Mahatma Jyothiba Phule Overseas Vidya Nidhi: విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

Mahatma Jyothiba Phule Overseas Vidya Nidhi: బీసీ, ఈబీసీ విద్యార్థులు విదేశాల్లో ఉన్నత చదువులు అభ్యసించేందుకు మహాత్మా జ్యోతిబా ఫులే ఓవర్సీస్ విద్యానిధి పథకాన్ని తెలంగాణ ప్రభుత్వం అమలు చేస్తుంది.

విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

Source : gemini Ai

Show Quick Read

Key points generated by AI, verified by newsroom

• తెలంగాణ బీసీ, ఈబీసీ విద్యార్థులకు ఓవర్సీస్ విద్యానిధి పథకం.
• ₹20 లక్షల గ్రాంట్, విమాన ఛార్జీలు, వీసా రీయింబర్స్‌మెంట్ ఇస్తారు.
• 35 ఏళ్లలోపు, ₹5 లక్షల లోపు కుటుంబ ఆదాయం ఉన్నవారు అర్హులు.
• 2026 సెప్టెంబర్ 1 నుండి దరఖాస్తులు; 350 మందికి అవకాశం.

Mahatma Jyothiba Phule Overseas Vidya Nidhi: తెలంగాణ ప్రభుత్వం బీసీ, ఈబీసీ విద్యార్థులకు గుడ్ న్యూస్ చెప్పింది. విదేశాల్లో ఉన్నత విద్య (మాస్టర్స్, పీహెచ్‌డీ) చదవాలనుకునే విద్యార్థుల కోసం మహాత్మా జ్యోతిబా ఫులే ఓవర్సీస్ విద్యానిధి (Mahatma Jyothiba Phule Overseas Vidya Nidhi) పథకాన్ని అమలు చేస్తోంది. ఈ పథకానికి సెప్టెంబర్ 1,2026 నుంచి అప్లికేషన్లు ఆహ్వానిస్తున్నారు. ఈ పథకం ద్వారా విదేశాల్లో ఉన్నత విద్య చదవాలనుకునే బీసీ, ఈబీసీ విద్యార్థులు ఆగస్టు,సెప్టెంబర్‌ ఫాల్‌ సెషన్‌ కోసం అప్లై చేసుకోవచ్చు. అప్లికేషన్లు సెప్టెంబర్‌ 1 నుంచి 30వ తేదీ వరకు కొనసాగుతాయి.  

ముఖ్యమైన ప్రయోజనాలు 

1. ఈ పథకం కింద ఎంపికైన ప్రతి విద్యార్థికి గరిష్టంగా రూ.20 లక్షల వరకు స్కాలర్‌షిప్ గ్రాంట్‌ ఇస్తారు.  
2. విదేశాలకు వెళ్లేందుకు వన్-వే ఎకానమీ క్లాస్ విమాన టికెట్ ఛార్జీలు ఇస్తారు.
3. వీసా ప్రక్రియకు సంబంధించిన ఛార్జీలను రీయింబర్స్ చేస్తారు.
4. ఈ గ్రాంటును రెండు విడతలుగా విద్యార్థి లేదా విదేశీ వర్సిటీ బ్యాంకు ఖాతాలో డిపాజిట్ చేస్తారు. 

అర్హతలు 

• దరఖాస్తుదారులు తెలంగాణ రాష్ట్రానికి చెందిన బీసీ లేదా ఈబీసీ వర్గానికి చెందినవారై ఉండాలి.
• నోటిఫికేషన్ వచ్చే నాటికి 35 ఏళ్లలోపు వయస్సు ఉండాలి.
• కుటుంబ వార్షిక ఆదాయం రూ. 5 లక్షలు మించకూడదు. 
• ఒక కుటుంబం నుండి ఒక్క విద్యార్థికి మాత్రమే ఈ పథకం వర్తిస్తుంది. 
• జీఆర్‌ఈ-260 లేదా జీమ్యాట్‌-500 స్కోర్ ఉండాలి.
• టోఫెల్‌ -60 మార్కులు లేదా ఐఈఎల్‌టీఎస్‌-6.0 లేదా పీటీఈ-50 మార్కుల స్కోర్ ఏదైనా కలిగి ఉండాలి.
• పీజీ కోసం: ఇంజినీరింగ్, మేనేజ్‌మెంట్, సైన్స్, అగ్రికల్చర్, మెడిసిన్, నర్సింగ్, హ్యుమానిటీస్‌లో 60% లేదా అంతకంటే ఎక్కువ మార్కులతో డిగ్రీ ఉత్తీర్ణత సాధించాలి.  
• పీహెచ్డీ కోసం: పీజీ కోర్సులో 60% మార్కులు సాధించాలి 
• యూఎస్ఏ, యూకే, ఆస్ట్రేలియా, కెనడా, సింగపూర్, జర్మనీ, జపాన్, న్యూజిలాండ్, ఫ్రాన్స్ వంటి గుర్తింపు పొందిన విదేశీ యూనివర్సిటీల్లో అడ్మిషన్ పొంది ఉండాలి.
• జీఆర్ఈ, జీమ్యాట్, TOEFEL/IELTS/PTE స్కోర్లు కలిగి ఉండాలి.  

కావలసిన డాక్యుమెంట్స్

1. ఆధార్ కార్డు, నేటివిటీ సర్టిఫికెట్  
2. కుల ధ్రువీకరణ పత్రం  
3. ఆదాయ ధ్రువీకరణ పత్రం  
4. SSC, ఇంటర్, డిగ్రీ/పీజీ మార్కుల మెమోలు, ప్రొవిజనల్ సర్టిఫికెట్లు
5. GRE / GMAT, TOEFL / IELTS / PTE స్కోర్ కార్డులు
6. విదేశీ యూనివర్సిటీ అడ్మిషన్ లెటర్  
7. పాస్‌పోర్ట్ కాపీ  
8. పాస్‌పోర్ట్ సైజ్ ఫొటో, సంతకం
9. బ్యాంకు పాస్‌బుక్ (తెలంగాణలో)

ఈ విడతలో మొత్తం 350 మంది విద్యార్థులను ఎంపిక చేయనున్నారు. వీరిలో 250 మంది బీసీ విద్యార్థులు, మిగతా 100 మంది ఈబీసీకి చెందినవారు ఉంటారని అధికారులు తెలిపారు.  అర్హులైన విద్యార్థులు నిర్ణీత గడువులోగా దరఖాస్తు చేసుకోవాలని బీసీ సంక్షేమ శాఖ సూచించింది. మరిన్ని వివరాల కోసం తెలంగాణ ఈ-పాస్ వెబ్‌సైట్‌ను సందర్శించాలని తెలిపింది.  

మరిన్ని చదవండి

ఎస్బీఐలో 9,124 జూనియర్ అసోసియేట్ పోస్టులు.. భారీ జీతం, అలెవెన్సు