Post Office FD:రెండు లక్షలకు 47వేల రూపాయల వడ్డీ! పోస్టాఫీస్‌లోని ఈ పథకం గురించి తెలుసా?

Post Office Time Deposit Scheme:పోస్టాఫీసులో మీరు 2 లక్షల రూపాయలు ఎఫ్‌డీ చేస్తే మీకు మూడేళ్లలో 47 వేల రూపాయల వడ్డీ లభిస్తుంది. పూర్తి వివరాలు ఇక్కడ చూద్దాం. 

రెండు లక్షలకు 47వేల రూపాయల వడ్డీ! పోస్టాఫీస్‌లోని ఈ పథకం గురించి తెలుసా?

Source : PTI

Show Quick Read

Key points generated by AI, verified by newsroom

• పోస్టాఫీసు టైమ్ డిపాజిట్ పథకం ద్వారా పొదుపును ప్రోత్సహిస్తున్నారు.
• మూడేళ్లపాటు రూ. 2 లక్షలు డిపాజిట్ చేస్తే రూ. 47,015 వడ్డీ వస్తుంది.
• టైమ్ డిపాజిట్లలో పెట్టుబడికి 6.9% నుండి 7.5% వరకు వడ్డీ లభిస్తుంది.
• సీనియర్ సిటిజన్లకు ఈ పథకంలో ప్రత్యేక వడ్డీ రేటు లేదు.

Post Office Time Deposit Scheme: భారత్‌లో పోస్టాఫీసు అంటే కేవలం సమాచార చేరవేసే సంస్థగానే కాకుండా ప్రజలకు పొదుపును అలవాటు చేసే వ్యవస్థ కూడా మారింది. ఈ మధ్య కాలంలో ఇలాంటి విషయాలపై ఎక్కువ దృష్టి పెట్టింది. ఊరిలో ఉంటుందనే భరోసా, కళ్ల ముందే కనిపించే ఉద్యోగులు, ఎప్పుడైనా వెళ్లే వెసులుబాటు ఉన్నందున గ్రామీణ ప్రాంతాల్లో ప్రజలు పోస్టాఫీస్‌ సేవలను ఎక్కువగా ఉపయోగించుకుంటున్నారు. దీన్ని ఆసరాగా చేసుకున్న భారతీయ పోస్టాఫీసు ప్రజలకు ఉపయోగకరమైన సులభమైన పొదుపు పథకాలను అందిస్తోంది. ఇప్పుడు చెప్పే పొదుపు పథకం కూడా అలాంటిదే . ఇందులో మీరు రెండు లక్షల రూపాయలను మూడేళ్లపాటు ఫిక్స్డ్‌ డిపాజిట్ చేస్తే మీకు వడ్డీ రూపంలో భారీ ప్రయోజనం కలగనుంది. 

ఈ టైం డిపాజిట్ స్కీమ్‌లో పెట్టిన పెట్టుబడికి మంచి లాభం వస్తుంది. ఇలా చేయడం వల్ల మీకు వడ్డీ, అసలు వస్తుందా రాదా అనే టెన్షన్ ఉండదు. బ్యాంకుల్లో ఇలాంటి ఎఫ్‌డీ చేయాలి అంటే చాలా ప్రక్రియను పూర్తి చేయాలి. అక్కడ కూడా చాలా సంవత్సరాలు ఫిక్స్డ్‌ చేస్తే తప్ప ప్రయోజనం ఉండదు. పోస్టాఫీస్‌లో అయితే మీరు నాలుగు విధాలుగా ఫిక్స్డ్‌ చేయవచ్చు. ఒక సంవత్సరం, రెండేళ్లు, మూడేళ్లు లేదా ఐదేళ్ల టెన్యూర్ చూసుకొని పెట్టుబడి పెట్టుకోవచ్చు. 

తక్కువ రిస్క్‌ కారణంగా మంచి వడ్డీ వస్తున్నందున చాలా మంది ప్రజలు ఈ ఫిక్స్డ్‌ స్కీమ్‌లో పెట్టుబడి పెట్టేందుకు ఆసక్తి చూపిస్తున్నారు. అయితే ప్రస్తుతం ఈ స్కీమ్‌లో వడ్డీ రేట్లు ఎలా ఉన్నాయో తెలుసుకోవడం చాలా అవసరం. అప్పుడే మీరు ఎన్ని సంవత్సరాలకు పెట్టుబడి పెట్టాలనే విషయంపై క్లారిటీ వస్తుంది. 

• టీడీ(టైమ్‌ డిపాజిట్‌) స్కీమ్‌లో ఒక సంవత్సరం మీరు డబ్బులు డిపాజిట్ చేస్తే మీరు 6.9శాతం వడ్డీని పొందుతారు. 
• టీడీ(టైమ్‌ డిపాజిట్‌) స్కీమ్‌లో రెండేళ్లకు మీరు డబ్బులు డిపాజిట్ చేస్తే మీరు 7 శాతం వడ్డీని పొందుతారు. 
• టీడీ(టైమ్‌ డిపాజిట్‌) స్కీమ్‌లో మూడేళ్లకు మీరు డబ్బులు డిపాజిట్ చేస్తే మీరు 7.1 శాతం వడ్డీని పొందుతారు. 
• టీడీ(టైమ్‌ డిపాజిట్‌) స్కీమ్‌లో ఐదేళ్లకు  మీరు డబ్బులు డిపాజిట్ చేస్తే మీరు 7.5 శాతం వడ్డీని పొందుతారు. 
• మీరు ఐదేళ్లకు డబ్బులు డిపాజిట్ చేస్తే ఎక్కువ వడ్డీ ప్రయోజనం పొందుతారు. 

మీరు రెండు లక్షల రూపాయల డిపాజిట్ చేస్తే ఎంత వడ్డీ వస్తుందో చూద్దాం!

టీడీ అకౌట్‌లో మీరు రెండు లక్షల రూపాయలను మూడేళ్లకు డిపాజిట్ చేస్తే ఇప్పుడు ఉన్న లెక్క ప్రకారం మీరు 7.1 శాతం వడ్డీ రేటు అప్లై అవుతుంది. ఈ వడ్డీ రేటు ప్రకారం మీరు 36న నెలల్లో 47, 015 రూపాయల వడ్డీ లభిస్తుంది.  మీరు ఇవాళ రెండు లక్షలు మూడేళ్లకు టీడీ స్కీమ్‌లో పెడితే మూడేళ్ల తర్వాత మీకు 2,47,015 రూపాయలు లభిస్తాయి.

మార్కెట్‌ ఎలాంటి పరిణామాలు ఎదుర్కొన్నా, ప్రపంచం తలకిందులైనా సరే మీ వడ్డీకి, మీ డబ్బులకు వచ్చిన నష్టం ఏమీ లేదు. అందుకే ఎక్కువ మంది ఈ స్కీమ్‌వైపు మొగ్గు చూపుతున్నారు. ఇందులో మార్కెట్‌ ఆధారిత రిస్క్ లేకపోవడంతో ఎక్కువ మంది ఈ టీడీ స్కీమ్‌లో డబ్బులు డిపాజిట్ చేసేందుకు ముందుకు వస్తున్నారు.

సీనియర్ సిటిజన్‌లకు అదనపు  ప్రయోజనం లేదు

చాలా బ్యాంకులు, ఇతర పోస్టాఫీసు స్కీమ్‌లలో సీనియర్ సిటిజన్లకు ప్రత్యేక వడ్డీ రేటు ఇస్తుంటారు. సాధారణ పౌరులతో పోల్చుకుంటే వారికి కనీసం యాభై పైసలైనా ఎక్కువ వడ్డీ ఉంటుంది. మరిన్ని బ్యాంకులు 80 ఏళ్లు దాటిన వారికి మరిన్ని రాయితీలు ఇస్తున్నాయి. కానీ ఇప్పుడు చెప్పుకున్న టీడీ స్కీమ్‌లో మాత్రం సీనియర్ సిటిజన్స్‌కు ఎలాంటి ప్రత్యేక రాయితీలు లేవు. పోస్టాఫీస్‌ చందాదారులందరికీ ఒకటే రూల్‌ పెట్టారు. అందరికీ ఒకే వడ్డీ రేటును అమలు చేస్తున్నారు. ఒక్కో వర్గానికి ఒక్కో వడ్డీ రేటు అంటూ ఎలాంటి గ్రేడింగ్స్ లేవు.