72nd Miss World Winner : మిస్ వరల్డ్ ఓపల్ సుచాతాకు వచ్చే నగదు బహుమతిపై గిఫ్ట్ ట్యాక్స్ ఏ దేశ ఖాతాలోకి వెళ్తుంది?
72nd Miss World Winner : బహుమతులు గెలుచుకుంటే కొంత గిఫ్ట్ ట్యాక్స్ చెల్లించాలి. ఇప్పుడు మిస్ వరల్డ్ పోటీల్లో విజేతకు ఇచ్చిన నగదులో పన్ను ఏ దేశానికి చెల్లించాలి?
72nd Miss World Winner Opal Suchata Chuangsri : మిస్ వరల్డ్ 2025 విజేత ఓపల్ సుచాతా చువాంగ్శ్రీ కి లభించిన నగదు బహుమతి అక్షరాల 8.5 కోట్ల రూపాయలు ఇప్పుడు ఆ నగదుకు కచ్చితంగా ఆమె పన్ను చెల్లించాల్సి ఉంటుంది. అయితే ఈ ఈవెంట్ భారత్లో జరిగినందున ఎవరికి చెల్లించాలి. ఆ వివరాలు ఇక్కడ చూద్దాం.
ఓపల్ సుచాతా చువాంగ్శ్రీ మిస్ వరల్డ్ పోటీల్లో విజేతగా నిలిచినందుకు ఆమెకు వజ్రాలు పొదిగిన కిరీటంతోపాటు భారీగా నగదు కూడా వచ్చింది. ఆమెకు ఈ పోటీల్లో విజేతగా నిలిచినందుకు 8.5 కోట్ల రూపాయలు గెలుచుకున్నారు. ఈ నగదు బహుమతిగా వచ్చినందుకు ఆమె గిఫ్ట్ ట్యాక్స్ను తన సొంత దేశంలో చెల్లించాల్సి ఉంటుంది. అక్కడ పన్ను నియమాలకు అనుగుణంగా ఈ చెల్లింపులు ఉంటాయి. భారత్లో ఈవెంట్ మాత్రమే జరిగింది. కాబట్టి భారత్కు ఆమె ఏం చెల్లించాల్సిన అవసరం లేదు.
థాయ్లాండ్ పన్ను చట్టాలు:-థాయ్లాండ్లో వ్యక్తిగత ఆదాయపు పన్ను కింద ఇలాంటి బహుమతలు ఆదాయంగా వస్తే మాత్రం ట్యాక్స్ చెల్లించాలి. ఇలాంటి ఆదాయంపై ఐదు శాతం నుంచి 35 శాతం వరకు ట్యాక్స్ చెల్లించాలి. ఆదాయ స్థాయిని బట్టి ఓపల్ తన నగదు బహుమతిలో ఎక్కువ పన్ను చెల్లించాల్సి ఉంటుంది. 35 శాతం వరకు పన్ను రూపంలో ఓపల్ కట్టేయాల్సి ఉంటుంది.
మిస్ వరల్డ్ పోటీలు జరిగిన దేశం:- ఈ ఏడాది మిస్ వరల్డ్ పోటీలు తొలిసారిగా హైదరాబాద్్లో జరిగాయి. అంటే భారత్లో ఈ ఈవెంట్ జరిగింది. అయినా సరే ఆమె స్థానిక నివాసితురాలు కాదు కాబట్టి విజేత ఇక్కడ ఎలాంటి పన్నులు చెల్లించాల్సిన పని లేదు. భారత్ దేశంలో విదేశీయులు సంపాదించే ఆదాయంపై పన్ను విధించే రూల్స్ ఉన్నప్పటికీ మిస్ వరల్డ్ లాంటి అంతర్జాతీయ పోటీల బహుమతులు సాధారణంగా విజేత నివాస దేశంలోనే పన్ను పరిధిలోకి వస్తాయి.
అంతర్జాతీయ పన్ను ఒప్పందాలు:- థాయ్లాండ్, భారత్ మధ్య డబుల్ టాక్సేషన్ అవాయిడెన్స్ అగ్రిమెంట్ ఉంది. దీని ప్రకారం ఓపల్ ఈ బహుమతి మీద భారత్ దేశంలో పన్ను చెల్లించికపోయినా ఆమె నివాస దేశమైన థాయ్లాండ్లో చెల్లించాల్సి ఉంటుంది. ఆదాయంపై రెండు దేశాలు పన్నులు వేసే ప్రమాదాన్ని ఈ ఒప్పంద నివారిస్తుంది.
మిస్ వరల్డ్ ఆర్గనైజేషన్ పాత్ర :- మిస్ వరల్డ్ ఆర్గనైజేషన్ యునైటెడ్ కింగ్డమ్లో నమోదైన సంస్థ. ఈ బహుమతి నగదు యూకే నుంచి ఇస్తుంది. యూకేలో లాటరీ లేదా బహుమతి నగదుపై పన్ను విధించే నియమం లేదు. అయితే ఈ నగదు ఓపల్ ఖాతాలోకి చేరిన తర్వాత ఆమె నివాస దేశం థాయ్లాండ్లోని పన్ను చట్టాలు వర్తిస్తాయి.
అంటే మిస్ వరల్డ్ నగదు బహుమతిపై పన్ను ఓపల్ సుచాతా చువాంగ్శ్రీ నివాస దేశమైన థాయ్లాండ్ ఖాతాలోకి వెళ్తుంది. థాయ్లాండ్ పన్ను చట్టాల ప్రకారం, ఈ బహుమతిపై సుమారు 35 శాతం వరకు పన్ను విధించే అవకాశం ఉంది. అంటే దాదాపు మూడు కోట్ల రూపాయలు ప్రభుత్వానికి చెల్లించాలి.
టాప్ హెడ్ లైన్స్
ట్రెండింగ్ వార్తలు
