ABP CVoter Opinion poll Delhi : ఢిల్లీలో ఆప్, కాంగ్రెస్ కలిసి బీజేపీని నిలువరించగలవా ? కేజ్రీవాల్ అరెస్ట్ ప్రభావం లేనట్లేనా ?

ABP CVoter Survey : దేశ రాజదాని ఢిల్లీలో లోక్ సభ ఎన్నికల్లో ప్రజలు ఎవరి వైపు నిలబడతారన్నది దేశమొత్తం ఆసక్తిగా చూస్తోంది.దీనికి కారణం కేజ్రీవాల్ అరెస్ట్ తో పాటు ఆప్, కాంగ్రెస్ కలసి పోటీ చేయడం.

ABP C Voter Opinion Poll  Delhi  :  దేశ రాజధాని ఢిల్లీలో ఏడు పార్లమెంట్ స్థానాలు ఉన్నాయి. ఢిల్లీ ప్రజలు ప్రతీ సారి భిన్నమైన తీర్పును ఇస్తూంటారు. అసెంబ్లీ ఎన్నికల్లో ఆమ్ ఆద్మీ పార్టీకి ఏకపక్షంగా అండగా నిలుస్తూ ఉంటారు. కానీ పార్లమెంట్ ఎన్నికలకు  వచ్చే సరికి వారి అభిప్రాయాలు మారిపోతాయి. దేశాన్ని పరిపాలించే  పార్టీగా బీజేపీ ఉండాలని.. ప్రధానిగా మోదీ ఉండాలని ఏకపక్షంగా బీజేపీకి ఓట్లేస్తారు. గత ఎన్నికల్లో బీజేపీకి ఢిల్లీ పరిధిలో ఉన్న ఏడు లోక్ సభ స్థానాల్లోనూ విజయం సాధించింది. ఈ సారి పరిస్థితులు కొంచెం మారాయి. సీఎం కేజ్రీవాల్ .. ఢిల్లీ లిక్కర్ స్కామ్ లో అరెస్టయ్యారు. సిసోడియా జైల్లోనే  ఉన్నారు. ఈ క్రమంలో ప్రజలు ఆమ్ ఆద్మీ పార్టీకి మద్దతుగా ఉంటారని ఆ పార్టీ నేతలు అనుకుంటున్నారు. మరో వైపు కాంగ్రె్స పార్టీతో పొత్తులు పెట్టుకున్నారు. ఇండియా కూటమిగా కలిసి పోటీ చేస్తున్నారు. మరి ఈ ప్రయత్నాలన్నీ ఫలిస్తున్నాయా అంటే.. అలాంటి చాన్సులు లేవని  బీపీ  న్యూస్ - సీఓటర్ ఒపీనియన్ పోల్‌లో వెల్లడయింది. 

ఢిల్లీలో ఉన్న ఏడు లోక్ సభ సీట్లను బీజేపీ గెల్చుకుటుందని బీపీ  న్యూస్ - సీఓటర్ ఒపీనియన్ పోల్‌ స్పష్టం చేసింది. దేశంలో అత్యంత విశ్వసనీయమైన సర్వేల్లో ఒకటి అయిన ఏబీపీ  న్యూస్ - సీఓటర్ ఒపీనియన్ పోల్‌ విస్తృతంగా సేకరించిన అభిప్రాయాల్లో ఈ విషయం వెల్లడయింది. ఓట్ల పరంగా కూడా ఆ రెండు పార్టీలు కలిసినప్పటికీ పెద్దగా ప్రయోజనం ఉండదని తేలింది. బీజేపీకి 58 శాతం ఓట్లు, ఇండియా కూటమికి 34.9 శాతం ఓట్లు వస్తాయని ఏబీపీ  న్యూస్ - సీఓటర్ ఒపీనియన్ పోల్‌లో  వెల్లడయింది. 

అవినీతి వ్యతిరేక ఉద్యమం పునాదుల మీద నిలబడిన ఆమ్ ఆద్మీ పార్టీ అధినేత అవినీతి కేసులో అరెస్టవడం ఆ పార్టీకి పెద్ద మైనస్ గా మారిందని అనుకోవచ్చు. 

 

(Methodology: Current survey findings and projections are based on CVoter Opinion Poll CATI interviews (Computer Assisted Telephone Interviewing) conducted among 18+ adults statewide, all confirmed voters, details of which are mentioned right below the projections as of today. The data is weighted to the known demographic profile of the States. Sometimes the table figures do not sum to 100 due to the effects of rounding. Our final data file has Socio-Economic profile within +/- 1% of the Demographic profile of the State. We believe this will give the closest possible trends. The sample spread is across all Assembly segments in the poll bound state. MoE is +/- 3% at macro level and +/- 5% at micro level VOTE SHARE projection with 95% Confidence interval.)