Adilabad News: తండ్రితో కలిసి కిచిడి బండి నడుపుతూ ఎంబీబీఎస్ సీటు సాధించిన కుమారులు.. ABP Desam Exclusive

FCRI Admissions 2026: ములుగు ఎఫ్‌సీఆర్ఐ ఎంఎస్సీ, పీహెచ్‌డీ ఫారెస్ట్రీ కోర్సుల్లో ప్రవేశాలు.. అర్హతలు, సీట్లు వివరాలు ఇలా!

Satyaprasad Bandaru — Wed, 21 Oct 2026 10:52:11 +0530

FCRI Admissions 2026: సిద్దిపేట జిల్లా ములుగులోని ఫారెస్ట్ కాలేజీ అండ్ రీసెర్చ్ ఇన్‌స్టిట్యూట్‌లో 2026–2027 విద్యా సంవత్సరానికి ఎంఎస్సీ ఫారెస్ట్రీ, పీహెచ్‌డీ ఫారెస్ట్రీ కోర్సులలో ప్రవేశాలకు నోటిఫికేషన్ విడుదలైంది.

1. ఎంఎస్సీ ఫారెస్ట్రీ (2 ఇయర్స్ ప్రోగ్రామ్ - 4 సెమిస్టర్లు)

మొత్తం సీట్లు: 16

అర్హతలు:

B.Sc. (Hons.) ఫారెస్ట్రీ డిగ్రీలో కనీసం 7.0 OGPA ఉండాలి (SC/ST/PH అభ్యర్థులకు 6.5 OGPA ఉంటే చాలు).
ICAR-AIEEA-PG 2026 లో అర్హత సాధించి ఉండాలి.

ఎంపిక విధానం:

ఎంట్రన్స్ ఎగ్జామ్‌లో 50% స్కోరు + 50% డిగ్రీ అకడమిక్ రికార్డు ఆధారంగా సెలక్షన్ ఉంటుంది.

సీట్ల కేటాయింపు:

ఫారెస్ట్ బయాలజీ అండ్ ట్రీ ఇంప్రూవ్‌మెంట్: 4 సీట్లు
ఫారెస్ట్ ప్రొడక్ట్స్ అండ్ యుటిలైజేషన్: 2 సీట్లు
ఫారెస్ట్ రీసోర్స్ మేనేజ్‌మెంట్: 7 సీట్లు
సిల్వికల్చర్ అండ్ అగ్రోఫారెస్ట్రీ: 3 సీట్లు

2. Ph.D. ఫారెస్ట్రీ (3 సంవత్సరాల ప్రోగ్రామ్ - 6 సెమిస్టర్లు)

మొత్తం సీట్లు: 10 (7 రెగ్యులర్ + 3 ఇన్-సర్వీస్)

అర్హతలు (రెగ్యులర్ అభ్యర్థులకు):

ICAR/UGC గుర్తింపు పొందిన యూనివర్సిటీ నుండి ఫారెస్ట్రీ లేదా తత్సమాన మాస్టర్స్ డిగ్రీలో కనీసం 7.0 OGPA ఉండాలి (SC/ST/PH అభ్యర్థులకు 6.0 OGPA చాలు).
ICAR-AICE-JRF/SRF ఫారెస్ట్రీ 2026 పరీక్షలకు హాజరై ఉండాలి.
UGC-JRF / CSIR-JRF / DBT-JRF / DST INSPIRE-JRF / GATE అర్హత ఉన్న వారికి ప్రాధాన్యత ఇస్తారు.

ఎంపిక విధానం:

ఎంట్రన్స్ ఎగ్జామ్‌లో 60% స్కోరు + 40% మాస్టర్స్ డిగ్రీ స్కోరు ఆధారంగా సెలక్షన్ ఉంటుంది.

విభాగాల వారీగా సీట్ల కేటాయింపు:

సిల్వికల్చర్ అండ్ అగ్రోఫారెస్ట్రీ: 2 సీట్లు
ఫారెస్ట్ బయాలజీ అండ్ ట్రీ ఇంప్రూవ్‌మెంట్: 2 సీట్లు
ఫారెస్ట్ ప్రొడక్ట్స్ అండ్ యుటిలైజేషన్: 1 సీటు
ఫారెస్ట్ రీసోర్స్ మేనేజ్‌మెంట్: 2 సీట్లు
ఇన్-సర్వీస్ కేటగిరీ: 3 సీట్లు

రిజర్వేషన్లు: 85% సీట్లు స్థానికులకు, 15% సీట్లు అన్‌రిజర్వ్‌డ్‌కు కేటాయిస్తారు.

ముఖ్యమైన తేదీలు, అప్లికేషన్ ఫీజు

ఆన్‌లైన్ దరఖాస్తులు ప్రారంభం: అక్టోబర్ 20 నుంచి
లేటు ఫీజు లేకుండా చివరి తేదీ: నవంబర్ 4
ఆలస్య రుసుముతో (రూ.500) చివరి తేదీ: నవంబర్ 10 (సాయంత్రం 5:00 గంటల వరకు)
అప్లికేషన్ ఫీజు :SC/ST/PH అభ్యర్థులకు: రూ.1,000
ఇతరులకు: రూ.2,000
Also Read: పైలట్ కావాలంటే 10 తర్వాత ఏం చదవాలి? కోర్సు, ట్రైనింగ్, జీతం పూర్తి వివరాలు ఇవే

దరఖాస్తు చేయడం ఎలా?

అధికారిక వెబ్‌సైట్ www.fcrihyd.in ను విజిట్ చేయండి. అడ్మిషన్ నోటిఫికేషన్, అర్హతలు, సీట్ల వివరాలు, ఫీజుల సమాచారాన్ని పూర్తిగా చదవండి. అర్హతను సరిచూసుకుని, అవసరమైన పత్రాలతో ఆన్‌లైన్ లో సబ్మిట్ చేయండి.

Also Read: సీబీఎస్ఈ 10వ తరగతి విద్యార్థులకు బిగ్ రిలీఫ్.. ఉత్తీర్ణత రూల్స్‌లో మార్పుల్లేవ్!

Talliki Vandanam Phase 2: తల్లికి వందనం రెండో విడత లబ్ధిదారులు ఖరారు.. నిధుల విడుదలకు ఉత్తర్వులు జారీ

Satyaprasad Bandaru — Sat, 10 Oct 2026 17:02:42 +0530

Talliki Vandanam Phase 2: ఏపీ ప్రభుత్వం ప్రతిష్టాత్మకంగా అమలు చేస్తున్న 'తల్లికి వందనం' పథకం రెండో విడత నిధుల జమకు రంగం సిద్ధమైంది. మొదటి విడతలో వివిధ కారణాలు, కొత్త అడ్మిషన్ల వల్ల నిధులు అందని విద్యార్థుల కోసం పరిశీలనలు, ఫిర్యాదుల పరిష్కారం ప్రక్రియ పూర్తయింది. ఈ నేపథ్యంలో రెండో విడత లబ్ధిదారుల జాబితాను రాష్ట్ర ప్రభుత్వం ఖరారు చేసింది.

2వ విడతలో 3.29 లక్షల మంది

మొదటి విడత నిధులు విడుదల సమయానికి పాఠశాలల్లో 1వ తరగతి, జూనియర్ కాలేజీల్లో ఇంటర్మీడియట్ మొదటి సంవత్సరంలో కొత్తగా చేరిన విద్యార్థులు, అలాగే ఆధార్, బ్యాంకు ఖాతా వివరాలలో సవరణలు చేసుకున్న విద్యార్థుల వివరాలను అధికారులు పరిశీలించారు. ఫిర్యాదుల పరిష్కారం అనంతరం, రెండో విడతలో మొత్తం 3,29,201 మంది అర్హులైన లబ్ధిదారులను ప్రభుత్వం సెలెక్ట్ చేసింది.
వీరికి 2026-27 విద్యా సంవత్సరానికి సంబంధించిన రూ.10,208.69 కోట్లు విడుదల చేయడానికి రాష్ట్ర ప్రభుత్వం ఉత్తర్వులు జారీ చేసింది.

కార్పొరేషన్ల వారీగా రెండో విడతకు అర్హులైన లబ్ధిదారులు

కార్పొరేషన్ - అర్హులైన పిల్లలు

AP మైనారిటీస్ కార్పొరేషన్ - 4,283
ఆర్య వైశ్య కార్పొరేషన్- 3,708
BC A కార్పొరేషన్- 53,506
BC B కార్పొరేషన్ - 35,399
BC C కార్పొరేషన్ - 874
BC D కార్పొరేషన్ - 43,317
BC E కార్పొరేషన్ - 25,252
బ్రాహ్మణ కార్పొరేషన్ - 1,583
EBC కార్పొరేషన్ - 7,180
కమ్మ కార్పొరేషన్ - 6,889
కాపు కార్పొరేషన్ - 25,963
క్షత్రియ కార్పొరేషన్ - 1,104
రెడ్డి కార్పొరేషన్ - 11,201
ఎస్సీ కార్పొరేషన్ - 74,760
ST కార్పొరేషన్ - 34,182
మొత్తం విద్యార్థులు - 3,29,201

ఆర్థిక సాయం

తల్లికి వందనం పథకం కింద అర్హులైన ప్రతి విద్యార్థికి ఏటా రూ.15,000 ఆర్థిక సాయం అందిస్తుంది ప్రభుత్వం. ఇందులో రూ.13,000 నేరుగా తల్లి లేదా సంరక్షకుడి ఆధార్‌తో లింక్ అయిన బ్యాంకు ఖాతాలో జమ చేస్తారు. మిగిలిన రూ.2,000లను సంబంధిత స్కూల్ లేదా కాలేజీ అభివృద్ధి, పారిశుద్ధ్యం, ఇతర మౌలిక వసతుల నిర్వహణ నిధి కింద మినహాయిస్తారు. ఒకే ఇంట్లో ఎంతమంది పిల్లలు చదువుకుంటున్నా, అర్హత ఉంటే ప్రతి ఒక్కరికీ ఈ పథకం వర్తిస్తుంది.

Also Read: ఏపీ కేబినెట్ భేటీ- బీసీలకు రిజర్వేషన్లపై మిశ్రా కమిషన్ నివేదికపై కీలక చర్చ

ఎవరు అర్హులు?

ఒకటో తరగతి నుండి ఇంటర్మీడియట్ వరకు ప్రభుత్వ, ఎయిడెడ్, ప్రైవేట్స, రెసిడెన్షియల్ పాఠశాలల్లో చదువుతున్న విద్యార్థులు అర్హులు.
విద్యార్థికి కనీసం 75% పాఠశాల హాజరు తప్పనిసరి.
కుటుంబ వార్షిక ఆదాయం, విద్యుత్ వినియోగం (300 యూనిట్ల కంటే తక్కువ), పరిమితికి లోబడి ఉన్న భూమి అనుగుణంగా ఉండాలి.
లబ్ధిదారులు ఇవి చెక్ చేసుకోండి
డబ్బులు జమ అయ్యే సమయంలో ఎలాంటి సాంకేతిక సమస్యలు రాకుండా లబ్ధిదారులు ఈ విషయాలు చెక్ చేసుకోవాలని అధికారులు సూచిస్తున్నారు.
తల్లి లేదా సంరక్షకురాలి బ్యాంకు ఖాతా తప్పనిసరిగా ఆధార్, NPCI తో మ్యాప్ అయి ఉండాలి.
మీ గ్రామ/వార్డు సచివాలయంలో లేదా విద్యాశాఖ పోర్టల్‌లో మీ పేరు అర్హుల జాబితాలో ఉందో లేదో చేక్ చేసుకోవాలి.
నిధులు అకౌంట్ లో జమ అయిన వెంటనే రిజిస్టర్డ్ మొబైల్ నంబర్‌కు మెసేజ్ వస్తుంది.

Also Read: స్థానిక సంస్థల ఎన్నికల్లో బీసీ రిజర్వేషన్లపై ఏపీ ప్రభుత్వం స్పష్టత..! ఏ క్షణమైనా నోటిఫికేషన్

AP Dasara Holidays: ఏపీలో ఈ 12 నుంచి దసరా సెలవులు.. అంతకుముందే విద్యార్థులకు పండుగ

Shankar Dukanam — Tue, 6 Oct 2026 07:58:19 +0530

Dasara Holidays for Schools in Andhra Pradesh | అమరావతి: ఆంధ్రప్రదేశ్ విద్యాశాఖ దసరా పండుగ సందర్భంగా విద్యాసంస్థలకు సెలవులను ప్రకటిస్తూ నిర్ణయం తీసుకుంది. అకడమిక్ క్యాలెండర్ ప్రకారం ఈ నెల 12వ తేదీ నుంచి 21వ తేదీ వరకు స్కూళ్లకు సెలవులు ప్రకటించాయి. అక్టోబర్ 10వ తేదీన రెండో శనివారం, 11వ తేదీన ఆదివారం కావడంతో విద్యార్థులకు 2 రోజుల ముందుగానే.. అంటే 10వ తేదీ నుంచే దసరా సెలవులు ప్రారంభం కానున్నాయి.

దసరా శరన్నవరాత్రుల వేడుకల సందర్భంగా విద్యార్థులకు కొన్ని రోజుల సెలవులు లభించనున్నాయి. మొత్తంగా 12 రోజుల పాటు సెలవుల విరామం అనంతరం, ఈ నెల 22వ తేదీన పాఠశాలలు మళ్లీ పునఃప్రారంభమవుతాయని విద్యాశాఖ ఓ ప్రకటనలో వెల్లడించింది. కాగా, క్రిస్టియన్ ఎయిడెడ్ స్కూళ్లకు క్రిస్మస్ సెలవుల ఉంటాయి కనుక ఇలాంటి స్కూళ్లకు దసరా సెలవుల షెడ్యూల్‌లో స్వల్ప మార్పులు ఉంటాయని అధికారులు వెల్లడించారు. విద్యార్థులు మాత్రమే కాదు, టీచర్లు సైతం తమ కుటుంబసభ్యులతో పండుగను ప్రశాంతంగా జరుపుకోవాలన్నారు అధికారులు.

ఇంటర్ కాలేజీలకు సైతం బోర్డ్ షెడ్యూల్ ప్రకారం అక్టోబరు 10 నుంచి 20 వరకు దసరా సెలవులు ఉంటాయి. అంతకుముందే క్వార్టర్లీ ఎగ్జామ్స్ కాలేజీలు నిర్వహించనున్నాయి. దసరా సెలవుల అనంతరం అక్టోబర్ 21న జూనియర్ కాలేజీలు రీఓపెన్ కానున్నాయి. నవంబరు 25 నుంచి 30 వరకు హాఫ్ ఇయర్ ఎగ్జామ్స్ నిర్వహించనున్నారు. ఈ తరువాత వచ్చే ఏడాది జనవరిలో సంక్రాంతికి కూడా ఎక్కువ రోజులు సెలవులు ఉంటాయని తెలిసిందే.

Dasara Holidays 2026: విద్యార్థులకు పండగే.. తెలంగాణలో స్కూళ్లు, కాలేజీలకు ఈ 10 నుంచి దసరా సెలవులు

Shankar Dukanam — Mon, 5 Oct 2026 19:58:02 +0530

Dasara Holidays 2026 In Telangana | హైదరాబాద్: తెలంగాణ రాష్ట్రవ్యాప్తంగా ఉన్న స్కూల్స్, జూనియర్ కాలేజీలకు విద్యాశాఖ దసరా సెలవుల షెడ్యూల్‌ను విడుదల చేసింది. విజయదశమి పండుగ సీజన్‌ను పురస్కరించుకుని అక్టోబర్ 10వ తేదీ నుంచి స్కూల్స్, కాలేజీలకు సెలవులు ప్రారంభం కానున్నాయి. రాష్ట్రంలోని అన్ని ప్రభుత్వ, ప్రైవేటు, ఎయిడెడ్, వివిధ యాజమాన్యాల పరిధిలో నడుస్తున్న స్కూళ్లు, కాలేజీలన్నింటికీ దసరా హాలిడేస్ వర్తిస్తాయని అధికారులు స్పష్టం చేశారు. విద్యార్థులు, ఉపాధ్యాయులు పండుగను కుటుంబ సభ్యులతో సంతోషంగా జరుపుకోవడానికి అనుకూలించేలా ఈ సెలవుల షెడ్యూల్ రూపొందించారు.

పాఠశాలల విభాగానికి వస్తే, స్కూళ్లకు మొత్తం 13 రోజుల పాటు దసరా సెలవులు ఉన్నాయి. ఈ నెల 10వ తేదీన ప్రారంభమయ్యే ఈ హాలిడేస్ అక్టోబర్ 22 వరకు కొనసాగుతాయి. ఆ తర్వాత అక్టోబర్ 23న స్కూల్ తిరిగి ప్రారంభం కానున్నాయి. ప్రాథమిక నుండి ఉన్నత పాఠశాలల వరకు అన్ని విభాగాల విద్యార్థులకు ఈ సెలవుల నిర్ణయం సంతోషాన్ని అందిస్తుంది.

మరొకవైపు, తెలంగాణ ఇంటర్మీడియట్ బోర్డు క్యాలెండర్ ప్రకారం జూనియర్ కాలేజీలకు 12 రోజుల పాటు దసరా సెలవులు కేటాయించారు. ఇంటర్ కాలేజీలకు అక్టోబర్ 10వ తేదీ నుంచి 21 వరకు హాలిడేస్ ఉంటాయి. అనంతరం అక్టోబర్ 22వ తేదీన జూనియర్ కాలేజీలు తిరిగి తెరుచుకోనున్నాయి. బోర్డు పరిధిలోని ప్రభుత్వ, కార్పొరేట్, ప్రైవేట్ జూనియర్ కాలేజీలు అన్నింటికీ ఈ హాలిడేస్ షెడ్యూల్ వర్తిస్తుంది.

ఈ సెలవుల అమలుపై విద్యాశాఖ అధికారులు కఠిన ఆదేశాలు జారీ చేశారు. ప్రభుత్వం ప్రకటించిన హాలిడేస్ షెడ్యూల్‌ను అన్ని విద్యాసంస్థలు తప్పనిసరిగా పాటించాలని తేల్చిచెప్పారు. దసరా సెలవులలో విద్యార్థులకు ఎలాంటి స్పెషల్ క్లాసెస్ నిర్వహించకూడదని విద్యాశాఖ స్పష్టమైన ఆదేశాలు జారీ చేసింది. ఈ నిబంధనలను ఉల్లంఘించే విద్యా సంస్థల యాజమాన్యాలపై కఠిన చర్యలు ఉంటాయని అధికారులు హెచ్చరించారు.

Pilot Career : పైలట్ కావాలంటే 10 తర్వాత ఏం చదవాలి? కోర్సు, ట్రైనింగ్, జీతం పూర్తి వివరాలు ఇవే

Geddam Vijaya Madhuri — Mon, 5 Oct 2026 10:41:36 +0530

Commercial Pilot Career in India : ఆకాశంలో విమానం ఎగరడం చూసి మీరు ఎప్పుడైనా పైలట్ అవ్వాలని కలలు కన్నారా? అయితే మీరు విమానయాన రంగం కెరీర్గా ఎంచుకోవాలి. అయితే ఈ రంగంలోకి ప్రవేశించడానికి డ్రీమ్ ఉంటే సరిపోదు. 10వ తరగతి తర్వాత.. సరైన సబ్జెక్టును ఎంచుకోవడం నుంచి.. ఇంటర్ తర్వాత ట్రైనింగ్ పొందడం, లైసెన్స్ తీసుకోవడం వరకు అనేక దశలు ఉంటాయి. తెలుసుకోవాల్సిన విషయం ఏంటంటే.. విమానయాన రంగంలో కెరీర్ ప్రారంభించడం అందరికీ ఒకేలా ఉండదు. కాబట్టి పది తర్వాత మీ కెరీర్‌ను ఎలా బిల్డ్ చేసుకోవాలో తెలుసుకోండి.

ఇంటర్లో తీసుకోవాల్సిన సబ్జెక్ట్లు

మీ లక్ష్యం కమర్షియల్ పైలట్ అవ్వడం అయితే ఇంటర్లో ఫిజిక్స్, మ్యాథ్స్ చదవాల్సి ఉంటుంది. ఇంటర్ పూర్తి చేసిన తర్వాత.. DGCA నిర్దేశించిన అర్హతలను నెరవేర్చుతూ CPL శిక్షణను పొందాల్సి ఉంటుంది. పైలట్ కావడానికి DGCA పోర్టల్‌లో నంబర్ కోసం దరఖాస్తు చేసుకోవాలి. ఆ తర్వాత మీరు క్లాస్ 2, క్లాస్ 1 మెడికల్ టెస్ట్లు పూర్తి చేసుకోవాలి. DGCA నిర్దేశించిన థియరీ ఎగ్జామ్, RTR(A)లో ఉత్తీర్ణత సాధించిన తర్వాత.. అభ్యర్థులు DGCA గుర్తింపు పొందిన ఫ్లయింగ్ ట్రైనింగ్ సంస్థ నుంచి విమానయాన శిక్షణ పొందుతారు.

Also Read : పరీక్షల సమయంలో పిల్లలు బాగా చదవాలంటే స్టడీ టేబుల్‌పై ఈ 5 వస్తువులు పెట్టొద్దు.. రీజన్స్ ఇవే

కామర్స్ చదివినా పర్లేదా?

CPL కోసం కనీస వయస్సు 17 సంవత్సరాలు ఉండాలి. అలాగే ఇంటర్లో ఫిజిక్స్, మ్యాథ్స్ చదవాల్సి ఉంది. అందుకే 10 క్లాస్లో ఉన్న విద్యార్థి పైలట్ కావాలని లక్ష్యంగా పెట్టుకుంటే.. ఇంటర్ నుంచే ఫిజిక్స్, మ్యాథ్స్పై దృష్టి పెట్టాలి. అయితే విమానయాన రంగంలోని ప్రతి వృత్తికి సైన్స్ అవసరం లేదు.

కామర్స్ లేదా ఆర్ట్స్ డిగ్రీలు ఉన్న విద్యార్థులు కూడా ఏవియేషన్ మేనేజ్‌మెంట్, ఎయిర్‌పోర్ట్ ఆపరేషన్స్, ఏవియేషన్ హాస్పిటాలిటీ, క్యాబిన్ క్రూ వంటి రంగాలను ఎంచుకోవచ్చు. ఇంటర్లో మ్యాథ్స్, ఫిజిక్స్ తీసుకోనివారు NIOS ద్వారా ఈ రెండు సబ్జెక్టులను విడిగా పూర్తి చేయవచ్చు. అవసరమైన అకడమిక్ అర్హతలను పూర్తి చేసిన తర్వాత.. పైలట్ శిక్షణకు వెళ్లవచ్చు.

ప్రాక్టికల్ ఫ్లయింగ్ ట్రైనింగ్

DGCA పరీక్షలో ఉత్తీర్ణత సాధించిన తర్వాత విద్యార్థులు ప్రాక్టికల్ ఫ్లయింగ్ శిక్షణ పొందుతారు. దీనికోసం CPL కోసం అవసరమైన ఫ్లయింగ్ అనుభవాన్ని పూర్తి చేయాల్సి ఉంటుంది. శిక్షణ సమయంలో విద్యార్థులు విమాన నిర్వహణ, నావిగేషన్, ఎమర్జెన్సీ, ఇతర కార్యాచరణ నైపుణ్యాలను నేర్చుకుంటారు. అయితే పైలట్ కావడానికి కేవలం శిక్షణ పూర్తి చేస్తే సరిపోదు. అవసరమైన పరీక్షలు, ఫ్లయింగ్ అవసరాలు, స్కిల్ టెస్ట్ పూర్తి చేసిన తర్వాత అభ్యర్థులు కమర్షియల్ పైలట్ లైసెన్స్ పొందగలుగుతారు.

Also Read : పిల్లలకు ఆన్లైన్ స్టడీ మంచిదా? టెక్ట్స్ బుక్ చదువు మంచిదా? లాభాలు, నష్టాలు ఇవే

లైసెన్స్తో ఎయిర్లైన్ కెప్టెన్ కావచ్చా?

కమర్షియల్ లైసెన్స్ పొందిన వెంటనే నేరుగా ఎయిర్‌లైన్ కెప్టెన్ అవ్వరు. జూనియర్ పోస్ట్ ఆఫీసర్‌గా కెరీర్ ప్రారంభిస్తారు. ప్రతి ఎయిర్‌లైన్‌కు దాని సొంత అవసరాలు, శిక్షణా ప్రక్రియ ఉంటాయి. ఎంపికైన తర్వాత వారు విమానం రకాన్ని బట్టి తదుపరి శిక్షణ, అవసరమైన తనిఖీలకు లోనవుతారు. దీని తర్వాత పైలట్ ఫస్ట్ ఆఫీసర్‌గా విమానం నడపడం ప్రారంభిస్తారు. అనుభవం, విమానయాన గంటలు పెరిగేకొద్దీ.. వారు సీనియర్ ఫస్ట్ ఆఫీసర్, ఆపై కెప్టెన్ హోదాకు పదోన్నతి పొందుతారు.

శాలరీ ఎంత ఉంటుందంటే..

పైలట్ల సంపాదన కూడా ఒకేలా ఉండదు. అది ఎయిర్‌లైన్, విమానం, హోదా, ఫ్లయింగ్ అవర్స్, అలవెన్సులపై ఆధారపడి ఉంటుంది. చాలా ఎయిర్‌లైన్స్‌లో ఒక జూనియర్ ఫస్ట్ ఆఫీసర్ నెలకు 1,00,000 నుంచి 15,00,000 వరకు సంపాదిస్తారు. ఫస్ట్ ఆఫీసర్ స్థాయిలో ఈ జీతం సుమారు 2,00,000 వరకు పెరుగుతుంది. ఆ తర్వాత, ప్రమోషన్లతో పాటు పైలట్ల జీతాలు కూడా పెరుగుతాయి.

పైలట్ ట్రైనింగ్ ఖర్చు..

పైలట్ శిక్షణ ఒక ఖరీదైన వృత్తి ఎంపికగా కూడా చెప్పవచ్చు. ఇండియాలో CPL శిక్షణకు సుమారు 25 నుంచి 35 లక్షల రూపాయలు ఖర్చవుతుంది. అయితే శిక్షణ, ఫ్లయింగ్ అవర్స్, ఇన్‌స్టిట్యూట్, తదుపరి ఎయిర్‌లైన్ శిక్షణ ఖర్చులు వేర్వేరుగా ఉంటాయి. అందుకే దీనిలో చేరడానికి ముందు ఇన్‌స్టిట్యూట్ ఫీజులు, శిక్షణా సౌకర్యాల గురించి తెలుసుకోవడం ముఖ్యం.

Also Read : ఇంటర్ తర్వాత ఈ ట్రెండింగ్ కోర్సులు ఎంచుకోండి.. అద్భుతమైన కెరీర్ అవకాశాలు మీ సొంతమవుతాయి

CBSE 10th Rules: సీబీఎస్ఈ 10వ తరగతి విద్యార్థులకు బిగ్ రిలీఫ్.. ఉత్తీర్ణత రూల్స్‌లో మార్పుల్లేవ్!

Satyaprasad Bandaru — Sat, 3 Oct 2026 12:47:06 +0530

CBSE 10th Rules: వచ్చే ఏడాది సీబీఎస్ఈ బోర్డు పరీక్షలకు హాజరయ్యే పదో తరగతి విద్యార్థులకు సెంట్రల్ బోర్డ్ ఆఫ్ సెకండరీ ఎడ్యుకేషన్ శుభవార్త చెప్పింది. 2026-27 విద్యా సంవత్సరానికి సంబంధించి 10వ తరగతి ఉత్తీర్ణత ప్రమాణాలలో ఎలాంటి మార్పులు ఉండబోవని బోర్డు స్పష్టం చేసింది.

ఉత్తీర్ణత విధానం

ఒక సబ్జెక్టులో పాస్ కావాలంటే విద్యార్థులు బోర్డు ఎగ్జామ్, ఇంటర్నల్ అసెస్‌మెంట్ రెండింటిలో కలిపి మొత్తం మీద కనీసం 33 శాతం మార్కులు సాధిస్తే సరిపోతుంది. అంటే, 80 మార్కుల బోర్డు పరీక్షలోనూ, 20 మార్కుల ఇంటర్నల్ అసెస్‌‌మెంట్‌లోనూ విడివిడిగా 33 శాతం మార్కులు తెచ్చుకోవాల్సిన అవసరం లేదు. ఈ రెండింటిలోనూ మార్కులను కలిపి తుది ఫలితాన్ని నిర్ణయిస్తారు. అయితే, విద్యార్థి తప్పనిసరిగా బోర్డు ఎగ్జామ్, ఇంటర్నల్ అసెస్‌మెంట్ రెండింటికీ హాజరై ఉండాలి.

గందరగోళానికి తెర

ఇటీవల 2026-27 పాఠ్యప్రణాళికకు సంబంధించి వచ్చిన కొన్ని మార్పుల వల్ల బోర్డు పరీక్షలు, ఇంటర్నెల్ అసెస్మెంట్ విడివిడిగా 33 శాతం మార్కులు సాధించాలనే ప్రచారం జరిగింది. దీంతో ఉపాధ్యాయులు, విద్యార్థుల్లో గందరగోళం నెలకొంది. దీనిపై హర్యానాలోని సోనిపట్ స్కూల్ ఉపాధ్యాయుడు అడిగిన ప్రశ్నకు సీబీఎస్ఈ వెబినార్ ద్వారా స్పష్టతనిచ్చింది. గతంలో ప్రత్యేక నిబంధనలపై చర్చ జరిగినా, ప్రస్తుతానికి దానిని ఉపసంహరించుకున్నట్లు వెల్లడించింది. 2025-26 విద్యా సంవత్సరంలో అమలైన పాత నిబంధనలే 2026-27కి కూడా వర్తిస్తాయని తేల్చిచెప్పింది.

Also Read: జర్మనీలో చదువు ఫ్రీ.. కానీ ట్యూషన్ ఫీజులు, అసలు ఖర్చుల గురించి తెలుసా?

12వ తరగతి నిబంధనలు వేరు

10వ తరగతి విషయానికి వస్తే ఇలా ఉంటే, 12వ తరగతి విద్యార్థులకు మాత్రం ప్రాక్టికల్, థియరీ వేర్వేరుగా ఉత్తీర్ణత ప్రమాణాలు ఉన్నాయని సీబీఎస్ఈ బోర్డు గుర్తుచేసింది.

పరీక్షా విధానంలోనూ ఎలాంటి మార్పులు లేవు

ఉత్తీర్ణత ప్రమాణాలతో పాటు, 2026-27 విద్యా సంవత్సరానికి ఎగ్జామ్ పేపర్ రూపొందించడం, సిలబస్, కరెక్షన్ విధానంలోనూ ఎటువంటి మార్పులు లేవని సీబీఎస్ఈ పేర్కొంది.

10, 12వ తరగతుల విద్యార్థుల కోసం బోర్డు ఇప్పటికే శాంపిల్ ఎగ్జామ్ పేపర్స్ , మార్కింగ్ స్కీమ్‌లను సిద్ధం చేసింది. ప్రశ్నపత్రాల సరళి, మార్కుల వెయిటేజీని అర్థం చేసుకోవడానికి విద్యార్థులు వీటిని ఉపయోగించుకోవచ్చు.

Also Read: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

Study in Germany: జర్మనీలో చదువు ఫ్రీ.. కానీ ట్యూషన్ ఫీజులు, అసలు ఖర్చుల గురించి తెలుసా?

Satyaprasad Bandaru — Mon, 28 Sep 2026 16:21:31 +0530

Study in Germany: విదేశాలలో చదువుకోవాలని కలలు కనే భారతీయ విద్యార్థులకు జర్మనీ టాప్ ఛాయిస్‌లో ఉంటుంది. ముఖ్యంగా అక్కడి అనేక ప్రభుత్వ యూనివర్సిటీల్లో ప్రత్యేక ట్యూషన్ ఫీజులు లేకపోవడమే దీనికి ప్రధాన కారణం. దీనివల్ల జర్మనీలో చదువుకునే ఖర్చు చాలా తక్కువగా ఉంటుందని చాలా మంది విద్యార్థులు భావిస్తారు. అయితే, విదేశాలలో చదువుకునే ఖర్చు కేవలం కాలేజీ ఫీజులకే పరిమితం కాదు. అక్కడికి వెళ్లాక వసతి, ఆహారం, రవాణా, ఆరోగ్య బీమా, ఇతర రోజువారీ అవసరాల కోసం కూడా డబ్బు ఖర్చు చేయాల్సి ఉంటుంది.

ప్రభుత్వ వర్సిటీల్లో ఫీజులు తక్కువ, కానీ

జర్మనీలోని చాలా ప్రభుత్వ విశ్వవిద్యాలయాలలో సాధారణంగా ట్యూషన్ ఫీజులు ఉండవు. అయితే విద్యార్థులు సెమిస్టర్ ఫీజులు మాత్రం చెల్లించాల్సి ఉంటుంది. ప్రభుత్వ సమాచారం ప్రకారం, ఇది ప్రతి సెమిస్టర్‌కు సగటున 300 యూరోలు ఉంటుంది. ఈ ఫీజులు యూనివర్సిటీ ఉండే ప్రదేశాన్ని బట్టి మారుతుంది. చాలా ఏరియాల్లో ఈ మొత్తంలో విద్యార్థి సేవలు, ప్రజా రవాణా సౌకర్యాలు కూడా కలిపి ఉంటాయి. అన్ని సంస్థలు, రాష్ట్రాలలో నిబంధనలు ఒకేలా ఉండవని గమనించాలి.

ఖర్చులు

జర్మనీకి వచ్చిన తర్వాత అయ్యే అతిపెద్ద ఖర్చు వసతి. ఇక్కడ ఇంటి అద్దె నెలకు 350 నుండి 1,000 యూరోల వరకు ఉండవచ్చు. దీనికి అదనంగా విద్యుత్, నీరు వినియోగ సేవలకు 80 నుండి 250 యూరోల వరకు ఖర్చవుతుంది. చిన్న పట్టణాలతో పోలిస్తే పెద్ద నగరాల్లో అద్దె ఇంకాస్త ఎక్కువగా ఉంటుంది.

ఫుడ్, రోజువారీ ఖర్చులు

విదేశాలలో నివసించే విద్యార్థి ఖర్చులు కేవలం గది అద్దెకే పరిమితం కావు. జర్మన్ ప్రభుత్వ గణాంకాల ప్రకారం.. ఒక్కో వ్యక్తికి ఫుడ్ ఖర్చులు నెలకు 200 నుండి 350 యూరోల వరకు ఉండొచ్చు. దీనికి తోడు ట్రాన్స్ పోర్టు, ఫోన్, ఇంటర్నెట్, వినోదం కోసం 150 నుంచి 350 యూరోల వరకు ఖర్చు చేయాల్సి వస్తుంది. సొంతంగా వండుకోవడం, చవకైన దుకాణాలలో కొనుగోలు చేయడం ద్వారా ఈ ఖర్చులను కొంతవరకు కంట్రోల్ చేసుకోవచ్చు.

వీసా కోసం ముందుగానే బ్లాక్డ్ అకౌంట్

జర్మన్ విద్యార్థి వీసాల కోసం విద్యార్థులు తమ విద్య, ఉండడానికి అయ్యే ఖర్చులు భరించే సామర్థ్యాన్ని నిరూపించుకోవాలి. 2026లో విద్యార్థి వీసాలకు కనీసం 11,904 (సుమారు రూ.13 లక్షలు) యూరోల ఆర్థిక సామర్థ్యం అవసరం. దీనిని సాధారణంగా బ్లాక్డ్ అకౌంట్ ద్వారా చూపించాలి. ఇందులో జమ చేసిన డబ్బు నుంచి మొదటి సంవత్సరం ఖర్చుల కోసం నెలకు గరిష్టంగా 992 యూరోలు మాత్రమే విత్ డ్రా చేసుకోవడానికి వీలుంటుంది.

Also Read: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

ఆరోగ్య బీమా, ఇతర ఖర్చులు

జర్మనీలో చదువుతున్న విద్యార్థులకు ఆరోగ్య బీమా తప్పనిసరి. విశ్వవిద్యాలయంలో అడ్మిషన్ పొందేటప్పుడు దీనికి సంబంధించిన ఫీజు కూడా సమర్పించాలి. అంతేకాకుండా, మొదటి కొన్ని సంవత్సరాలలో రూము డిపాజిట్లు, ప్రయాణం, నిత్యావసర వస్తువుల కోసం అదనపు ఖర్చులు రావచ్చు. కాబట్టి, కేవలం ఫీజుల గురించే ఆలోచించకుండా ఏడాది మొత్తం అయ్యే జీవన, చదువు ఖర్చులన్నింటినీ బేరీజు వేసుకుని బడ్జెట్‌ను ప్లాన్ చేసుకోవడం ఎంతో ముఖ్యం.

Local Reservation In Telangana: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

Shankar Dukanam — Mon, 28 Sep 2026 15:01:14 +0530

న్యూఢిల్లీ: ఆంధ్రప్రదేశ్ విభజన తరువాత తెలుగు రాష్ట్రాల్లో పదే పదే స్థానికతకు సంబంధించిన కేసులు వస్తూనే ఉన్నాయి. తాజాగా మరోసారి సుప్రీంకోర్టుకు వ్యవహారం వెళ్లగా తెలంగాణలో స్థానికత అంశంపై సర్వోన్నత న్యాయస్థానం క్లారిటీ ఇచ్చింది. తెలంగాణలో స్థానికత రిజర్వేషన్ పొందాలంటే నాలుగేళ్లు వరుసగా చదవాలన్న రూల్ తప్పనిసరి అని పేర్కొంది. గతంలో జస్టిస్ బీఆర్ గవాయ్ ధర్మాసనం ఇచ్చిన తీర్పును జస్టిస్ పీఎస్ నరసింహ బెంచ్ గుర్తుచేసింది.

తెలంగాణలో ఉన్నత విద్య, ఉద్యోగావకాశాల్లో స్థానికత రిజర్వేషన్ (Local Reservation) కోసం 4 ఏళ్ల విద్యాభ్యాసం అనే నిబంధన పాటించాలని సుప్రీంకోర్టు స్పష్టం చేసింది. జెల్ల అంకిత అనే అభ్యర్థి స్థానిక రిజర్వేషన్ కోసం నాలుగేళ్ల విద్యాభ్యాసం నిబంధనను చాలెంజ్ చేస్తూ సుప్రీంకోర్టును ఆశ్రయించారు. అయితే ఎంబీబీఎస్ అర్హత పరీక్ష (NEET UG Exam)కు ముందు వరుసగా నాలుగు సంవత్సరాలు తెలంగాణలో చదువుకుంటేనే స్థానికత వర్తిస్తుందని సుప్రీం ధర్మాసనం స్పష్టం చేసింది. తెలంగాణ ప్రభుత్వం స్థానిక రిజర్వేషన్ కోసం జారీ చేసిన జీవోను జస్టిస్ పీఎస్ నరసింహ ధర్మాసనం సమర్థించింది. స్థానికత నిబంధన ఏకపక్షంగా ఉందన్న పిటిషనర్ వాదనను సుప్రీంకోర్టు కొట్టివేసింది.

ఏపీలో మెడికల్ కాలేజీ సీటు రావాలంటే..

ఆంధ్రప్రదేశ్‌లోని ప్రభుత్వ, ప్రైవేటు, సొసైటీ మెడికల్ మొత్తం 7,200కి పైగా ఎంబీబీఎస్ సీట్లు అందుబాటులో ఉన్నాయి. ఈ సీట్ల భర్తీ 2 పద్ధతుల్లో జరుగుతుంది. దేశవ్యాప్త మెరిట్ ఆధారంగా 15 శాతం సీట్లను ఆల్ ఇండియా కోటా కింద భర్తీ అవుతాయి. ఏపీలోని ప్రముఖ కాలేజీల్లో ఈ కోటా ద్వారా సీటు పొందాలంటే ఆల్ ఇండియా ర్యాంక్ 3,000 నుంచి 12,000 లోపు ఉండాలి.

మిగిలిన 85 శాతం సీట్లను విజయవాడలోని ఎన్టీఆర్ ఆరోగ్య విజ్ఞాన విశ్వవిద్యాలయం స్టేట్ కోటా కింద భర్తీ చేస్తుంది. ప్రాథమిక అంచనాల ప్రకారం, ప్రభుత్వ కాలేజీల్లో సీటు సాధించడానికి ఆల్ ఇండియా ర్యాంక్ లిమిట్స్ అవగాహన కోసం..

ఓపెన్ కేటగిరీ అయితే: 15,000 – 35,000

బీసీ అయితే: 20,000 – 45,000

ఎస్సీ అయితే: 50,000 – 1,00,000

ఎస్టీ అయితే: 80,000 – 1,50,000

Also Read: NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

తెలంగాణ మెడికల్ కాలేజీల్లో ప్రవేశాలకు ర్యాంకు అంచనా వివరాలు

తెలంగాణలోని మెడికల్ కాలేజీల్లో ఎంబీబీఎస్ ప్రవేశాలను 2 విభాగాలుగా భర్తీ చేస్తారు. 15 శాతం సీట్లను దేశవ్యాప్త పోటీ కోసం ఆల్ ఇండియా కోటా కింద ఉంటాయి. మిగిలిన 85 శాతం సీట్లను వరంగల్‌లోని కాళోజీ నారాయణరావు ఆరోగ్య విజ్ఞాన విశ్వవిద్యాలయం స్టేట్ కోటా ద్వారా భర్తీ చేయనుంది. తెలంగాణలో స్థానిక రిజర్వేషన్ పొందడానికి వరుసగా నాలుగేళ్లు ఇక్కడే చదివి ఉండాలి.

ప్రభుత్వ మెడికల్ కాలేజీల్లో సీటు సాధించడానికి కేటగిరీల వారీగా అంచనా ఆల్ ఇండియా ర్యాంకుల అంచనా అవగాహనా కోసం..

ఓసీ అయితే 12,000 – 48,000 (EWS వారికి మరో 2,000–4,000 వరకు సడలింపు)

బీసీ అయితే బీసీ-బి (25,000 – 52,000), బీసీ-ఎ (50,000 – 85,000), బీసీ-ఈ (45,000 – 75,000)

ఎస్సీ అయితే 85,000 – 1,35,000

ఎస్టీ అభ్యర్థులకు అయితే 90,000 – 1,40,000 ర్యాంకు వరకు

NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

Satyaprasad Bandaru — Wed, 16 Sep 2026 12:03:03 +0530

NRI Become IAS: విదేశాలలో ఉంటున్న ఎన్ఆర్ఐల్లో చాలా మందికి తాము కూడా ఐఏఎస్, ఐపీఎస్ అధికారులు అవ్వాలనే కోరిక ఉంటుంది. అయితే NRI అనే పదం గురించి చాలా గందరగోళం ఉంది, ఎందుకంటే దీనిని తరచుగా OCI, PIO వంటి ఇతర వర్గాలతో కలిపి చెప్పడంతో గందరగోళానికి గురవుతారు. యూపీఎస్సీ పరీక్ష నియమాలు ఎన్నారై, ఓసీఐ కార్డుదారులకు భిన్నంగా ఉన్నప్పటికీ, సివిల్ సర్వీసెస్ పరీక్షను ఎవరు రాయవచ్చు, ఐఏఎస్ అధికారి కావడానికి కావాల్సిన అర్హతలు ఏంటో తెలుసుకుందాం.

ఎన్నారై అంటే ఎవరు? యూపీఎస్సీకి అర్హుడా?

ఎన్నారై అంటే భారత పౌరుడై ఉండి, ప్రస్తుతం చదువులు లేదా ఉద్యోగం కోసం విదేశాలలో నివసిస్తున్న వ్యక్తి. ఎన్నారైలు భారత పౌరసత్వం కలిగి ఉంటారు కాబట్టి వాళ్లు యూపీఎస్సీ పరీక్షకు హాజరవడానికి అర్హులు అవుతారు. వయస్సు, విద్యార్హతలతో సహా ఇతర అర్హతలు ఉంటే ఎన్నారైలు యూపీఎస్సీ ద్వారా ఐఏఎస్, ఐపీఎస్, ఐఎఫ్ఎస్ సహా అన్ని సర్వీసులకు అప్లై చేసుకోవచ్చు.

OCIకి నిబంధనలు

ఎన్నారైలతో పోలిస్తే, ఓసీఐ (ఓవర్సీస్ సిటిజన్ ఆఫ్ ఇండియా) కార్డుదారులకు నిబంధనలు చాలా కఠినంగా ఉంటాయి. యూపీఎస్సీ నిబంధనల ప్రకారం ఐఏఎస్, ఐపీఎస్, ఐఎఫ్ఎస్ వంటి సర్వీసులకు అభ్యర్థులు భారత పౌరులై ఉండాలి. కాబట్టి ఓసీఐ కార్డుదారులు ఈ మూడు సర్వీసులకు అర్హులు కాదు. అయితే, యూపీఎస్సీ ద్వారా భర్తీ చేసే కొన్ని ఇతర కేంద్ర సర్వీసులకు నేపాల్, భూటాన్ పౌరులు కూడా అర్హులు. కానీ, ఐఏఎస్, ఐపీఎస్ సర్వీసులు ప్రత్యేకంగా భారతీయులకు మాత్రమే రిజర్వ్ చేశారు.

Also Read: ఇకపై యూకేలో చదువులు మరింత ప్రియం.. విద్యార్థి వీసా నిబంధనల్లో కీలక మార్పులు! UK Student Visa Rules: యూకేలో ఉన్నత చదువులు

ఎన్నారైలకు నిబంధనలు

UPSC నిబంధనల మేరకు ఎన్నారైలు పరీక్ష రాయడానికి అనుమతించినప్పటికీ, వారికి ఎలాంటి ప్రత్యేక మినహాయింపులు, కోటాలు ఉండవు. నీట్ లేదా ఇతర పరీక్షలలో ఎన్నారై కోటాలు ఉన్నట్లుగా, UPSCలో అలాంటి కోటాలు ఉండవు. అభ్యర్థులు జనరల్ లేదా వారి రిజర్వేషన్ కేటగిరీ కింద పోటీపడాలి. అంతేకాకుండా, UPSC ప్రిలిమ్స్, మెయిన్స్, ఇంటర్వ్యూల కోసం విదేశాలలో ఎలాంటి ఎగ్జామ్ సెంటర్లు ఏర్పాటు చేయదు. అభ్యర్థులు పరీక్ష రాయడానికి భారత్ కు రావాల్సి ఉంటుంది. ఎన్నారై అభ్యర్థి విదేశీ యూనివర్సిటీ నుండి డిగ్రీ పూర్తి చేసి ఉంటే, ఫారం నింపే ముందు, అతను అసోసియేషన్ ఆఫ్ ఇండియన్ యూనివర్సిటీస్ నుండి ధృవీకరణ పత్రాన్ని పొందాలి. తద్వారా అతని డిగ్రీ భారత్ లో గుర్తింపు పొందుతుంది.

Also Read: మద్యం మత్తులో నీట్ ఎగ్జామ్ రాసేందుకు వెళ్లిన విద్యార్థి.. వెనక్కి పంపిన సిబ్బంది

ఐఏఎస్ అవ్వొచ్చా?

IAS అధికారుల కోసం UPSC మూడు దశల్లో ప్రిలిమ్స్, మెయిన్స్,ఇంటర్వ్యూ నిర్వహిస్తుంది. ప్రిలిమ్స్‌లో రెండు పేపర్లు ఉంటాయి, మెయిన్స్‌లో వ్యాసంతో సహా వివిధ సబ్జెక్టులను కవర్ చేసే రాత పరీక్షలు ఉంటాయి. ఈ రెండు దశల్లో ఉత్తీర్ణత సాధించిన తర్వాత, అభ్యర్థులను ఇంటర్వ్యూకు పిలుస్తారు. ఈ మూడు దశల్లో వచ్చిన మార్కుల ఆధారంగా ఫైనల్ మెరిట్ లిస్ట్ ను రూపొందిస్తారు. అభ్యర్థి ర్యాంకును బట్టి IAS, IPS, IFS సర్వీసులో వారి రిక్రూట్మెంట్ ఉంటుంది.

Also Read: విదేశాల్లో చదువులకు తెలంగాణ సర్కార్ సాయం.. బీసీ, ఈబీసీ విద్యార్థులకు రూ.20 లక్షల వరకు స్కాలర్ షిప్!.. పూర్తి వివరాలు ఇవే!

Adilabad News: తండ్రితో కలిసి కిచిడి బండి నడుపుతూ ఎంబీబీఎస్ సీటు సాధించిన కుమారులు.. ABP Desam Exclusive

Shailender — Wed, 9 Sep 2026 07:39:17 +0530

వారిది మధ్య తరగతి కుటుంబం.. కుటుంబ పోషణ కోసం వారు కిచిడి బండి నడుపుతూ జీవనం కొనసాగిస్తున్నారు. ప్రతి రోజు కష్టపడి కిచిడి అమ్ముతూ.. తమ పిల్లల్ని ప్రభుత్వ పాఠశాలలో చదివించారు. తండ్రికి చేదోడు వాదోడుగా కిచిడి బండి వద్ద ఉంటూ ఆ కుమారులు ఇంటర్ పూర్తి చేశారు. డాక్టర్ కావాలన్న లక్ష్యంతో రాత్రింబవళ్ళు కష్టపడి చదివి ఎంబీబీఎస్ సీటు సాధించడానికి నీట్ పరీక్ష రాశారు. కష్టాన్ని నమ్ముకున్న ఆ యువకులు నీట్ లో ర్యాంకు సాధించి ఎంబిబిఎస్ సీటు సంపాదించారు. ఆదిలాబాద్ జిల్లా ఇంద్రవెల్లిలో ఫుట్‌పాత్ పై కిచిడి అమ్ముతూ నీట్ లో ర్యాంకు తెచ్చుకుని, ఎంబిబిఎస్ సీటు సంపాదించిన మహమ్మద్ బిలాల్, మహమ్మద్ షకిబ్ లపై ABP Desam Exclusive Story.

ఆదిలాబాద్ జిల్లా ఇంద్రవెల్లి మండల కేంద్రానికి చెందిన మహమ్మద్ జావిద్, మహమ్మద్ ఆసిఫ్ అనే ఇద్దరు అన్నదమ్ముల కుమారులు మహమ్మద్ షకీబ్, మహమ్మద్ బిలాల్ ఈ ఇద్దరు నీట్ పరీక్ష రాసి ఎంబీబీఎస్ సీటు సాధించారు. వీరు ఇంద్రవెల్లి మండల కేంద్రంలోని జడ్పీ పాఠశాల ముందు కిచిడి బండి నడుపుకుంటూ జీవనం కొనసాగిస్తున్నారు. ఆసిఫ్, జావిద్ ఇద్దరు అన్నతమ్ముళ్లు గత కొన్నేళ్లు గా కిచిడి బండి నడిపిస్తూ తమ పిల్లల్ని పక్కనే ఉన్న జడ్పీ పాఠశాలలో చదివించారు. పదవ తరగతి వరకు షకీబ్, బిలాల్ ఇంద్రవెల్లి జడ్పీ పాఠశాలలో చదువు పూర్తి చేసి స్థానికంగానే ఓ ప్రైవేటు కాలేజీలో ఇంటర్ పూర్తి చేశారు. చదువుకుంటూనే రోజు తండ్రికి చేదోడు వాదోడుగా ఉంటూ కిచిడి బండి నడుపుతున్నారు.

రెండేళ్లు నీట్ కోసం ప్రిపేర్ అయ్యారు. రాత్రింబవళ్లు కష్టపడి చదివి నీట్ లో ర్యాంకు సాధించి.. ఎంబిబిఎస్ సీటు (MBBS Seat) సంపాదించారు. మహమ్మద్ ఆసిఫ్ కుమారుడు మహమ్మద్ బిలాల్ కు నీట్ లో ఆల్ ఇండియా ర్యాంకు 120325.. స్టేట్ లొ 1788 ర్యాంక్ రాగా. అలాగే మహమ్మద్ జావిద్ కుమారుడు మహమ్మద్ షకీబ్ నీట్ లో ఆల్ ఇండియా ర్యాంక్ 147283, రాగా.. స్టేట్ లో 2583 ర్యాంక్ సాధించారు. ఫస్ట్ ఫేజ్ లో కరీంనగర్ ప్రతిమ మెడికల్ కళాశాలలో మహమ్మద్ షకిబ్ కు ఎంబిబిఎస్ సీటు రాగా, నిర్మల్ మెడికల్ కళాశాలలో మహమ్మద్ బిలాల్ కు ఎంబిబిఎస్ సీటు వచ్చింది. త్వరలో ఈ ఇద్దరు సెకండ్, థర్డ్ ఫేజ్ తరువాత తరగతులకు హాజరుకానున్నారు.

ఈ ఇద్దరు అన్నదమ్ముల కుమారులు ఎంబిబిఎస్ సీటు సాధించడంతో వారి తల్లిదండ్రులు, కుటుంబ సభ్యులు హర్షం వ్యక్తం చేస్తున్నారు. కష్టపడ్డ దానికి ఫలితం దక్కిందన్నారు. వీరికి ఎంబిబిఎస్ సీటు రావడంతో ఆదిలాబాద్ మైనార్టీ విభాగం నాయకులు వారిని సత్కరించారు. ప్రభుత్వ విప్ మహమ్మద్ షబ్బీర్ అలీతో పాటు ఆదిలాబాద్ జిల్లా కలెక్టర్ రాజర్షి షా, మాజీ మంత్రి జోగు రామన్న, సైతం శాలువాతో సత్కరించి అభినందించారు.

ఇంద్రవెల్లి మండల కేంద్రంలో మహమ్మద్ జావిద్, మహమ్మద్ ఆసిఫ్ ఈ ఇద్దరు అన్నదమ్ములు, కిచిడి బండి నడిపి తమ కుటుంబాన్ని పోషిస్తున్నారు. ఈ ఇద్దరు అన్నదమ్ముల కుమారులు మహమ్మద్ షకీబ్, మహమ్మద్ బిలాల్ వారికి చేదోడు వాదొడుగా ఉంటూ.. కష్టపడి చదివి ఎంబిబిఎస్ లో ఇద్దరు సైతం సీటు సంపాదించారు. కష్టపడితే ఏదైనా సాధించవచ్చని, తాము పడ్డ కష్టానికి తమ తల్లిదండ్రుల కష్టానికి ఫలితం దక్కిందని మహమ్మద్ షకీబ్, మహమ్మద్ బిలాల్ మరియు వారి తండ్రులు స్థానికులు ఏబీపీ దేశంకు వెల్లడించారు. కృషి ఉంటే ఏదైనా సాధించవచ్చునని నిరూపించారు. స్థానికులు, వారి టీచర్లు ఈ విషయంపై హర్షం వ్యక్తం చేస్తున్నారు.

వీరి కష్టం అంతా ఇంతా కాదని, ఉదయం 3:30 గంటలకు లేచి కిచిడి తయారు చేసి 5:30గంటలకు అల్లాహు అక్బర్ అంటూ నమాజ్ చేసి 6 గంటల కళ్ల రెడీ అయి.. జడ్పి పాఠశాల ముందు రోడ్డుపై కిచిడి బండి పెట్టీ టిఫిన్ విక్రయిస్తారు. స్థానికులు ఈ ఇద్దరు అన్నదమ్ములను జావిద్ మాము, ఆసిఫ్ మాము అని ప్రేమగా పిలుస్తుంటారు. వారి కుమారులు షకీబ్ , బిలాల్ ఇద్దరు కూడా హాలిడే రోజు లేదా వారు లేని సమయాల్లోనూ, లేదా అంగడి రోజు బిజిగా ఉన్న సమయంలో ఈ బండి నడుపుతూ వారికి చేదోడు వాదోడుగా ఉంటూ పని చేస్తారు.

కిచిడి అమ్మడం అయిపోయాక.. బయట ఖాళీగా తిరగకుండా ఇంట్లోనే ఉంటూ ఒక గదిలో కూర్చుని చదువుకుంటారు. ఇలా చదవడం వల్లే వారు పడ్డా కష్టానికి ఫలితం దక్కింది అంటున్నారు. ప్రతి ఒక్కరు తమ గమ్యానికి చేరుకోవాలనే లక్ష్యంతో ఉంటే.. కష్టపడి చదివితే తమ లక్ష్యాన్ని చేరుకోవచ్చని చెబుతున్నారు.

Adilabad News: తండ్రితో కలిసి కిచిడి బండి నడుపుతూ ఎంబీబీఎస్ సీటు సాధించిన కుమారులు.. ABP Desam Exclusive

FCRI Admissions 2026: ములుగు ఎఫ్‌సీఆర్ఐ ఎంఎస్సీ, పీహెచ్‌డీ ఫారెస్ట్రీ కోర్సుల్లో ప్రవేశాలు.. అర్హతలు, సీట్లు వివరాలు ఇలా!

1. ఎంఎస్సీ ఫారెస్ట్రీ (2 ఇయర్స్ ప్రోగ్రామ్ - 4 సెమిస్టర్లు)

అర్హతలు:

ఎంపిక విధానం:

సీట్ల కేటాయింపు:

2. Ph.D. ఫారెస్ట్రీ (3 సంవత్సరాల ప్రోగ్రామ్ - 6 సెమిస్టర్లు)

అర్హతలు (రెగ్యులర్ అభ్యర్థులకు):

ఎంపిక విధానం:

విభాగాల వారీగా సీట్ల కేటాయింపు:

ముఖ్యమైన తేదీలు, అప్లికేషన్ ఫీజు

దరఖాస్తు చేయడం ఎలా?

Talliki Vandanam Phase 2: తల్లికి వందనం రెండో విడత లబ్ధిదారులు ఖరారు.. నిధుల విడుదలకు ఉత్తర్వులు జారీ

2వ విడతలో 3.29 లక్షల మంది

కార్పొరేషన్ - అర్హులైన పిల్లలు

ఆర్థిక సాయం

ఎవరు అర్హులు?

AP Dasara Holidays: ఏపీలో ఈ 12 నుంచి దసరా సెలవులు.. అంతకుముందే విద్యార్థులకు పండుగ

Dasara Holidays 2026: విద్యార్థులకు పండగే.. తెలంగాణలో స్కూళ్లు, కాలేజీలకు ఈ 10 నుంచి దసరా సెలవులు

Pilot Career : పైలట్ కావాలంటే 10 తర్వాత ఏం చదవాలి? కోర్సు, ట్రైనింగ్, జీతం పూర్తి వివరాలు ఇవే

ఇంటర్​లో తీసుకోవాల్సిన సబ్జెక్ట్​లు

కామర్స్ చదివినా పర్లేదా?

ప్రాక్టికల్ ఫ్లయింగ్ ట్రైనింగ్

లైసెన్స్​తో ఎయిర్​లైన్ కెప్టెన్ కావచ్చా?

శాలరీ ఎంత ఉంటుందంటే..

పైలట్ ట్రైనింగ్ ఖర్చు..

CBSE 10th Rules: సీబీఎస్ఈ 10వ తరగతి విద్యార్థులకు బిగ్ రిలీఫ్.. ఉత్తీర్ణత రూల్స్‌లో మార్పుల్లేవ్!

ఉత్తీర్ణత విధానం

గందరగోళానికి తెర

12వ తరగతి నిబంధనలు వేరు

పరీక్షా విధానంలోనూ ఎలాంటి మార్పులు లేవు

Study in Germany: జర్మనీలో చదువు ఫ్రీ.. కానీ ట్యూషన్ ఫీజులు, అసలు ఖర్చుల గురించి తెలుసా?

ప్రభుత్వ వర్సిటీల్లో ఫీజులు తక్కువ, కానీ

ఖర్చులు

ఫుడ్, రోజువారీ ఖర్చులు

వీసా కోసం ముందుగానే బ్లాక్డ్ అకౌంట్

ఆరోగ్య బీమా, ఇతర ఖర్చులు

Local Reservation In Telangana: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

ఎన్నారై అంటే ఎవరు? యూపీఎస్సీకి అర్హుడా?

OCIకి నిబంధనలు

ఎన్నారైలకు నిబంధనలు

ఐఏఎస్ అవ్వొచ్చా?

Adilabad News: తండ్రితో కలిసి కిచిడి బండి నడుపుతూ ఎంబీబీఎస్ సీటు సాధించిన కుమారులు.. ABP Desam Exclusive

ఇంటర్లో తీసుకోవాల్సిన సబ్జెక్ట్లు

లైసెన్స్తో ఎయిర్లైన్ కెప్టెన్ కావచ్చా?