Telangana PECET 2024 Results: తెలంగాణలోని వ్యాయామ కళాశాలల్లో ప్రవేశాల కోసం నిర్వహించిన 'టీజీ పీఈసెట్ (TG PECET)- 2024' ఫలితాలు జూన్ 19న విడుదలయ్యాయి. ఫలితాలను అధికారిక వెబ్‌సైట్‌లో అందుబాటులో ఉంచారు. అభ్యర్థులు తమ పీఈసెట్ హాల్‌టికెట్ నెంబరు, పుట్టినతేదీ వివరాలు నమోదుచేసి ర్యాంకు కార్డు డౌన్‌లోడ్ చేసుకోవచ్చు. ఫలితాలకు సంబంధించి బీపీఈడీ, డీపీఈడీ రెండు విభాగాలు క‌లిపి మొత్తం 96.48 శాతం ఉత్తీర్ణత న‌మోదైంది. ఇందులో బీపీఈడీకి 1650 మంది దరఖాస్తు చేసుకోగా.. 1198 మంది ప‌రీక్ష‌కు హాజ‌ర‌య్యారు. వీరిలో 1156 మంది (96.49 శాతం) ఉత్తీర్ణత సాధించారు. ఇక డీపీఈడీకి 742 మంది దరఖాస్తు చేసుకోగా.. 507 మంది హాజ‌ర‌య్యారు. వీరిలో 489 మంది (96.45 శాతం) ఉత్తీర్ణత సాధించారు.
ప్రకటించిన షెడ్యూలు.. ప్రకారం జూన్ 10 నుంచి 13 వరకు శాత‌వాహ‌న యూనివర్సిటీ ఆధ్వర్యంలో పీఈసెట్ - ఫిజికల్ ఈవెంట్లు, స్కిల్ టెస్టులు నిర్వహించిన సంగతి తెలిసిందే. పీఈసెట్ పరీక్షల ద్వారా రాష్ట్రంలోని 20 వ్యాయామ కళాశాలల్లో బీపీఎడ్(B.PEd), డీపీఎడ్(D.PEd) కోర్సుల్లో సీట్లను భర్తీచేయనున్నారు. వీటిలో 16 బీపీఎడ్ కాలేజీల్లో 1660 సీట్లు, నాలుగు డీపీఎడ్ కాలేజీల్లో 350 సీట్లు అందుబాటులో ఉన్నాయి.
TG PECET-2024 ర్యాంక్ కార్డు ఇలా డౌన్‌లోడ్ చేసుకోవాలి...
➥ పీఈసెట్ ర్యాంకు కార్డు కోసం అభ్యర్థులు మొదట అధికారిక వెబ్‌సైట్‌లోకి వెళ్లాలి- https://pecet.tsche.ac.in/HomePage.aspx
➥ అక్కడ హోంపేజీలో కనిపించే 'Download Rank Card' అనే లింక్‌ మీద క్లిక్ చేయాలి.
➥ అక్కడ లాగిన్ పేజీలో అభ్యర్థులు తమ హాల్‌టికెట్ నెంబరు, పుట్టినతేదీ వివరాలు నమోదుచేసి 'View Rank Card' బటన్ మీద క్లిక్ చేయాలి.
➥ వివరాలు నమోదుచేయగానే ర్యాంక్ కార్డు కంప్యూటర్ స్క్రీన్ మీద దర్శనమిస్తుంది.
➥ అభ్యర్థులు ర్యాంకు కార్డు డౌన్‌లోడ్ చేసుకోవాలి. భవిష్యత్ అవసరాల కోసం ప్రింట్ తీసుకొని భద్రపర్చుకోవాలి.
TG PECET 2024 ర్యాంకు కార్డు కోసం క్లిక్ చేయండి..
ఫిజికల్ ఎఫీషియన్సీ టెస్ట్ విధానం..
➥ మొత్తం 400 మార్కులకు ఫిజికల్ ఎఫీషియన్సీ టెస్ట్ (ఫిజికల్ ఈవెంట్లు) నిర్వహిస్తారు. ఇందులో మొత్తం నాలుగు ఈవెంట్లు ఉంటాయి. ఒక్కో ఈవెంట్‌కు 100 మార్కులు కేటాయించారు.
➥ వీటిలో పురుషులకు 100 మీటర్ల పరుగు-100 మార్కులు, 800 మీటర్ల పరుగు-100 మార్కులు, షాట్‌పుట్(6 కేజీలు)-100 మార్కులు, లాంగ్ జంప్/హైజంప్-100 మార్కులు ఉంటాయి.
➥ ఇక మహిళలకు 100 మీటర్ల పరుగు-100 మార్కులు, 400 మీటర్ల పరుగు-100 మార్కులు, షాట్‌పుట్(4 కేజీలు)-100 మార్కులు, లాంగ్ జంప్/హైజంప్-100 మార్కులు ఉంటాయి.
➥ గర్భిణీ స్త్రీలు ఫిజికల్ ఈవెంట్లకు అనర్హులు.
స్కిల్ టెస్ట్ (Skill Test) ఇలా..
ఫిజికల్ ఈవెంట్లలో అర్హత సాధించినవారికి తర్వాతి దశలో స్కిల్ టెస్ట్ నిర్వహిస్తారు. ఇందులో భాగంగా కింది స్పోర్ట్స్ విభాగాల్లో నైపుణ్యాలు పరీక్షిస్తారు.
అవి: బాల్ బ్యాడ్మిండన్, బాస్కెట్ బాల్, క్రికెట్, ఫుట్‌బాల్, హ్యాండ్‌బాల్, హాకీ, కబడ్డీ, ఖోఖో, షటిల్ బ్యాడ్మింటన్, లాన్ టెన్నిస్, వాలీబాల్.
తెలంగాణలోని వ్యాయామ కళాశాలల్లో ప్రవేశాల కోసం నిర్వహించే టీఎస్ పీఈసెట్- 2024 నోటిఫికేషన్ శాతావాహన యూనివర్సిటీ ఏపీ ఉన్నతవిద్యామండలి పక్షాన మార్చి 12న వెల్లడించిన సంగతి తెలిసిందే. దీనిద్వారా బీపీఎడ్(B.PEd), డీపీఎడ్(D.PEd) కోర్సుల్లో ప్రవేశాలు కల్పించనున్నారు. ఇందుకు సంబంధించిన దరఖాస్తు ప్రక్రియ మార్చి 14న ప్రారంభంకాగా.. ఎలాంటి ఆలస్య రుసుములేకుండా మే 25 వరకు ఆన్‌లైన్‌ దరఖాస్తులు స్వీకరించారు. అయితే రూ.500 ఆలస్య రుసుముతో మే 31 వరకు దరఖాస్తులు స్వీకరించారు. దరఖాస్తు చేసుకున్న అభ్యర్థులకు జూన్ 10 నుంచి 13 వరకు పరీక్షలు నిర్వహించ‌నున్నారు. జూన్ నాలుగో వారంలో ఫలితాలను విడుదల చేయ‌నున్నారు.