19 kg LPG Price | న్యూఢిల్లీ: మరికొన్ని గంటల్లో కేంద్ర బడ్జెట్ ప్రవేశపెట్టనుండగా గ్యాస్ సిలిండర్ ధరలపై ఊరట లభించింది. వాణిజ్య సిలిండర్ ధర రూ.7 మేర స్వల్పంగా దిగొచ్చింది. హోటళ్ళు, రెస్టారెంట్లు, ఇతర వ్యాపారాలలో వినియోగించే 19 కిలోల కమర్షియల్ గ్యాస్ సిలిండర్‌కు తాజా సవరింపు ధర వర్తించనుంది. దేశ రాజధాని ఢిల్లీలో కమర్షియల్ సిలిండర్ ధర ఇప్పుడు రూ. 1,797కు దిగొచ్చింది. ప్రపంచ మార్కెట్లలో ముడి చమురు రేట్లలో హెచ్చుతగ్గులు మన దేశంలోనూ LPG గ్యాస్ సిలిండర్లపై ప్రభావం చూపుతాయి. అయితే గృహ వినియోగ సిలిండర్ ధరలు యథాతథంగా ఉన్నాయి.
వరుసగా 5 నెలలపాటు వరుసగా పెరిగిన కమర్షియల్ సిలిండర్ ధర (LPG Cylinder Price) నూతన సంవత్సరం నాడు దిగొచ్చింది. ప్రతినెలా ఒకటో తేదీన కమర్షియల్ ఎల్పీజీ సిలిండర్ ధరల్ని చమురు కంపెనీలు సవరిస్తుంటాయి. చివరగా డిసెంబర్ 1న కమర్షియల్ సిలిండర్‌పై రూ.16.5 పెరిగింది. ఓవరాల్ గా ఐదు నెలల్లో వాణిజ్య సిలిండర్ ధర రూ. 172.5 మేర పెరిగింది. నూతన సంవత్సరం సమయంలో రూ. 14.5 మేర తగ్గించారు. కానీ డొమెస్టిక్ వంట గ్యాస్ 14.2 కిలోల సిలిండర్ రూ.803 గా ఉంది.
హైదరాబాద్‌లో డొమెస్టిక్ సిలిండర్ ధర
హైదరాబాద్‌లో గృహ అవసరాలకు వినియోగించే డొమెస్టిక్ గ్యాస్ సిలిండర్ ధరలో ఏ మార్పులేదు. ఫిబ్రవరి 1న కేవలం 19 కేజీల కమర్షియల్ సిలిండర్ ధరలు మాత్రమే తగ్గించారు. హైదరాబాద్ లో డొమెస్టిక్ సిలిండర్ ధర యథాతథంగా ఉంది. 14.2 కేజీల డొమెస్టిక్ ఎల్పీజీ సిలిండర్ ధర రూ. 855 వద్ద కొనసాగుతోంది. 19 కేజీల కమర్షియల్ సిలిండర్ రూ.2023కి దిగొచ్చింది. రాష్ట్రం నుంచి రాష్ట్రానికి ఎల్పీజీ ధరలలో వ్యత్యాసం ఉంటుంది. దేశ వ్యాప్తంగా ఒకే ధరలు ఉండే అవకాశం లేదు. స్థానికంగా రాష్ట్రాల్లో విధించే పన్నులతో మార్పులు చోటుచేసుకుంటాయి.
పలు నగరాల్లో ఎల్పీజీ సిలిండర్ ధరలు
ఫిబ్రవరి 1, 2025న సవరించిన ధరల తర్వాత, ఢిల్లీలో 19 కేజీల కమర్షియల్ సిలిండర్ ధర రూ. 1,797కు దిగొచ్చింది.
హైదరాబాద్‌లో 19 కేజీల కమర్షియల్ సిలిండర్ ధర రూ.2023
ముంబైలో 19 కిలోల కమర్షియల్ సిలిండర్ ధర రూ. 1,749
కోల్‌కతాలో 19 కేజీల కమర్షియల్ సిలిండర్ ధర రూ. 1,907
చెన్నైలో 19 కేజీల కమర్షియల్ సిలిండర్ రూ. 1,959