CUET PG 2025 City Intimation Slip Out: దేశవ్యాప్తంగా 142 కేంద్రీయ విశ్వవిద్యాలయాలు, ఇతర విద్యాసంస్థల్లో పీజీ కోర్సుల్లో ప్రవేశాలకు నిర్వహించే 'కామన్‌ యూనివర్సిటీ ఎంట్రన్స్‌ టెస్టు (సీయూఈటీ) పీజీ - 2025' పరీక్షకు సంబంధించిన సిటీ ఇంటిమేషన్ స్లిప్స్‌ను నేషనల్ టెస్టింగ్ ఏజెన్సీ (NTA) విడుదల చేసింది. అధికారిక వెబ్‌సైట్‌‌లో అందుబాటులో ఉంచింది. అభ్యర్థులు అప్లికేషన్ నెంబరు, పుట్టినతేదీ వివరాలు, సెక్యూరిటీ పిన్ వివరాలు నమోదుచేసి తమ ఎగ్జామ్ సిటీ స్లిప్‌ను డౌన్‌లోడ్ చేసుకోవచ్చు. దీనిద్వారా పరీక్షా కేంద్రానికి సంబంధించిన వివరాలను అభ్యర్థులు ముందుగానే తెలుసుకోవడానికి వీలుంటుంది.
దేశంలోని ప్రధాన నగరాల్లోని మార్చి 13 నుంచి ఏప్రిల్ 1 వరకు నేషనల్ టెస్టింగ్ ఏజెన్సీ పరీక్షలు నిర్వహించనుంది. మొత్తం 43 షిఫ్టుల్లో 157 సబ్జెక్టులకు పరీక్షలు జరుగనున్నాయి. కంప్యూటర్ ఆధారిత విధానంలో (CBT) ప్రవేశ పరీక్ష నిర్వహించనున్నారు. ఈ పరీక్ష కోసం దేశవ్యాప్తంగా మొత్తం 4,12,024 మంది విద్యార్థులు దరఖాస్తు చేసుకున్నారు. పరీక్ష తేదీకి 3 లేదా 4 రోజుల ముందునుంచి అడ్మిట్ కార్డులను అందుబాటులో ఉండనున్నాయి.
సిటీ ఇంటిమేషన్ స్లిప్ ఇలా డౌన్‌లోడ్ చేసుకోండి..
➥సీయూఈటీ పీజీ 2025 సిటీ ఇంటిమేషన్ స్లిప్ పొందడానికి అభ్యర్థులు మొదట అధికారిక వెబ్‌సైట్‌లోకి వెళ్లాలి. - https://cuetpg.ntaonline.in/ ➥ అక్కడ హోమ్‌పేజ్‌లో కనిపించే "CUET PG 2025 City Intimation Slip" లింక్‌పై క్లిక్ చేయాలి.
➥ విద్యార్థులు తమ అప్లికేషన్ నెంబరు, పుట్టినతేదీ వివరాలు, సెక్యూరిటీ పిన్ వివరాలు నమోదుచేసి లాగిన్ అవ్వాలి.
➥ మీ పరీక్షా నగరం స్లిప్‌ను డౌన్‌లోడ్ చేసుకుని ప్రింట్ తీసుకోండి.
CUET (PG) - 2025 Advance city intimation slip
పరీక్ష విధానం:
➥ సీయూఈటీ పీజీ పరీక్షను 90 నిమిషాలపాటు సీబీటీ ఆధారంగా నిర్వహిస్తారు. మొత్తం 75 మార్కులకు పరీక్ష ఉంటుంది. పరీక్షలో ప్రతి సరైన సమాధానానికి 4 మార్కులు, తప్పు సమాధానానికి 1 మార్కు కోత విధిస్తారు. సిలబస్ అభ్యర్థి ఎంపిక చేసుకున్న పేపర్ కోడ్ ఆధారంగా మారుతుంటాయి.
➥ సీయూఈటీ పీజీ పరీక్షను రోజుకు మూడు సెషన్ల చెప్పున ఉదయం, మధ్యాహ్నం, సాయంత్రం నిర్వహిస్తారు. ఉదయం 9 గంటల నుంచి 10.45 గంటల వరకు మొదటి సెషన్‌లో, మధ్యాహ్నం 12.45 గంటల నుంచి 2.30 గంటల వరకు రెండో సెషన్‌లో, సాయంత్రం 4.30 గంటల నుంచి 6.15 గంటల వరకు మూడోసెషన్‌లో పరీక్షలు నిర్వహిస్తారు. అభ్యర్థి ఎంపిక చేసుకున్న సబ్జెక్టులను అనుచరించి ఆయా సెషన్లలో హాజరుకోవాల్సి ఉంటుంది.
➥ ఎగ్జామ్ డిగ్రీ సిలబస్ ఆధారితంగా ఉంటుంది. స్థానిక భాషలో పరీక్షను రాయాలనుకునే అభ్యర్థులు సొంత రాష్ట్రంలో ఎగ్జామ్ సెంటర్ ఎంపిక చేసుకోవాల్సి ఉంటుంది. దివ్యాంగులకు అదనపు సమయం కేటాయిస్తారు.
➥ అభ్యర్థులు పరీక్ష సమయానికి 2 గంటల ముందుగానే చేరుకోవాలి. పరీక్ష ఆరంభానికి అరగంట ముందుగానే అభ్యర్థులు హాల్‌టికెట్ల పరిశీలన, పరీక్ష హాల్, బయోమెట్రిక్ రిజిస్ట్రేషన్, వ్యక్తిగత హాజరు తదితర ప్రక్రియను పూర్తిచేస్తారు. పరీక్షకు 10 నిమిషాల ముందు పరీక్షకు సంబంధించిన నియమ నిబంధనలను లాగిన్ అయి చూసుకోవచ్చు.
తెలుగు రాష్ట్రాల్లో పరీక్ష కేంద్రాలు...
➥ తెలంగాణ: హైదరాబాద్, జగిత్యాల, కరీంనగర్, ఖమ్మం, కొత్తగూడెం, మహబూబ్‌నగర్, నల్గొండ, నిజామాబాద్, సిద్దిపేట, సూర్యాపేట, వరంగల్.
➥ ఆంధ్రప్రదేశ్: అనంతపురం, చిత్తూరు, ఏలూరు, గుంటూరు, కడప, కాకినాడ, కర్నూలు, మచిలీపట్నం, నంద్యాల, నర్సంపేట, నెల్లూరు, ఒంగోలు, ప్రొద్దుటూరు, రాజమండ్రి, శ్రీకాకుళం, సూరంపాలెం, తాడేపల్లిగూడెం, తిరుపతి, విజయవాడ, విశాఖపట్నం, విజయనగరం.
ముఖ్యమైన తేదీలు..
➥ అడ్మిట్ కార్డుల డౌన్‌లోడ్: పరీక్షకు 3, 4 రోజుల ముందునుంచి.
➥ పరీక్ష తేది: 13.03.2025 - 31.03.2025.
➥ ఆన్సర్ కీ వెల్లడి తేదీ: తర్వాత వెల్లడిస్తారు.