Gangster Shot Dead:
లఖ్‌నవూ కోర్టులో ఘటన..
యూపీలో షాకింగ్ ఘటన జరిగింది. కోర్టులోనే ఓ గ్యాంగ్‌స్టర్‌ని కాల్చి చంపేశారు. ముక్తార్ అన్సారీకి రైట్‌హ్యాండ్‌ అయిన సంజీవ్ జీవాను లఖ్‌నవూ కోర్టులోనే తుపాకులతో కాల్చి చంపారు. ఈ కాల్పుల్లో ఓ పోలీస్‌తో పాటు బాలికకి కూడా గాయాలయ్యాయి. ఓ క్రిమినల్ కేసు విచారణలో భాగంగా సంజీవ్ జీవాను లఖ్‌నవూ కోర్టుకు తీసుకొచ్చారు పోలీసులు. ఉన్నట్టుండి కొందరు కాల్పులకు పాల్పడ్డారు. కాల్పులు జరిపిన వాళ్లు లాయర్ల వేషంలో వచ్చినట్టు పోలీసులు వెల్లడించారు. సంజీవ్‌ను చంపిన వెంటనే అక్కడి నుంచి పరారయ్యారు. ఈ ఘటనతో పోలీసులు అలెర్ట్ అయ్యారు. పెద్ద ఎత్తున కోర్టు చుట్టూ మొహరించారు. కంపౌండర్‌గా కెరీర్ ప్రారంభించిన సంజీవ్ జీవా ఆ తరవాత గ్యాంగ్‌ వార్‌లోకి దిగాడు.