ipo

జియో జాక్‌పాట్..మార్కెట్‌లోకి వచ్చిన మొదటిరోజే దేశంలో రెండో అతిపెద్ద కంపెనీగా అవతరణ.. షేర్ ఎంత పెరిగిందంటే..

ARYA — Wed, 28 Oct 2026 21:13:02 +0530

Jio Share Price:
దేశీయ స్టాక్ మార్కెట్లో జియో ప్లాట్‌ఫామ్స్ (Jio Platforms) సంచలనం సృష్టించింది. రిలయన్స్ ఇండస్ట్రీస్‌కు చెందిన ఈ డిజిటల్ సేవల సంస్థ బుధవారం (అక్టోబర్ 28) స్టాక్ ఎక్స్ఛేంజీల్లో గ్రాండ్ ఎంట్రీ ఇచ్చిన తొలిరోజే దూకుడు చూపించింది. NSE, BSE రెండింట్లోనూ జియో షేర్‌లు భారీగా పెరగడంతో కంపెనీ మార్కెట్ కాపిటలైజేషన్ 13లక్షల కోట్లకు చేరింది. రత స్టాక్ మార్కెట్లో రిలయన్స్ ఇండస్ట్రీస్ తర్వాత రెండో అత్యంత విలువైన కంపెనీగా జియో నిలిచింది.

జియో షేరు తొలి రోజు ట్రెండ్ ఎలా ఉంది? Jio Market Listing

జియో ప్లాట్‌ఫామ్స్ ఐపీఓలో ఒక్కో షేరు ధరను రూ.1,119గా నిర్ణయించారు. అయితే, స్టాక్ మార్కెట్లో లిస్టింగ్ అయినప్పుడు బీఎస్ఈ (BSE), ఎన్ఎస్ఈ (NSE) రెండింటిలోనూ రూ.1,358 వద్ద ట్రేడింగ్ ప్రారంభమైంది. ఇది ఐపీఓ ధర కంటే 21.36 శాతం ఎక్కువ.ట్రేడింగ్ ప్రారంభమైన తర్వాత షేరు మరింత పెరిగింది. బీఎస్ఈలో రూ.1,375 స్థాయిని తాకింది. రోజంతా కొనుగోళ్ల మద్దతుతో లాభాల్లో కొనసాగిన షేరు చివరకు రూ.1,419 వద్ద ముగిసింది.

ఐపీఓ ధర రూ.1,119తో పోలిస్తే ముగింపు ధర రూ.300 ఎక్కువ. అంటే తొలి రోజే 26.81 శాతం లాభం నమోదైంది.

రూ.13.05 లక్షల కోట్లకు చేరిన మార్కెట్ క్యాపిటలైజేషన్

జియో షేర్ల భారీ పెరుగుదలతో కంపెనీ మార్కెట్ విలువ కూడా బాగా పెరిగింది. ఐపీఓ ధర వద్ద సుమారు రూ.10.30 లక్షల కోట్లుగా ఉన్న మార్కెట్ క్యాపిటలైజేషన్, తొలి రోజు పెరిగిన 27శాతంతో ఏకంగా 13.05 లక్షల కోట్లకు చేరింది. అంటే ఒక్క రోజులోనే కంపెనీ మార్కెట్ విలువ సుమారు రూ.2.75 లక్షల కోట్లు పెరిగింది.ఈ భారీ పెరుగుదలతో జియో ప్లాట్‌ఫామ్స్ భారత స్టాక్ మార్కెట్లో అత్యంత విలువైన కంపెనీల జాబితాలో రెండో స్థానాన్ని దక్కించుకుంది. మొదటి స్థానం జియో పేరెంట్ కంపెనీ రిలయన్స్ ఇండస్ట్రీస్‌దే. ఇప్పుడు 13లక్షల కోట్ల మార్కెట్ వాల్యూతో JIO... భారతీ ఎయిర్‌టెల్‌ను అధిగమించింది.

లిస్టింగ్‌కు వచ్చిన అంబానీ ఫ్యామిలీ

జియో ఇవాళ మార్కెట్‌లో లిస్టింగ్‌కు రావడంతో ఈ కంపెనీ ప్రమోటర్లు, దేశంలోనే అతిపెద్ద బిజినెస్‌ ఫ్యామిలీల్లో ఒకటైన అంబానీ పరివారం.. మొత్తం తరలివచ్చింది. కుటుంబ సభ్యులంతా NSEకి వచ్చారు. RIL ఛైర్మన్ ముఖేష్, నీతా అంబానీ, JIO ఎండీ ఆకాష్ అంబానీ.. డైరక్టర్లు ఈషా అంబానీ.. అనంత్‌అంబానీ.. ఇతర కుటుంబసభ్యులు హాజరయ్యారు. ఈ సమావేశంలో అనంత్‌ అంబానీ భావోద్వేగంగా మాట్లాడటంతో ముఖేష్ కంటతడి కూడా పెట్టుకున్నారు.

IPO ఇన్వెస్టర్లకు ఎంత లాభం?

జియో ఐపీఓలో షేర్లు పొందిన ఇన్వెస్టర్లకు తొలి రోజే మంచి లాభం లభించింది. ఒక్కో షేరును రూ.1,119కు కొనుగోలు చేసిన వారికి, రూ.1,419 ముగింపు ధర ప్రకారం ఒక్కో షేరుపై రూ.300 లాభం వచ్చింది. ఐపీఓలో ఒక లాట్‌లో 12 షేర్లు ఉన్నందున, ఒక లాట్ పొందిన ఇన్వెస్టర్‌కు ముగింపు ధర ఆధారంగా సుమారు రూ.3,600 లాభం వచ్చినట్లు లెక్క. జియో ప్లాట్‌ఫామ్స్ పబ్లిక్ ఇష్యూ ద్వారా సుమారు రూ.30,213 కోట్లు సమీకరించింది. మొత్తం 27 కోట్ల కొత్త షేర్లను ఈ ఐపీఓలో జారీ చేశారు. అక్టోబర్ 21 నుంచి 23 వరకు జరిగిన ఈ ఐపీఓకు ఇన్వెస్టర్ల నుంచి భారీ స్పందన లభించింది. మొత్తం 22.19 రెట్లు సబ్‌స్క్రిప్షన్ నమోదైంది. సంస్థాగత పెట్టుబడిదారుల నుంచి ముఖ్యంగా బలమైన డిమాండ్ కనిపించింది. ఐపీఓ ప్రారంభమైన 100 నిమిషాల్లోనే పూర్తిగా సబ్‌స్క్రైబ్ కావడం కూడా ఈ ఇష్యూ ప్రత్యేకతగా నిలిచింది.

మార్కెట్‌ డల్‌గా ఉన్నా జియో ఏమాత్రం తగ్గలేదు. బుధవారం సెన్సెక్స్ 353 పాయింట్లు తగ్గగా, నిఫ్టీ 50 కూడా నష్టాల్లో ముగిసింది. అయినప్పటికీ జియో షేరు మాత్రం 27శాతం పైకి ఎగిసింది.

Jio Maraket Listing: జియో జంబో లిస్టింగ్ రేపే.. రూ.10.3 లక్షల కోట్ల విలువతో స్టాక్ మార్కెట్‌లోకి ఎంట్రీ.. మార్కెట్ లో హుషారు

ARYA — Tue, 27 Oct 2026 20:54:33 +0530

Jio Listing: దేశీయ మొబైల్ దిగ్గజం జియో రేపు మార్కెట్‌లో అడుగుపెడుతోంది. జియో మార్కెట్ లిస్టింగ్‌పై భారీ అంచనాలున్నాయి. రిలయన్స్ ఇండస్ట్రీస్‌కు చెందిన టెలికాం, డిజిటల్ సేవల సంస్థ జియో ప్లాట్‌ఫామ్స్ (Jio Platforms) అక్టోబర్ 28, బుధవారం స్టాక్ ఎక్స్ఛేంజీల్లో లిస్ట్ కానుంది. ఈ ఐపీఓ ద్వారా కంపెనీ విలువ సుమారు రూ.10.3 లక్షల కోట్లకు చేరింది. దీంతో భారత కార్పొరేట్ రంగంలో అత్యంత విలువైన కంపెనీల జాబితాలో జియో కీలక స్థానాన్ని దక్కించుకోనుంది.

ఈ ఐపీఓలో భాగంగా కంపెనీ ఒక్కో షేరును రూ.1,119 ధరకు కేటాయించింది. మొత్తం 27 కోట్ల కొత్త షేర్లను జారీ చేసింది. ఈ ధర ప్రకారం మార్కెట్ క్యాపిటలైజేషన్ పరంగా జియో ప్లాట్‌ఫామ్స్ ప్రస్తుతం దేశంలో నాలుగో అతిపెద్ద కంపెనీగా నిలుస్తోంది. రిలయన్స్ ఇండస్ట్రీస్, భారతీ ఎయిర్‌టెల్, హెచ్‌డీఎఫ్‌సీ బ్యాంక్ తర్వాతి స్థానంలో ఉంది.

మార్కెట్‌లోకి భారీ ఎంట్రీ

ప్రపంచంలోనే అతిపెద్ద కంపెనీల్లో ఒకటైన రిలయెన్స్ గ్రూపు నుంచి విడిగా లిస్టింగ్ అవుతున్న JIO... మార్కెట్‌లోకి అతి భారీ ఎంట్రీ అనుకోవచ్చు. రూ.10 లక్షల కోట్లకు పైగా విలువతో ఐపీఓకు వచ్చిన తొలి భారతీయ కంపెనీగా జియో ప్లాట్‌ఫామ్స్ నిలిచినట్లు ప్రీ-లిస్టింగ్ వివరాలు సూచిస్తున్నాయి. ఐపీఓ ధర ఆధారంగా జియో ప్లాట్‌ఫామ్స్ విలువ రూ.10.3 లక్షల కోట్లుగా ఉంది. ప్రస్తుతం రిలయన్స్ ఇండస్ట్రీస్ మార్కెట్ విలువ రూ.16.2 లక్షల కోట్లు కాగా, భారతీ ఎయిర్‌టెల్ విలువ రూ.12.2 లక్షల కోట్లు. హెచ్‌డీఎఫ్‌సీ బ్యాంక్ మార్కెట్ క్యాపిటలైజేషన్ రూ.10.6 లక్షల కోట్లుగా ఉంది.

జియో షేర్లు అక్టోబర్ 28న నేషనల్ స్టాక్ ఎక్స్ఛేంజ్ (NSE), బాంబే స్టాక్ ఎక్స్ఛేంజ్ (BSE)ల్లో లిస్ట్ కానున్నాయి. లిస్టింగ్ తర్వాత మార్కెట్లో షేర్లకు లభించే ధర ఆధారంగా కంపెనీ అసలు మార్కెట్ విలువ నిర్ణయమవుతుంది.

20 శాతం ప్రీమియంతో లిస్ట్ అయితే ఏమవుతుంది?

జియో ఐపీఓకు వచ్చిన స్పందన.. సబ్‌స్క్రిప్షన్‌ జరిగిన తీరు.. గ్రే మార్కెట్ ప్రీమియం అంచనాలు లిస్టింగ్‌పై ఆసక్తిని పెంచుతున్నాయి. షేర్లు ఐపీఓ ధర కంటే ఎక్కువ ధరకు ప్రారంభమయ్యే అవకాశాలపై మార్కెట్ వర్గాలు దృష్టి సారించాయి. ఒక్కో షేరు రూ.1,119 ధరపై 20 శాతం ప్రీమియంతో లిస్ట్ అయితే, దాని ధర సుమారు రూ.1,340కు చేరుతుంది. ఈ ధర వద్ద కంపెనీ మార్కెట్ విలువ రూ.12.3 లక్షల కోట్లను దాటే అవకాశం ఉంది.అదే జరిగితే, రిలయన్స్ ఇండస్ట్రీస్ తర్వాత దేశంలో రెండో అత్యంత విలువైన లిస్టెడ్ కంపెనీగా జియో ప్లాట్‌ఫామ్స్ అవతరించవచ్చు. అయితే, ఇది ఒక అంచనా మాత్రమే. వాస్తవ లిస్టింగ్ ధర మార్కెట్ పరిస్థితులు, పెట్టుబడిదారుల డిమాండ్‌పై ఆధారపడి ఉంటుంది.

టాటా, అదానీ గ్రూపులకు రిలయన్స్ నుంచి గట్టి పోటీ?

జియో ప్లాట్‌ఫామ్స్ లిస్టింగ్‌తో రిలయన్స్ గ్రూప్ మొత్తం మార్కెట్ విలువ మరింత పెరిగే అవకాశం ఉంది. రిలయన్స్ ఇండస్ట్రీస్, జియో ప్లాట్‌ఫామ్స్ కలిపి చూస్తే వాటి మార్కెట్ క్యాపిటలైజేషన్ రూ.27 లక్షల కోట్లను మించనుంది.

2026 అక్టోబర్ 27 నాటికి టాటా గ్రూప్‌కు చెందిన స్టాక్ మార్కెట్లలో లిస్టయిన 32 కంపెనీల మొత్తం మార్కెట్ విలువ సుమారు రూ.25.7 లక్షల కోట్లుగా ఉంది. అదానీ గ్రూప్‌కు చెందిన 11 లిస్టెడ్ కంపెనీల మార్కెట్ విలువ దాదాపు రూ.16.6 లక్షల కోట్లుగా నమోదైంది.

జియో షేరు రూ.1,340 వద్ద లిస్ట్ అయితే, రిలయన్స్ గ్రూప్ మొత్తం మార్కెట్ విలువ రూ.30 లక్షల కోట్లకు చేరువయ్యే అవకాశం ఉంది. అయితే, లిస్టింగ్ తర్వాత జియో షేరు ధర ఎలా కదులుతుందనే దానిపైనే తుది విలువ ఆధారపడి ఉంటుంది.

అక్టోబర్ 28న జరగనున్న లిస్టింగ్‌పై ఇప్పుడు ఇన్వెస్టర్లు, మార్కెట్ విశ్లేషకులు ఆసక్తిగా ఎదురుచూస్తున్నారు. జియోకు మార్కెట్ ఎంత విలువ కట్టనుంది? ఐపీఓ ధరతో పోలిస్తే షేరు ఎంత ప్రీమియంతో ప్రారంభమవుతుంది? అనేది రేపు తేలనుంది.

Jio Platforms IPO: చరిత్ర సృష్టించిన జియో ప్లాట్‌ఫామ్స్ ఐపీఓ.. కోటి పైగా సబ్‌స్క్రిప్షన్లతో వరల్డ్ రికార్డు

Satyaprasad Bandaru — Fri, 23 Oct 2026 19:28:20 +0530

Jio Platforms IPO: స్టాక్ మార్కెట్ చరిత్రలో ముఖేష్ అంబానీ జియో ప్లాట్‌ఫామ్స్ ఐపీఓ సంచలనం సృష్టించింది. జియో ఐపీఓ షేర్లను కొనుగోలు చేయడానికి ఇన్వెస్టర్లు ఆసక్తి చూపుతున్నారు. దీంతో ఈ పబ్లిక్ ఇష్యూకు ఏకంగా 10 మిలియన్లకు (కోటికి) పైగా దరఖాస్తులు వచ్చాయి. ప్రపంచ వ్యాప్తంగా పబ్లిక్ ఇష్యూ హిస్టరీలో 10 మిలియన్ల సబ్ స్ర్కిప్షన్లు రావడం ఇదే మొదటిసారి కావడం విశేషం.

అక్టోబర్ 21న ప్రారంభమైన జియో ఐపీఓ బిడ్డింగ్ అక్టోబర్ 23తో ముగిసింది. మొదటి రోజు నుంచే జియో ఐపీఓకు అద్భుతమైన రెస్పాన్స్ లభించింది. అది చివరి రోజు నాటికి ఇన్వెస్టర్ల నుంచి వచ్చిన దరఖాస్తులు సరికొత్త మైలురాయిని తాకాయి. గతంలో వారీ ఎనర్జీస్ ఐపీఓ పేరిట ఉన్న 97 లక్షల దరఖాస్తుల రికార్డును జియో ప్లాట్‌ఫామ్స్ బద్దలుకొట్టింది.

Also Read: జియో ఐపీఓ ప్రభంజనం - రెండో రోజే 3.47 రెట్ల సబ్‌స్క్రిప్షన్ - రూ. 3.5 లక్షల కోట్లు

జియో ఐపీఓ ముఖ్యాంశాలు

జియో ప్లాట్‌ఫామ్స్ ఐపీఓ మొత్తం విలువ సుమారు రూ.30,213 కోట్లు. దాదాపు రెండు దశాబ్దాల తర్వాత రిలయన్స్ ఇండస్ట్రీస్ నుంచి వస్తున్న అతిపెద్ద ఐపీఓ ఇదే కావడం గమనార్హం.
ఒక్కో షేరు ధరను రూ.1,065 నుండి రూ.1,119 మధ్య నిర్ణయించారు.
మార్కెట్ వర్గాల సమాచారం ప్రకారం, ఈ ఐపీఓ భారీ రెస్పాన్స్ అందుకుంటూ అంచనాలను మించిపోయింది.
జియో ప్లాట్‌ఫామ్స్ షేర్లు అక్టోబర్ 28న స్టాక్ ఎక్స్ఛేంజ్‌లలో లిస్ట్ కానున్నాయి. లిస్టింగ్ రోజున ఈ షేర్లు ఏ రేంజ్‌లో ట్రేడ్ అవుతాయి, ఇన్వెస్టర్లకు ఎలాంటి లాభాలను అందిస్తాయి అనే దానిపై మార్కెట్లో సర్వత్రా ఆసక్తి నెలకొంది.

Also Read: రూ.30,213 కోట్ల జియో ఐపీఓ లైవ్.. సబ్‌స్క్రిప్షన్‌లో జియో ప్లాట్‌ఫామ్స్ రికార్డ్

Jio IPO Live: రూ.30,213 కోట్ల జియో ఐపీఓ లైవ్.. సబ్‌స్క్రిప్షన్‌లో జియో ప్లాట్‌ఫామ్స్ రికార్డ్

Satyaprasad Bandaru — Wed, 21 Oct 2026 12:54:00 +0530

Jio IPO Live: ఇన్వెస్టర్లు ఎప్పుడెప్పుడా అని ఎదురుచూస్తున్న టైం వచ్చింది. ముఖేష్ అంబానీ సారథ్యంలోని రిలయన్స్ ఇండస్ట్రీస్ డిజిటల్, టెలికాం జియో ప్లాట్‌ఫామ్స్ లిమిటెడ్ పబ్లిక్ ఆఫర్ (IPO) ఇవాళ ప్రారంభించింది. ఈ ఐపీఓ కు అక్టోబర్ 23 వరకు అప్లై చేసుకోవచ్చు. మొత్తం రూ.30,213 కోట్ల విలువైన ఈ ఆఫర్ ద్వారా, 2024లో హ్యుండాయ్ ఇండియా నమోదు చేసిన రూ.27,870 కోట్ల రికార్డును బ్రేక్ చేస్తూ భారత కార్పొరేట్ చరిత్రలోనే అతిపెద్ద ఐపీఓగా నిలిచింది.

మార్కెట్‌లో జియో ఆధిపత్యం

మెటా, గూగుల్, బ్లాక్‌రాక్, ఫిడిలిటీ, అబుదాబి ఇన్వెస్ట్‌మెంట్ అథారిటీ వంటి ప్రపంచస్థాయి దిగ్గజాల మద్దతు జియో ప్లాట్‌ఫామ్స్‌కు ఉన్నాయి. 500 మిలియన్లకు పైగా సబ్ స్క్రైబర్లు దేశంలోనే అతిపెద్ద టెలికాం కంపెనీగా ఉన్న జియో, చైనా మొబైల్ తర్వాత రెండో అతిపెద్ద ఆపరేటర్‌గా రికార్డుకెక్కింది. ఈ ఐపీఓ ద్వారా కంపెనీ విలువను సుమారు 108.3 బిలియన్ డాలర్లుగా అంచనా వేశారు. అక్టోబర్ 28న స్టాక్ మార్కెట్‌లో లిస్టింగ్ అయిన తర్వాత, రిలయన్స్ ఇండస్ట్రీస్, టీసీఎస్, హెచ్‌డీఎఫ్‌సీ బ్యాంక్ తర్వాత మార్కెట్ క్యాపిటలైజేషన్ పరంగా టాప్ కంపెనీల జాబితాలో నిలవనుంది.

గ్లోబల్ ఇన్వెస్టర్ల గ్రాండ్ ఎంట్రీ

ఈ ఐపీఓకు అంతర్జాతీయ, దేశీయ పెట్టుబడిదారుల నుంచి భారీ స్పందన లభించింది. యాంకర్ ఇన్వెస్టర్ల విభాగంలో ADIA, బ్లాక్‌రాక్ వంటి గ్లోబల్ ఫండ్‌లు సహా అనేక ప్రధాన సంస్థలు పోటీపడి రూ.25 బిలియన్ల డాలర్ల కంటే ఎక్కువ విలువైన బిడ్లను దాఖలు చేశాయి.

తొలి రోజే భారీగా బిడ్లు

ఐపీఓ ప్రారంభమైన మొదటి రోజే బిడ్డింగ్ రికార్డు స్థాయిలో సాగింది.

QIB కోటా పూర్తి: అర్హతగల సంస్థాగత కొనుగోలుదారుల (QIBs) కోసం కేటాయించిన లిస్ట్ లో మొదటి రోజు ఉదయం 10 గంటల సమయానికే పూర్తిగా సబ్‌స్క్రైబ్ అయి, దాదాపు 2.86 రెట్ల డిమాండ్ సాధించింది. సాధారణంగా పెద్ద కంపెనీలు ఐపీఓ చివరి రోజున అప్లై చేస్తాయి. కానీ జియో విషయంలో తొలి రోజే భారీ స్పందన రావడం కంపెనీ బలమైన వ్యాపార నమూనాపై పెట్టుబడిదారులకు ఉన్న విశ్వాసానికి అద్దం పడుతోందని మార్కెట్ నిపుణులు అంటున్నారు.

Also Read: కేవలం 2 గంటల్లోనే పూర్తి సబ్‌స్క్రైబ్, మెగా ఐపీఓల్లో సరికొత్త రికార్డు

పెట్టుబడిదారులు గమనించాల్సిన విషయాలు

ఐపీఓ పీరియడ్: అక్టోబర్ 21 – అక్టోబర్ 23 వరకు
షేర్ల కేటాయింపు: అక్టోబర్ 26
మార్కెట్ లిస్టింగ్ : అక్టోబర్ 28

Also Read: లిస్టింగ్‌కు ముందే జియో IPO బంపర్ హిట్.. గ్లోబల్ ఇన్వెస్టర్ల క్యూ.. 30 రెట్లకు పైగా డిమాండ్!

(Disclaimer : స్టాక్ మార్కెట్లలో పెట్టుబడులు రిస్క్ తో కూడుకున్న వ్యవహారం. ఇన్వెస్ట్ చేసే ముందు నిపుణులు సలహాలు తీసుకోవడం మంచిది. ఈ ఆర్టికల్ యూజర్ల అవగాహన కోసం మాత్రమే)

Jio Platforms IPO: లిస్టింగ్‌కు ముందే జియో IPO బంపర్ హిట్.. గ్లోబల్ ఇన్వెస్టర్ల క్యూ.. 30 రెట్లకు పైగా డిమాండ్!

Raja Sekhar Allu — Mon, 19 Oct 2026 20:15:02 +0530

Jio Platforms IPO 2026: దలాల్‌ స్ట్రీట్‌లో కొన్ని రోజులుగా ఒకే విషయంపై చర్చ. దాదాపు ఇరవై ఏళ్ల తర్వాత రిలయెన్స్ నుంచి వస్తున్న IPOపైనే ఇన్వెస్టర్లందరి గురి ఉంది. దేశీయ, విదేశీ ముదుపుదారులంతా.. రెండు రోజుల్లో ప్రారంభం కాబోతున్న రిలయెన్స్ JIO IPOపై భారీ ఆసక్తి కనబరుస్తున్నారు. కంపెనీ యాంకర్ ఇన్వెస్టర్ల కోసం కేటాయించిన ₹8,110 కోట్ల విలువైన షేర్లకు సుమారు ₹2.5 లక్షల కోట్ల మేర బిడ్లు వచ్చినట్లు నివేదికలు చెబుతున్నాయి అంటే అందుబాటులో ఉన్న షేర్ల విలువతో పోలిస్తే 30 రెట్లకు పైగా డిమాండ్ నమోదైంది. భారత ఐపీఓ మార్కెట్‌లో సంస్థాగత పెట్టుబడిదారుల నుంచి ఈ స్థాయిలో డిమాండ్ రావడం ఇదే తొలిసారి.

జియో ప్లాట్‌ఫామ్స్‌ తన మాతృసంస్థ రిలయన్స్ ఇండస్ట్రీస్ లిమిటెడ్ నుంచి విడిపోయి, ప్రత్యేక సంస్థగా స్టాక్ మార్కెట్లలోకి ప్రవేశించేందుకు సిద్ధమవుతోంది. దీంతో జియో ఐపీఓపై పెట్టుబడిదారుల్లో ఆసక్తి పెరుగుతోంది. ఈ లిస్టింగ్ ద్వారా పెట్టుబడిదారులు జియో టెలికాం, డిజిటల్ సేవల వ్యాపారాల్లో నేరుగా పెట్టుబడులు పెట్టే అవకాశం లభిస్తుంది. జియోలో పెట్టుబడులకు ఆసక్తి చూపిస్తున్న జాబితాలో అంతర్జాతీయ ఆర్థిక సంస్థలు, దేశంలోని భారీ మ్యుచువల్ ఫండ్ హౌస్‌లు, ఇన్సూరెన్స్ కంపెనీలు ఉన్నాయి.

బ్లాక్‌రాక్, ఫిడెలిటీ వంటి అంతర్జాతీయ దిగ్గజాల ఆసక్తి

జియో ఐపీఓలో పెట్టుబడులు పెట్టేందుకు ప్రపంచంలోని ప్రముఖ అసెట్ మేనేజ్‌మెంట్ సంస్థలు ముందుకొచ్చాయి. బ్లాక్‌రాక్, క్యాపిటల్ గ్రూప్, ఫిడెలిటీ ఇన్వెస్ట్‌మెంట్స్, ష్రోడర్స్, జేపీ మోర్గాన్ అసెట్ మేనేజ్‌మెంట్, ఫ్రాంక్లిన్ టెంపుల్టన్, ఇన్వెస్కో వంటి సంస్థలు ఆసక్తి చూపించినట్లు సమాచారం.

వీటితో పాటు సింగపూర్‌కు చెందిన జీఐసీ, నార్వేకు చెందిన నార్గెస్ బ్యాంక్ ఇన్వెస్ట్‌మెంట్ మేనేజ్‌మెంట్, అబుదాబి ఇన్వెస్ట్‌మెంట్ అథారిటీ, ఖతార్ ఇన్వెస్ట్‌మెంట్ అథారిటీ వంటి సావరిన్ వెల్త్ ఫండ్స్ కూడా ఈ ఐపీఓపై దృష్టి సారించాయి.

దేశీయ మ్యూచువల్ ఫండ్స్ నుంచీ భారీ స్పందన

విదేశీ పెట్టుబడిదారులతో పాటు భారతదేశంలోని ప్రముఖ మ్యూచువల్ ఫండ్ సంస్థలు, బీమా కంపెనీలు, పెన్షన్ ఫండ్స్ కూడా జియో ఐపీఓలో పాల్గొనేందుకు ఆసక్తి చూపిస్తున్నాయి.

ఎస్‌బీఐ మ్యూచువల్ ఫండ్, ఐసీఐసీఐ ప్రుడెన్షియల్, హెచ్‌డీఎఫ్‌సీ మ్యూచువల్ ఫండ్, ఆదిత్య బిర్లా సన్ లైఫ్, నిప్పాన్ ఇండియా, కోటక్ మ్యూచువల్ ఫండ్ వంటి సంస్థలు ఈ జాబితాలో ఉన్నాయి. ఎల్‌ఐసీ, హెచ్‌డీఎఫ్‌సీ లైఫ్, ఎస్‌బీఐ లైఫ్ వంటి బీమా సంస్థలతో పాటు పెన్షన్ ఫండ్స్ కూడా ఆసక్తి చూపించినట్లు పలు నివేదికలు చెబుతున్నాయి.

అక్టోబర్ 21న ప్రారంభం కానున్న ఐపీఓ

జియో ప్లాట్‌ఫామ్స్ ఐపీఓ అక్టోబర్ 21న ప్రారంభమై అక్టోబర్ 23న ముగియనుంది. ఈ ఇష్యూ ద్వారా సుమారు ₹30,213 కోట్లు సమీకరించాలని కంపెనీ లక్ష్యంగా పెట్టుకుంది. ఒక్కో షేరు ధరల శ్రేణిని ₹1,065 నుంచి ₹1,119గా నిర్ణయించినట్లు సమాచారం. రిలయన్స్ ఇండస్ట్రీస్ నుంచి విడిగా జియో ప్లాట్‌ఫామ్స్ స్టాక్ మార్కెట్లో లిస్ట్ కావడం ద్వారా, పెట్టుబడిదారులు టెలికాం, డిజిటల్ సేవల వ్యాపారంలో నేరుగా వాటా పొందే అవకాశం ఉంటుంది.

టెలికాం నుంచి ఏఐ వరకు విస్తరిస్తున్న జియో

జియో ప్రస్తుతం మొబైల్ టెలికాం సేవలకే పరిమితం కాకుండా బ్రాడ్‌బ్యాండ్, క్లౌడ్ కంప్యూటింగ్, ఎంటర్‌టైన్‌మెంట్, ఎంటర్‌ప్రైజ్ టెక్నాలజీ, ఆర్టిఫిషియల్ ఇంటెలిజెన్స్ వంటి రంగాల్లోనూ విస్తరిస్తోంది. 50 కోట్లకు పైగా మొబైల్ వినియోగదారులతో దేశంలో అతిపెద్ద టెలికాం ఆపరేటర్‌గా కొనసాగుతోంది.

Jio Platforms IPO: జియో ప్లాట్‌ఫామ్స్ ఐపీఓకు లిస్టింగ్‌కు ముందే రూ. 2.5 లక్షల కోట్ల ఇన్వెస్టర్ల డిమాండ్

Shankar Dukanam — Sat, 17 Oct 2026 23:28:19 +0530

Jio Platforms ప్రతిపాదిత తొలి పబ్లిక్ ఇష్యూ (IPO)పై దాదాపు రూ. 2.5 లక్షల కోట్ల విలువైన పెట్టుబడికి డిమాండ్ వచ్చింది. ఈ షేర్ల కేటాయింపును కోరుతున్నవారిలో ప్రపంచ దిగ్గజ ఇన్వెస్టర్ బ్లాక్‌రాక్ నుంచి ఎల్‌ఐసీ వరకు.. ప్రధాన గ్లోబల్ ఆస్తి నిర్వహణ సంస్థలు, సావరిన్ వెల్త్ ఫండ్లు, భారత ఆర్థిక సంస్థలు ఉన్నాయని మనీ కంట్రోల్ నివేదిక తెలిపింది.

Jio Platforms ఒక ప్రత్యేక లిస్టెడ్ సంస్థగా మారే క్రమంలో ఇన్వెస్టర్లకు షేర్లను కొనుగోలు చేసే అవకాశాన్ని కల్పించింది. రిలయన్స్ ఇండస్ట్రీస్ సబ్సిడరీ అయిన ఈ కంపెనీ టెలికమ్యూనికేషన్స్, వివిధ రకాల డిజిటల్ సేవల రంగంలో పనిచేస్తోంది. ఇన్వెస్ట్ చేసేందుకు ఆసక్తి చూపిన ఇన్వెస్టర్లలో లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC), ఎస్‌బీఐ మ్యూచువల్ ఫండ్, హెచ్‌డీఎఫ్‌సీ మ్యూచువల్ ఫండ్ ఉన్నాయని తెలుస్తోంది. గ్లోబల్ ఇన్వెస్ట్‌మెంట్ సంస్థలైన ఫిడెలిటీ ఇన్‌వెస్ట్‌మెంట్స్, క్యాపిటల్ గ్రూప్, బ్లాక్‌రాక్ పేర్లు కూడా ఈ నివేదికలో ఉన్నాయి.

ఆసక్తి చూపుతున్న గ్లోబల్ సావరిన్ ఫండ్స్, అసెట్ మేనేజర్లు

సింగపూర్ GIC, నార్వే నార్జెస్ బ్యాంక్ ఇన్వెస్టిమెంట్ మేనేజ్‌మెంట్, అబుదాబి ఇన్వెస్ట్‌మెంట్ అథారిటీ (ADIA), ఖతార్ ఇన్వెస్ట్‌మెంట్ అథారిటీ (QIA) సహా అనేక ప్రముఖ సావరిన్ వెల్త్ ఫండ్స్ నుంచి జియా ప్లాట్‌ఫామ్స్ ఐపీఓకు డిమాండ్ వచ్చింది. ఈ నివేదికలోని వివరాల ప్రకారం.. విదేశీ లాంగ్ ఓన్లీ ఫండ్స్, భారత్‌లోని 10 అతిపెద్ద మ్యూచువల్ ఫండ్ సంస్థలు, 5 అతిపెద్ద ఇన్సూరెన్స్ కంపెనీలు సైతం ఐపీఓలో పాల్గొని షేర్లు దక్కించుకునేందుకు ఆసక్తి చూపారు. సంస్థాగత ఇన్వెస్టర్లతో పాటు, టెక్నాలజీ ఆధారిత గ్లోబల్ ఇన్వెస్టర్లు, బిగ్ ఫ్యామిలీ ఆఫీస్‌లు కూడా ఈ ఐపీఓలో భారీ పెట్టుబడులకు ఆసక్తి చూపాయి.

ఈ స్థాయిలో వ్యక్తమైన భారీ డిమాండ్, వివిధ పెట్టుబడి వ్యూహాలు, విభిన్న ప్రాంతాలకు చెందిన ఇన్వెస్టర్ల ఆసక్తిని స్పష్టం చేస్తోంది. ఈ డిమాండ్ ఐపీఓకి ముందు లభించిన ఆసక్తిని మాత్రమే సూచిస్తుంది.

టెలికమ్యూనికేషన్స్‌ను మించి విస్తరించిన జియో

Jio Platforms కేవలం మొబైల్ కనెక్టివిటీకే పరిమితం కాకుండా చాలా డిజిటల్ సేవల పోర్ట్‌ఫోలియోగా మారింది. టెలికాం కార్యకలాపాలతో పాటు బ్రాడ్‌బ్యాండ్, క్లౌడ్ సేవలు, ఎంటర్‌టైన్‌మెంట్, ఎంటర్‌ప్రైజ్ సొల్యూషన్స్ ఇందులో ఉన్నాయి. కంపెనీ వృద్ధి అవకాశాలు, వ్యాల్యుయేషన్‌ను అంచనా వేసే ఇన్వెస్టర్లకు ఈ ప్రతిపాదిత ఐపీఓ ముఖ్యమైన అంశంగా మారనుంది.

ఈ ఐపీఓ లిస్టింగ్ ద్వారా ప్రస్తుతం రిలయన్స్ ఇండస్ట్రీస్ గ్రూప్‌లో భాగమైన Jio Platformsకు మార్కెట్ స్వతంత్ర వ్యాల్యుయేషన్‌ అవకాశం లభిస్తుంది. ఇన్వెస్టర్లు రిలయన్స్ ఇండస్ట్రీస్ షేర్ల ద్వారా కాకుండా, నేరుగా డిజిటల్ సేవల వ్యాపారంలోనే షేర్లు కొనుగోలు చేయవచ్చు.

సబ్‌స్క్రైబర్ల సంఖ్యను పెంచుకోవడం, డిజిటల్ సేవలను విస్తరించడం, వివిధ వ్యాపార విభాగాల ద్వారా రాబడి కంపెనీ సామర్థ్యాన్ని పెంచుతుంది. ఈ ఐపీఓని పరిశీలించడానికి ఇన్వెస్టర్లు పరిగణనలోకి తీసుకునే అంశాలుగా ఉంటాయి.

ఐపీఓ కాలపరిమితి, ధర వివరాలు

ఈ నివేదికతో పాటు లభించిన సమాచారం ప్రకారం ఈ షేరు ధర రూ. 1,065 నుండి రూ. 1,119గా ఉండనుంది. ఈ ఐపీఓ అక్టోబర్ 21న ప్రారంభమై అక్టోబర్ 23న ముగుస్తుంది. ఇన్వెస్టర్లకు మూడ్రోజుల సబ్‌స్క్రిప్షన్ విండో అందుబాటులో ఉంటుంది. అయితే అధికారిక ప్రకటనలు, ఫైనల్ ఆఫర్ పత్రాల ద్వారా ఈ ధర, తేదీలు చెక్ చేసుకోవాలి.

ఈ ప్రతిపాదిత ఆఫరింగ్ Jio Platformsను ఒక స్వతంత్ర కంపెనీగా లిస్టెడ్ మార్కెట్‌లోకి తీసుకువస్తుంది. ఇది రిటైల్, ఇన్స్టిట్యూషనల్ ఇన్వెస్టర్లకు కొత్త పెట్టుబడి అవకాశాలు కల్పించనుంది. దాదాపు రూ. 2.5 లక్షల కోట్ల ఇన్వెస్టిమెంట్ డిమాండ్ ఐపీఓకి ఉన్న క్రేజ్‌ను తెలియజేస్తుంది. ఐపీఓలో జియో ప్లాట్‌ఫారమ్స్ కొత్త రికార్డులు తిరగరాస్తోంది. ఇన్వెస్టర్లు సంస్థాగత ఆసక్తితో పాటు కంపెనీ వ్యాపార విధానాలు, వ్యాల్యుయేషన్, పనితీరు, రిస్క్ ఫ్యాక్టర్లు కీలకమని భావిస్తారు.

Sai Parenteral: సాయి పారెంటరల్స్ తొలి IPO - మార్చి 24న ప్రారంభం

Raja Sekhar Allu — Tue, 17 Mar 2026 20:18:33 +0530

Sai Parenteral to launch IPO on March 24 : ఫార్మాస్యూటికల్ రంగంలో కార్యకలాపాలు సాగిస్తున్న సాయి పారెంటరల్స్ (Sai Parenteral ) సంస్థ తన తొలి పబ్లిక్ ఆఫర్ ను మార్చి 24న ప్రారంభించనుంది. ఈ ఐపీఓ ద్వారా కంపెనీ రూ. 285 కోట్ల తాజా నిధులను సేకరించాలని లక్ష్యంగా పెట్టుకుంది. ఈ ఆఫర్‌లో రూ. 285 కోట్ల విలువైన ఫ్రెష్ ఇష్యూతో పాటు, ప్రమోటర్లు , పెట్టుబడిదారుల నుంచి 32 లక్షల ఈక్విటీ షేర్ల ఆఫర్ ఫర్ సేల్ కూడా ఉండనుంది.

ఈ ఐపీఓ మార్చి 24న మంగళవారం ప్రారంభమై మార్చి 27న శుక్రవారం ముగుస్తుంది. షేర్ల కేటాయింపు ప్రక్రియ మార్చి 30 నాటికి పూర్తయ్యే అవకాశం ఉంది. ఈ సంస్థ షేర్లు ఎన్‌ఎస్‌ఈ NSE, బీఎస్‌ఈ ఎక్స్ఛేంజీలలో ఏప్రిల్ 2, 2026న లిస్ట్ అయ్యే అవకాశం ఉంది. అయితే, ఈ ఇష్యూకు సంబంధించిన ప్రైస్ బ్యాండ్‌ను కంపెనీ ఇంకా ప్రకటించాల్సి ఉంది.

తాజా ఇష్యూ ద్వారా వచ్చే నిధులను కంపెనీ వ్యూహాత్మక అవసరాల కోసం ఉపయోగించనుంది. ఇందులో రూ. 110.8 కోట్లను తయారీ కేంద్రాల విస్తరణ , ఆధునీకరణకు, రూ. 18 కోట్లను కొత్త రీసెర్చ్ అండ్ డెవలప్‌మెంట్ సెంటర్ ఏర్పాటుకు కేటాయించనున్నారు. మిగిలిన నిధులను అప్పుల చెల్లింపులకు, వర్కింగ్ క్యాపిటల్ అవసరాలకు, ఆస్ట్రేలియాలోని నౌమెడ్ ఫార్మాస్యూటికల్స్ కొనుగోలు కోసం తీసుకున్న రుణాల చెల్లింపులకు వినియోగించనున్నారు.

సాయి పారెంటరల్స్ సంస్థ కార్డియోవాస్కులర్, డయాబెటిక్, శ్వాసకోశ , డెర్మటాలజీ వంటి అనేక విభాగాల్లో ఔషధాలను ఉత్పత్తి చేస్తోంది. 2024-25 ఆర్థిక సంవత్సరంలో ఈ కంపెనీ రూ. 163.1 కోట్ల ఆదాయాన్ని నమోదు చేసింది, ఇది అంతకుముందు ఏడాదితో పోలిస్తే మెరుగ్గా ఉంది. అలాగే కంపెనీ నికర లాభం కూడా దాదాపు 72 శాతం వృద్ధితో రూ. 14.45 కోట్లుగా నమోదైంది. హైదరాబాద్ కేంద్రంగా పనిచేస్తున్న ఈ సంస్థకు ఐదు తయారీ కేంద్రాలు ఉన్నాయి.

ఈవారం IPOకు వస్తున్న 11 కంపెనీలు, నిధుల సమీకరణే లక్ష్యంగా పోటీ

Shankar Dukanam — Sun, 21 Dec 2025 07:50:36 +0530

Upcoming IPOs in India: భారతీయ స్టాక్ మార్కెట్‌లో డిసెంబర్ 22, 2025 నుండి ప్రారంభమయ్యే వ్యాపార వారంలో SME విభాగంలోని అనేక కంపెనీల ఇనిషియల్ పబ్లిక్ ఆఫరింగ్ (IPO) రాబోతున్నాయి. రాబోయే వారంలో 11 కంపెనీలు మార్కెట్ నుంచి రూ.750 కోట్ల రూపాయలను సమీకరించడానికి ప్రయత్నిస్తాయి.

దీనివల్ల స్టాక్ మార్కెట్ పెట్టుబడిదారులలో కొత్త ఉత్సాహం కనిపించవచ్చు. అలాగే, గుజరాత్ కిడ్నీ అండ్ సూపర్ స్పెషాలిటీ మెయిన్‌బోర్డ్ IPO కూడా మార్కెట్లోకి రావడానికి సిద్ధంగా ఉంది. ఏయే కంపెనీలు తమ IPOలను తీసుకువస్తున్నాయో ఆ వివరాలు ఇక్కడ తెలుసుకుందాం.

గుజరాత్ కిడ్నీ అండ్ సూపర్ స్పెషాలిటీ IPO

హెల్త్‌కేర్ రంగానికి చెందిన గుజరాత్ కిడ్నీ అండ్ సూపర్ స్పెషాలిటీ తమ IPO ద్వారా సుమారు రూ. 251 కోట్లను సమీకరించడానికి ప్రయత్నిస్తుంది. డిసెంబర్ 22న పెట్టుబడిదారుల కోసం IPO సబ్‌స్క్రిప్షన్‌ ప్రారంభం అవుతుంది.

గ్రే మార్కెట్‌లో కంపెనీ షేర్ల పనితీరు విషయానికి వస్తే.. అవి తమ అప్పర్ ప్రైస్ బ్యాండ్ 114 రూపాయలతో పోలిస్తే సుమారు 7 శాతం పెరుగుదలతో ట్రేడ్ అవుతున్నాయి. దీని కారణంగా పెట్టుబడిదారులలో IPO పట్ల పాజిటివ్ వాతావరణం నెలకొంది. కంపెనీ మల్టీస్పెషాలిటీ ఆసుపత్రుల నెట్‌వర్క్‌ను నిర్వహిస్తుంది. గుజరాత్ కంపెనీ IPO నుండి వచ్చే డబ్బును కంపెనీ విస్తరణకు ఉపయోగించనుంది.

SME విభాగంలోని ఈ కంపెనీలు IPOలను తీసుకువస్తాయి

SME విభాగంలో అపోలో టెక్నో ఇండస్ట్రీస్ తాజాగా ఐపీఓకి వస్తుంది. దాంతోపాటు డాచెపల్లి పబ్లిషర్స్, EPW ఇండియా, ఎడ్మాచ్ సిస్టమ్స్, బై కాకాజీ పాలిమర్స్ కస్టమర్ల నమ్మకాన్ని పొందడానికి ఐపీఓకి రాబోతున్నాయి. ధారా రైల్ ప్రాజెక్ట్స్, సుందరెక్స్ ఆయిల్, శ్యామ్ ధాని ఇండస్ట్రీస్, నాంటా టెక్ కంపెనీల IPOలు సైతం వచ్చే వారం ప్రారంభం కానున్నాయి. బై కాకాజీ పాలిమర్స్ మార్కెట్ నుండి సుమారు రూ. 105 కోట్లను సమీకరించడానికి ప్రయత్నిస్తుంది.

నిరాకరణ: (ఇక్కడ అందించిన విషయాలు కేవలం సమాచారం కోసం మాత్రమే. మార్కెట్ పెట్టుబడులు మార్కెట్ రిస్క్‌లకు లోబడి ఉంటాయని గుర్తుంచుకోండి. పెట్టుబడిదారుడిగా డబ్బు పెట్టుబడి పెట్టే ముందు ఎల్లప్పుడూ ఆర్థిక నిపుణుల సలహా తీసుకోండి. ABP Desam ఎవరికీ డబ్బు పెట్టుబడి పెట్టమని ఎప్పుడూ సలహా ఇవ్వదు.)

Mega IPO: ఫస్ట్ లిస్టింగ్‌లో దూసుకెళ్లిన హెచ్‌డీబీ ఫైనాన్షియల్ షేర్ - కొనసాగుతుందా? ఇతర వాటిలా పడిపోతుందా?

Raja Sekhar Allu — Wed, 2 Jul 2025 14:57:30 +0530

HDB Financial: స్టాక్ మార్కెట్లు అంతర్జాతీయ పరిణామాల కారణంగా అనిశ్చితంగా మారుతున్నాయి. ఈ క్రమంలో అనేక బడా కంపెనీల ఐపీవోలు కూడా లిస్టింగ్ తర్వాత సమస్యలు ఎదుర్కొంటున్నాయి. ఇప్పుడు హెచ్‌డీబీ ఫైనాన్షియల్ వంతు వచ్చింది. రూ.10,000 కోట్ల భారీ లిస్టింగ్ తర్వాత హెచ్‌డీబీ ఫైనాన్షియల్ సర్వీసెస్ అధిగమించగలదా అని బిజినెస్ వర్గాలు ఆసక్తిగా చూస్తున్నాయి.

గత ఎనిమిది రూ.10,000 కోట్లు దాటిన ఐపీఓలలో ఆరు, లిస్టింగ్ తర్వాత ఆరు నెలల్లో సగటున 20 శాతం నష్టాలను చవిచూశాయి. హ్యుందాయ్ మోటార్ 6 నెలల్లో 7 శాతం తగ్గింది. స్విగ్ 30 శాతం నష్టపోయింది. ఎస్‌బీఐ కార్డ్స్ మాత్రమే 50% రాబడిని ఇచ్చింది. అది కూడా కోవిడ్ తర్వాత మార్కెట్ ర్యాలీ వ్లల సాధ్యమయింది. పెద్ద ఐపీఓలు మార్కెట్‌లో లిక్విడిటీ గ్రహించడంతో పనితీరు తక్కువగా ఉంటుందని నిపుణులు చెబుతున్నారు.

🚨 IPO Update:
Applied for 1 lot in HDB Financial Services IPO (Retail) ✅
📌 Issue Price: ₹740
📈 Listing Price: ₹835
💹 Currently trading at ₹845
💰 Listing gain of ₹95/share!#HDBFinancialIPO #IPOListing #StockMarket #RetailInvestor #IPOAlert #ipoallotment #HDFC pic.twitter.com/zRvRsjIFMH
— Dharmesh (@DHarshwal) July 2, 2025

హెచ్‌డీఎఫ్‌సీ బ్యాంక్ మద్దతుతో అనుబంధ సంస్థ అయిన హెచ్‌డీబీ ఫైనాన్షియల్ రూ.12,500 కోట్ల ఐపీఓను ప్రారంభించింది. రూ.2,500 కోట్లు ఫ్రెష్ ఇష్యూ, రూ.10,000 కోట్లు ఆఫర్-ఫర్-సేల్ ఇందులో ఉన్నాయి. షేర్ ధర రూ.700–740, గరిష్ఠంగా రూ.61,000 కోట్ల విలువ ఉంటుందని అంచనా. జూన్ 27, 2025న ముగిసిన ఈ ఐపీఓకు రూ.1.61 లక్షల కోట్ల బిడ్స్ వచ్చాయి. ఇది రూ.10,000 కోట్ల ఐపీఓలలో రెండో అత్యధిక సబ్‌స్క్రిప్షన్ . మొదటి స్థానంలో టాటా టెక్నాలజీస్ ఉంది. ఇన్‌స్టిట్యూషనల్ ఇన్వెస్టర్లు (QIB) 55.47 రెట్లు ఓవర్‌సబ్‌స్క్రైబ్ చేశారు, రిటైల్ ఇన్వెస్టర్లు 1.4 రెట్లు మాత్రమే.

జూలై 2, 2025న హెచ్‌డీబీ షేర్లు రూ.835 వద్దలిస్ట్ అయ్యాయి. తర్వాత రూ.845.75కు చేరింది. మార్కెట్ క్యాప్ రూ.70,198 కోట్లకు చేరింది. ఇది భారతదేశంలో ఎనిమిదో అతిపెద్ద NBFCగా నిలిచింది. బజాజ్ ఫైనాన్స్‌తో పోలిస్తే తక్కువ వాల్యుయేషన్ ఉన్నప్పటికీ, హెచ్‌డీబీ బలమైన ఫండమెంటల్స్ (15% ROE) కలిగి ఉందని నిపుణులు చెబుతున్నారు.

HDB Financial का डेब्यू, 13% प्रीमियम पर सेटल

HDB Financial Services Listing

BSE पर 13% प्रीमियम पर सेटल: HDB Financial

Price Band: Rs 700 – Rs 740/ Share

NSE पर ₹835/Sh पर सेटल: HDB Financial
BSE पर ₹835/Sh पर सेटल: HDB Financial@hdbfsl #IPOs, #IPO, #IPOListing, #SME,… pic.twitter.com/bkrWO4SbcH
— CNBC-AWAAZ (@CNBC_Awaaz) July 2, 2025

హెచ్‌డీఎఫ్‌సీ బ్యాంక్ మద్దతు బలమైన ఫండమెంటల్స్‌తో హెచ్‌డీబీ ఈ సెంటిమెంట్ ను అధిగమించే అవకాశం ఉంది. - బలమైన లిస్టింగ్ పనితీరు రిటైల్ ఆసక్తిని పునరుద్ధరించవచ్చు, ఇతర NBFC ఐపీఓలకు మార్గదర్శకంగా నిలుస్తుందని చెబుతున్నారు.

Nuvvunte Na Jathaga Serial july 1st: నువ్వుంటే నా జతగా సీరియల్: ఆనంద్ సీక్రెట్ లీక్.. దేవా ప్రేమ పసిగట్టేసిన మిథున.. బేబీ దగ్గరకు ప్రేమ జంట!

Jhanshi Balleda — Tue, 1 Jul 2025 10:08:27 +0530

Nuvvunte Na Jathaga Serial Today Episode మిథున కనిపించకపోయే సరికి దేవా చాలా కంగారు పడతాడు. మిథున కనిపించగానే చెప్పకుండా ఎక్కడికి వెళ్లావ్ అని కొట్టడానికి చేయి ఎత్తుతాడు. ఎంత కంగారు పడ్డానో తెలుసా అని తిడుతాడు. నేను ముక్కూ ముఖం తెలీనిదాన్ని అంటావ్ కదా మరి నా కోసం ఏమైతే నీకు ఏంటి అని అడుగుతుంది. దేవా అలా ఏం కాదు నాతో వచ్చావ్ నీ బాధ్యత నాది అంటాడు.

మిథున దేవాకి నువ్వు నిన్నంతా ఏం తినలేదు కదా నీకు ఆకలి వేస్తుంది అని టిఫెన్ తీసుకొచ్చా అంటుంది. దేవా మిథునని అలా చూస్తాడు. దేవా నేను కాసేపు కనిపించకపోయే సరికి కంగారు పడిపోయావ్ దీన్ని ఏంమంటారో తెలుసా అంటుంది. దేవా బాధ్యత అని అంటే కాదు ప్రేమ అని మిథున అంటుంది. మనసులో ప్రేమ ఉన్నప్పుడు మాత్రమే ఇంత తపన ఉంటుంది అని చెప్తుంది. నువ్వు నాతో వచ్చావ్ కాబట్టి నీ బాధ్యత నాది దానికి నువ్వు ఏదోదో అనుకోకు అంటాడు. మిథున మనసులో నాకు నమ్మకం వచ్చేసింది ఈ వారంలో నా మీద నీ ప్రేమ మా నాన్న దగ్గర నిరూపిస్తా అని అనుకుంటుంది. ఇద్దరూ బయల్దేరుతారు. ప్రియతమా.. ప్రియతమా.. పలికినది హృదయమే సరిగమా అంటూ మిథున సాంగ్ పాడుకుంటుంది. మిథున కంట్లో దుమ్ము పడితే దేవా ఊదుతాడు. మిథున దేవాని చూస్తూ ఉంటుంది.

ఎస్‌ఐ, కానిస్టేబుల్ దాసు మిథున కోసం వెతుకుతుంటారు. ఓ జంక్షన్ దగ్గర ఆగి నా మల్లెపువ్వు ఎటు వెళ్లుంటుంది అని ఎస్‌ఐ అంటాడు. ఇద్దరూ ఎటు వెళ్లాలి అనుకుంటారు. దాసు ఎస్‌ఐని తిట్టుకుంటూనే పొగుడుతాడు. ఇద్దరూ కలిసి ఓ వైపు వెళ్లుంటారని గెస్ చేసి బయల్దేరుతారు. ప్రమోదిని కూరగాయలకు వెళ్లి వస్తుంది. ఆనంద్ అలసిపోయి రోడ్డు పక్కన ఓ బల్ల మీద పడుకొని ఉంటాడు. ప్రమోదిని చూసి వెళ్లి మీరు ఇక్కడ ఏంటి.. జాబ్‌కి వెళ్లకుండా ఇక్కడ ఏం చేస్తున్నారు అని అడుగుతుంది. ఉద్యోగానికి వెళ్తూ కాసేపు ఇక్కడ ఉన్నాఅంటాడు. ప్రమోదిని నిజం చెప్పమని మీరు మారారని నేను మిథున ఇంట్లో అందరూ నమ్మాం మీరు ఏం చేస్తున్నారు అని అడుగుతుంది. దాంతో ఆనంద్ నేను మారిపోయాను ప్రమోదిని కర్రల మిల్లలో పని చేస్తున్నా ఆ దుమ్ముకి నా వల్ల కావడం లేదు ఊపిరి ఆగిపోయేలా ఉంటే కాసేపు ఇక్కడికి వచ్చాను అంటాడు. ప్రమోదిని ఏడుస్తూ మీరు ఇంత కష్టపడి ఈ ఉద్యోగం చేయొద్దు అని నేను కుట్టు మిషన్ తొక్కుతాను మీరు ఇలాంటి పని ఇంకోసారి చేయొద్దు అని మాట తీసుకుంటుంది.

బేబీ ఇంటి ముందు ఇద్దరి దంపతుల పంచాయితీ అవుతుంటుంది. నస పెడుతుంది టార్చర్ పెడుతుంది దీన్ని వదిలేసి విడాకులు ఇచ్చేస్తా అని అంటాడు. అప్పుడే మిథున, దేవాలు వస్తారు. దేవా చప్పట్లు కొట్టి మంచి నిర్ణయం బ్రదర్ ఇద్దరూ కలసి గొడవ పడటం కంటే విడిపోవడం మంచిది అంటాడు. మిథున కలిసి బతకాలి అని దేవుడు ఇచ్చిన జీవితాన్ని నిలుపుకోవాలని అంటుంది. వాళ్ల పేరు పెట్టుకొని మిథున, దేవా వాదించుకుంటారు. పట్టుకున్న చేతిని జీవితాంతం వదలకుండా ఉండటం గొప్ప.. ఏడు అడుగులు నడిచినప్పుడు నీ మీద నమ్మకంతో నీ వెంట వచ్చింది తన నమ్మకం గెలిపించు నీ మీద ప్రేమతో ఉంటుంది అని అంటాడు. ఆ వ్యక్తి మారిపోయి భార్య అంటే మరో అమ్మ అని చెప్పావ్ తల్లి ఇకపై నా భార్య చేయి వదలను అని అంటాడు.

మిథునని అందరూ పొగుడుతారు. బేబీ కూడా నా మనవరాలు చెప్పిన తీర్పే నా తీర్పు కూడా అని అంటుంది. అందరూ వెళ్లిపోతారు. మిథున, దేవాలను బేబీ హగ్ చేసుకొని పని మనిషికి దిష్టి తీయడానికి ఏర్పాట్లు చేయమని అంటుంది. ఇక ప్రమోదిని భర్తతో మీరు డిపోలో చేస్తున్న పని ఎవరికీ చెప్పొద్దు ముఖ్యంగా రంగా, కాంతానికి చెప్పొద్దు వాళ్లు దెప్పి పొడుస్తారు. వాళ్ల బుద్ధి మంచిది కాదు అని ప్రమోదిని అంటే రంగం, కాంతం ఆ మాటలు వింటారు. దీంతో ఇవాళ్టి ఎపిసోడ్ పూర్తయిపోతుంది.

Also Read: కలవారి కోడలు కనకమహాలక్ష్మీ: విహారి గ్రూప్ కంపెనీకి ఎదురుదెబ్బ! ఘోర అవమానం.. లక్ష్మీ రాజీనామా!