Guruji Student Credit Card Scheme: ఉన్నత చదువుల కోసం రూ.15 లక్షల లోన్.. గురూజీ స్టూడెంట్ క్రెడిట్ కార్డు స్కీమ్ గురించి తెలుసా?

Study in Germany: జర్మనీలో చదువు ఫ్రీ.. కానీ ట్యూషన్ ఫీజులు, అసలు ఖర్చుల గురించి తెలుసా?

Satyaprasad Bandaru — Mon, 28 Sep 2026 16:21:31 +0530

Study in Germany: విదేశాలలో చదువుకోవాలని కలలు కనే భారతీయ విద్యార్థులకు జర్మనీ టాప్ ఛాయిస్‌లో ఉంటుంది. ముఖ్యంగా అక్కడి అనేక ప్రభుత్వ యూనివర్సిటీల్లో ప్రత్యేక ట్యూషన్ ఫీజులు లేకపోవడమే దీనికి ప్రధాన కారణం. దీనివల్ల జర్మనీలో చదువుకునే ఖర్చు చాలా తక్కువగా ఉంటుందని చాలా మంది విద్యార్థులు భావిస్తారు. అయితే, విదేశాలలో చదువుకునే ఖర్చు కేవలం కాలేజీ ఫీజులకే పరిమితం కాదు. అక్కడికి వెళ్లాక వసతి, ఆహారం, రవాణా, ఆరోగ్య బీమా, ఇతర రోజువారీ అవసరాల కోసం కూడా డబ్బు ఖర్చు చేయాల్సి ఉంటుంది.

ప్రభుత్వ వర్సిటీల్లో ఫీజులు తక్కువ, కానీ

జర్మనీలోని చాలా ప్రభుత్వ విశ్వవిద్యాలయాలలో సాధారణంగా ట్యూషన్ ఫీజులు ఉండవు. అయితే విద్యార్థులు సెమిస్టర్ ఫీజులు మాత్రం చెల్లించాల్సి ఉంటుంది. ప్రభుత్వ సమాచారం ప్రకారం, ఇది ప్రతి సెమిస్టర్‌కు సగటున 300 యూరోలు ఉంటుంది. ఈ ఫీజులు యూనివర్సిటీ ఉండే ప్రదేశాన్ని బట్టి మారుతుంది. చాలా ఏరియాల్లో ఈ మొత్తంలో విద్యార్థి సేవలు, ప్రజా రవాణా సౌకర్యాలు కూడా కలిపి ఉంటాయి. అన్ని సంస్థలు, రాష్ట్రాలలో నిబంధనలు ఒకేలా ఉండవని గమనించాలి.

ఖర్చులు

జర్మనీకి వచ్చిన తర్వాత అయ్యే అతిపెద్ద ఖర్చు వసతి. ఇక్కడ ఇంటి అద్దె నెలకు 350 నుండి 1,000 యూరోల వరకు ఉండవచ్చు. దీనికి అదనంగా విద్యుత్, నీరు వినియోగ సేవలకు 80 నుండి 250 యూరోల వరకు ఖర్చవుతుంది. చిన్న పట్టణాలతో పోలిస్తే పెద్ద నగరాల్లో అద్దె ఇంకాస్త ఎక్కువగా ఉంటుంది.

ఫుడ్, రోజువారీ ఖర్చులు

విదేశాలలో నివసించే విద్యార్థి ఖర్చులు కేవలం గది అద్దెకే పరిమితం కావు. జర్మన్ ప్రభుత్వ గణాంకాల ప్రకారం.. ఒక్కో వ్యక్తికి ఫుడ్ ఖర్చులు నెలకు 200 నుండి 350 యూరోల వరకు ఉండొచ్చు. దీనికి తోడు ట్రాన్స్ పోర్టు, ఫోన్, ఇంటర్నెట్, వినోదం కోసం 150 నుంచి 350 యూరోల వరకు ఖర్చు చేయాల్సి వస్తుంది. సొంతంగా వండుకోవడం, చవకైన దుకాణాలలో కొనుగోలు చేయడం ద్వారా ఈ ఖర్చులను కొంతవరకు కంట్రోల్ చేసుకోవచ్చు.

వీసా కోసం ముందుగానే బ్లాక్డ్ అకౌంట్

జర్మన్ విద్యార్థి వీసాల కోసం విద్యార్థులు తమ విద్య, ఉండడానికి అయ్యే ఖర్చులు భరించే సామర్థ్యాన్ని నిరూపించుకోవాలి. 2026లో విద్యార్థి వీసాలకు కనీసం 11,904 (సుమారు రూ.13 లక్షలు) యూరోల ఆర్థిక సామర్థ్యం అవసరం. దీనిని సాధారణంగా బ్లాక్డ్ అకౌంట్ ద్వారా చూపించాలి. ఇందులో జమ చేసిన డబ్బు నుంచి మొదటి సంవత్సరం ఖర్చుల కోసం నెలకు గరిష్టంగా 992 యూరోలు మాత్రమే విత్ డ్రా చేసుకోవడానికి వీలుంటుంది.

Also Read: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

ఆరోగ్య బీమా, ఇతర ఖర్చులు

జర్మనీలో చదువుతున్న విద్యార్థులకు ఆరోగ్య బీమా తప్పనిసరి. విశ్వవిద్యాలయంలో అడ్మిషన్ పొందేటప్పుడు దీనికి సంబంధించిన ఫీజు కూడా సమర్పించాలి. అంతేకాకుండా, మొదటి కొన్ని సంవత్సరాలలో రూము డిపాజిట్లు, ప్రయాణం, నిత్యావసర వస్తువుల కోసం అదనపు ఖర్చులు రావచ్చు. కాబట్టి, కేవలం ఫీజుల గురించే ఆలోచించకుండా ఏడాది మొత్తం అయ్యే జీవన, చదువు ఖర్చులన్నింటినీ బేరీజు వేసుకుని బడ్జెట్‌ను ప్లాన్ చేసుకోవడం ఎంతో ముఖ్యం.

Also Read: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

Local Reservation In Telangana: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

Shankar Dukanam — Mon, 28 Sep 2026 15:01:14 +0530

న్యూఢిల్లీ: ఆంధ్రప్రదేశ్ విభజన తరువాత తెలుగు రాష్ట్రాల్లో పదే పదే స్థానికతకు సంబంధించిన కేసులు వస్తూనే ఉన్నాయి. తాజాగా మరోసారి సుప్రీంకోర్టుకు వ్యవహారం వెళ్లగా తెలంగాణలో స్థానికత అంశంపై సర్వోన్నత న్యాయస్థానం క్లారిటీ ఇచ్చింది. తెలంగాణలో స్థానికత రిజర్వేషన్ పొందాలంటే నాలుగేళ్లు వరుసగా చదవాలన్న రూల్ తప్పనిసరి అని పేర్కొంది. గతంలో జస్టిస్ బీఆర్ గవాయ్ ధర్మాసనం ఇచ్చిన తీర్పును జస్టిస్ పీఎస్ నరసింహ బెంచ్ గుర్తుచేసింది.

తెలంగాణలో ఉన్నత విద్య, ఉద్యోగావకాశాల్లో స్థానికత రిజర్వేషన్ (Local Reservation) కోసం 4 ఏళ్ల విద్యాభ్యాసం అనే నిబంధన పాటించాలని సుప్రీంకోర్టు స్పష్టం చేసింది. జెల్ల అంకిత అనే అభ్యర్థి స్థానిక రిజర్వేషన్ కోసం నాలుగేళ్ల విద్యాభ్యాసం నిబంధనను చాలెంజ్ చేస్తూ సుప్రీంకోర్టును ఆశ్రయించారు. అయితే ఎంబీబీఎస్ అర్హత పరీక్ష (NEET UG Exam)కు ముందు వరుసగా నాలుగు సంవత్సరాలు తెలంగాణలో చదువుకుంటేనే స్థానికత వర్తిస్తుందని సుప్రీం ధర్మాసనం స్పష్టం చేసింది. తెలంగాణ ప్రభుత్వం స్థానిక రిజర్వేషన్ కోసం జారీ చేసిన జీవోను జస్టిస్ పీఎస్ నరసింహ ధర్మాసనం సమర్థించింది. స్థానికత నిబంధన ఏకపక్షంగా ఉందన్న పిటిషనర్ వాదనను సుప్రీంకోర్టు కొట్టివేసింది.

ఏపీలో మెడికల్ కాలేజీ సీటు రావాలంటే..

ఆంధ్రప్రదేశ్‌లోని ప్రభుత్వ, ప్రైవేటు, సొసైటీ మెడికల్ మొత్తం 7,200కి పైగా ఎంబీబీఎస్ సీట్లు అందుబాటులో ఉన్నాయి. ఈ సీట్ల భర్తీ 2 పద్ధతుల్లో జరుగుతుంది. దేశవ్యాప్త మెరిట్ ఆధారంగా 15 శాతం సీట్లను ఆల్ ఇండియా కోటా కింద భర్తీ అవుతాయి. ఏపీలోని ప్రముఖ కాలేజీల్లో ఈ కోటా ద్వారా సీటు పొందాలంటే ఆల్ ఇండియా ర్యాంక్ 3,000 నుంచి 12,000 లోపు ఉండాలి.

మిగిలిన 85 శాతం సీట్లను విజయవాడలోని ఎన్టీఆర్ ఆరోగ్య విజ్ఞాన విశ్వవిద్యాలయం స్టేట్ కోటా కింద భర్తీ చేస్తుంది. ప్రాథమిక అంచనాల ప్రకారం, ప్రభుత్వ కాలేజీల్లో సీటు సాధించడానికి ఆల్ ఇండియా ర్యాంక్ లిమిట్స్ అవగాహన కోసం..

ఓపెన్ కేటగిరీ అయితే: 15,000 – 35,000

బీసీ అయితే: 20,000 – 45,000

ఎస్సీ అయితే: 50,000 – 1,00,000

ఎస్టీ అయితే: 80,000 – 1,50,000

Also Read: NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

తెలంగాణ మెడికల్ కాలేజీల్లో ప్రవేశాలకు ర్యాంకు అంచనా వివరాలు

తెలంగాణలోని మెడికల్ కాలేజీల్లో ఎంబీబీఎస్ ప్రవేశాలను 2 విభాగాలుగా భర్తీ చేస్తారు. 15 శాతం సీట్లను దేశవ్యాప్త పోటీ కోసం ఆల్ ఇండియా కోటా కింద ఉంటాయి. మిగిలిన 85 శాతం సీట్లను వరంగల్‌లోని కాళోజీ నారాయణరావు ఆరోగ్య విజ్ఞాన విశ్వవిద్యాలయం స్టేట్ కోటా ద్వారా భర్తీ చేయనుంది. తెలంగాణలో స్థానిక రిజర్వేషన్ పొందడానికి వరుసగా నాలుగేళ్లు ఇక్కడే చదివి ఉండాలి.

ప్రభుత్వ మెడికల్ కాలేజీల్లో సీటు సాధించడానికి కేటగిరీల వారీగా అంచనా ఆల్ ఇండియా ర్యాంకుల అంచనా అవగాహనా కోసం..

ఓసీ అయితే 12,000 – 48,000 (EWS వారికి మరో 2,000–4,000 వరకు సడలింపు)

బీసీ అయితే బీసీ-బి (25,000 – 52,000), బీసీ-ఎ (50,000 – 85,000), బీసీ-ఈ (45,000 – 75,000)

ఎస్సీ అయితే 85,000 – 1,35,000

ఎస్టీ అభ్యర్థులకు అయితే 90,000 – 1,40,000 ర్యాంకు వరకు

NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

Satyaprasad Bandaru — Wed, 16 Sep 2026 12:03:03 +0530

NRI Become IAS: విదేశాలలో ఉంటున్న ఎన్ఆర్ఐల్లో చాలా మందికి తాము కూడా ఐఏఎస్, ఐపీఎస్ అధికారులు అవ్వాలనే కోరిక ఉంటుంది. అయితే NRI అనే పదం గురించి చాలా గందరగోళం ఉంది, ఎందుకంటే దీనిని తరచుగా OCI, PIO వంటి ఇతర వర్గాలతో కలిపి చెప్పడంతో గందరగోళానికి గురవుతారు. యూపీఎస్సీ పరీక్ష నియమాలు ఎన్నారై, ఓసీఐ కార్డుదారులకు భిన్నంగా ఉన్నప్పటికీ, సివిల్ సర్వీసెస్ పరీక్షను ఎవరు రాయవచ్చు, ఐఏఎస్ అధికారి కావడానికి కావాల్సిన అర్హతలు ఏంటో తెలుసుకుందాం.

ఎన్నారై అంటే ఎవరు? యూపీఎస్సీకి అర్హుడా?

ఎన్నారై అంటే భారత పౌరుడై ఉండి, ప్రస్తుతం చదువులు లేదా ఉద్యోగం కోసం విదేశాలలో నివసిస్తున్న వ్యక్తి. ఎన్నారైలు భారత పౌరసత్వం కలిగి ఉంటారు కాబట్టి వాళ్లు యూపీఎస్సీ పరీక్షకు హాజరవడానికి అర్హులు అవుతారు. వయస్సు, విద్యార్హతలతో సహా ఇతర అర్హతలు ఉంటే ఎన్నారైలు యూపీఎస్సీ ద్వారా ఐఏఎస్, ఐపీఎస్, ఐఎఫ్ఎస్ సహా అన్ని సర్వీసులకు అప్లై చేసుకోవచ్చు.

OCIకి నిబంధనలు

ఎన్నారైలతో పోలిస్తే, ఓసీఐ (ఓవర్సీస్ సిటిజన్ ఆఫ్ ఇండియా) కార్డుదారులకు నిబంధనలు చాలా కఠినంగా ఉంటాయి. యూపీఎస్సీ నిబంధనల ప్రకారం ఐఏఎస్, ఐపీఎస్, ఐఎఫ్ఎస్ వంటి సర్వీసులకు అభ్యర్థులు భారత పౌరులై ఉండాలి. కాబట్టి ఓసీఐ కార్డుదారులు ఈ మూడు సర్వీసులకు అర్హులు కాదు. అయితే, యూపీఎస్సీ ద్వారా భర్తీ చేసే కొన్ని ఇతర కేంద్ర సర్వీసులకు నేపాల్, భూటాన్ పౌరులు కూడా అర్హులు. కానీ, ఐఏఎస్, ఐపీఎస్ సర్వీసులు ప్రత్యేకంగా భారతీయులకు మాత్రమే రిజర్వ్ చేశారు.

Also Read: ఇకపై యూకేలో చదువులు మరింత ప్రియం.. విద్యార్థి వీసా నిబంధనల్లో కీలక మార్పులు! UK Student Visa Rules: యూకేలో ఉన్నత చదువులు

ఎన్నారైలకు నిబంధనలు

UPSC నిబంధనల మేరకు ఎన్నారైలు పరీక్ష రాయడానికి అనుమతించినప్పటికీ, వారికి ఎలాంటి ప్రత్యేక మినహాయింపులు, కోటాలు ఉండవు. నీట్ లేదా ఇతర పరీక్షలలో ఎన్నారై కోటాలు ఉన్నట్లుగా, UPSCలో అలాంటి కోటాలు ఉండవు. అభ్యర్థులు జనరల్ లేదా వారి రిజర్వేషన్ కేటగిరీ కింద పోటీపడాలి. అంతేకాకుండా, UPSC ప్రిలిమ్స్, మెయిన్స్, ఇంటర్వ్యూల కోసం విదేశాలలో ఎలాంటి ఎగ్జామ్ సెంటర్లు ఏర్పాటు చేయదు. అభ్యర్థులు పరీక్ష రాయడానికి భారత్ కు రావాల్సి ఉంటుంది. ఎన్నారై అభ్యర్థి విదేశీ యూనివర్సిటీ నుండి డిగ్రీ పూర్తి చేసి ఉంటే, ఫారం నింపే ముందు, అతను అసోసియేషన్ ఆఫ్ ఇండియన్ యూనివర్సిటీస్ నుండి ధృవీకరణ పత్రాన్ని పొందాలి. తద్వారా అతని డిగ్రీ భారత్ లో గుర్తింపు పొందుతుంది.

Also Read: మద్యం మత్తులో నీట్ ఎగ్జామ్ రాసేందుకు వెళ్లిన విద్యార్థి.. వెనక్కి పంపిన సిబ్బంది

ఐఏఎస్ అవ్వొచ్చా?

IAS అధికారుల కోసం UPSC మూడు దశల్లో ప్రిలిమ్స్, మెయిన్స్,ఇంటర్వ్యూ నిర్వహిస్తుంది. ప్రిలిమ్స్‌లో రెండు పేపర్లు ఉంటాయి, మెయిన్స్‌లో వ్యాసంతో సహా వివిధ సబ్జెక్టులను కవర్ చేసే రాత పరీక్షలు ఉంటాయి. ఈ రెండు దశల్లో ఉత్తీర్ణత సాధించిన తర్వాత, అభ్యర్థులను ఇంటర్వ్యూకు పిలుస్తారు. ఈ మూడు దశల్లో వచ్చిన మార్కుల ఆధారంగా ఫైనల్ మెరిట్ లిస్ట్ ను రూపొందిస్తారు. అభ్యర్థి ర్యాంకును బట్టి IAS, IPS, IFS సర్వీసులో వారి రిక్రూట్మెంట్ ఉంటుంది.

Also Read: విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

Adilabad News: తండ్రితో కలిసి కిచిడి బండి నడుపుతూ ఎంబీబీఎస్ సీటు సాధించిన కుమారులు.. ABP Desam Exclusive

Shailender — Wed, 9 Sep 2026 07:39:17 +0530

వారిది మధ్య తరగతి కుటుంబం.. కుటుంబ పోషణ కోసం వారు కిచిడి బండి నడుపుతూ జీవనం కొనసాగిస్తున్నారు. ప్రతి రోజు కష్టపడి కిచిడి అమ్ముతూ.. తమ పిల్లల్ని ప్రభుత్వ పాఠశాలలో చదివించారు. తండ్రికి చేదోడు వాదోడుగా కిచిడి బండి వద్ద ఉంటూ ఆ కుమారులు ఇంటర్ పూర్తి చేశారు. డాక్టర్ కావాలన్న లక్ష్యంతో రాత్రింబవళ్ళు కష్టపడి చదివి ఎంబీబీఎస్ సీటు సాధించడానికి నీట్ పరీక్ష రాశారు. కష్టాన్ని నమ్ముకున్న ఆ యువకులు నీట్ లో ర్యాంకు సాధించి ఎంబిబిఎస్ సీటు సంపాదించారు. ఆదిలాబాద్ జిల్లా ఇంద్రవెల్లిలో ఫుట్‌పాత్ పై కిచిడి అమ్ముతూ నీట్ లో ర్యాంకు తెచ్చుకుని, ఎంబిబిఎస్ సీటు సంపాదించిన మహమ్మద్ బిలాల్, మహమ్మద్ షకిబ్ లపై ABP Desam Exclusive Story.

ఆదిలాబాద్ జిల్లా ఇంద్రవెల్లి మండల కేంద్రానికి చెందిన మహమ్మద్ జావిద్, మహమ్మద్ ఆసిఫ్ అనే ఇద్దరు అన్నదమ్ముల కుమారులు మహమ్మద్ షకీబ్, మహమ్మద్ బిలాల్ ఈ ఇద్దరు నీట్ పరీక్ష రాసి ఎంబీబీఎస్ సీటు సాధించారు. వీరు ఇంద్రవెల్లి మండల కేంద్రంలోని జడ్పీ పాఠశాల ముందు కిచిడి బండి నడుపుకుంటూ జీవనం కొనసాగిస్తున్నారు. ఆసిఫ్, జావిద్ ఇద్దరు అన్నతమ్ముళ్లు గత కొన్నేళ్లు గా కిచిడి బండి నడిపిస్తూ తమ పిల్లల్ని పక్కనే ఉన్న జడ్పీ పాఠశాలలో చదివించారు. పదవ తరగతి వరకు షకీబ్, బిలాల్ ఇంద్రవెల్లి జడ్పీ పాఠశాలలో చదువు పూర్తి చేసి స్థానికంగానే ఓ ప్రైవేటు కాలేజీలో ఇంటర్ పూర్తి చేశారు. చదువుకుంటూనే రోజు తండ్రికి చేదోడు వాదోడుగా ఉంటూ కిచిడి బండి నడుపుతున్నారు.

రెండేళ్లు నీట్ కోసం ప్రిపేర్ అయ్యారు. రాత్రింబవళ్లు కష్టపడి చదివి నీట్ లో ర్యాంకు సాధించి.. ఎంబిబిఎస్ సీటు (MBBS Seat) సంపాదించారు. మహమ్మద్ ఆసిఫ్ కుమారుడు మహమ్మద్ బిలాల్ కు నీట్ లో ఆల్ ఇండియా ర్యాంకు 120325.. స్టేట్ లొ 1788 ర్యాంక్ రాగా. అలాగే మహమ్మద్ జావిద్ కుమారుడు మహమ్మద్ షకీబ్ నీట్ లో ఆల్ ఇండియా ర్యాంక్ 147283, రాగా.. స్టేట్ లో 2583 ర్యాంక్ సాధించారు. ఫస్ట్ ఫేజ్ లో కరీంనగర్ ప్రతిమ మెడికల్ కళాశాలలో మహమ్మద్ షకిబ్ కు ఎంబిబిఎస్ సీటు రాగా, నిర్మల్ మెడికల్ కళాశాలలో మహమ్మద్ బిలాల్ కు ఎంబిబిఎస్ సీటు వచ్చింది. త్వరలో ఈ ఇద్దరు సెకండ్, థర్డ్ ఫేజ్ తరువాత తరగతులకు హాజరుకానున్నారు.

ఈ ఇద్దరు అన్నదమ్ముల కుమారులు ఎంబిబిఎస్ సీటు సాధించడంతో వారి తల్లిదండ్రులు, కుటుంబ సభ్యులు హర్షం వ్యక్తం చేస్తున్నారు. కష్టపడ్డ దానికి ఫలితం దక్కిందన్నారు. వీరికి ఎంబిబిఎస్ సీటు రావడంతో ఆదిలాబాద్ మైనార్టీ విభాగం నాయకులు వారిని సత్కరించారు. ప్రభుత్వ విప్ మహమ్మద్ షబ్బీర్ అలీతో పాటు ఆదిలాబాద్ జిల్లా కలెక్టర్ రాజర్షి షా, మాజీ మంత్రి జోగు రామన్న, సైతం శాలువాతో సత్కరించి అభినందించారు.

ఇంద్రవెల్లి మండల కేంద్రంలో మహమ్మద్ జావిద్, మహమ్మద్ ఆసిఫ్ ఈ ఇద్దరు అన్నదమ్ములు, కిచిడి బండి నడిపి తమ కుటుంబాన్ని పోషిస్తున్నారు. ఈ ఇద్దరు అన్నదమ్ముల కుమారులు మహమ్మద్ షకీబ్, మహమ్మద్ బిలాల్ వారికి చేదోడు వాదొడుగా ఉంటూ.. కష్టపడి చదివి ఎంబిబిఎస్ లో ఇద్దరు సైతం సీటు సంపాదించారు. కష్టపడితే ఏదైనా సాధించవచ్చని, తాము పడ్డ కష్టానికి తమ తల్లిదండ్రుల కష్టానికి ఫలితం దక్కిందని మహమ్మద్ షకీబ్, మహమ్మద్ బిలాల్ మరియు వారి తండ్రులు స్థానికులు ఏబీపీ దేశంకు వెల్లడించారు. కృషి ఉంటే ఏదైనా సాధించవచ్చునని నిరూపించారు. స్థానికులు, వారి టీచర్లు ఈ విషయంపై హర్షం వ్యక్తం చేస్తున్నారు.

వీరి కష్టం అంతా ఇంతా కాదని, ఉదయం 3:30 గంటలకు లేచి కిచిడి తయారు చేసి 5:30గంటలకు అల్లాహు అక్బర్ అంటూ నమాజ్ చేసి 6 గంటల కళ్ల రెడీ అయి.. జడ్పి పాఠశాల ముందు రోడ్డుపై కిచిడి బండి పెట్టీ టిఫిన్ విక్రయిస్తారు. స్థానికులు ఈ ఇద్దరు అన్నదమ్ములను జావిద్ మాము, ఆసిఫ్ మాము అని ప్రేమగా పిలుస్తుంటారు. వారి కుమారులు షకీబ్ , బిలాల్ ఇద్దరు కూడా హాలిడే రోజు లేదా వారు లేని సమయాల్లోనూ, లేదా అంగడి రోజు బిజిగా ఉన్న సమయంలో ఈ బండి నడుపుతూ వారికి చేదోడు వాదోడుగా ఉంటూ పని చేస్తారు.

కిచిడి అమ్మడం అయిపోయాక.. బయట ఖాళీగా తిరగకుండా ఇంట్లోనే ఉంటూ ఒక గదిలో కూర్చుని చదువుకుంటారు. ఇలా చదవడం వల్లే వారు పడ్డా కష్టానికి ఫలితం దక్కింది అంటున్నారు. ప్రతి ఒక్కరు తమ గమ్యానికి చేరుకోవాలనే లక్ష్యంతో ఉంటే.. కష్టపడి చదివితే తమ లక్ష్యాన్ని చేరుకోవచ్చని చెబుతున్నారు.

UK Student Visa Rules: ఇకపై యూకేలో చదువులు మరింత ప్రియం.. విద్యార్థి వీసా నిబంధనల్లో కీలక మార్పులు!

Satyaprasad Bandaru — Sun, 6 Sep 2026 14:24:36 +0530

UK Student Visa Rules: యూకేలో ఉన్నత చదువులు చదవాలనుకునే భారతీయ విద్యార్థులకు బ్రిటన్ ప్రభుత్వం బిగ్ షాక్ ఇచ్చింది. నవంబర్ 30, 2026 నుండి అమల్లోకి వచ్చేలా యూకే స్టూడెంట్ వీసా నిబంధనలలో కీలక మార్పులను యూకే హోమ్ ఆఫీస్ ప్రకటించింది. ఈ కొత్త విదేశాంగ విధానం ప్రకారం.. అంతర్జాతీయ విద్యార్థులు వీసా పొందేందుకు తమ వద్ద ఉన్నట్లు చూపించాల్సిన మెయింటనెన్స్ ఫండ్స్‌ మొత్తాన్ని పెంచారు. ఈ నిర్ణయం వల్ల విదేశీ విద్యార్థులపై అదనపు ఆర్థిక భారం పడనుంది.

పెరిగిన మెయింటనెన్స్ ఫండ్స్

విద్యార్థులు తమ కాలేజీ ట్యూషన్ ఫీజులు, వీసా ఫీజులు, హెల్త్ సర్‌ఛార్జీలతో సంబంధం లేకుండా ఈ నిర్వహణ నిధులను బ్యాంకు ఖాతాల్లో చూపించాల్సి ఉంటుంది. కోర్సు చదివే కాలన్ని బట్టి గరిష్టంగా 9 నెలల జీవన వ్యయాలను నిరూపించాలి.

Also Read: విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

లండన్‌లో చదివే విద్యార్థులకు ప్రస్తుతం నెలకు సుమారు రూ.1.95 లక్షలు మెయింటనెన్స్ ఫండ్స్ ఉండగా, నవంబర్ 30 నుంచి ఇది సుమారు రూ.2.01 లక్షలు పెరగనుంది. దీని ప్రకారం 9 నెలల కాలానికి గరిష్టంగా రూ.18.06 లక్షలు నిధులు అకౌంట్‌లో చూపించాలి. లండన్ బయట చదివే విద్యార్థులకు ప్రస్తుతం నెలకు రూ.1.49 లక్షలు ఉండగా, నవంబర్ 30 నుండి రూ.1.53 లక్షలకు పెరిగింది. దీనితో 9 నెలల కాలానికి మొత్తం రూ.14 లక్షలు అకౌంట్‌లో చూపించాలి.

Also Read: నీట్ పీజీ ఎగ్జామ్, మారథాన్ నిర్వహణ.. నేడు హైదరాబాద్‌లో ట్రాఫిక్ ఆంక్షలు

నవంబర్ 30 నుంచి

నవంబర్ 29, 2026 లోపు దరఖాస్తు చేసుకునే విద్యార్థులకు పాత నిబంధనలే వర్తిస్తాయి. నవంబర్ 30 లేదా ఆ తర్వాత దరఖాస్తు చేసుకునే వీసాలకు మాత్రమే ఈ కొత్త ఫండ్ నిబంధనలు అమలవుతాయి. యూకేలోని స్థానిక విద్యార్థుల రుణాలు, పెరుగుతున్న ద్రవ్యోల్బణానికి అనుగుణంగా ప్రతీ ఏటా ఈ సమీక్ష చేస్తారని, విదేశీ విద్యార్థుల విసా నిబంధనలు దుర్వినియోగం కాకుండా అరికట్టేందుకే ఈ నిర్ణయం తీసుకున్నామని యూకే హోమ్ ఆఫీస్ స్పష్టం చేసింది.

Also Read: మద్యం మత్తులో నీట్ ఎగ్జామ్ రాసేందుకు వెళ్లిన విద్యార్థి.. వెనక్కి పంపిన సిబ్బంది

NEET PG Exam 2026: మద్యం మత్తులో నీట్ ఎగ్జామ్ రాసేందుకు వెళ్లిన విద్యార్థి.. వెనక్కి పంపిన సిబ్బంది

Shankar Dukanam — Sun, 30 Aug 2026 10:33:34 +0530

హైదరాబాద్: దేశవ్యాప్తంగా ప్రతిష్టాత్మక నీట్ పీజీ 2026 ఎంట్రన్స్ టెస్ట్ ఆదివారం ఉదయం ప్రశాంతంగా ప్రారంభమైంది. అయితే, రంగారెడ్డి జిల్లా శేరిగూడలోని ఒక పరీక్షా కేంద్రం వద్ద ఓ విచిత్ర సంఘటన చోటుచేసుకుంది. ఒక అభ్యర్థి మద్యం సేవించి నీట్ పీజీ పరీక్ష రాసేందుకు ఎగ్జామ్ సెంటర్‌కు వచ్చాడు. అతని ప్రవర్తన గమనించిన పరీక్షా కేంద్ర సిబ్బంది, మద్యం మత్తులో ఉన్నట్లు గుర్తించి ఆ విద్యార్థిని లోపలికి అనుమతించకుండా వెనక్కి పంపించివేశారు.

ఈ ఏడాది నీట్ పీజీ పరీక్షను దేశవ్యాప్తంగా మొత్తం 1,300 కేంద్రాల్లో నిర్వహిస్తున్నారు. ఇందులో భాగంగా తెలంగాణ రాష్ట్రవ్యాప్తంగా 56 కేంద్రాలను ఏర్పాటు చేసి ఎగ్జామ్ నిర్వహిస్తున్నారు. ఉదయం 9 గంటల నుంచి మధ్యాహ్నం 12:30 గంటల వరకు కంప్యూటర్ బేస్డ్ టెస్ట్ (CBT) పద్ధతిలో ఈ పరీక్ష జరుగుతుంది. ఇక పరీక్షా సమయానికి అభ్యర్థులు సకాలంలో చేరుకోవడానికి ప్రయత్నించడంతో పలు ప్రధాన మార్గాల్లో తీవ్ర ట్రాఫిక్ జామ్ ఏర్పడి వాహనదారులు, విద్యార్థులు కొంత అసౌకర్యానికి గురయ్యారు.

నీట్ పీజీ ఎగ్జామ్.. అక్రమాలకు తావులేకుండా పటిష్ట భద్రత, సంస్కరణలు

పరీక్షల నిర్వహణలో పారదర్శకత, భద్రతకు అత్యధిక ప్రాధాన్యత ఇస్తున్నట్లు కేంద్ర మంత్రి జేపీ నడ్డా స్పష్టం చేశారు. ఎన్‌బీఈఎంఎస్, టెక్నాలజీ భాగస్వాముల సంసిద్ధతను సమీక్షించిన ఆయన, ఎలాంటి అవాంఛనీయ ఘటనలు జరగకుండా చూడాలని అధికారులను ఆదేశించారు. సోషల్ మీడియాలో వచ్చే పేపర్ లీక్ వదంతులను నమ్మవద్దని, పరీక్షకు కొద్ది సమయం ముందు మాత్రమే అత్యంత సురక్షితమైన, ఎన్‌క్రిప్టెడ్ విధానంలో ఫైనల్ ఎగ్జామ్ పేపర్ ఎంపిక చేస్తామని తెలిపారు. కేవలం అధికారిక ప్రకటనలనే విశ్వసించాలని అభ్యర్థులకు విజ్ఞప్తి చేశారు.

ఈసారి పరీక్షల సమగ్రతను కాపాడేందుకు పటిష్ఠమైన భద్రతా ఫ్రేమ్‌వర్క్‌ను అధికారులు అమలు చేస్తున్నారు. దేశవ్యాప్తంగా సీసీటీవీ నిఘా, బయోమెట్రిక్ వెరిఫికేషన్, సిగ్నల్ జ్యామర్లు, డైనమిక్ కంప్యూటర్ కేటాయింపు వంటి చర్యలు చేపట్టారు. పరీక్షల ప్రత్యక్ష పర్యవేక్షణకు సెంట్రల్, రీజనల్ కమాండ్ సెంటర్లను ఏర్పాటు చేసి, 60,000 మందికి పైగా సిబ్బందిని నియమించారు. వేలిముద్రలు సరిపోలని పక్షంలో ఐరిస్ ఆధారిత బయోమెట్రిక్ వెరిఫికేషన్‌ను ప్రత్యామ్నాయంగా తీసుకుంటూ విద్యార్థులకు ఇబ్బంది కలగకుండా చర్యలు చేపట్టారు.

టైమ్ పెంచి నీట్ పీజీ నిర్వహణ

విద్యార్థుల సౌలభ్యం కోసం సొంత రాష్ట్రంతో పాటు మరో రెండు రాష్ట్రాలను పరీక్షా కేంద్రాలుగా ఎంచుకునే వెసులుబాటు కల్పించారు. పరీక్ష జరిగే నగరం వివరాలను 3 వారాల ముందే తెలియజేయడంతో ప్రయాణ ఏర్పాట్లకు తగినంత సమయం లభించింది. పరీక్షా విధానంలో మార్పులు చేసి 210 నిమిషాల్లో 180 ప్రశ్నలకు సమాధానమిచ్చేలా సమయాన్ని పెంచారు. రిజిస్ట్రేషన్, పరీక్ష నిర్వహణలో ఆధార్ ఆధారిత గుర్తింపును నిర్వాహకులు తప్పనిసరి చేశారు.

NEET PG Exam: నీట్ పీజీ ఎగ్జామ్, మారథాన్ నిర్వహణ.. నేడు హైదరాబాద్‌లో ట్రాఫిక్ ఆంక్షలు

Shankar Dukanam — Sun, 30 Aug 2026 06:35:17 +0530

హైదరాబాద్: నీట్ పీజీ (NEET PG 2026) పరీక్ష జరగనున్న నేపథ్యంలో ఆదివారం (ఆగస్టు 30న) హైదరాబాద్‌ నగరంలో పలు ప్రాంతాల్లో భారీగా ట్రాఫిక్‌ రద్దీ ఉండే అవకాశం ఉందని ట్రాఫిక్ పోలీసులు వెల్లడించారు. నేటి ఉదయం 7 గంటల నుంచే మెయిన్ జంక్షన్ల వద్ద వాహనాల రాకపోకలు పెరిగే అవకాశం ఉండటంతో నగరంలోని 4 కీలక పరీక్షా కేంద్రాల సమీపంలో ప్రత్యేక ట్రాఫిక్ నిఘా ఏర్పాటు చేశారు. ముఖ్యంగా ప్యారడైజ్ సర్కిల్, తాజ్‌మహల్ జంక్షన్, కింగ్ కోఠి, బండ్లగూడలతో పాటు రేతిబౌలి, నానల్‌నగర్, దుర్గానగర్, కేఎఫ్‌సీ జంక్షన్ల మార్గాల్లో వెళ్లే ప్రయాణికులు అప్రమత్తంగా ఉండాలని సూచించారు.

హైదరాబాద్ మారథాన్ రన్

మరోవైపు ఆదివారం ఉదయాన్నే నిర్వహించే "హైదరాబాద్ రన్నర్స్ మారథాన్ రన్-2026" దృష్ట్యా షేక్‌పేట్‌లోని జి. నారాయణమ్మ ఇంజినీరింగ్ కాలేజ్ కేంద్రానికి వెళ్లే విద్యార్థుల కోసం పోలీసులు ప్రత్యేక ప్రత్యామ్నాయ మార్గాలను కేటాయించారు. బోరబండ, మధురానగర్, కల్యాణ్‌నగర్, యూసుఫ్‌గూడ ప్రాంతాల నుంచి వచ్చే అభ్యర్థులు జూబ్లీహిల్స్ మీదుగా చేరుకోవాలని ట్రాఫిక్ పోలీసులు తెలిపారు. అలాగే సైబరాబాద్ వైపు నుంచి దుర్గం చెరువు కేబుల్ బ్రిడ్జి (Cable Bridge) మీదుగా వచ్చే వాహనదారులు రోడ్ నంబర్ 45- 51 రూట్ ఎంచుకోవాలని, బంజారాహిల్స్ రోడ్ నంబర్లు 14, 10, 12 నుంచి ప్రయాణించే వారు అగ్రసేన్ ఐలాండ్ - ఫిల్మ్‌నగర్ రోడ్డును ఉపయోగించుకోవాలని ట్రాఫిక్ పోలీసులు స్పష్టం చేశారు.

#HYDTPinfo
🚦 Traffic Advisory | NEET-PG Examination 2026

Commuters, please make a note of the Traffic Advisory in connection with the NEET-PG Examination 2026 being conducted at various centres in Hyderabad on 30.08.2026.

⏰ Expected time of moderate traffic congestion: 09:00… pic.twitter.com/KeaB6T5SXy
— Hyderabad Traffic Police (@HYDTP) August 29, 2026

ట్రాఫిక్ హెల్ప్ లైన్ నెంబర్ ఏర్పాటు

ఏదైనా అత్యవసర ప్రయాణం లేదా సమాచారం కోసం ట్రాఫిక్ హెల్ప్‌లైన్ నంబర్‌ 9010203626ను సంప్రదించాలని ట్రాఫిక్ పోలీసులు సూచించారు. అభ్యర్థులు సకాలంలో కేంద్రాలకు చేరుకునేలా పరీక్ష రాసే విద్యార్థులు కాస్త ముందుగానే ఇళ్ల నుంచి బయలుదేరాలన్నారు. రద్దీగా ఉండే ప్రాంతాలను కాకుండా సూచించిన ప్రత్యామ్నాయ మార్గాల్లో ప్రయాణించి ఎగ్జామ్ సెంటర్లకు ముందుగానే చేరేకోవాలని పోలీసులు విజప్తి చేశారు.

ఎంబీబీఎస్ విద్యార్థిని విషం తాగి ఆత్మహత్య

హైదరాబాద్‌లోని ఆర్‌టీసీ క్రాస్ రోడ్స్ సమీపంలో ఉన్న అపరాజిత హాస్టల్‌లో తీవ్ర విషాదం నెలకొంది. కొన్ని గంటల్లో నీట్ పీజీ ఎగ్జామ్ ఉండగా, తీవ్ర మానసిక ఒత్తిడి తట్టుకోలేక కర్నూలుకు చెందిన ప్రముఖ వ్యాపారి రామ్మోహన్ రెడ్డి ఏకైక కుమార్తె, ఎంబీబీఎస్ విద్యార్థిని యశ్విత విషం తాగి ఆత్మహత్య చేసుకుంది. గత 6నెలలుగా ఆమె హైదరాబాద్‌లోనే ఉంటూ పరీక్షకు సిద్ధమవుతోంది. పరీక్షల భయమే కారణమని భావిస్తున్నారు.

Mahatma Jyothiba Phule Overseas Vidya Nidhi: విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

Satyaprasad Bandaru — Sat, 29 Aug 2026 09:52:03 +0530

Mahatma Jyothiba Phule Overseas Vidya Nidhi: తెలంగాణ ప్రభుత్వం బీసీ, ఈబీసీ విద్యార్థులకు గుడ్ న్యూస్ చెప్పింది. విదేశాల్లో ఉన్నత విద్య (మాస్టర్స్, పీహెచ్‌డీ) చదవాలనుకునే విద్యార్థుల కోసం మహాత్మా జ్యోతిబా ఫులే ఓవర్సీస్ విద్యానిధి (Mahatma Jyothiba Phule Overseas Vidya Nidhi) పథకాన్ని అమలు చేస్తోంది. ఈ పథకానికి సెప్టెంబర్ 1,2026 నుంచి అప్లికేషన్లు ఆహ్వానిస్తున్నారు. ఈ పథకం ద్వారా విదేశాల్లో ఉన్నత విద్య చదవాలనుకునే బీసీ, ఈబీసీ విద్యార్థులు ఆగస్టు,సెప్టెంబర్‌ ఫాల్‌ సెషన్‌ కోసం అప్లై చేసుకోవచ్చు. అప్లికేషన్లు సెప్టెంబర్‌ 1 నుంచి 30వ తేదీ వరకు కొనసాగుతాయి.

ముఖ్యమైన ప్రయోజనాలు

ఈ పథకం కింద ఎంపికైన ప్రతి విద్యార్థికి గరిష్టంగా రూ.20 లక్షల వరకు స్కాలర్‌షిప్ గ్రాంట్‌ ఇస్తారు.
విదేశాలకు వెళ్లేందుకు వన్-వే ఎకానమీ క్లాస్ విమాన టికెట్ ఛార్జీలు ఇస్తారు.
వీసా ప్రక్రియకు సంబంధించిన ఛార్జీలను రీయింబర్స్ చేస్తారు.
ఈ గ్రాంటును రెండు విడతలుగా విద్యార్థి లేదా విదేశీ వర్సిటీ బ్యాంకు ఖాతాలో డిపాజిట్ చేస్తారు.

Also Read: ఉన్నత చదువుల కోసం రూ.15 లక్షల లోన్.. గురూజీ స్టూడెంట్ క్రెడిట్ కార్డు స్కీమ్ గురించి తెలుసా?

అర్హతలు

దరఖాస్తుదారులు తెలంగాణ రాష్ట్రానికి చెందిన బీసీ లేదా ఈబీసీ వర్గానికి చెందినవారై ఉండాలి.
నోటిఫికేషన్ వచ్చే నాటికి 35 ఏళ్లలోపు వయస్సు ఉండాలి.
కుటుంబ వార్షిక ఆదాయం రూ. 5 లక్షలు మించకూడదు.
ఒక కుటుంబం నుండి ఒక్క విద్యార్థికి మాత్రమే ఈ పథకం వర్తిస్తుంది.
జీఆర్‌ఈ-260 లేదా జీమ్యాట్‌-500 స్కోర్ ఉండాలి.
టోఫెల్‌ -60 మార్కులు లేదా ఐఈఎల్‌టీఎస్‌-6.0 లేదా పీటీఈ-50 మార్కుల స్కోర్ ఏదైనా కలిగి ఉండాలి.
పీజీ కోసం: ఇంజినీరింగ్, మేనేజ్‌మెంట్, సైన్స్, అగ్రికల్చర్, మెడిసిన్, నర్సింగ్, హ్యుమానిటీస్‌లో 60% లేదా అంతకంటే ఎక్కువ మార్కులతో డిగ్రీ ఉత్తీర్ణత సాధించాలి.
పీహెచ్డీ కోసం: పీజీ కోర్సులో 60% మార్కులు సాధించాలి
యూఎస్ఏ, యూకే, ఆస్ట్రేలియా, కెనడా, సింగపూర్, జర్మనీ, జపాన్, న్యూజిలాండ్, ఫ్రాన్స్ వంటి గుర్తింపు పొందిన విదేశీ యూనివర్సిటీల్లో అడ్మిషన్ పొంది ఉండాలి.
జీఆర్ఈ, జీమ్యాట్, TOEFEL/IELTS/PTE స్కోర్లు కలిగి ఉండాలి.

Also Read: డిగ్రీ, డిప్లొమా విద్యార్థినులకు రూ.30 వేలు.. అజీమ్ ప్రేమ్ జీ స్కాలర్‌షిప్ అప్లై ప్రాసెస్ ఇదే!

కావలసిన డాక్యుమెంట్స్

ఆధార్ కార్డు, నేటివిటీ సర్టిఫికెట్
కుల ధ్రువీకరణ పత్రం
ఆదాయ ధ్రువీకరణ పత్రం
SSC, ఇంటర్, డిగ్రీ/పీజీ మార్కుల మెమోలు, ప్రొవిజనల్ సర్టిఫికెట్లు
GRE / GMAT, TOEFL / IELTS / PTE స్కోర్ కార్డులు
విదేశీ యూనివర్సిటీ అడ్మిషన్ లెటర్
పాస్‌పోర్ట్ కాపీ
పాస్‌పోర్ట్ సైజ్ ఫొటో, సంతకం
బ్యాంకు పాస్‌బుక్ (తెలంగాణలో)

ఈ విడతలో మొత్తం 350 మంది విద్యార్థులను ఎంపిక చేయనున్నారు. వీరిలో 250 మంది బీసీ విద్యార్థులు, మిగతా 100 మంది ఈబీసీకి చెందినవారు ఉంటారని అధికారులు తెలిపారు. అర్హులైన విద్యార్థులు నిర్ణీత గడువులోగా దరఖాస్తు చేసుకోవాలని బీసీ సంక్షేమ శాఖ సూచించింది. మరిన్ని వివరాల కోసం తెలంగాణ ఈ-పాస్ వెబ్‌సైట్‌ను సందర్శించాలని తెలిపింది.
Also Read: నీట్ ఫ్రీ లాంగ్ టర్మ్ కోచింగ్.. అభ్యర్థుల నుంచి దరఖాస్తులు ఆహ్వానించిన TGSWREIS

NTA New Director: NTAలో కీలక మార్పులు! కొత్త డైరెక్టర్లలో ఒకరు ఏపీ ఐఏఎస్‌ ప్రసన్న వెంకటేష్!

Khagesh — Fri, 28 Aug 2026 18:58:53 +0530

NTA New Director Prasanna Venkatesh:జాతీయ పరీక్షల ఏజెన్సీని బలోపేతం చేసి, పునర్నిర్మించే ప్రయత్నంలో భాగంగా కేంద్ర ప్రభుత్వం ఇద్దరు డైరెక్టర్లను, ఒక జాయింట్ డైరెక్టర్‌ను నియమించింది. ఆగస్టు 27న ఈ ఉత్తర్వు జారీ కాగా, నియామకాల వివరాలు ఈరోజు వెల్లడయ్యాయి. పోటీ పరీక్షలకు సంబంధించిన వివాదాల నేపథ్యంలో ఎన్‌టీఏపై కొనసాగుతున్న పరిశీలన, ఏజెన్సీని సంస్కరించడానికి ప్రభుత్వం చేస్తున్న ప్రయత్నాల మధ్య ఈ చర్య తీసుకున్నారు.

జాతీయ పరీక్షా సంస్థలో కొత్త నియామకాలు

ఐపీఎస్ అధికారి రవి కుమార్ సింగ్, ఏపీకి చెందిన ఐఏఎస్ అధికారి ప్రసన్న వెంకటేష్ డైరెక్టర్లుగా నియమితులయ్యారు. 2016 బ్యాచ్ ఐఆర్ఎస్ అధికారి అయిన అమిత్ సమదరియా జాయింట్ డైరెక్టర్‌గా నియమితులయ్యారు. ఉత్తర్వు జారీ అయిన 3 వారాలలోగా ఆ ముగ్గురు అధికారులు తమ విధులను చేపట్టాలని ఆదేశించారు. నిర్దేశించిన సమయంలోగా వారు విధుల్లో చేరని పక్షంలో, వారిని కేంద్ర సిబ్బంది నియామక పథకం నుంచి తొలగించే ప్రక్రియను ప్రారంభిస్తామని కూడా పేర్కొన్నారు.

కొత్తగా నియమితులైన అధికారులు ఎవరు?

ఐపీఎస్ అధికారి రవి కుమార్ సింగ్ ఐదేళ్ల కాలానికి ఎన్‌టీఏ డైరెక్టర్‌గా నియమితులయ్యారు. ఐఏఎస్ అధికారి ప్రసన్న వెంకటేష్ వి కూడా ఐదేళ్ల కాలానికి డైరెక్టర్‌గా నియమితులయ్యారు. 2016 బ్యాచ్ ఐఆర్‌ఎస్ అధికారి అయిన అమిత్ సమదరియా నాలుగేళ్ల కాలానికి జాయింట్ డైరెక్టర్‌గా బాధ్యతలు నిర్వర్తిస్తారు. ఈ నియామకాలను, పరీక్షల సంస్థ పరిపాలనా నిర్మాణాన్ని బలోపేతం చేయడానికి ప్రభుత్వం చేస్తున్న విస్తృత ప్రయత్నంలో భాగంగా పరిగణిస్తున్నారు.

ఎవరీ ప్రసన్న వెంకటేష్‌?

తమిళనాడు రాష్ట్రంలోని తిరిచీ చెందిన ప్రసన్న వెంకటేష్‌ 2012 బ్యాచ్‌ ఐఏఎస్ అధికారి. ఆంధ్రప్రదేశ్ కేడర్‌లో సర్వీస్ ప్రారంభించి ఇప్పుడు ఎన్టీఏ డైరెక్టర్‌ స్థాయికి ఎదిగారు. ఆంధ్రప్రదేశ్‌లో ఆయన ఏలూరు జిల్లా కలెక్టర్‌గా పని చేశారు. విజయవాడ మున్సిపల్ కమిషనర్‌గా కూడా తనదైన ముద్రవేశారు. ఇప్పుడు ఎన్డీఏ డైరెక్టర్‌గా ఐదేళ్లు పని చేయనున్నారు.

జాతీయ పరీక్షా సంస్థ సంస్కరణల కింద మరిన్ని నియామకాలు

పునర్‌వ్యవస్థీకరణ ప్రక్రియ కేవలం సీనియర్ ఎగ్జిక్యూటివ్ నియామకాలకే పరిమితం కాలేదు. నేషనల్ టెస్టింగ్ ఏజెన్సీ నాలుగు జనరల్ మేనేజర్, 16 యంగ్ ప్రొఫెషనల్ పోస్టుల భర్తీకి కూడా ప్రకటన విడుదల చేసింది. ఈ పోస్టుల కోసం యూపీఎస్సీ పోర్టల్ ద్వారా దరఖాస్తులను ఆహ్వానిస్తున్నారు. ఏజెన్సీ సంస్థాగత, పరిపాలనా సామర్థ్యాన్ని బలోపేతం చేయడమే ఈ అదనపు నియామకాల లక్ష్యం.

47 మంది అధికారుల తొలగింపు

NTA అధికారులపై ఇంతకుముందు తీసుకున్న ప్రధాన చర్యల కొనసాగింపుగా ఈ కొత్త చర్యలు తీసుకున్నారు. జూలై 25న, నీట్ పేపర్ లీక్ కేసుకు సంబంధించి ఆ సంస్థ 47 మంది అధికారులను తొలగించింది. ఆ అధికారులపై క్రిమినల్ కేసులు నమోదు చేయనున్నట్లు నివేదికలు సూచిస్తున్నాయి. పరీక్ష చుట్టూ నెలకొన్న వివాదం, అవకతవకల ఆరోపణలపై ఈ చర్య తీసుకున్నారు.

ఏంటీ నీట్ పేపర్ లీక్ కేసు?

ఈ వివాదం, మే 3, 2026న జరిగిన నీట్ యూజీ 2026 పరీక్ష ప్రశ్నపత్రం లీకేజీకి సంబంధించినది. ఈ వివాదంతో ప్రభుత్వం, నేషనల్ టెస్టింగ్ ఏజెన్సీ పరీక్షను రద్దు చేసి, తిరిగి పరీక్షను నిర్వహించాయి. ఈ విషయం విద్యార్థుల్లో తీవ్ర ఆగ్రహాన్ని రేకెత్తించింది, దీని ఫలితంగా బాధ్యులపై జవాబుదారీతనం, చర్యలు తీసుకోవాలని డిమాండ్ చేస్తూ నిరసనలు జరిగాయి. ఈ వివాదం దేశవ్యాప్తంగా విద్యార్థులపై తీవ్ర ప్రభావాన్ని చూపింది, ఈ కాలంలో పలువురు విద్యార్థులు ఆత్మహత్య చేసుకుని మరణించినట్లు రిపోర్టులు వచ్చాయి.

ఢిల్లీలోని జంతర్ మంతర్ వద్ద ప్రదర్శనలతో సహా, ఈ నిరసనలు వారాల తరబడి కొనసాగాయి. కాక్రోచ్‌ జనతా పార్టీ ఒక నెలపాటు నిరసన తెలపగా, సోనమ్ వాంగ్‌చుక్ 26 రోజులపాటు నిరాహార దీక్ష చేపట్టారు. ఈ నిరసనలు ఫలితాలనిచ్చాయి. విద్యాశాఖ మంత్రి ధర్మేంద్ర ప్రధాన్ రాజీనామా చేశారు.

సీబీఐ దర్యాప్తు కొనసాగుతోంది

సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) ప్రస్తుతం పేపర్ లీక్‌పై దర్యాప్తు చేస్తోంది. మహారాష్ట్ర, రాజస్థాన్, ఢిల్లీ సహా పలు రాష్ట్రాల్లో ఈ దర్యాప్తు జరుగుతోంది. ఎందుకంటే, దర్యాప్తు అధికారులు ఈ లీక్‌కు సంబంధించిన విస్తృత నెట్‌వర్క్‌ను, పరిస్థితులను పరిశీలిస్తున్నారు. ఇప్పటివరకు ఈ కేసులో 13 మంది నిందితులను అరెస్టు చేశారు. సీబీఐ త్వరలోనే ఛార్జిషీట్ దాఖలు చేసే అవకాశం ఉంది.

NTA పునర్నిర్మాణం ఎందుకు అవసరమైంది?

జాతీయ పరీక్షల ఏజెన్సీ అనేక ప్రధాన ప్రవేశ, పోటీ పరీక్షలను నిర్వహిస్తుంది. అందువల్ల, దేశవ్యాప్తంగా విద్యాసంస్థలలో ప్రవేశం కోరుకునే లక్షల మంది విద్యార్థులకు దీని పనితీరు కీలకం. ఇద్దరు డైరెక్టర్లు, ఒక జాయింట్ డైరెక్టర్‌ను నియమించడంతోపాటు, జనరల్ మేనేజర్, ఒక యంగ్‌ ప్రొఫెషనల్‌ ఎక్స్‌పర్ట్‌ను నియమించాలనే ప్రతిపాదన, ఏజెన్సీని మరింత బలోపేతం చేసే దిశగా ఒక ప్రధాన ముందడుగుగా చెబుతున్నారు.

Guruji Student Credit Card Scheme: ఉన్నత చదువుల కోసం రూ.15 లక్షల లోన్.. గురూజీ స్టూడెంట్ క్రెడిట్ కార్డు స్కీమ్ గురించి తెలుసా?

Satyaprasad Bandaru — Fri, 28 Aug 2026 18:14:05 +0530

Guruji Student Credit Card Scheme: ఈ రోజుల్లో చదువులంటే భారీ ఖర్చుతో కూడుకున్న వ్యవహారం. చాలా మంది విద్యార్థులు కాలేజీ ఫీజులు, పుస్తకాలు, ఇతర అవసరాలను డబ్బులు లేక ఇబ్బంది పడుతుంటారు. ఇలాంటి విద్యార్థులకు సహాయం చేయడానికి, ఝార్ఖండ్ ప్రభుత్వం గురూజీ స్టూడెంట్ క్రెడిట్ కార్డు స్కీ్మ్ ప్రారంభించింది. ఈ పథకం కింద, అర్హులైన విద్యార్థులు ఉన్నత విద్య కోసం రూ.15 లక్షల వరకు విద్యా రుణాన్ని పొందవచ్చు. ఈ రుణాన్ని ఎలాంటి పూచీకత్తు లేకుండా అందిస్తారు.

గురూజీ స్టూడెంట్ క్రెడిట్ కార్డ్

ఉన్నత విద్యకు డబ్బులు లేకపోవడంతో మధ్యలోనే ఆపేస్తుంటారు విద్యార్థులు. అలాంటి వారి విద్యకు అంతరాయం కలగకుండా చూడటమే గురూజీ స్టూడెంట్ స్కీమ్ ముఖ్య ఉద్దేశ్యం. ఈ పథకం కింద డిప్లొమా, గ్రాడ్యుయేషన్, ఉన్నత చదువుల కోసం గరిష్ఠంగా రూ.15 లక్షల వరకు విద్యా రుణాలను పొందవచ్చు.

ఎవరు దరఖాస్తు చేసుకోవచ్చు?

ఈ పథకానికి దరఖాస్తు చేసుకోవడానికి.. డిప్లొమా విద్యార్థులు ఝార్ఖండ్‌లోని గుర్తింపు పొందిన పాఠశాల నుంచి 10వ తరగతిలో ఉత్తీర్ణులై ఉండాలి. గ్రాడ్యుయేషన్ లేదా ఉన్నత విద్య కోసం, ఝార్ఖండ్‌లో గుర్తింపు పొందిన పాఠశాల నుంచి 10, 12వ తరగతులు రెండింటిలోనూ ఉత్తీర్ణులై ఉండాలి. దరఖాస్తు చేసే సమయానికి విద్యార్థి వయస్సు 40 సంవత్సరాల కంటే ఎక్కువ ఉండకూడదు. అంతేకాకుండా, విద్యార్థులు జాయిన్ అయ్యే కాలేజీ లేదా విద్యాసంస్థ ఈ పథకానికి అర్హత కలిగి ఉండాలి.

ఆన్‌లైన్‌ దరఖాస్తు విధానం

విద్యార్థులు అధికారిక గురూజీ స్టూడెంట్ క్రెడిట్ కార్డ్ పోర్టల్‌లో అప్లై చేసుకోవచ్చు. ముందుగా, రిజిస్టరేషన్ చేసుకోవాలి. ఆ తర్వాత విద్యార్థి పేరు, అడ్సస్, ఆధార్, మొబైల్ నెంబర్, కాలేజీ, కోర్సు, బ్యాంకు వివరాలను ఎంటర్ చేయాలి. ఆ తర్వార రుణం కోసం బ్యాంకును ఎంచుకోవాలి.

Also Read: డిగ్రీ, డిప్లొమా విద్యార్థినులకు రూ.30 వేలు.. అజీమ్ ప్రేమ్ జీ స్కాలర్‌షిప్ అప్లై ప్రాసెస్ ఇదే!

కావాల్సిన డాక్యుమెంట్స్?

అప్లై చేసుకున్న సమయంలో 10, 12వ తరగతి మార్క్ షీట్లు, సర్టిఫికెట్లు, ఆధార్ కార్డు, ఫోటో, సంతకం అప్లోడ్ చేయాలి. కాలేజీ అడ్మిషన్ రుజువు, ఫీజుకు సంబంధించిన డాక్యుమెంట్, బ్యాంకు అకౌంట్, అవసరమైన పత్రాలను సబ్మిట్ చేయాల్సి ఉంటుంది.

Also Read: 8.7 కోట్ల మంది యువత చదువులో, ఉద్యోగంలోనూ లేరు! నీతి ఆయోగ్ సంచలన నివేదిక

లోన్, వడ్డీ

ఈ స్కీమ్ కింద రూ.15 లక్షల వరకు ఎడ్యుకేషన్ రుణం పొందవచ్చు. ప్రభుత్వ వడ్డీ రాయితీ తర్వాత విద్యార్థులకు వడ్డీ రేటు 3 నుంచి 4 శాతం వరకు ఉండొచ్చు. లోన్ అప్రూవ్ బ్యాంకు వెరిఫికేషన్, నిబంధనలపై ఆధారపడి ఉంటుంది.

Also Read: నీట్ ఫ్రీ లాంగ్ టర్మ్ కోచింగ్.. అభ్యర్థుల నుంచి దరఖాస్తులు ఆహ్వానించిన TGSWREIS