personal-finance

Best One-Year FD Rates : లక్ష రూపాయలను ఒక సంవత్సరానికి FDలో జమ చేస్తే ఏ బ్యాంకు ఎంత రాబడిని ఇస్తుంది?

Geddam Vijaya Madhuri — Thu, 22 Oct 2026 11:10:49 +0530

Fixed Deposit Interest Rates : ఎలాంటి ఇబ్బంది లేకుండా భవిష్యత్తును సురక్షితంగా ఉంచుకోవడానికి చాలామంది తమ దగ్గర ఉండే డబ్బును ఫిక్స్‌డ్ డిపాజిట్లు (FDలు) చేస్తారు. దీనిపై వడ్డీ వస్తుందని.. పెద్ద మొత్తాన్ని FDగా బ్యాంకు ఖాతాలో జమ చేస్తారు. అయితే ప్రతి బ్యాంకు తన వినియోగదారులకు వేర్వేరు వడ్డీ రేట్లను అందిస్తుంది. కాబట్టి మీరు ఒక సంవత్సరానికి లక్ష ఫిక్స్‌డ్ డిపాజిట్(FD) చేయాలనుకుంటే.. ఏయే బ్యాంకులు ఎలా వడ్డీ రేట్లను అందిస్తాయో చూసేద్దాం.

ది ఎకనామిక్ టైమ్స్‌లోని ఒక నివేదిక ప్రకారం.. కొన్ని చిన్న ఫైనాన్స్ బ్యాంకులు ఒక సంవత్సరం FDలపై 7.25% వరకు వడ్డీ రేట్లను అందిస్తుండగా.. SBI, HDFC, ICICI వంటి పెద్ద బ్యాంకులు తక్కువ రేట్లను అందిస్తున్నాయి.

Also Read : సేవింగ్స్ చేయడానికి PPF మంచిదా? FD బెటరా? ఎక్కువకాలం పొదుపు చేస్తే ట్యాక్స్, వడ్డీ ఎలా ఉంటాయి?

ఏ బ్యాంకు ఎంత వడ్డీ ఇస్తోందంటే..

మీరు లక్ష FD చేయడం గురించి ఆలోచిస్తున్నట్లయితే.. స్మాల్ ఫైనాన్స్ బ్యాంకులు, ప్రైవేట్ బ్యాంకులు, ప్రభుత్వ రంగ బ్యాంకులలో ఏ బ్యాంకులు అత్యధిక వడ్డీని అందిస్తున్నాయో తెలుసుకుందాం.

స్మాల్ ఫైనాన్స్ బ్యాంక్

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
సూర్యోదయ స్మాల్ ఫైనాన్స్ బ్యాంక్	7.25%	1,07,450
ఉజ్జీవన్ స్మాల్ ఫైనాన్స్ బ్యాంక్	7.25%	1,07,450
ఈక్విటాస్ స్మాల్ ఫైనాన్స్ బ్యాంక్	7.10%	1,07,291
జన స్మాల్ ఫైనాన్స్ బ్యాంక్	7.00%	1,07,186

Also Read : పోస్ట్ ఆఫీస్లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు

ప్రైవేట్ బ్యాంక్

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
SBM బ్యాంక్ ఇండియా	7.10%	1,07,291
బంధన్ బ్యాంక్	7.00%	1,07,186
DCB బ్యాంక్	6.90%	1,07,081
RBL బ్యాంక్	6.90%	1,07,081
HDFC బ్యాంక్	6.25%	1,06,398
ICICI బ్యాంక్	6.25%	1,06,398
యాక్సిస్ బ్యాంక్	6.25%	1,06,398

Also Read : జీతం పెరిగినా డబ్బులు మిగలట్లేదా? అయితే కారణాలు ఇవే, ఇలా సేవింగ్స్ చేసుకోండి

ప్రభుత్వ బ్యాంకులు

బ్యాంకు	సంవత్సరం వడ్డీ రేటు	మెచ్యూరిటీపై మొత్తం
బ్యాంక్ ఆఫ్ ఇండియా	6.50%	1,06,660
ఇండియన్ ఓవర్సీస్ బ్యాంక్	6.50%	1,06,660
బ్యాంక్ ఆఫ్ మహారాష్ట్ర	6.40%	1,06,555
స్టేట్ బ్యాంక్ ఆఫ్ ఇండియా (SBI)	6.25%	1,06,398
పంజాబ్ నేషనల్ బ్యాంక్ (PNB)	6.25%	1,06,398
బ్యాంక్ ఆఫ్ బరోడా	6.25%	1,06,398
కెనరా బ్యాంక్	6.25%	1,06,398

FD పెట్టే ముందు గుర్తించుకోవాల్సిన విషయాలివే..

సేవింగ్స్లో భాగంగా FD చేసే ముందు.. కొన్ని ముఖ్యమైన విషయాలను పరిగణనలోకి తీసుకోవాలి. కేవలం అధిక వడ్డీ రేట్ల ఆధారంగా బ్యాంకును ఎంచుకోకూడదు. ఎందుకంటే FDపై వచ్చే వడ్డీ మీ ట్యాక్స్ బాధ్యతను ప్రభావితం చేస్తుంది. కాబట్టి పన్ను సంబంధిత విషయాలను గుర్తుంచుకోండి. గడువుకు ముందే డబ్బు ఉపసంహరించుకోవడానికి సంబంధించిన నియమాలతో సహా.. అన్ని నియమాలను జాగ్రత్తగా చదివి తర్వాత అప్లై చేయడం మంచిది.

Also Read : శాలరీని 50-30-20 రూల్తో ఎలా బ్రేక్ చేయాలి.. సేవింగ్స్ నుంచి ఖర్చులు దాకా ఇలా ప్లాన్ చేసుకోండి

Personal Loan Interest Rates: పర్సనల్ లోన్ తీసుకుంటున్నారా? టాప్ బ్యాంకుల వడ్డీ రేట్లు, కీ ఫ్యాక్టర్స్ మీ కోసం!

Satyaprasad Bandaru — Sat, 10 Oct 2026 14:03:50 +0530

Personal Loan Interest Rates: మనకు డబ్బు అత్యవసరం అయితే.. సేవింగ్స్ అంతగా లేకపోతే.. వెంటనే గుర్తుకొచ్చేది 'పర్సనల్ లోన్'. ఏ బ్యాంకు పడితే ఆ బ్యాంకులో పర్సనల్ లోన్ తీసుకోవడం ఆర్థికంగా భారమవుతుంది. లోన్ తీసుకునే ముందు వివిధ బ్యాంకుల వడ్డీ రేట్లు, ప్రాసెసింగ్ ఫీజులు, ఈఎంఐలు సరిపోల్చి చూసుకోవడం చాలా అవసరం.

అక్టోబర్ నెలలో వివిధ బ్యాంకుల వడ్డీ రేట్లు

బ్యాంకు పేరు - వడ్డీ రేటు (సంవత్సరానికి)
యాక్సిస్ బ్యాంక్ - 8.90% నుండి
యూనియన్ బ్యాంక్ - 8.90% నుండి
ఇండియన్ బ్యాంక్ - 9.00% నుండి
పంజాబ్ & సింధ్ బ్యాంక్ - 9.65% నుండి
కెనరా బ్యాంక్ - 9.70% నుండి
బ్యాంక్ ఆఫ్ మహారాష్ట్ర - 9.75% నుండి
యూకో బ్యాంక్ - 9.95% నుండి
హెచ్‌డీఎఫ్‌సీ బ్యాంక్ - 9.99% నుండి
ఐసీఐసీఐ బ్యాంక్ - 9.99% నుండి
ఐడిఎఫ్‌సి ఫస్ట్ బ్యాంక్ - 9.99% నుండి

రూ.10 లక్షల రుణంపై EMI ఎంత?

లోన్ మొత్తం, కాలపరిమితి, వడ్డీ రేటు ఆధారంగా నెలవారీ EMI మారుతుంది. ఒక ఉదాహరణ చూద్దాం.
లోన్ మొత్తం: రూ.10,00,000
తిరిగి చెల్లించే కాలపరిమితి: 5 సంవత్సరాలు (60 నెలలు)
8.90% వడ్డీ రేటు అయితే.. నెలవారీ EMI: సుమారు రూ.20,710
10.00% వడ్డీ రేటు వద్ద: నెలవారీ EMI: సుమారు రూ.21,247
వడ్డీ రేటులో కేవలం 1.10% తేడా ఉన్నప్పటికీ, నెలకు దాదాపు రూ.537 తేడా వస్తుంది. 5 సంవత్సరాలకు ఇది వేల రూపాయల అదనపు భారంగా మారుతుంది. అందుకే సరైన బ్యాంకును ఎంచుకోవడం ఎంతో ముఖ్యం.

Also Read: భారత ప్రధాని అంబానీ..! స్టార్‌లింక్ జాప్యంపై బీజేపీ, రిలయన్స్‌‌ టార్గెట్‌గా ఎలాన్ మస్క్ సంచలన ఆరోపణలు

రుణం తీసుకునే ముందు ఈ జాగ్రత్తలు తప్పనిసరి

మీ అవసరానికి తగినంత లోన్ మాత్రమే తీసుకోండి. కాలపరిమితి పెరిగితే EMI తగ్గవచ్చు, కానీ చెల్లించే మొత్తం వడ్డీ పెరుగుతుందని గుర్తుపెట్టుకోండి.
కేవలం ఒకే బ్యాంకుపై ఆధారపడకుండా కనీసం 3-4 బ్యాంకుల వడ్డీ రేట్లు, ప్రాసెసింగ్ ఫీజులు, ప్రీ-క్లోజర్ ఛార్జీలను సరిపోల్చండి.
మీ నెలవారీ జీతం నుంచి ఇంటి ఖర్చులు, ఇతర అవసరాలు పోను మిగిలిన మొత్తంలోనే EMI ఈజీగా చెల్లించగలరో లేదో ముందే లెక్కగట్టిండి.
తక్కువ వడ్డీ రేట్లు అని చూపే యాడ్స్ వెనుక దాగి ఉన్న షరతులను బాగా తెలుసుకోండి.
మంచి క్రెడిట్ స్కోర్ (750 కంటే ఎక్కువ) ఉంటే బ్యాంకులతో తక్కువ వడ్డీ రేటు కోసం చర్చించే అవకాశం ఉంటుంది.

పర్సనల్ రుణం అనేది అత్యవసర సమయాల్లో మంచి పరిష్కారమే అయినప్పటికీ, సరైన ఆర్థిక ప్రణాళిక లేకపోతే అది భారంగా మారే ప్రమాదం ఉంది. కాబట్టి అన్ని అంశాలను పరిశీలించిన తర్వాతే నిర్ణయం తీసుకోండి.

Also Read: అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్

Post Office Scheme : ఆడపిల్లలకు అద్భుతమైన పోస్టాఫీసు పథకం.. నెలకు 6,000 కడితే.. 4 లక్షలు పొందవచ్చు

Geddam Vijaya Madhuri — Sat, 3 Oct 2026 10:00:43 +0530

Post Office Recurring Deposit Daughter : మీ కుమార్తె కోసం ప్రతి నెలా ఒక స్థిరమైన మొత్తంలో సేవింగ్ చేయాలి అనుకుంటున్నారా? అయితే మీరు పోస్ట్ ఆఫీస్ అందిస్తున్న ఒక పథకం గురించి తెలుసుకోండి. నెలకు 6000 కడితే.. దాని ద్వారా మీరు 4 లక్షల వరకు సంపాదించవచ్చు. ఈ పథకానికి పెద్ద మొత్తంలో పెట్టుబడి కూడా అవసరం లేదు. రోజుకు 200 చొప్పున నెలకు 6000 ప్రతి నెలా జమ చేస్తే సరిపోతుంది.

పథకం, వడ్డీ రేటు..

పోస్ట్ఆఫీస్ ఈ పథకం ద్వారా సంవత్సరానికి 6.7% వడ్డీ రేటును అందిస్తుంది. దీనిలోని ప్రత్యేకత ఏమిటంటే.. మీరు తక్కువ మొత్తంతో కూడా దీనిని ప్రారంభించవచ్చు. ప్రతి నెలా మీ జీతం లేదా సంపాదనలో కొంత భాగాన్ని కుమార్తె కోసం పొదుపు చేయాలనుకునే వారికి.. తపాలా కార్యాలయం రికరింగ్ డిపాజిట్ (RD) పథకం ఒక అద్భుతమైన ఎంపిక కావచ్చు. మీరు దీనిని 6000తోనే కాదు.. అంతకంటే తక్కువ మొత్తంతో కూడా సేవింగ్ చేయవచ్చు.

Also Read : డబ్బు చేతిలో నిలవట్లేదా? కారణాలు ఇవే కావచ్చు.. నెల రోజులు ఇలా మనీ డీటాక్స్ చేసేయండి

పెట్టుబడి సమయం..

పోస్టాఫీస్ రికరింగ్ డిపాజిట్ పెట్టుబడి కాలపరిమితి సాధారణంగా 5 సంవత్సరాలు ఉంటుంది. క్రమం తప్పకుండా డిపాజిట్లు చేస్తే మెచ్యూరిటీ సమయంలో గణనీయమైన మొత్తం లభిస్తుంది. మీరు ఈ పోస్ట్ ఆఫీస్ ఆర్డీ ఖాతాను నెలకు 100తో కూడా తెరవవచ్చు. ఈ మొత్తాన్ని 10 రెట్లు పెంచుకోవచ్చు. గరిష్ట డిపాజిట్ పరిమితి లేదు. అంటే మీ పొదుపు, అవసరాలను బట్టి మీరు నెలవారీ మొత్తాన్ని నిర్ణయించుకోవచ్చు.

మీరు మొదట నిర్ణయించుకుని మొదట కట్టిన మొత్తాన్నే.. ప్రతి నెలా ఈ ఖాతాలో జమ చేయాల్సి ఉంటుంది. అందువల్ల ఖాతా తెరిచేటప్పుడు మీరు దీర్ఘకాలంలో సులభంగా చెల్లించగలిగే నెలవారీ వాయిదాను ఎంచుకోవడం ఉత్తమం.

Also Read : డబ్బులు పొదుపు చేయాలనుకుంటే జపనీస్ టెక్నిక్స్ ఫాలో అయిపోండి.. సింపుల్ బట్ ఎఫెక్టివ్

6,000 కడితే వచ్చే వడ్డీ ఎంత?

పోస్ట్ఆఫీస్ ఆర్డీ సాధారణ పెట్టుబడి కాలం 5 సంవత్సరాలు. లేదా 60 నెలలు. ఉదాహరణకు ఒక వ్యక్తి నెలకు 6,000 అంటే రోజుకు 200 చొప్పున డిపాజిట్ చేస్తే.. 5 సంవత్సరాలలో వారి మొత్తం డిపాజిట్ 3.60 లక్షలు అవుతుంది. 6.7% వడ్డీ రేటును పరిగణనలోకి తీసుకుంటే.. ఈ పెట్టుబడిపై సుమారుగా 65,947 వడ్డీ లభించవచ్చు. అందువల్ల మొత్తం మెచ్యూరిటీ సుమారుగా 4,25,947 అవుతుంది.

ఆర్డీ బ్రేక్ చేస్తే..

ఆర్డీ సాధారణ కాలపరిమితి 5 సంవత్సరాలు. కానీ కొన్ని షరతుల కింద 3 సంవత్సరాల తర్వాత కూడా ఖాతాను గడువుకు ముందే మూసివేయవచ్చు. అటువంటి సందర్భంలో సంపాదించిన వడ్డీ సాధారణ ఆర్డీ వడ్డీ రేటుకు బదులుగా వర్తించే పొదుపు ఖాతా రేటు ప్రకారం ఉండవచ్చు. ఐదు సంవత్సరాల తర్వాత ఖాతా మెచ్యూర్ చేసుకుంటే మంచి వడ్డీతో లాభాలు చూడగలుగుతారు.

Also Read : 2026లో డబ్బుల విషయంలో ఈ 5 తప్పులు అస్సలు చేయకండి.. పొదుపు, పెట్టుబడిపై కీలక సూచనలు ఇవే

Post Office RD : రోజుకు 500 పొదుపు చేస్తే 10 ఏళ్లలో 25 లక్షలు.. పోస్ట్ ఆఫీస్ ఆర్డీ పూర్తి లెక్క ఇదే

Geddam Vijaya Madhuri — Wed, 9 Sep 2026 13:07:24 +0530

Post Office RD Calculation : చిన్న మొత్తాలను క్రమం తప్పకుండా పొదుపు చేస్తే భవిష్యత్తులో మంచి నిధిని సమకూర్చుకోవచ్చు. రిస్క్ తక్కువగా ఉండే ప్రభుత్వ పొదుపు పథకాల్లో పెట్టుబడి పెట్టాలనుకునేవారికి పోస్ట్ ఆఫీస్ రికరింగ్ డిపాజిట్ ఒక ఆప్షన్‌గా ఉంటుంది. రోజుకు 500 చొప్పున పక్కన పెడుతూ.. దాన్ని క్రమం తప్పకుండా పెట్టుబడిగా మార్చితే 10 ఏళ్లలో 25 లక్షలకు పైగా నిధి సమకూరే అవకాశం ఉందని తెలుసా?

పోస్ట్ ఆఫీస్ ఆర్డీ..

పోస్ట్ ఆఫీస్ ద్వారా అందించే చిన్న పొదుపు పథకాలలో రికరింగ్ డిపాజిట్ ఒకటి. ఇందులో ఒకేసారి పెద్ద మొత్తంలో డబ్బు పెట్టాల్సిన అవసరం ఉండదు. ప్రతి నెలా నిర్ణీత మొత్తాన్ని క్రమం తప్పకుండా డిపాజిట్ చేస్తూ వెళ్లవచ్చు.
ప్రస్తుతం ఈ పథకానికి 6.7 శాతం వార్షిక వడ్డీ రేటు వర్తిస్తుంది. అయితే వడ్డీ రేట్లు ప్రభుత్వం నిర్ణయిస్తుంది కాబట్టి.. పెట్టుబడి చేసే సమయంలో తాజా రేటును తప్పనిసరిగా తనిఖీ చేసుకోవాల్సి ఉంటుంది.

కేవలం 100తో ఖాతా స్టార్ట్ చేయవచ్చు

పోస్ట్ ఆఫీస్ రికరింగ్ డిపాజిట్ ఖాతాను సమీపంలోని పోస్ట్ ఆఫీస్‌లో ప్రారంభించవచ్చు. ఈ ఖాతాను కనీసం 100 డిపాజిట్‌తో ప్రారంభించే అవకాశం ఉంది. అర్హత నిబంధనలకు అనుగుణంగా వ్యక్తిగత ఖాతాతో పాటు జాయింట్ అకౌంట్‌ను కూడా తెరవవచ్చు.

5 ఏళ్ల మెచ్యూరిటీ

పోస్ట్ ఆఫీస్ ఆర్డీ పథకం సాధారణంగా 5 సంవత్సరాల మెచ్యూరిటీ కాలాన్ని కలిగి ఉంటుంది. మెచ్యూరిటీ పూర్తైన తర్వాత నిబంధనలకు అనుగుణంగా ఖాతాను మరో 5 సంవత్సరాల పాటు కొనసాగించుకోవచ్చు. అంటే పెట్టుబడిదారులు కోరుకుంటే 5 సంవత్సరాల తర్వాత కూడా తమ పొదుపును కొనసాగిస్తూ దీర్ఘకాలంలో పెద్ద మొత్తాన్ని సమకూర్చుకునే ప్రయత్నం చేయవచ్చు.

రోజుకు 500 పొదుపు చేస్తే

రోజుకు 500 చొప్పున పక్కన పెడితే నెలకు సుమారు 15,000 అవుతుంది. ఈ మొత్తాన్ని ప్రతి నెలా రికరింగ్ డిపాజిట్‌లో పెట్టుబడిగా పెడితే.. నెలవారీ పెట్టుబడి 15,000.. ఇది 5 ఏళ్లలో పెట్టుబడి 9 లక్షలు అవుతుంది. ఈ లెక్క ప్రకారం 5 ఏళ్లలో వడ్డీ 1,70,492 అవుతుంది. మొత్తం అంటే సుమారు 10.70 లక్షలు పొందవచ్చు.

10 ఏళ్లకు పొడిగిస్తే 25 లక్షలా?

5 ఏళ్ల తర్వాత పెట్టుబడిని మరో 5 సంవత్సరాల పాటు కొనసాగించినట్లయితే మొత్తం 10 సంవత్సరాల పాటు పెట్టుబడి పెట్టినట్టవుతుంది. ఈ లెక్క ప్రకారం 10 సంవత్సరాల్లో మీరు పెట్టుబడిగా పెట్టే మొత్తం 18 లక్షలు. దీనికి వడ్డీ కలిపితే మొత్తం నిధి సుమారు 25,62,822కు చేరుతుంది. అంటే వడ్డీ ద్వారా వచ్చిన మొత్తం 7,62,822. ఇలా చూస్తే క్రమం తప్పకుండా పొదుపు చేస్తే దీర్ఘకాలంలో వడ్డీ ద్వారా గణనీయమైన మొత్తాన్ని సంపాదించే అవకాశం ఉంటుంది.

పెట్టుబడి చేసే ముందు గుర్తించుకోవాల్సిన విషయాలు

పోస్ట్ ఆఫీస్ పథకాలు ప్రభుత్వ మద్దతు ఉన్న చిన్న పొదుపు పథకాలుగా ఉన్నప్పటికీ.. రిస్క్ పూర్తిగా సున్నా అని చెప్పడం కంటే ప్రభుత్వ పథకం కావడం వల్ల భద్రత ఎక్కువగా ఉంటుంది. అలాగే వడ్డీ రేట్లు కాలానుగుణంగా మారవచ్చు. కాబట్టి పెట్టుబడి పెట్టే ముందు తాజా వడ్డీ రేటు, మెచ్యూరిటీ నిబంధనలు, పొడిగింపు నిబంధనలు, పన్ను సంబంధిత అంశాలను పోస్ట్ ఆఫీస్ అధికారులతో నిర్ధారించుకోవచ్చు.

Also Read : రిటైర్మెంట్ ప్లానింగ్ కోసం స్టెప్-అప్ SIPలు బెస్ట్... ఎక్కువ బెనిఫిట్స్ కోసం

ఆర్డీ టైమ్ లిమిట్..

తపాలా కార్యాలయం ద్వారా నిర్వహించే వివిధ ప్రభుత్వ పొదుపు పథకాలు చాలా ప్రజాదరణ పొందాయి. ఎందుకంటే చిన్నదైనా, పెద్దదైనా ఎలాంటి పెట్టుబడికైనా భద్రతకు ప్రభుత్వమే హామీ ఇస్తుంది. అంటే ఇవి పూర్తిగా ప్రమాద రహితం. పోస్ట్ ఆఫీస్ ఆర్డీ పథకం 6.7 వడ్డీ రేటును కూడా అందిస్తుంది. ఈ పథకాన్ని పోస్ట్ ఆఫీస్ పిగ్గీ బ్యాంక్ అని కూడా పిలుస్తారు. చిన్న పెట్టుబడులతో గణనీయమైన నిధులు పోగుచేసుకోవచ్చు. అయితే పోస్ట్ ఆఫీస్ రికరింగ్ డిపాజిట్ పథకంలో పెట్టుబడి పెడితే మెచ్యూరిటీ అయ్యేందుకు 5 సంవత్సరాల కాలపరిమితి ఉంటుంది.

Also Read : అధిక రాబడితో పాటు భద్రతనిచ్చే పోస్టాఫీస్ పథకాలు.. భవిష్యత్తు కోసం డబ్బు ఆదా చేయాలంటే ఇవే బెస్ట్

Salary Budgeting Tips : నెల చివరిలో డబ్బులు సరిపోవట్లేదా? అయితే శాలరీ రాగానే(Salary Credit) ఈ టిప్స్ ఫాలో అవ్వండి

Geddam Vijaya Madhuri — Mon, 31 Aug 2026 10:29:54 +0530

Money Management Tips to Avoid Month-End Financial Stress : నెల మొదట్లో శాలరీ అకౌంట్‌లో పడగానే మనసుకు కాస్త హాయిగా ఉంటుంది. కానీ అద్దె, కరెంట్ బిల్లు, EMIలు, పిల్లల స్కూల్ ఖర్చులు, కిరాణా, బయట తినడం, షాపింగ్, ఆన్‌లైన్ ఆర్డర్లు.. ఇలా ఒక్కొక్కటి చెల్లిస్తూ పోతే నెల మధ్యలోనే బ్యాంక్ బ్యాలెన్స్ తగ్గిపోతుంది. నెల చివరికి ఏదైనా అత్యవసర ఖర్చు వస్తే జీతం రావడానికి ఇంకా ఎన్ని రోజులు ఉందని కౌంట్ చేసుకుంటూ ఉంటారు.

నిజానికి సమస్య జీతం తక్కువగా ఉండటమే కాదు.. జీతం వచ్చిన వెంటనే ఖర్చులకు సరైన ప్లాన్ లేకపోవడం కూడా ప్రధాన కారణం కావచ్చు. అందుకే శాలరీ క్రెడిట్ అయిన రోజే కొన్ని విషయాలను పక్కాగా ప్లాన్ చేసుకుంటే నెల చివర్లో ఆర్థిక ఒత్తిడిని తగ్గించుకోవచ్చని చెప్తున్నారు ఆర్థిక నిపుణులు.

శాలరీ రాగానే చేయాల్సిన మొదటిపని..

చాలామంది ముందుగా తమ నెల మొత్తం ఖర్చులు చేసి.. చివర్లో ఏమైనా మిగిలితే దానిని సేవ్ చేద్దామని అనుకుంటారు. కానీ ఆ పద్ధతిని ఫాలో అయితే పెద్దగా డబ్బు మిగలదు. అందుకే ముందే సేవింగ్.. తర్వాత ఖర్చులు అనే అలవాటు చేసుకోవడం మంచిది. అంటే జీతం అకౌంట్‌లో పడిన వెంటనే మీకు సాధ్యమైన మొత్తాన్ని సేవింగ్స్ అకౌంట్‌కు పంపేసుకోండి. అది చిన్న మొత్తం అయినా పర్వాలేదు. స్టార్ట్ చేయడమే ముఖ్యం. అలాగే అది అలవాటుగా మారాలి.

ఖర్చులు ముందే లెక్క పెట్టుకోండి..

నెలలో తప్పకుండా చెల్లించాల్సిన ఖర్చులను ముందుగానే రాసుకోవాలి. బడ్జెట్ ప్లానింగ్లో ఇది మరో ప్రధానమైన విషయం. మీకు ఉన్న ఖర్చులు అంటే ఇంటి అద్దె, EMI, కరెంట్, వాటర్, గ్యాస్ బిల్లులు, పిల్లల ఫీజులు, కిరాణా, ట్రాన్స్‌పోర్ట్ ఖర్చులు, ఫోన్, ఇంటర్నెట్ బిల్లులు, మందులు లేదా ఇతర తప్పనిసరి ఖర్చులు మొత్తం రాసుకోవాలి. ఇది ఎంత అవుతుందో ముందే తెలుసుకుంటే.. మీ దగ్గర ఖర్చు చేయడానికి ఎంత డబ్బు మిగుతుందో తెలుస్తుంది.

Also Read : జీతం పెరిగినా డబ్బులు మిగలట్లేదా? అయితే కారణాలు ఇవే, ఇలా సేవింగ్స్ చేసుకోండి

EMIలు, బిల్లులు

జీతం రాగానే తర్వాత చెల్లిద్దాం అని బిల్లులను వాయిదా వేస్తే చివర్లో అన్నీ ఒకేసారి పడతాయి. లేదా వాటి ఇంట్రెస్ట్ రేట్ పెరిగే అవకాశం ఉంది. అందుకే శాలరీ వచ్చిన వెంటనే అవసరమైన బిల్లులు, EMIలు వంటి తప్పనిసరి చెల్లింపులను ముందుగానే పే మంచిది.

రోజువారీ ఖర్చులకు లిమిట్..

నెల మొత్తం డబ్బు ఒకేసారి చేతిలో ఉందని భావించి ఖర్చు చేస్తే.. మొదటి 10–15 రోజుల్లోనే ఎక్కువ మొత్తం ఖర్చయ్యే అవకాశం ఉంటుంది. అందుకే మిగిలిన డబ్బును నెలలోని రోజులకు అనుగుణంగా డివైడ్ చేసుకోవాలి. తప్పనిసరి ఖర్చులు, సేవింగ్స్ అన్నీ పక్కన పెట్టిన తర్వాత మీ దగ్గర ఎంత మిగిలితే.. దాన్ని మొత్తం నెలకు ఎలా ఉపయోగించాలో ముందుగానే ప్లాన్ చేసుకోండి. అలా చేస్తే మొదటి వారంలోనే ఎక్కువ ఖర్చు చేసి చివరి వారంలో ఇబ్బంది పడే పరిస్థితి తగ్గుతుంది.

UPI ఖర్చులను ట్రాక్ చేయండి

రోజుకు 100, 200, 300 ఇలా చిన్న చిన్న మొత్తాలు UPI పేమెంట్స్ చేస్తే ఖర్చు పెద్దగా అనిపించదు. కానీ నెల మొత్తం లెక్క వేసుకుంటే ఆ చిన్న ఖర్చులే పెద్దగా మారతాయి. కాబట్టి టీ, కాఫీ, ఫుడ్ డెలివరీ, క్యాబ్, ఆన్‌లైన్ షాపింగ్ వంటి ఖర్చులను ఒకసారి ట్రాక్ చేసుకోండి. డబ్బు ఎక్కడికి వెళ్తోంది? అనే ప్రశ్నకు సమాధానం తెలిస్తే ఖర్చులు కంట్రోల్ చేసుకోవడం ఈజీ అవుతుంది.

ఆన్‌లైన్ షాపింగ్‌

సేల్ కనిపించగానే అవసరం లేకపోయినా కొనడం, కార్ట్‌లో ఉన్న వస్తువులను వెంటనే ఆర్డర్ చేయడం వంటి అలవాట్లు బడ్జెట్‌ను దెబ్బతీస్తాయి. ఏదైనా కొనాలనిపిస్తే వెంటనే ఆర్డర్ చేయకుండా అవి నిజంగా అవసరమా? లేక కేవలం ఇష్టం వల్ల కొనాలనిపిస్తుందా? అని ఆలోచించుకోండి. ఈ ఒక్క అలవాటు చాలా అనవసర ఖర్చులను దూరం చేస్తుంది.

Also Read : AIతో నెలకు లక్షల్లో సంపాదించవచ్చు.. ఇలా వాడితే డబ్బే డబ్బు

క్రెడిట్ కార్డు వినియోగం..

క్రెడిట్ కార్డులో 50,000 లిమిట్ ఉంటే.. మన దగ్గర 50,000 ఉన్నట్లు కాదు. అది అప్పుగా తీసుకునే అవకాశం మాత్రమే. ప్రతి నెల పూర్తిగా చెల్లించలేని స్థాయిలో క్రెడిట్ కార్డ్ ఖర్చులు చేస్తే వడ్డీ, భారం పెరిగిపోతుంది. అందుకే తప్పని పరిస్థితుల్లో తిరిగి చెల్లించగలిగే మొత్తానికే ఖర్చు చేయడం మంచిది.

ఎమర్జెన్సీ ఫండ్

అనుకోకుండా ఉద్యోగంలో మార్పు రావడం, ఇంట్లో అత్యవసర ఖర్చు రావడం, వాహనం రిపేర్ కావడం వంటి పరిస్థితుల్లో అప్పు చేయకుండా ఉండేందుకు ఎమర్జెన్సీ ఫండ్ ఉండేలా సెట్ చేసుకోండి. మొదట చిన్న మొత్తంతో ప్రారంభించి క్రమంగా పెంచుకోండి. మీ ఆదాయం, కుటుంబ పరిస్థితులకు అనుగుణంగా ఎమర్జెన్సీ ఫండ్ లక్ష్యాన్ని నిర్ణయించుకోవడం మంచిది.

నెల చివర్లో డబ్బులు ఎందుకు సరిపోలేదో తెలుసుకోవాలంటే.. ఆ నెల ఖర్చులను ఒకసారి చెక్ చేసుకోండి. ఏ ఖర్చు అవసరమైనది.. ఏది తగ్గించుకోవచ్చు.. ఎక్కడ ఎక్కువ డబ్బు ఖర్చైంది.. ఏ సబ్‌స్క్రిప్షన్‌ను ఉపయోగించడం లేదు.. ఇలా నెలకు ఒకసారి లెక్క చూసుకుంటే.. మీకు తెలియకుండానే అనవసర ఖర్చులు బయటపడతాయి. బడ్జెట్ అంటే అన్ని సరదాలను వదులుకోవడం కాదు.. వాటికి ఒక పరిమితి పెట్టుకోవడమని గుర్తించుకుంటే నెల చివరిలో ఇబ్బందులు ఉండవు.

Credit Card Eligibility: బ్యాంక్ అకౌంట్ లేకున్నా క్రెడిట్ కార్డు తీసుకోవచ్చా ? ఎవరికి జారీ చేస్తారు

Shankar Dukanam — Sun, 30 Aug 2026 11:55:08 +0530

సార్/ మేడం మేం పలానా బ్యాంక్ నుంచి కాల్ చేస్తున్నాం. మీకు క్రెడిట్ కార్డ్ ఏమైనా కావాలా అని వారి రిప్రజెంటెటివ్స్ అడుగుతుంటారు. అయితే క్రెడిట్ కార్డు తీసుకోవడానికి బ్యాంకులో అకౌంట్ ఉండటం అవసరమా? అంటే తప్పనిసరిగా అదే బ్యాంకులో అకౌంట్ ఉన్న వ్యక్తికే క్రెడిట్ కార్డు ఇవ్వాలనే రూల్ ఉండదు. పలు బ్యాంకులు తమ వద్ద బ్యాంక్ అకౌంట్ లేని వారికి కూడా క్రెడిట్ కార్డులు జారీ చేస్తుంటాయి.

నిపుణుల ప్రకారం, బ్యాంకులు ముందుగా దరఖాస్తుదారుడి ఆదాయం ఎంత, వారు ఏ పని చేస్తారు, క్రెడిట్ స్కోర్ ఎలా ఉంది. సమయానికి బిల్ పేమెంట్ చేయగలరా లేదా అనే విషయాన్ని పరిశీలిస్తారు. ఈ విషయాల్లో క్లారిటీ వస్తే చాలు బ్యాంక్ అకౌంట్ లేకుండానే కూడా ఆ వ్యక్తికి క్రెడిట్ కార్డు జారీ చేస్తారు.

ఎఫ్‌డీని చూసి క్రెడిట్ కార్డు జారీ

కొన్నిసార్లు ఒక వ్యక్తికి బ్యాంక్ అకౌంట్ కూడా ఉండదు. దాంతో వారికి క్రెడిట్ హిస్టరీ కూడా ఉండదు. అలాంటి సందర్భాల్లో కొన్ని బ్యాంకులు ఎఫ్‌డీ(FD)కి బదులుగా కూడా క్రెడిట్ కార్డు జారీ చేస్తాయి. దీని ద్వారా ప్రజలకు మంచి క్రెడిట్ హిస్టరీ క్రియేట్ చేసుకునే అవకాశం లభిస్తుంది. అంటే వ్యక్తికి క్రెడిట్ కార్డు వస్తుంది. అక్కడి నుంచి ఆ వ్యక్తికి క్రెడిట్ హిస్టరీ ప్రారంభమవుతుంది.

క్రెడిట్ కార్డు కోసం దరఖాస్తు ప్రక్రియ

క్రెడిట్ కార్డు కోసం దరఖాస్తు చేసేటప్పుడు ఆధార్ కార్డు, పాన్ కార్డు, అడ్రస్ ప్రూఫ్, మీ ఆదాయానికి సంబంధించిన కొన్ని అవసరమైన డాక్యుమెంట్స్ సబ్మిట్ చేయాలి. అయితే ప్రతి బ్యాంక్‌కు వారికంటూ వేర్వేరు రూల్స్, కండీషన్స్ ఉంటాయని గుర్తుంచుకోండి. చాలాసార్లు ప్రీపెయిడ్ కార్డు, క్రెడిట్ కార్డుకు ప్రత్యామ్నాయం అని ప్రజల్లో అపోహ ఉంటుంది. కానీ అందులో నిజం కాదు. ప్రీపెయిడ్ కార్డులో మీరు మీ డబ్బును ముందుగానే లోడ్ చేసి ఖర్చు చేస్తారు.

Also Read: Online Shopping News: ఆన్‌లైన్ షాపింగ్ ప్రియులకు బిగ్‌షాక్! సెప్టెంబర్ 1 డెలివరీ ఛార్జీలు పెంపు!

క్రెడిట్ కార్డు, ప్రీపెయిడ్ కార్డుకు మధ్య వ్యత్యాసం ఏమిటి?

క్రెడిట్ కార్డు, ప్రీపెయిడ్ కార్డు 2 వేర్వేరు రకాల కార్డులు అని గ్రహించాలి. బిల్లులు సకాలంలో చెల్లిస్తూ క్రెడిట్ కార్డును సరిగ్గా ఉపయోగిస్తే మీ క్రెడిట్ స్కోర్ మెరుగుపడవచ్చు. అయితే ప్రీపెయిడ్ కార్డు వినియోగం క్రెడిట్ స్కోర్‌పై ఎలాంటి ప్రభావం చూపదు. ప్రీపెయిడ్ కార్డు అంటే ముందుగానే మనీ జమ చేసే కార్డు. వినియోగదారు కార్డులో ఉన్న మొత్తాన్ని తమ అవసరాలకు తగ్గట్లుగా ఖర్చు చేయవచ్చు. క్రెడిట్ కార్డును మీ వద్ద నగదు లేకపోయినా అందులో ఉన్న లిమిట్ వరకు షాపింగ్ చేయవచ్చు. బిల్లులు పే చేసే వీలుంటుంది. అందువల్ల ప్రీపెయిడ్ కార్డును క్రెడిట్ కార్డుగా భావించవద్దు.

క్రెడిట్ కార్డుతో జాగ్రత్త

క్రెడిట్ కార్డును బాగా ఆలోచించి, జాగ్రత్తగా అవసరం ఉన్నప్పుడు మాత్రమే ఉపయోగించాలి. ఎంత ఖర్చు చేస్తారో, దాని బిల్ సైకిల్ సమయానికి తిరిగి చెల్లించాలి. సరిగ్గా ఉపయోగిస్తే క్రెడిట్ కార్డు అవసరమైన సమయంలో మిమ్మల్ని ఆదుకుంటుంది. క్రెడిట్ కార్డు తీసుకునే ముందు దాని వడ్డీ రేటు, వార్షిక ఫీజు, లేట్ ఫీజుతో పాటు ఇతర అన్ని ఛార్జీల గురించి పూర్తిగా తెలుసుకోవాలని ఆర్థిక నిపుణులు సూచిస్తున్నారు.

Personal Bankruptcy in India: సామాన్యుడు తాను దివాలా తీసినట్లు ప్రకటించుకోవచ్చా? చట్టం ఏం చెబుతుంది?

Khagesh — Fri, 28 Aug 2026 18:24:44 +0530

Personal Bankruptcy in India: ఎస్సెల్ గ్రూప్ ఛైర్మన్ సుభాష్ చంద్ర తనపై దాఖలైన వ్యక్తిగత దివాలా కేసులో ₹6.5 కోట్లు చెల్లించాల్సి ఉంటుంది. బ్యాంకులు, ఇతర ఆర్థిక సంస్థలు మొత్తం ₹22,006.57 కోట్ల క్లెయిమ్‌ల కోసం రికవరీ చర్యలను ప్రారంభించాయి. అంటే 22,006.57 కోట్ల రుణానికి బదులు సుభాష్ చంద్ర ఆరున్నర కోట్లు చెల్లిస్తే సరిపోతుంది. ఈ ప్రతిపాదనకు అప్పులు ఇచ్చిన సంస్థలు ఓటు వేయగా... దివాలా, బ్యాంక్రప్సీ కోడ్ కింద నేషనల్ కంపెనీ లా ట్రైబ్యునల్ ఆ నిర్ణయాన్ని సమర్థించింది. అందుకే క్లెయిమ్‌లోని ప్రతి ₹100కి రికవరీ మొత్తం కేవలం మూడు పైసలు మాత్రమే. ఈ కేసు ఒక ముఖ్యమైన ప్రశ్నను లేవనెత్తుతోంది. ఒక పెద్ద వ్యాపారవేత్తే వ్యక్తిగత దివాలా ప్రక్రియను ఎదుర్కోగలిగినప్పుడు, ఒక సాధారణ వ్యక్తి కూడా తన రుణాలను తిరిగి చెల్లించలేకపోతే వ్యక్తిగతంగా దివాలా తీసినట్లు ప్రకటించుకోవచ్చా? ఈ ప్రశ్నకు సమాధానం తెలుసుకుందాం.

దివాలా, బ్యాంక్రప్సీ కోడ్ సామాన్యుడిని ఎందుకు పూర్తిగా వర్తించదు ?

దివాలాలను పరిష్కరించడానికి, రుణాలను వసూలు చేయడానికి ఒక ఆధునిక చట్రాన్ని సృష్టించేందుకు దివాలా, బ్యాంక్రప్టసీ కోడ్, 2016ను రూపొందించారు. ఈ చట్టం కంపెనీలకు, కార్పొరేట్ రుణగ్రహీతలకు పూర్తిగా వర్తిస్తుంది. అయితే, వ్యక్తులు, భాగస్వామ్య సంస్థల దివాలా, బ్యాంక్రప్టసీకి సంబంధించిన ఐబిసిలోని పార్ట్ 3, సాధారణ ప్రజల కోసం ఇంకా పూర్తిగా అమలు కాలేదు.

ఒక ముఖ్యమైన మినహాయింపు ఉంది. ఐబిసి ప్రకారం, ఒక కంపెనీ లేదా భాగస్వామ్య సంస్థ తీసుకున్న కార్పొరేట్ రుణానికి ఒక వ్యక్తి వ్యక్తిగత హామీ ఇచ్చి, ఆ తర్వాత రుణగ్రహీత చెల్లింపులో విఫలమైతే, ఆ వ్యక్తి దివాలా ప్రక్రియను ఎదుర్కోవలసి వస్తుంది. అందుకే పెద్ద కార్పొరేట్ రుణాలకు సంబంధించిన కేసులలో వ్యక్తిగత దివాలా ప్రక్రియలను ప్రారంభించవచ్చు. కేవలం వ్యక్తిగత రుణం తీసుకున్న వ్యక్తికి పరిస్థితి భిన్నంగా ఉంటుంది.

ఇప్పటికీ అమలులో పాత దివాలా చట్టాలు

వ్యక్తిగత అప్పులను ఎదుర్కొంటున్న వ్యక్తులకు చట్టపరమైన మార్గాలు పూర్తిగా లేవని కాదు. భారత్‌లో వ్యక్తిగత దివాలాకు సంబంధించిన రెండు పాత చట్టాలు ఇప్పటికీ అమల్లో ఉన్నాయి.

ప్రెసిడెన్సీ టౌన్స్‌ దివాలా చట్టం, 1909 – ముంబై, కోల్‌కతా, చెన్నైతో సహా కొన్ని మహానగర ప్రాంతాలకు వర్తిస్తుంది.

టెరిటోరియల్ దివాలా చట్టం, 1920 – దేశంలోని మిగిలిన ప్రాంతాలకు వర్తిస్తుంది.

క్రెడిట్ కార్డులు, డిజిటల్ రుణ వేదికలు, వినియోగదారు రుణాలు, తక్షణ ఆన్‌లైన్ రుణాలతో కూడిన నేటి ఆర్థిక వాతావరణం ఏర్పడక చాలా కాలం ముందు, అంటే ఒక శతాబ్దానికి పైగా క్రితం ఈ చట్టాలు రూపొందించారు. అందుకే ఆధునిక ఆర్థిక వ్యవస్థలో వాటి విధానాలు పాతవిగా, క్లిష్టమైనవిగా ఉన్నాయి.

సాధారణ ప్రజలకు వ్యక్తిగత దివాలా ఎందుకు కష్టంగా ఉంటుంది?

అప్పుల్లో ఉన్న వ్యక్తి కేవలం ప్రభుత్వ కార్యాలయానికి వెళ్లి దివాలా ప్రకటించుకోలేరు. వారు సాధారణంగా సంబంధిత న్యాయస్థానానికి వెళ్లి, అధికారిక న్యాయ ప్రక్రియను అనుసరించాల్సి ఉంటుంది.

అప్పులు తీసుకున్న వ్యక్తి ఒక న్యాయవాది సహాయంతో దివాలా కోసం దరఖాస్తు చేసుకోవాలి. అప్పులు ఇచ్చిన సంస్థలు, చెల్లించాల్సిన అప్పులు, ఆస్తులు, ఆదాయంతో సహా తమ ఆర్థిక పరిస్థితికి సంబంధించిన సమాచారాన్ని అందించాలి. ఆ వ్యక్తి తాము నిజంగా తమ ఆర్థిక బాధ్యతలను నెరవేర్చలేకపోతున్నామని, తమ అప్పులు చెల్లించే సామర్థ్యానికి మించి ఉన్నాయని నిరూపించుకోవాలి. ఆ తర్వాత న్యాయస్థానం కేసును విచారిస్తుంది, సంబంధిత పార్టీల వాదనలు వింటుంది. అవసరమైన విచారణలు జరుపుతుంది.

ఒక వ్యక్తి దివాలా తీసినట్లు ప్రకటించిన తర్వాత ఏం జరుగుతుంది?

దివాలా ప్రకటించడం అంటే కేవలం అప్పుల నుంచి విముక్తి పొందడం మాత్రమే కాదు. ఇది ఒక వ్యక్తి ఆస్తులు, ఆర్థిక పరిస్థితులు, భవిష్యత్ అవకాశాలపై తీవ్రమైన ప్రభావం చూపుతుంది. ఇందులో అత్యంత ముఖ్యమైన పరిణామం వ్యక్తిగత ఆస్తుల అమ్మకం. అప్పటి పరిస్థితులు, వర్తించే చట్టాలను బట్టి, ఇల్లు, కారు లేదా ఆభరణాలు వంటి ఆస్తులను దివాలా ప్రక్రియలో చేర్చి, రుణదాతలకు చెల్లించడానికి ఉపయోగించవచ్చు. కొన్ని ముఖ్యమైన వస్తువులను కాపాడుకోగలిగినప్పటికీ, దివాలా అంటే ఒక వ్యక్తి తన ఆస్తులన్నింటినీ ఉంచుకొని, అప్పులన్నీ తీరిపోతాయని కాదు. ఒక వ్యక్తి ఆర్థిక ప్రతిష్ట కూడా తీవ్రంగా దెబ్బ తింటుంది. ఫలితంగా భవిష్యత్తులో రుణాలు పొందే సామర్థ్యంపై తీవ్రంగా ప్రభావితం చేస్తుంది. దీనివల్ల సాంప్రదాయ బ్యాంకింగ్ క్రెడిట్ సేవలను పొందడం కష్టమవుతుంది.

UPI 10 Years: భారత యూపీఐ చెల్లింపులను అంగీకరించే దేశాలు ఏవి?

Khagesh — Wed, 26 Aug 2026 11:00:55 +0530

UPI 10 Years: భారత్‌లో యూపీఐ ద్వారా చెల్లింపులు చేయడం దైనందిన జీవితంలో భాగమైపోయింది. అయితే, గత 10 సంవత్సరాలుగా, దీని పరిధి దేశం దాటి విస్తరించింది. విదేశాల్లోని ప్రజలు ఇప్పుడు భారత్‌కు చెల్లింపులు చేయడానికి లేదా డబ్బు పంపడానికి యూపీఐని ఉపయోగిస్తున్నారు. ప్రభుత్వ లెక్కల ప్రకారం, యూపీఐ ఇప్పుడు 11 దేశాల్లో చెలామణిలో ఉంది. జూలై 2026లో, దీని ద్వారా ₹29.87 లక్షల కోట్ల విలువైన లావాదేవీలు జరిగాయి.

ఆ దేశాల్లో, చెల్లింపులను స్వీకరించడానికి, కొన్ని సందర్భాల్లో భారత్‌ సరిహద్దు దాటి డబ్బు బదిలీ చేయడానికి UPIని ఉపయోగిస్తున్నారు. UPIలో చేరిన సరికొత్త దేశాల్లో గ్రీస్, మాల్దీవులు ఉన్నాయి. భూటాన్, నేపాల్, సింగపూర్, యూఏఈ, ఫ్రాన్స్, శ్రీలంక, మారిషస్, ఖతార్, కంబోడియా, గ్రీస్, మాల్దీవులతో సహా 11 దేశాలు భారతీయ UPIని ఉపయోగించి లావాదేవీలను స్వీకరిస్తున్నాయి.

భారీగా పెరిగిన లావాదేవీలు

జూలై 2026 నాటికి, UPI ద్వారా ₹29.87 లక్షల కోట్ల విలువైన 2,365.8 కోట్ల లావాదేవీలు జరిగాయి. ఈ సమయంలో, 741 బ్యాంకులు UPIకి అటాచ్ అయ్యాయి. ప్రభుత్వం ప్రకారం, 2016-17, 2025-26 ఆర్థిక సంవత్సరాల మధ్య వార్షిక UPI లావాదేవీల సంఖ్య దాదాపు 12,000 రెట్లు పెరిగింది.

UPI 2016లో ప్రారంభమైంది. తదనంతరం అనేక కొత్త సేవలు ఇందులో అందుబాటులోకి వచ్చాయి. 2020, 2022 మధ్య, UPI ఆటోపే, UPI పే, UPI లైట్ వంటి సేవలు ప్రవేశపెట్టారు. క్రెడిట్ కార్డులను UPIకి అనుసంధానించే సేవ కూడా ప్రారంభమైంది. ఇది భూటాన్‌లో UPI సేవల ప్రారంభంతో ఒకేసారి జరిగింది.

2024లో, UPI సర్కిల్ ప్రారంభమైంది. దీని ద్వారా ప్రధాన వినియోగదారుడు తమ బ్యాంక్ ఖాతా నుంచి మరొక వినియోగదారునికి నిర్దిష్ట కాలపరిమితిలోగా చెల్లింపులను ఆమోదించవచ్చు. పన్ను చెల్లింపుల కోసం UPI పరిమితిని కూడా ₹100,000 నుంచి ₹500,000కి పెంచారు. UPI 123PAY పరిమితిని ₹10,000కి, UPI లైట్ వాలెట్ పరిమితిని ₹5,000కి పెంచారు.

2025లో, యూపీఐ వేలిముద్ర లేదా ఫేస్ అన్‌లాక్ ద్వారా చెల్లింపులు, ఆధార్ ఉపయోగించి ఫేస్‌ రికగ్నేషన్‌ వంటి సేవలను చేర్చనుంది. 2024లో ప్రపంచవ్యాప్త రియల్-టైమ్ చెల్లింపు లావాదేవీలలో సుమారు 49% యూపీఐ వాటా ఉంటుందని ఐఎంఎఫ్ జూన్ 2025 నివేదిక పేర్కొంది. అంటే, 10 సంవత్సరాల్లో యూపీఐ భారత్‌ డిజిటల్ చెల్లింపుల వ్యవస్థను మార్చివేసి, విదేశాలలో తన ఉనికిని చాటుకుంది. 11 దేశాలలో దీని ఉనికి, భారత్‌ డిజిటల్ చెల్లింపుల మోడల్‌ పెరుగుతున్న తీరును తెలియజేస్తుంది.

Senior Citizen Savings Scheme: సీనియర్ సిటిజన్లకు ప్రతి 3 నెలలకు అకౌంట్లోకి రూ.25,000.. సేఫ్ సేవింగ్ స్కీమ్ పూర్తి వివరాలు

Shankar Dukanam — Tue, 25 Aug 2026 16:02:08 +0530

Income Scheme In India | మీ వయసు 60 సంవత్సరాలు లేదా అంతకంటే ఎక్కువ ఉన్నట్లయితే.. లేదా మీ ఇంట్లో ఎవరైనా సీనియర్ సిటిజన్ ఉంటే వారికి ఇది శుభవార్త. రిటైర్మెంట్ తర్వాత సీనియర్ సిటిజన్లకు గ్యారెంటీడ్ రెగ్యులర్ ఆదాయాన్ని ఇచ్చే ఒక ప్రభుత్వ పథకం వివరాలు ఇక్కడ అందిస్తున్నాం.

భారత ప్రభుత్వానికి సంబంధించిన అత్యంత నమ్మకమైన ప్రభుత్వ పథకం సీనియర్ సిటిజన్ సేవింగ్స్ స్కీమ్ (Senior Citizens Savings Scheme) గురించి తెలుసుకోవాలి. ప్రభుత్వం అందించే ఈ సేవింగ్స్ స్కీమ్ ప్రత్యేకత ఏమిటంటే, దీనిని ప్రత్యేకంగా సీనియర్ సిటిజన్స్ (60 ఏళ్లు, ఆ వయసు దాటిన వారి) కోసమే రూపొందించారు. ఇందులో క్రమం తప్పకుండా వడ్డీ వస్తుంది. రిటైర్మెంట్ తర్వాత, లేక ఆ వయసు వచ్చిన వారికి తమ ఇతర పెట్టుబడులతో పాటు నిలకడైన ఆదాయ మార్గాన్ని కోరుకుంటే ఇది ఎంతో ప్రయోజనకరంగా ఉంటుంది.

వడ్డీ ఎంత వస్తుంది

ప్రస్తుత ఆర్థిక సంవత్సరం 2026లో కేంద్ర ప్రభుత్వం ఈ పథకంపై ఏడాదికి 8.2 శాతం చొప్పున గ్యారెంటీడ్ వడ్డీని అందిస్తోంది. ఈ స్కీమ్‌లో వడ్డీ చెల్లింపు ప్రతి త్రైమాసికంలో (ఏప్రిల్ 1, జూలై 1, అక్టోబర్ 1, జనవరి 1 తేదీల్లో) నేరుగా లబ్ధిదారుడి బ్యాంక్ ఖాతాలో జమ చేస్తారు. ఏడాదిలో 4 సార్లు ప్రతి త్రైమాసికానికి వడ్డీ లభిస్తుంది. కనుక రిటైర్మెంట్ తర్వాత టెన్షన్ లేని సంపాదనకు ఇది ఒక మంచి స్కీమ్.

ప్రతి 3 నెలలకు 25,000 రూపాయలు

మీరు ప్రతి 3 నెలలకు 25,000 రూపాయల వరకు స్థిరమైన ఆదాయం పొందాలనుకుంటే, మీరు ₹12,20,000 (రూ. 12.20 లక్షలు) ఒకసారి పెట్టుబడి పెట్టాల్సి ఉంటుంది. అసలే రిటైర్మెంట్ అయ్యేవారు కనుక వారి వద్ద ఉండే ఫండ్, లేక ఆ సమయంలో వచ్చే ఫండ్ ను ఇలా ఇన్వెస్ట్ చేసే ఛాన్స్ ఉంది. ఈ మొత్తంపై 8.2 శాతం వార్షిక వడ్డీ రేటు చొప్పున ఏడాదికి వచ్చే మొత్తం వడ్డీ 1,00,040 అవుతుంది. ఈ లెక్కన ప్రతి త్రైమాసికానికి (3 నెలలకు) వీరికి ₹25,010 వడ్డీ రూపంలో ఖాతాలో లభిస్తుంది. ఈ స్కీమ్ కింద ఒక వ్యక్తి గరిష్టంగా రూ. 30 లక్షల వరకు ఇన్వెస్ట్ పెట్టవచ్చు. ఒకవేళ సీనియర్ సిటిజన్ దంపతులు వేర్వేరు ఖాతాలు తెరిస్తే, వారిద్దరూ కలిసి రూ. 60 లక్షల వరకు ఇన్వెస్ట్ చేయవచ్చు.

రిస్క్ ఫ్రీగా ఆదాయం

ఇది భారత ప్రభుత్వ సపోర్టింగ్ స్కీమ్. కనుక ఇందులో ప్రైవేట్ బ్యాంక్ లేదా కార్పొరేట్ FDల తరహాలో డబ్బు నష్టపోయే ప్రమాదం ఉండదు. ఈ స్కీమ్ కింద 5 సంవత్సరాల కాలపరిమితికి అకౌంట్ ఓపెన్ చేయవచ్చు. 5 ఏళ్లు పూర్తయిన తర్వాత, మీరు దీనిని మరో 3 సంవత్సరాల పాటు పొడిగించుకోవచ్చు. ఈ స్కీమ్‌లో మరో ప్రత్యేకత ఏంటంటే, ఒకసారి ఖాతా తెరిచిన తర్వాత భవిష్యత్తులో ప్రభుత్వం వడ్డీ రేట్లను తగ్గించినప్పటికీ, మీకు మొత్తం 5 సంవత్సరాల పాటు 8.2 శాతం వడ్డీనే లభిస్తుంది.

SCSS అకౌంట్ ఎక్కడ తెరవాలి?

మీరు దగ్గర్లోని పోస్ట్ ఆఫీస్ (Post Office) లేదా ఏదైనా ప్రభుత్వ/ ప్రైవేట్ బ్యాంక్‌కు వెళ్లి ఈ అకౌంట్ తెరవవచ్చు. ఇందులో వచ్చే వడ్డీ పూర్తిగా పన్ను పరిధిలోకి వస్తుంది. ఒకవేళ ఏడాదిలో మీ మొత్తం వడ్డీ రూ. 50,000 కంటే ఎక్కువగా ఉంటే దానిపై TDS కట్ చేస్తారు. అయితే, మీరు ప్రతి ఆర్థిక సంవత్సరం ప్రారంభంలో ఫారమ్ 15H (Form 15H) సబ్మిట్ చేసి TDS కోత నుంచి తప్పించుకోవచ్చు.

LPG e-KYC: LPG ఇ-KYC చేయని గ్యాస్ కనెక్షన్ నిలిపేస్తారా? అలాంటి వారు ఏం చేయాలి?

Khagesh — Mon, 24 Aug 2026 09:20:14 +0530

LPG e-KYC: లక్షలాది ఎల్పీజీ గ్యాస్ సిలిండర్ వినియోగదారులకు బిగ్ అలర్ట్. గృహ వినియోగ గ్యాస్ కనెక్షన్ల కోసం ఆధార్ ఆధారిత ఇ-కేవైసీని పూర్తి చేయడానికి చివరి గడువు ఆగస్టు 23. ఇప్పుడు ఆ గడువు ముగిసింది. ఇంకా తమ ఇ-కేవైసీని పూర్తి చేసుకోని వారు తీవ్ర ఆందోళనలో ఉన్నారు. తమ గ్యాస్ కనెక్షన్‌ను నిలిపివేస్తారేమోనని, తద్వారా తమకు తదుపరి సిలిండర్ అందదేమో అనే టెన్షన్ వారిలో ఉంది.

మీ గ్యాస్ కనెక్షన్ నిలిపేస్తారా?

ఇ-కేవైసి గడువు ముగిసినంత మాత్రాన ఆగస్టు 24న మీ గ్యాస్ కనెక్షన్ నిలిపివేయబోరు. కేవైసి లేని అన్ని కనెక్షన్‌లను వెంటనే నిలిపివేస్తామని చమురు కంపెనీల నుంచి ఎటువంటి సమాచారం లేదు. అయితే, భవిష్యత్తులో కేవైసి లేని కనెక్షన్‌లపై గ్యాస్ బుకింగ్‌లు లేదా సబ్సిడీకి సంబంధించిన అంశాల్లో సమస్యలు తలెత్తవచ్చు. కాబట్టి, మీరు ఇంకా ఇది చేయనట్లయితే, ఎలాగైనా దీన్ని పూర్తి చేయడానికి ప్రయత్నించండి.

గడువు ఎప్పుడు?

ఎల్‌పిజి ఇ-కెవైసి గడువును వాస్తవానికి ఆగస్టు 16, 2026గా నిర్ణయించారు. అయితే, సర్వర్ పని చేయకపోవడం, అనేక ఇతర సాంకేతిక సమస్యల కారణంగా, దానిని పొడిగించవలసి వచ్చింది. గ్యాస్ ఏజెన్సీల వద్దకు వచ్చే వారి సంఖ్య పెరగడంతో, కెవైసి గడువును ఆగస్టు 23 వరకు పొడిగించారు. ఇప్పుడు, ఆగస్టు 23 గడువు కూడా ముగిసిపోయింది.

మీరు మీ ఇ-కేవైసిని పూర్తి చేయకపోతే ఏం జరుగుతుంది?

మీరు మీ ఇ-కేవైసిని పూర్తి చేయనట్లయితే, దాని ప్రధాన ప్రభావం గ్యాస్ బుకింగ్‌లు, సబ్సిడీలపై పడవచ్చు. వివిధ మీడియా సోర్స్‌ ప్రకారం, ఇ-కేవైసి లేని వినియోగదారులకు బుకింగ్‌లు, సబ్సిడీలు నిలిపివేయవచ్చు. దీని అర్థం గ్యాస్ కనెక్షన్‌లు వెంటనే రద్దు చేయరు, కానీ సేవలకు అంతరాయం కలగవచ్చు.

ఇప్పటికీ ఇ-కేవైసిని పూర్తి చేయవచ్చా?

మీరు ఇప్పటికే మీ ఇ-కేవైసిని పూర్తి చేయకపోతే, ముందుగా మీ గ్యాస్ కంపెనీ వెబ్‌సైట్‌ను చెక్‌ చేయండి. ఇండేన్, హెచ్‌పీ వినియోగదారులు తమ ఎల్‌పిజి సేవల కోసం ఇండియన్‌ఆయిల్ వెబ్‌సైట్, హిందుస్తాన్ పెట్రోలియం వెబ్‌సైట్‌కు సంబంధిత సేవలను ఉపయోగించుకోవచ్చు. మొబైల్ ద్వారా అనేక ప్రదేశాలలో ఆధార్ ఆధారిత కేవైసి ఇప్పటికీ అందుబాటులో ఉంది. అదనంగా, దాని గురించి మరింత తెలుసుకోవడానికి మీ కేవైసిని పూర్తి చేయడానికి మీరు గ్యాస్ పంపిణీదారులను కూడా సందర్శించవచ్చు.

personal-finance

Best One-Year FD Rates : లక్ష రూపాయలను ఒక సంవత్సరానికి FDలో జమ చేస్తే ఏ బ్యాంకు ఎంత రాబడిని ఇస్తుంది?

ఏ బ్యాంకు ఎంత వడ్డీ ఇస్తోందంటే..

స్మాల్ ఫైనాన్స్ బ్యాంక్

Also Read : పోస్ట్​ ఆఫీస్​లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు

ప్రైవేట్ బ్యాంక్

Also Read : జీతం పెరిగినా డబ్బులు మిగలట్లేదా? అయితే కారణాలు ఇవే, ఇలా సేవింగ్స్ చేసుకోండి

ప్రభుత్వ బ్యాంకులు

FD పెట్టే ముందు గుర్తించుకోవాల్సిన విషయాలివే..

Personal Loan Interest Rates: పర్సనల్ లోన్ తీసుకుంటున్నారా? టాప్ బ్యాంకుల వడ్డీ రేట్లు, కీ ఫ్యాక్టర్స్ మీ కోసం!

అక్టోబర్ నెలలో వివిధ బ్యాంకుల వడ్డీ రేట్లు

రూ.10 లక్షల రుణంపై EMI ఎంత?

రుణం తీసుకునే ముందు ఈ జాగ్రత్తలు తప్పనిసరి

Post Office Scheme : ఆడపిల్లలకు అద్భుతమైన పోస్టాఫీసు పథకం.. నెలకు 6,000 కడితే.. 4 లక్షలు పొందవచ్చు

పథకం, వడ్డీ రేటు..

పెట్టుబడి సమయం..

6,000 కడితే వచ్చే వడ్డీ ఎంత?

ఆర్డీ బ్రేక్ చేస్తే..

Post Office RD : రోజుకు 500 పొదుపు చేస్తే 10 ఏళ్లలో 25 లక్షలు.. పోస్ట్ ఆఫీస్ ఆర్డీ పూర్తి లెక్క ఇదే

పోస్ట్ ఆఫీస్ ఆర్డీ..

కేవలం 100తో ఖాతా స్టార్ట్ చేయవచ్చు

5 ఏళ్ల మెచ్యూరిటీ

రోజుకు 500 పొదుపు చేస్తే

10 ఏళ్లకు పొడిగిస్తే 25 లక్షలా?

పెట్టుబడి చేసే ముందు గుర్తించుకోవాల్సిన విషయాలు

ఆర్డీ టైమ్ లిమిట్..

Salary Budgeting Tips : నెల చివరిలో డబ్బులు సరిపోవట్లేదా? అయితే శాలరీ రాగానే(Salary Credit) ఈ టిప్స్ ఫాలో అవ్వండి

శాలరీ రాగానే చేయాల్సిన మొదటిపని..

ఖర్చులు ముందే లెక్క పెట్టుకోండి..

EMIలు, బిల్లులు

రోజువారీ ఖర్చులకు లిమిట్..

UPI ఖర్చులను ట్రాక్ చేయండి

ఆన్‌లైన్ షాపింగ్‌

క్రెడిట్ కార్డు వినియోగం..

ఎమర్జెన్సీ ఫండ్

Credit Card Eligibility: బ్యాంక్ అకౌంట్ లేకున్నా క్రెడిట్ కార్డు తీసుకోవచ్చా ? ఎవరికి జారీ చేస్తారు

Personal Bankruptcy in India: సామాన్యుడు తాను దివాలా తీసినట్లు ప్రకటించుకోవచ్చా? చట్టం ఏం చెబుతుంది?

దివాలా, బ్యాంక్రప్సీ కోడ్ సామాన్యుడిని ఎందుకు పూర్తిగా వర్తించదు ?

ఇప్పటికీ అమలులో పాత దివాలా చట్టాలు

సాధారణ ప్రజలకు వ్యక్తిగత దివాలా ఎందుకు కష్టంగా ఉంటుంది?

ఒక వ్యక్తి దివాలా తీసినట్లు ప్రకటించిన తర్వాత ఏం జరుగుతుంది?

UPI 10 Years: భారత యూపీఐ చెల్లింపులను అంగీకరించే దేశాలు ఏవి?

భారీగా పెరిగిన లావాదేవీలు

Senior Citizen Savings Scheme: సీనియర్ సిటిజన్లకు ప్రతి 3 నెలలకు అకౌంట్లోకి రూ.25,000.. సేఫ్ సేవింగ్ స్కీమ్ పూర్తి వివరాలు

LPG e-KYC: LPG ఇ-KYC చేయని గ్యాస్ కనెక్షన్ నిలిపేస్తారా? అలాంటి వారు ఏం చేయాలి?

మీ గ్యాస్ కనెక్షన్ నిలిపేస్తారా?

గడువు ఎప్పుడు?

మీరు మీ ఇ-కేవైసిని పూర్తి చేయకపోతే ఏం జరుగుతుంది?

ఇప్పటికీ ఇ-కేవైసిని పూర్తి చేయవచ్చా?

Also Read : పోస్ట్ ఆఫీస్లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు