లు, 28 జిల్లా పరిషత్‌లలో ఛైర్మన్‌, వైస్‌ ఛైర్మన్‌ స్థానాలకు ఎన్నిక నిర్వహించనున్నారు. ఈ పరోక్ష ఎన్నికల ప్రక్రియను ‘చేతులు ఎత్తే పద్ధతి’ ద్వారా చేపడతారు.

ఎంపీటీసీ, జడ్పీటీసీ స్థానాల్లో

ఈనెల 7న వెలువడిన ఎంపీటీసీ, జడ్పీటీసీ ఎన్నికల ఫలితాల్లో అధికార కూటమి ప్రభంజనం సృష్టించిన సంగతి తెలిసిందే. రాష్ట్రవ్యాప్తంగా ఎన్నికలు జరిగిన 582 జడ్పీటీసీ స్థానాల్లో కూటమి 499 స్థానాలను (85.73%) కైవసం చేసుకుంది. ఇందులో టీడీపీ 407, జనసేన 72, బీజేపీ 20 స్థానాల్లో విజయం సాధించగా, ఏడు జిల్లాల్లో కూటమి క్లీన్‌స్వీప్‌ చేసింది. ప్రతిపక్ష వైసీపీ 76 స్థానాలకే (13.05%) పరిమితమవ్వగా, ఇతరులు 7 చోట్ల గెలుపొందారు.

Also Read: 2024 ఎన్నికల కంటే అత్యుత్తమ ఫలితాలు, మెరుగైన స్ట్రైక్ రైట్.. కూటమి విజయంపై సీఎం చంద్రబాబు

అత్యధిక స్థానాల్లో కూటమి

అలాగే, ఎంపీటీసీ స్థానాల్లోనూ ఏకగ్రీవాలతో కలిపి కూటమి 7,799 స్థానాలను సొంతం చేసుకుంది. ఇందులో టీడీపీ 6,585, జనసేన 1,044, బీజేపీ 170 ఉన్నాయి. వైసీపీ 1,801 స్థానాలు గెలుచుకోగా, ఇతరులు, స్వతంత్రులు 195 స్థానాల్లో విజయం సాధించారు. జడ్పీటీసీ, ఎంపీటీసీల్లో సాధించిన స్పష్టమైన మెజారిటీతో రాష్ట్రంలోని దాదాపు అన్ని జడ్పీలు, మెజారిటీ ఎంపీపీలను కూటమి సునాయాసంగా కైవసం చేసుకోనుంది.

Also Read: పవన్ కళ్యాణ్‌ను వ్యక్తిగతంగా టార్గెట్ చేయవద్దు: క్యాడర్‌కు వైసీపీ అధినేత ఆదేశాలు

CM Chandrababu: 2024 ఎన్నికల కంటే అత్యుత్తమ ఫలితాలు, మెరుగైన స్ట్రైక్ రైట్.. కూటమి విజయంపై సీఎం చంద్రబాబు

Shankar Dukanam — Mon, 9 Nov 2026 13:19:56 +0530

అమరావతి: ఏపీ పట్టణ స్థానిక సంస్థల ఎన్నికల ఫలితాల్లో కూటమి ఘన విజయం రెండున్నరేళ్ల తమ పాలనకు ప్రజలు ఇచ్చిన గౌరవమని సీఎం చంద్రబాబు నాయుడు పేర్కొన్నారు. ఎన్డీయే కూటమి పారదర్శక, అభివృద్ధి, సంక్షేమ పాలనకు పల్లెలు, పట్టణాలు అనే తేడా లేకుండా ప్రజలు కట్టం కట్టారని, తన నమ్మకాన్ని నిజం చేశారన్నారు. 2024 సార్వత్రిక ఎన్నికల కంటే ఇప్పుడు కూటమికి మెరుగైన ఫలితాలు వచ్చాయన్నారు. అల్లూరి జిల్లా మినహా అన్ని జిల్లాల్లో జడ్పీటీసీల్లో కూటమి విజయం సాధించిందని తెలిపారు. వైసీపీ 7 జిల్లాల్లో ఖాతా కూడా తెరవలేదని చంద్రబాబు పేర్కొన్నారు.

కూటమి ఓట్ల శాతం పెరిగింది..

2024 ఎన్నికల్లో కూటమికి 55.30 శాతం ఓట్లు రాగా, అప్పుడు వైసీపీకి 39.81 శాతం ఓట్లు వచ్చాయి. ఓట్ల వ్యత్యాసం 15.9 శాతం ఉండగా, స్థానిక సంస్థల ఎన్నికల్లో 58.90 ఓట్లు రాగా, వైసీపీకి 33.56 శాతం ఓట్లు వచ్చాయి. అంటే వైసీపీకి ఓట్ల శాతం తగ్గగా, కూటమి మెజారిటీ 25.34 శాతం ఓట్లు ఎక్కువగా వచ్చాయన్నారు. క్లియర్‌గా ప్రజలు ఏ విధంగా స్పందిచారో చెప్పేందుకు ఈ ఫలితాలు నిదర్శనం అన్నారు.

పట్టణాల్లో 59.9 శాతం కూటమికి రాగా, 34.3 శాతం ఓట్లు వచ్చాయి. పరిషత్ ఎన్నికల్లో కూటమికి వైసీపీ 25.56 శాతం ఓట్ల వ్యత్యాసం ఉందన్నారు. జెడ్పీటీసీల్లో 57.6 శాతం, వైసీపీకి 39.7 శాతం రాగా, వ్యత్యాసం 17.9 శాతం ఉందన్నారు. గ్రామీణ ప్రాంతాల్లో, పట్టణ ప్రాంతాల్లోనూ స్పష్టంగా ఎన్డీయే కూటమి ఆధిపత్యం చెలాయించిందన్నారు. అప్పుడు స్ట్రైక్ రేట్ 94 శాతం కాగా, స్థానిక ఎన్నికల్లో స్ట్రైక్ రేట్ 87.5 శాతం వచ్చింది.

ఎంపీటీసీలు మొత్తం 9818 స్థానాలకుగానూ కూటమి 7803, ఎంపీపీలో 90 శాతంపైనే కూటమి అభ్యర్థులు నెగ్గారు. జెడ్పీటీసీలు 659 స్థానాల్లో 575 కూటమి నెగ్గింది. మొత్తం 28 జిల్లాలకుగానూ అల్లూరి జిల్లా మినహా 27 జిల్లాల్లో పూర్తిస్థాయి మెజారిటీ వచ్చిందని తెలిపారు. జెడ్పీటీసీల్లో వైసీపీ 7 జిల్లాల్లో ఖాతా తెరవలేదు. అందులో అనకాపల్లి, కోనసీమ, కాకినాడ, మార్కాపురం, పల్నాడు, పశ్చిమ గోదావరి, విశాఖపట్నం జిల్లాలు ఉన్నాయని చంద్రబాబు పేర్కొన్నారు.

పోస్టల్ బ్యాలెట్లతో స్పష్టమైన తీర్పు

ఎన్నికల విధుల్లో పాల్గొన్న అధికారులు పోస్టల్ బ్యాలెట్లలో ఓట్లు వేశారు. 65.70 శాతం ఓట్లు, వైసీపీకి 27.42 శాతం 38.28 శాతం వ్యత్యాసం ఉందన్నారు. పరిషల్ ఎన్నికల్లో ఎన్డీయేకు 68.3 శాతం ఓట్లు కాగా, వైసీపీకి 31.43 శాతం ఓట్లు పోలయ్యాయి. ఓట్ల వ్యత్యాసం సైతం చాలానే ఉందని చంద్రబాబు తెలిపారు. ఈవీఎంలు పెడితే ట్యాంపరింగ్ అని ఆరోపించారు. ఇప్పుడు బ్యాలెట్ ఓటింగ్ నిర్వహిస్తే.. రిగ్గింగ్ చేశారని ఆరోపిస్తున్నారు. ఎన్నికల విధుల్లో పాల్గొన్న ఉద్యోగులు, సిబ్బంది సైతం స్పష్టంగా ఎన్డీయే కూటమికి ఓట్లు వేసి మా పాలనకు తీర్పు ఇచ్చారని పేర్కొన్నారు. తుపాన్ల సమయంలోనూ ప్రభుత్వం ఎన్నికల కంటే ప్రజల భద్రతకే ప్రాధాన్యం ఇచ్చిందని, అందుకే సుపరిపాలనకు ఈ ఎన్నికల్లో గౌరవం దక్కిందన్నారు.

తప్పులు ఉంటే సరిచేసుకుంటూ ముందుకు వెళ్తామని, వైసీపీకి ఓట్లు వేసేందుకు ప్రజలు ఇష్టపడలేదన్నారు. అయితే కూటమికి, లేకపోతే ఇండిపెండెంట్ అభ్యర్థులకు ప్రజలు ఓట్లు వేశారని పేర్కొన్నారు. ఏజెన్సీల అభివృద్ధి, మౌలిక సదుపాయాలపై సైతం ప్రభుత్వం ఫోకస్ చేసిందన్నారు.

AP MPTC ZPTC Election Results: ఏపీ పరిషత్ తుది ఫలితాలపై ఎస్ఈసీ ప్రకటన.. జిల్లాలవారీగా ఎన్నికల ఫలితాలు

Shankar Dukanam — Mon, 9 Nov 2026 08:48:29 +0530

AP MPTC ZPTC Election Results | అమరావతి: ఆంధ్రప్రదేశ్ స్థానిక సంస్థల ఎన్నికల తుది ఫలితాలపై రాష్ట్ర ఎన్నికల సంఘం ప్రకటన విడుదల చేసింది. ఇటీవల జరిగిన పరిషత్ ఎన్నికల్లో కూటమికి 61 శాతం, వైసీపీకి 28 శాతం ఓట్లు పోలయ్యాయి. ఎన్నికలు జరిగిన మొత్తం 582 ZPTC స్థానాలకుగానూ టీడీపీ 406, జనసేన 73 స్థానాలు, బీజేపీ 20, వైసీపీ 76 స్థానాలు, ఇండిపెండెంట్ అభ్యర్థులు 6 స్థానాలు, సీపీఐ(ఎం) ఒక స్థానంలో విజయం సాధించాయని ఏపీ ఎస్ఈసీ అనిల్ చంద్ర పునేఠా ప్రకటించారు.

ఎన్నికలు జరిగిన 7,768 MPTCల్లో టీడీపీ అత్యధికంగా 4,806 స్థానాల్లో విజయం సాధించగా, జనసేన 938, బీజేపీ 117, వైసీపీ 1,711, ఇండిపెండెంట్ అభ్యర్థులు 169 స్థానాలు, సీపీఐ(ఎం) 15, కాంగ్రెస్‌ 9, బీఎస్పీ అభ్యర్థులు 3 స్థానాల్లో గెలుపొందారు.

జిల్లాల వారీగా జెడ్పీటీసీ ఎన్నికల ఫలితాలు

	జిల్లా పేరు	మొత్తం ZPTCలు	టీడీపీ	జనసేన	బీజేపీ	వైసీపీ	(CPI-M)	స్వతంత్రులు	మొత్తం
1	అనకాపల్లి	24	17	5	2	0	0	0	24
2	బాపట్ల	19	14	2	1	2	0	0	19
3	చిత్తూరు	24	19	1	0	4	0	0	24
4	అంబేద్కర్ కోనసీమ	19	12	7	0	0	0	0	19
5	తూర్పు గోదావరి	21	13	6	1	1	0	0	21
6	గుంటూరు	13	9	2	0	2	0	0	13
7	కాకినాడ	20	11	7	2	0	0	0	20
8	కృష్ణా	26	19	4	1	1	0	1	26
9	మార్కాపురం	15	12	2	1	0	0	0	15
10	ఎన్టీఆర్	16	12	1	1	2	0	0	16
11	పల్నాడు	10	7	3	0	0	0	0	10
12	పోలవరం	12	4	2	1	5	0	0	12
13	ఎస్పీఎస్ఆర్ నెల్లూరు	30	26	1	1	2	0	0	30
14	శ్రీకాకుళం	30	22	5	2	1	0	0	30
15	విశాఖపట్నం	4	3	1	0	0	0	0	4
16	విజయనగరం	27	20	2	0	5	0	0	27
17	పశ్చిమ గోదావరి	20	13	6	1	0	0	0	20
18	అల్లూరి సీతారామరాజు	11	3	0	0	7	1	0	11
19	అనంతపురం	28	22	1	1	2	0	2	28
20	తిరుపతి	31	21	1	2	6	0	1	31
21	వైఎస్సార్ కడప	16	12	2	0	2	0	0	16
22	కర్నూలు	26	18	0	1	5	0	2	26
23	నంద్యాల	20	16	0	0	4	0	0	20
24	పార్వతీపురం మన్యం	15	7	3	0	5	0	0	15
25	అన్నమయ్య	22	15	0	1	6	0	0	22
26	ప్రకాశం	25	21	2	0	2	0	0	25
27	ఏలూరు	26	17	5	1	3	0	0	26
28	శ్రీ సత్యసాయి	32	21	2	0	9	0	0	32
మొత్తం		582	406	73	20	76	1	6	582

ఎంపీటీసీ ఎన్నికల ఫలితాలు - సమగ్ర పట్టిక (District-wise MPTC Results Table)

	జిల్లా పేరు	మొత్తం MPTCలు	టీడీపీ	జనసేన	బీజేపీ	YCP	BSP	(CPI-M)	కాంగ్రెస్ (INC)	ఇతర పార్టీలు	స్వతంత్రులు (Independent)	మొత్తం గెలిచినవి
1	అల్లూరి సీతారామరాజు	172	46	12	6	89	0	2	1	0	16	172
2	అనకాపల్లి	425	246	86	8	75	0	0	0	0	10	425
3	అనంతపురం	353	278	1	2	68	0	1	0	2	1	353
4	అన్నమయ్య	147	68	6	2	69	0	0	0	0	2	147
5	బాపట్ల	273	193	26	1	45	0	0	5	0	3	273
6	చిత్తూరు	300	202	7	2	85	0	0	0	0	4	300
7	డా.బి.ఆర్.అంబేద్కర్ కోనసీమ	372	183	117	5	56	0	0	0	0	11	372
8	తూర్పు గోదావరి	405	216	101	15	68	0	0	0	0	5	405
9	ఏలూరు	441	252	70	5	107	0	2	0	0	5	441
10	గుంటూరు	193	122	34	1	31	0	0	0	0	5	193
11	కాకినాడ	395	209	123	4	47	0	0	0	1	11	395
12	కృష్ణా	343	202	64	4	63	0	1	0	1	8	343
13	కర్నూలు	358	244	5	5	97	0	2	0	1	4	358
14	మార్కాపురం	57	41	2	0	14	0	0	0	0	0	57
15	నంద్యాల	224	128	5	0	89	0	0	0	0	2	224
16	ఎన్టీఆర్	276	200	22	1	51	1	1	0	0	0	276
17	పల్నాడు	37	22	3	0	9	0	0	0	0	3	37
18	పార్వతీపురం మన్యం	226	123	37	2	62	1	0	0	0	1	226
19	పోలవరం	101	40	8	4	41	0	5	1	1	1	101
20	ప్రకాశం	220	174	7	0	35	0	0	0	0	4	220
21	ఎస్పీఎస్ఆర్ నెల్లూరు	362	260	9	3	83	0	1	1	0	5	362
22	శ్రీ సత్యసాయి	377	258	9	7	100	0	0	1	0	2	377
23	శ్రీకాకుళం	523	392	22	13	81	0	0	0	0	15	523
24	తిరుపతి	302	185	12	8	85	0	0	0	0	12	302
25	విశాఖపట్నం	53	29	7	0	16	0	0	0	1	0	53
26	విజయనగరం	438	290	25	2	101	0	0	0	0	20	438
27	పశ్చిమ గోదావరి	340	177	113	11	36	1	0	0	0	2	340
28	వైఎస్సార్ కడప	55	26	5	6	8	0	0	0	0	10	55
మొత్తం	మొత్తం స్థానాలు	7768	4806	938	117	1711	3	15	9	7	162	7768

జిల్లాల వారీగా జెడ్పీటీసీ ఎన్నికల ఫలితాలు..

అనకాపల్లి: మొత్తం 24 జెడ్పీటీసీ స్థానాల్లో టీడీపీ 17, జనసేన (JSP) 5, బీజేపీ (BJP) 2 స్థానాలను గెలుచుకున్నాయి.

బాపట్ల: మొత్తం 19 స్థానాల్లో టీడీపీ 14, వైఎస్సార్‌సీపీ 2, జనసేన 2, బీజేపీ 1 స్థానాల్లో విజయం సాధించాయి.

చిత్తూరు: మొత్తం 24 స్థానాల్లో టీడీపీ 19, వైఎస్సార్‌సీపీ 4, జనసేన 1 స్థానాన్ని దక్కించుకున్నాయి.

డాక్టర్ బి.ఆర్. అంబేద్కర్ కోనసీమ: మొత్తం 19 స్థానాల్లో టీడీపీ 12, జనసేన 7 స్థానాలు సాధించాయి.

తూర్పు గోదావరి: మొత్తం 21 స్థానాల్లో టీడీపీ 13, జనసేన 6, వైఎస్సార్‌సీపీ 1, బీజేపీ 1 స్థానంలో గెలుపొందాయి.

గుంటూరు: మొత్తం 13 స్థానాల్లో టీడీపీ 9, వైఎస్సార్‌సీపీ 2, జనసేన 2 స్థానాలను దక్కించుకున్నాయి.

కాకినాడ: మొత్తం 20 స్థానాల్లో టీడీపీ 11, జనసేన 7, బీజేపీ 2 స్థానాల్లో గెలుపొందాయి.

కృష్ణా: మొత్తం 26 స్థానాల్లో టీడీపీ 19, జనసేన 4, బీజేపీ 1, వైఎస్సార్‌సీపీ 1, ఇండిపెండెంట్ 1 స్థానాన్ని సాధించాయి.

మార్కాపురం: మొత్తం 15 స్థానాల్లో టీడీపీ 12, జనసేన 2, బీజేపీ 1 స్థానంలో విజయం సాధించాయి.

ఎన్టీఆర్: మొత్తం 16 స్థానాల్లో టీడీపీ 12, వైఎస్సార్‌సీపీ 2, బీజేపీ 1, జనసేన 1 స్థానాన్ని గెలుచుకున్నాయి.

పల్నాడు: మొత్తం 10 స్థానాల్లో టీడీపీ 7, జనసేన 3 స్థానాలను సాధించాయి.

పోలవరం: మొత్తం 12 స్థానాల్లో వైఎస్సార్‌సీపీ 5, టీడీపీ 4, జనసేన 2, బీజేపీ 1 స్థానాన్ని దక్కించుకున్నాయి.

ఎస్పీఎస్ఆర్ నెల్లూరు: మొత్తం 30 స్థానాల్లో టీడీపీ 26, వైఎస్సార్‌సీపీ 2, జనసేన 1, బీజేపీ 1 స్థానంలో గెలిచాయి.

శ్రీకాకుళం: మొత్తం 30 స్థానాల్లో టీడీపీ 22, జనసేన 5, బీజేపీ 2, వైఎస్సార్‌సీపీ 1 స్థానాన్ని పొందింది.

విశాఖపట్నం: మొత్తం 4 స్థానాల్లో టీడీపీ 3, జనసేన 1 స్థానాన్ని దక్కించుకున్నాయి.

విజయనగరం: మొత్తం 27 స్థానాల్లో టీడీపీ 20, వైఎస్సార్‌సీపీ 5, జనసేన 2 స్థానాల్లో విజయం సాధించాయి.

పశ్చిమ గోదావరి: మొత్తం 20 స్థానాల్లో టీడీపీ 13, జనసేన 6, బీజేపీ 1 స్థానాన్ని గెలుచుకున్నాయి.

అల్లూరి సీతారామరాజు: మొత్తం 11 స్థానాల్లో వైఎస్సార్‌సీపీ 7, టీడీపీ 3, సీపీఐ(ఎం) 1 స్థానంలో గెలిచాయి.

అనంతపురం: మొత్తం 28 స్థానాల్లో టీడీపీ 22, వైఎస్సార్‌సీపీ 2, ఇండిపెండెంట్లు 2, జనసేన 1, బీజేపీ 1 స్థానాలను సాధించాయి.

తిరుపతి: మొత్తం 31 స్థానాల్లో టీడీపీ 21, వైఎస్సార్‌సీపీ 6, బీజేపీ 2, జనసేన 1, ఇండిపెండెంట్ 1 స్థానాన్ని గెలుచుకున్నాయి.

వైఎస్సార్ కడప: మొత్తం 16 స్థానాల్లో టీడీపీ 12, వైఎస్సార్‌సీపీ 2, జనసేన 2 స్థానాలను సాధించాయి.

కర్నూలు: మొత్తం 26 స్థానాల్లో టీడీపీ 18, వైఎస్సార్‌సీపీ 5, ఇండిపెండెంట్లు 2, బీజేపీ 1 స్థానంలో గెలిచాయి.

నంద్యాల: మొత్తం 20 స్థానాల్లో టీడీపీ 16, వైఎస్సార్‌సీపీ 4 స్థానాలను కైవసం చేసుకున్నాయి.

పార్వతీపురం మన్యం: మొత్తం 15 స్థానాల్లో టీడీపీ 7, వైఎస్సార్‌సీపీ 5, జనసేన 3 స్థానాల్లో విజయం సాధించాయి.

అన్నమయ్య: మొత్తం 22 స్థానాల్లో టీడీపీ 15, వైఎస్సార్‌సీపీ 6, బీజేపీ 1 స్థానంలో గెలుపొందాయి.

ప్రకాశం: మొత్తం 25 స్థానాల్లో టీడీపీ 21, వైఎస్సార్‌సీపీ 2, జనసేన 2 స్థానాలను దక్కించుకున్నాయి.

ఏలూరు: మొత్తం 26 స్థానాల్లో టీడీపీ 17, జనసేన 5, వైఎస్సార్‌సీపీ 3, బీజేపీ 1 స్థానాన్ని సాధించాయి.

శ్రీ సత్యసాయి: మొత్తం 32 స్థానాల్లో టీడీపీ 21, వైఎస్సార్‌సీపీ 9, జనసేన 2 స్థానాల్లో గెలుపొందాయి.

AP Panchayat Elections: పంచాయతీ ఎన్నికలకు ఎస్‌ఈసీ సన్నాహాలు.. సర్పంచికి 25, వార్డు సభ్యులకి 20 గుర్తులు కేటాయింపు

Satyaprasad Bandaru — Sun, 8 Nov 2026 21:05:11 +0530

AP Panchayat Elections: ఏపీ పంచాయతీ ఎన్నికల నిర్వహణకు రాష్ట్ర ఎన్నికల సంఘం (SEC) శరవేగంగా ఏర్పాట్లు చేస్తోంది. గ్రామీణ ప్రాంతాల్లో ఎన్నికల ప్రక్రియను సజావుగా పూర్తిచేసేందుకు పూర్తి ఏర్పాట్లు చేస్తోంది.

మూడు విడతల్లో ఎన్నికలు

పంచాయతీ ఎన్నికలను మొత్తం మూడు విడతల్లో నిర్వహించేందుకు ఎన్నికల సంఘం షెడ్యూల్ ఇప్పటికే విడుదల చేసింది.

మొదటి విడత: నవంబర్ 26న
రెండో విడత: నవంబర్ 29న
మూడో విడత: డిసెంబర్ 2న

సర్పంచి, వార్డు సభ్యులకు గుర్తులు కేటాయింపు

పంచాయతీ ఎన్నికల బరిలో నిలిచే అభ్యర్థుల కోసం ఎస్‌ఈసీ తాజాగా గుర్తులను ఖరారు చేసింది. సర్పంచి పదవికి పోటీ చేసే అభ్యర్థుల కోసం 25 గుర్తులు, వార్డు సభ్యుల కోసం 20 గుర్తులు కేటాయించింది. ఇవే కాకుండా ఓటర్లకు 'నోటా' సౌకర్యం కూడా అందుబాటులో ఉంటుంది. ఒకవేళ ఏదేని స్థానంలో పోటీ చేసే అభ్యర్థుల సంఖ్య పెరిగితే, వారికి అదనంగా కొత్త గుర్తులను కేటాయించనున్నారు.

సర్పంచి అభ్యర్థుల గుర్తులు

మంచం, కత్తెర, ఉంగరం, బుట్ట, వంకాయ, కప్పూ సాసరు, క్యారెట్, తాళంచెవి, గొలుసు, కుర్చీ, బ్యాట్, టెలిఫోన్, బల్ల, మొక్కజొన్న, పలక, ద్రాక్షపళ్లు, తిరగలి, కుండ, అరటిపండు, కొవ్వొత్తులు, నల్లబోర్డు, అనాసపండు, షటిల్, చేతికర్ర, చెంచా.

వార్డు సభ్యుల గుర్తులు

ప్రెషర్‌ కుక్కర్, గౌను, స్టూల్, ఇస్త్రీపెట్టె, పోస్ట్‌ డబ్బా, గ్యాస్‌స్టౌ, బీరువా, ఐస్‌క్రీమ్, కెటిల్, కటింగ్‌ ప్లేయర్, విద్యుత్‌ స్తంభం, గరాటా, డిష్‌ యాంటెన్నా, రంపం, కెమెరా, క్యారమ్‌ బోర్డు, వయోలిన్, బెండకాయ, బెల్టు, కోటు.

తొలి విడత ముఖ్యమైన తేదీలివే

ఎన్నికల నోటిఫికేషన్: నవంబర్ 13, 2026
RO/EO ఎన్నికల నోటీసు జారీ: నవంబర్ 15
నామినేషన్ల స్వీకరణకు ఆఖరి తేదీ: నవంబర్ 17
నామినేషన్ల పరిశీలన: నవంబర్ 18, 2026
తిరస్కరించిన నామినేషన్లపై అప్పీల్: నవంబర్ 19
అప్పీళ్ల పరిష్కారం: నవంబర్ 20
నామినేషన్ల ఉపసంహరణకు ఆఖరి తేదీ: నవంబర్ 21, 2026
పోటీలోని అభ్యర్థుల తుది జాబితా ప్రకటన: నవంబర్ 21, 2026
పోలింగ్ తేదీ: నవంబర్ 26, 2026
రీపోలింగ్ (అవసరమైతే): నవంబర్ 27
ఓట్ల లెక్కింపు, ఫలితాల ప్రకటన: నవంబర్ 26, 2026

రెండో విడత ముఖ్యమైన తేదీలివే

ఎన్నికల నోటిఫికేషన్: నవంబర్ 16, 2026
RO/EO ఎన్నికల నోటీసు జారీ: నవంబర్ 18
నామినేషన్ల స్వీకరణకు ఆఖరి తేదీ: నవంబర్ 20
నామినేషన్ల పరిశీలన: నవంబర్ 21, 2026
తిరస్కరించిన నామినేషన్లపై అప్పీల్: నవంబర్ 22
అప్పీళ్ల పరిష్కారం: నవంబర్ 23, 2026
నామినేషన్ల ఉపసంహరణకు ఆఖరి తేదీ: నవంబర్ 24
పోటీ చేసే అభ్యర్థుల తుది జాబితా: నవంబర్ 24
పోలింగ్ తేదీ: నవంబర్ 29, 2026
రీపోలింగ్ (అవసరమైతే): నవంబర్ 30
ఓట్ల లెక్కింపు, ఫలితాల ప్రకటన: నవంబర్ 29, 2026

Also Read: ఏపీలో పట్టణ ప్రాంతాల్లో ఎన్నికల కోడ్ ఎత్తివేత.. ఎస్ఈసీ ఉత్తర్వులు జారీ

మూడో విడత ముఖ్యమైన తేదీలివే:

ఎన్నికల నోటిఫికేషన్: నవంబర్ 19, 2026
RO/EO ఎన్నికల నోటీసు జారీ: నవంబర్ 21
నామినేషన్ల స్వీకరణకు ఆఖరి తేదీ: నవంబర్ 23
నామినేషన్ల పరిశీలన: నవంబర్ 24, 2026
తిరస్కరించిన నామినేషన్లపై అప్పీల్: నవంబర్ 25
అప్పీళ్ల పరిష్కారం: నవంబర్ 26, 2026
నామినేషన్ల ఉపసంహరణకు ఆఖరి తేదీ: నవంబర్ 27
పోటీ చేసే అభ్యర్థుల తుది జాబితా ప్రకటన: నవంబర్ 27
పోలింగ్ తేదీ: డిసెంబర్ 02, 2026
రీపోలింగ్ (అవసరమైతే): డిసెంబర్ 03, 2026
ఓట్ల లెక్కింపు, ఫలితాల ప్రకటన: డిసెంబర్ 02

Also Read: పరిషత్‌ ఎన్నికల్లో ఆసక్తికర పరిణామాలు.. జైలు నుంచి జడ్పీటీసీ, ఒక్క ఓటుతో విజయాలు, సత్తా చాటిన సామాన్యులు!

AP Election Code: ఏపీలో పట్టణ ప్రాంతాల్లో ఎన్నికల కోడ్ ఎత్తివేత.. ఎస్ఈసీ ఉత్తర్వులు జారీ

Shankar Dukanam — Sun, 8 Nov 2026 11:43:15 +0530

అమరావతి: ఆంధ్రప్రదేశ్‌లో మున్సిపల్ కార్పొరేషన్లు,మున్సిపాలిటీలు, నగర పంచాయతీల ఎన్నికల నిర్వహణ ప్రక్రియ ఇప్పటికే పూర్తయింది. మరోవైపు మండల పరిషత్, జిల్లా పరిషత్ల ఎన్నికల (MPTC ZPTC Elections) నిర్వహణ ప్రక్రియ శనివారంతో ముగిసింది. దాంతో ఎన్నికలు జరగాల్సిన గ్రామీణ ప్రాంతాలు మినహా మిగతా ఏపీ రాష్ట్రమంతటా ఎన్నికల ప్రవర్తనా నియమావళి అమలును ఈనెల 7వతేది రాత్రి 10 గంటల నుంచి ఎత్తివేశారు. ఈ మేరకు ఏపీ ఎన్నికల కమిషనర్ అనిల్ చంద్ర పునేఠ ఉత్తర్వులు జారీ చేశారు.

కాగా, ఏపీలో ఇంకా గ్రామ పంచాయతీలకు ఎన్నికల నిర్వహణ ప్రక్రియ కొనసాగుతోంది. ఇదివరకే ఎన్నికల షెడ్యూల్ ఎస్ఈసీ అనిల్ చంద్ర పునేటా విడుదల చేయగా.. త్వరలో ఎన్నికల నోటిఫికేషన్లు విడుదల చేసి నామినేషన్ల ప్రక్రియ మొదలుపెట్టనున్నారు. రాష్ట్ర వ్యాప్తంగా గ్రామీణ ప్రాంతాల్లో ఎన్నికల ప్రవర్తనా నియమావళి యదావిధిగా అమలులో ఉంటుందని ఏపీ ఎస్ఈసీ ఆ ఉత్తర్వుల్లో పేర్కొన్నారు. గ్రామ పంచాయతీ ఎన్నికలను మూడు విడతలుగా నిర్వహించడానికి రాష్ట్ర ఎన్నికల కమిషన్ నిర్ణయం తీసుకుంది.

Also Read: MPTC ZPTC Election Results: పరిషత్ పోరులో మెజార్టీల రికార్డులు.. పల్నాడులో కూటమి అభ్యర్థుల ప్రభంజనం!

AP Local Body Elections: పరిషత్‌ ఎన్నికల్లో ఆసక్తికర పరిణామాలు.. జైలు నుంచి జడ్పీటీసీ, ఒక్క ఓటుతో విజయాలు, సత్తా చాటిన సామాన్యులు!

Satyaprasad Bandaru — Sun, 8 Nov 2026 11:22:59 +0530

AP Local Body Elections: ఏపీ జడ్పీటీసీ, ఎంపీటీసీ ఎన్నికల ఫలితాలు రాష్ట్ర రాజకీయాల్లో కొత్త ఉత్సాహానికి, ఆసక్తికర పరిణామాలకు వేదికయ్యాయి. ఓటర్ల తీర్పుతో రాజకీయ నేపథ్యమున్న కుటుంబాలతో పాటు సామాన్యులు, విద్యార్థులు, కళాకారులు ప్రజాస్వామ్య పీఠాన్ని అధిరోహించారు. కొన్నిచోట్ల కుటుంబ సభ్యుల్లో ఒకరిపై ఒకరు, మరోచోట ఒకే ఓటు తేడాతో విజయాలు ఈ ఎన్నికల ఫలితాలకు ప్రత్యేకంగా నిలిపాయి.

ఒక్క ఓటు విజయాలు

పొట్టి శ్రీరాములు నెల్లూరు జిల్లా తమ్మినపట్నం ఎంపీటీసీ స్థానంలో టీడీపీ అభ్యర్థి కొండూరు అరుణ రీకౌంటింగ్‌లో కేవలం 1 ఓటుతో, పైనాపురం టీడీపీ అభ్యర్థి దాసరి కుమారమ్మ 1 ఓటుతో విజయం సాధించారు. తిప్పవరప్పాడులో టీడీపీ అభ్యర్థి దుద్దా రాధాకృష్ణారెడ్డి 3 ఓట్ల తేడాతో గెలిచారు.

పశ్చిమగోదావరి జిల్లా మల్లిపూడిలో టీడీపీ అభ్యర్థి కొల్లి అరుణకుమారి 1 ఓటు ఆధిక్యంతో విజయం సాధించారు. అల్లూరి సీతారామరాజు జిల్లా శరభన్నపాలెంలో వైసీపీ అభ్యర్థి రాజేశ్వరి రీకౌంటింగ్ అనంతరం 1 ఓటుతో గెలిచారు. ఏలూరు జిల్లా యర్రగుంటపల్లిలో టీడీపీ అభ్యర్థి రీకౌంటింగ్‌లో 2 ఓట్లతో గెలిచారు. అనకాపల్లి జిల్లా గొలుగొండలో బీజేపీ అభ్యర్థి గాదె నాగమణి 2 ఓట్లతో గెలుపొందారు. తిరుపతి జిల్లా తాటిపర్తిలో టీడీపీ అభ్యర్థి కొప్పుల నవీన్‌ 3 ఓట్ల మెజారిటీతో విజయం సాధించారు. వైఎస్సార్‌ కడప జిల్లా బ్రాహ్మణపల్లిలో స్వతంత్ర అభ్యర్థికి కేవలం 1 ఓటు మాత్రమే వచ్చింది.

ఆసక్తికర పోటీలు

ఏలూరు జిల్లా వట్టిగుడిపాడులో అత్తాకోడళ్ల పోటీలో అత్త జ్యోతి నాగమణి (టీడీపీ) గెలవగా, శ్రీనివాసపురంలో కోడలు పోలనాటి భువనేశ్వరి (వైసీపీ) విజయం సాధించారు. పెదమల్లంలో తోటికోడళ్ల పోటీలో బోడపాటి మంగాదేవి (జనసేన) 18 ఓట్లతో గెలిచారు. తిరుపతి జిల్లా కలువాయి ఎంపీటీసీ స్థానంలో బాబాయ్ టీడీపీ అభ్యర్థి బాబూరావు 67 ఓట్ల మెజారిటీతో అబ్బాయి సురేష్ (వైసీపీ)పై గెలుపొందారు. కోనసీమ జిల్లా కొత్తపేట మండలంలో తండ్రి పొనుగుపాటి సత్యనారాయణ (వైసీపీ), కుమార్తె చాందిని (టీడీపీ) వేర్వేరు స్థానాల నుంచి విజయం సాధించారు.

కాకినాడ జిల్లా తాళ్లరేవు (టేకుమూడి లక్ష్మణరావు, అనంతలక్ష్మి), ప్రత్తిపాడు (యాళ్ల జగదీష్, మంగాదేవి), తూర్పుగోదావరి జిల్లా కడియం (బోడపాటి గోపాలకృష్ణ, మోహినీ వీరపుణ్యవతి), ఎన్టీఆర్‌ జిల్లా పెనుగంచిప్రోలు (గజ్జి విజయలక్ష్మి, కృష్ణమూర్తి) ఇలా భార్యాభర్తలిద్దరూ గెలుపొందారు.

సామాన్యులకు దక్కిన పీఠం

వెంట్రుకల కొని అమ్ముకునే వృతి చేసుకుంటున్న ఓ మహిళ ఈ ఎన్నికల్లో విజయం సాధించింది. కృష్ణా జిల్లా పామర్రు జడ్పీటీసీ స్థానం (ఎస్టీ) నుంచి టీడీపీ అభ్యర్థిగా పోటీ చేసిన శీలం వెంకటేశ్వరమ్మ 8,469 ఓట్ల భారీ మెజార్టీతో విజయం సాధించారు. నిన్నటి దాకా ఇంటింటికి తిరిగి చిక్కు వెంట్రుకలు అమ్ముకునే ఆమెను ఓటర్లు ఘనంగా ఆదరించారు.

జైలు నుంచే జడ్పీటీసీ

తిరుపతి జిల్లా పెళ్లకూరు జడ్పీటీసీ స్థానంలో రిమాండ్‌ ఖైదీగా ఉన్న వైసీపీ అభ్యర్థి కామిరెడ్డి సత్యనారాయణరెడ్డి 1,719 ఓట్ల ఆధిక్యంతో గెలిచారు.

Also Read: పరిషత్ పోరులో మెజార్టీల రికార్డులు.. పల్నాడులో కూటమి అభ్యర్థుల ప్రభంజనం!

కోడికత్తి న్యాయవాది విజయం

కోడికత్తి కేసులో బాధితుడి తరఫున వాదించిన హైకోర్టు న్యాయవాది చీకటి గగనసింధు (టీడీపీ) ఏలూరు జిల్లా గనిజర్ల ఎంపీటీసీగా గెలిచారు.

బీటెక్ విద్యార్థిని విజయం

ప్రకాశం జిల్లా సోమరాజుపల్లెలో బీటెక్‌ ఫైనలియర్‌ విద్యార్థిని బొడ్డు నాగసౌమ్య (టీడీపీ) 336 ఓట్ల మెజారిటీతో గెలవగా, పామూరు జడ్పీటీసీగా వైద్యురాలు బైరెడ్డి జాహ్నవి (టీడీపీ) 18,992 ఓట్ల మెజారిటీతో విజయం సాధించారు. గ్రామీణ ప్రాంతాల్లో రాజకీయం రూపురేఖలు మారుతున్నాయని, ప్రజాస్వామ్యంలో ఓటరు తీర్పే ఆఖరి మాట అని పరిషత్ ఎన్నికల ఫలితాలు మరోసారి నిరూపించాయి.

Also Read: చనిపోయినా విజయీభవ.. ఎన్నికల్లో నెగ్గిన జనసేన ఎంపీటీసీ అభ్యర్థి

AP MPTC ZPTC Election Results: ఎంపీటీసీ, జెడ్పీటీసీ ఎన్నికల్లో కూటమి ఘన విజయం.. ఎవరికెన్ని స్థానాలు వచ్చాయంటే

Shankar Dukanam — Sun, 8 Nov 2026 09:12:54 +0530

AP MPTC ZPTC Election Results | అమరావతి: ఆంధ్రప్రదేశ్ రాష్ట్రంలో ఇటీవల జరిగిన పట్టణ స్థానిక సంస్థల ఎన్నికల ఫలితాల తరహాలోనే జడ్పీటీసీ, ఎంపీటీసీ ఎన్నికల్లోనూ టీడీపీ, జనసేన, బీజేపీ కూటమి అద్భుతమైన విజయాన్ని సొంతం చేసుకుంది. ఉత్తరాంధ్ర మొదలుకొని రాయలసీమ వరకు రాష్ట్రంలోని అన్ని ప్రాంతాల ప్రజలు ఈ కూటమికి జై కొట్టారు. వైసీపీకి తిరుగులేని కంచుకోటగా భావించే రాయలసీమలోనూ ఆ పార్టీ పరాజయం పాలైంది. ముఖ్యంగా, వైసీపీ అధినేత వైఎస్ జగన్ మోహన్ రెడ్డి సొంత నియోజకవర్గమైన పులివెందులలో కూటమి గెలుపు రాజకీయ వర్గాల్లో సంచలనం సృష్టించింది. పోస్టల్ బ్యాలెట్ లెక్కింపు మొదలైనప్పటి నుంచే కూటమి హవా మొదలైంది.

ఉదయం 9.30అప్డేట్..

జడ్పీటీసీ, ఎంపీటీసీ ఎన్నికల ఫలితాల్లో కూటమి పార్టీలకు భారీ సంఖ్యలో విజయాలు.

కూటమి ఖాతాలో 575 జడ్పీటీసీ స్థానాలు.. 7,406 ఎంపీటీసీ స్థానాలు.

జడ్పీటీసీల్లో 75 స్థానాలు గెలుచుకున్న వైఎస్సార్ కాంగ్రెస్ పార్టీ.

మరో జడ్పీటీసీ స్థానంలో వైసీపీ ఆధిక్యం.

ఎంపీటీసీల్లో టీడీపీ 6,827.. జనసేన 970.. బీజేపీ 184 ఎంపీటీసీ స్థానాల్లో విజయం.

వైసీపీకి 1,663 స్థానాలు

జడ్పీటీసీల్లో ఇతరులు, స్వతంత్రులకు కలిపి 7 స్థానాలు.

ఎంపీటీసీల్లో ఇతరులు, స్వతంత్రుల ఖాతాలో 279 స్థానాలు

--------------------------

ఇటీవల మున్సిపల్ ఎన్నికల్లో ఘనవిజయం సాధించిన కూటమి, ఇప్పుడు పులివెందుల జడ్పీటీసీ, ఎంపీపీ స్థానాలను కూడా కైవసం చేసుకుని వైసీపీకి గట్టి షాక్ ఇచ్చింది. రాష్ట్రవ్యాప్తంగా మొత్తం 659 జడ్పీటీసీ స్థానాలకు గాను 77 ఏకగ్రీవమయ్యాయి. మిగిలిన 582 స్థానాలకు జరిగిన పోలింగ్‌లో అధికార కూటమి ఏకంగా 473 స్థానాలను గెలుచుకుంది. మరోవైపు, వైసీపీ కేవలం 57 స్థానాలకే పరిమితం కావాల్సి వచ్చింది. అలాగే, మొత్తం 9,821 ఎంపీటీసీ స్థానాలకు గాను 2,051 ఏకగ్రీవమవగా, 7,767 స్థానాలకు ఎన్నికలు జరిగాయి. శనివారం అర్ధరాత్రి దాటాక 2 గంటల సమయానికి కూటమి 5,819 చోట్ల ఘనవిజయం సాధించింది. వైసీపీ 1,583 స్థానాలతో సరిపెట్టుకుంది.

మొదట పోస్టల్ బ్యాలెట్ ఓట్ల లెక్కింపు ప్రారంభమైన సమయం నుండి ప్రతి దశలోనూ కూటమి స్పష్టమైన ఆధిక్యతను ప్రదర్శించింది. పల్లె, పట్నం అనే తేడా లేకుండా అన్ని వర్గాల ప్రజలు కూటమి పరిపాలనకు మద్దతు తెలిపారు. గత రెండున్నరేళ్ల కాలంలో రాష్ట్రంలో అమలైన అభివృద్ధి, సంక్షేమ పథకాలు ప్రజలను ఎంతగానో ఆకట్టుకున్నాయనడానికి ఈ ఎన్నికల ఫలితాలే నిదర్శనం. రాష్ట్రంలో శాంతిభద్రతల పరిరక్షణ, సుస్థిర అభివృద్ధిని కోరుకుంటూ ప్రజలు ఈ తీర్పు ఇచ్చారని కూటమి నాయకులు స్పష్టం చేస్తున్నారు. పట్టణాల బాటలోనే పల్లెలు కూడా కూటమి వైపు నిలవడం రాజకీయంగా ప్రాధాన్యత సంతరించుకుంది.

గెలుపు అహంకారం దరిచేరకుండా పనిచేద్దాం: నారా లోకేష్

జెడ్పీటీసీ, ఎంపీటీసీ ఎన్నికల ఫలితాలు కూటమి ప్రభుత్వం సుపరిపాలన ఫలాలు అని మంత్రి నారా లోకేష్ అన్నారు. ఈ విజయం కూటమి పార్టీల మధ్య సమన్వయం, సమష్టి కృషికి నిదర్శనంగా పేర్కొన్నారు. కూటమి ఘన విజయానికి కారకులైన ప్రజలు, 2 పార్టీల కార్యకర్తలు, నేతలకు హృదయపూర్వక కృతజ్ఞతలు తెలిపారు. నగరమైనా, పట్టణమైనా, పల్లెలైనా ప్రజలు అభివృద్ధి, సంక్షేమానికే జై కొట్టారని హర్షం వ్యక్తం చేశారు. ఓటమి లేని కూటమి జైత్రయాత్ర, జనం తమపై పెట్టుకున్న నమ్మకం, మనకు అప్పగించిన బాధ్యతగా పేర్కొన్నారు. గెలుపు అహంకారం దరిచేరకుండా ప్రజాసేవకు పునరంకితం అవుదామని పిలుపునిచ్చారు. రాగ ద్వేషాలకు అతీతంగా, వివక్ష లేని సుపరిపాలనను నిస్వార్థంగా అందించాలన్నారు. ప్రగతిలోనూ, ప్రజా సంక్షేమంలోనూ దేశంలోనే ఆంధ్రప్రదేశ్ నెంబర్ వన్ గా నిలిపేందుకు అంతా కలిసికట్టుగా పని చేద్దామని నారా లోకేష్ పిలుపునిచ్చారు.

Botsa Anusha: బొత్స కుటుంబానికి బిగ్ షాక్ - బొండపల్లి జెడ్పీటీసీ స్థానంలో కుమార్తె అనూష ఓటమి

Shankar Dukanam — Sat, 7 Nov 2026 20:15:17 +0530

Botsa Satyanarayana Politics | విజయనగరం: ఏపీ పరిషత్ ఎన్నికల్లో అధికార కూటమి అభ్యర్థులు సత్తా చాటారు. మెజారిటీ స్థానాల్లో టీడీపీ, జనసేన, బీజేపీ అభ్యర్థుల హవా కొనాసాగింది. ఇటీవల తొలిసారి పులివెందుల మున్సిపాలిటీలో టీడీపీ బోణీ కొట్టగా.. తాజాగా పులివెందుల జెడ్పీటీసీ స్థానంలో టీడీపీ అభ్యర్థి భారతి విజయం సాధించారు. వైసీపీ కీలక స్థానాల్లో కూటమి విజయాలు నమోదు చేసింది. ఈ క్రమంలో విజయనగరం జిల్లా జడ్పీ ఎన్నికల్లో శాసనమండలి ప్రతిపక్ష నేత, వైసీపీ సీనియర్ నేత బొత్స సత్యనారాయణకు షాక్ తగిలింది. ఆయన కుమార్తె బొత్స అనూష బొండపల్లి జడ్పీటీసీ స్థానంలో ఓటమి చెందారు.

బొండపల్లి జెడ్పీటీసీ స్థానంలో బొత్స అనూషపై టీడీపీ అభ్యర్థి పాశల నీరజ ఘనవిజయం సాధించారు. కూటమి అభ్యర్థి పాశల నీరజ తన సమీప ప్రత్యర్థి అనూషపై 5,136 ఓట్ల భారీ మెజార్టీతో విజయం సాధించడంతో బొండపల్లిలో కూటమి నేతలు, కార్యకర్తలు భారీ ఎత్తున సంబరాలు చేసుకుంటున్నారు. జిల్లా పరిషత్ ఛైర్‌పర్సన్ రేసులో ఉన్న అనూష పరాజయం పాలవ్వడంతో విజయనగరం జిల్లాలో వైసీపీ శ్రేణులు తీవ్ర నిరాశలో మునిగిపోయాయి.

ఈ నియోజకవర్గంలో వైసీపీ కోటను బద్దలు కొట్టేందుకు రాష్ట్ర మంత్రి కొండపల్లి శ్రీనివాస్ వేసిన రాజకీయ వ్యూహం ఫలించింది. మొదట్నుంచీ మండలంలోని ప్రతి గ్రామాన్ని స్వయంగా పర్యవేక్షిస్తూ, కార్యకర్తలను సమాయత్తం చేసిన ఆయన బొండపల్లి మండలంలో జెడ్పీటీసీ స్థానంలో టీడీపీకి తిరుగులేని విజయాన్ని అందించేలా చేశారు.

ఈ స్థానిక ఎన్నికల్లో బొత్స సత్యనారాయణ కుటుంబం నుంచి నలుగురు నేతలు జడ్పీటీసీ అభ్యర్థులుగా పోటీ చేయాలని భావించారు. అయితే, పూసపాటిరేగ జడ్పీటీసీ స్థానానికి బొత్స తమ్ముడి కుమారుడు చైతన్య వేసిన నామినేషన్ వేయగా నిబంధనల ప్రకారం తిరస్కరణకు గురైంది. అనంతరం బొండపల్లి నుంచి ఆయన కుమార్తె బొత్స అనూష, గరివిడి నుంచి కోడలు పూజిత, గుర్ల మండలం నుంచి బొత్స సత్యనారాయణ సోదరి సంగంరెడ్డి వెంకటలక్ష్మి ఎన్నికల బరిలో నిలిచారు. బొత్స కోడలు పూజిత గరివిడి జడ్పీటీసీ స్థానం నుంచి గెలుపొందారు. దాదాపు 1600 ఓట్ల తేడాతో పూజిత విజయం సాధించడం బొత్స ఫ్యామిలీకి కాస్త ఊరటనిచ్చింది.

మరోవైపు స్థానిక ఎన్నికలకు ముందే టీడీపీలో చేరిన బొత్స మేనల్లుడు మజ్జి శ్రీనివాసరావు (చిన్న శ్రీను) కుమార్తె సిరి సహస్ర, తెర్లాం జడ్పీటీసీ స్థానం నుంచి విజయం సాధించారు.

MPTC ZPTC Election Results: పరిషత్ పోరులో మెజార్టీల రికార్డులు.. పల్నాడులో కూటమి అభ్యర్థుల ప్రభంజనం!

Satyaprasad Bandaru — Sat, 7 Nov 2026 19:15:06 +0530

MPTC ZPTC Election Results: ఇటీవల జరిగిన పరిషత్ ఎన్నికల్లో పలువురు అభ్యర్థులు అత్యధిక మెజార్టీలతో ఘన విజయం సాధించి అందరి దృష్టిని ఆకర్షించారు. ముఖ్యంగా పల్నాడు జిల్లాలో కూటమి అభ్యర్థులు చారిత్రాత్మక ఆధిక్యంతో విజయభేరి మోగించారు.

అత్యధిక మెజార్టీతో రికార్డు

పల్నాడు జిల్లా నకరికల్లు మండలం టీడీపీ జడ్పీటీసీ అభ్యర్థి డాక్టర్ నాగోతు వెంకట లక్ష్మీసరోజ ఏకంగా 32,919 ఓట్ల మెజార్టీతో సీపీఎం అభ్యర్థిపై రికార్డు స్థాయిలో విజయం సాధించారు. రాష్ట్ర వ్యాప్తంగా ఇప్పటి వరకు వెలువడిన ఫలితాల్లో ఇదే అత్యధిక మెజార్టీ కావడం గమనార్హం.

క్రోసూరులో జనసేన సత్తా

పల్నాడు జిల్లా పెదకూరపాడు నియోజకవర్గం క్రోసూరు జనసేన జడ్పీటీసీ అభ్యర్థి పమిడిపాటి శ్రీనివాసరావు 30,273 ఓట్ల భారీ మెజార్టీతో ఘనవిజయం సాధించారు. క్రోసూరు మండలంలో పోలైన మొత్తం 38 వేల ఓట్లలో ఈ స్థాయిలో తిరుగులేని ఆధిక్యం సాధించడంతో జనసేన శ్రేణులు సంబరాలు చేసుకుంటున్నాయి.

Also Read: ఏపీ పరిషత్ ఫలితాలు.. విధి చేతిలో ఓడినా.. ఎన్నికల్లో విజయం సాధించిన జనసేన అభ్యర్థి

భారీ మెజార్టీలు సాధించిన అభ్యర్థులు వీళ్లే

పల్నాడు జిల్లా నూజెండ్ల మండలంలో జనసేన అభ్యర్థి శింగంశెట్టి వెంకట బాల ప్రసాద్ 28,863 ఓట్ల మెజార్టీతో గెలుపొందారు.
నంద్యాల జిల్లా డోన్ మండలం జడ్పీటీసీ అభ్యర్థిగా పోటీ చేసిన టీడీపీ అభ్యర్థి రేగటి లక్ష్మీవేదవతి సీపీఐ అభ్యర్థి రాజేశ్వరిపై 23,169 ఓట్ల మెజార్టీతో విజయం సాధించారు.
పల్నాడు జిల్లా మాచవరం మండలంలో టీడీపీ అభ్యర్థి కత్తి సరోజిని 22,882 ఓట్ల మెజార్టీతో వైసీపీ అభ్యర్థి దొండేటి వెంకాయమ్మపై గెలిచారు.
ఎన్టీఆర్ జిల్లా మైలవరం జడ్పీటీసీగా పోటీ చేసిన టీడీపీ అభ్యర్థి పుత్త బ్రహ్మం 21,407 ఓట్ల ఆధిక్యంతో విజయం సాధించారు.
పల్నాడు జిల్లా పిడుగురాళ్ల జడ్పీటీసీ కూటమి అభ్యర్థి ఉన్నం దీపిక 20,167 ఓట్ల మెజార్టీతో గెలుపొందారు.
వైఎస్సార్ కడప జిల్లా వేంపల్లి జడ్పీటీసీ స్థానంలో వైసీపీ అభ్యర్థి బత్తల వెంకట శివమ్మ 19,203 ఓట్ల మెజార్టీతో విజయం సాధించారు.
ప్రకాశం జిల్లా ముండ్లమూరు జడ్పీటీసీ స్థానం నుంచి టీడీపీ అభ్యర్థి మందలపు సౌమ్య 18,728 ఓట్ల ఆధిక్యంతో విజయం అందుకున్నారు.
కడప జిల్లా బ్రహ్మంగారిమఠం మండలంలో టీడీపీ అభ్యర్థి నాగిపోగు పుల్లయ్య 17,295 ఓట్ల మెజార్టీతో గెలిచారు.
పల్నాడు జిల్లా గురజాల మండల జడ్పీటీసీ టీడీపీ అభ్యర్థి మద్దినేని లక్ష్మి 17 వేలకు పైగా ఓట్ల మెజార్టీతో విజయం సాధించారు.
ప్రకాశం జిల్లా దొనకొండ జడ్పీటీసీ స్థానంలో టీడీపీ అభ్యర్థి మోడీ ఈశ్వరమ్మ 15,785 ఓట్ల ఆధిక్యం సాధించారు.
ప్రకాశం జిల్లా గిద్దలూరు మండలంలో టీడీపీ అభ్యర్థి చేరెడ్డి శ్రీలక్ష్మి 12,616 ఓట్ల మెజార్టీతో విజయం అందుకున్నారు.

Also Read: ఇల్లత్తూరు ఎంపీటీసీ ఫలితంపై రోజా కన్నీళ్లు.. కౌంటింగ్ కేంద్రం వద్ద ధర్నాతో అరెస్ట్!