ipo

Sai Parenteral: సాయి పారెంటరల్స్ తొలి IPO - మార్చి 24న ప్రారంభం

Raja Sekhar Allu — Tue, 17 Mar 2026 20:18:33 +0530

Sai Parenteral to launch IPO on March 24 : ఫార్మాస్యూటికల్ రంగంలో కార్యకలాపాలు సాగిస్తున్న సాయి పారెంటరల్స్ (Sai Parenteral ) సంస్థ తన తొలి పబ్లిక్ ఆఫర్ ను మార్చి 24న ప్రారంభించనుంది. ఈ ఐపీఓ ద్వారా కంపెనీ రూ. 285 కోట్ల తాజా నిధులను సేకరించాలని లక్ష్యంగా పెట్టుకుంది. ఈ ఆఫర్‌లో రూ. 285 కోట్ల విలువైన ఫ్రెష్ ఇష్యూతో పాటు, ప్రమోటర్లు , పెట్టుబడిదారుల నుంచి 32 లక్షల ఈక్విటీ షేర్ల ఆఫర్ ఫర్ సేల్ కూడా ఉండనుంది.

ఈ ఐపీఓ మార్చి 24న మంగళవారం ప్రారంభమై మార్చి 27న శుక్రవారం ముగుస్తుంది. షేర్ల కేటాయింపు ప్రక్రియ మార్చి 30 నాటికి పూర్తయ్యే అవకాశం ఉంది. ఈ సంస్థ షేర్లు ఎన్‌ఎస్‌ఈ NSE, బీఎస్‌ఈ ఎక్స్ఛేంజీలలో ఏప్రిల్ 2, 2026న లిస్ట్ అయ్యే అవకాశం ఉంది. అయితే, ఈ ఇష్యూకు సంబంధించిన ప్రైస్ బ్యాండ్‌ను కంపెనీ ఇంకా ప్రకటించాల్సి ఉంది.

తాజా ఇష్యూ ద్వారా వచ్చే నిధులను కంపెనీ వ్యూహాత్మక అవసరాల కోసం ఉపయోగించనుంది. ఇందులో రూ. 110.8 కోట్లను తయారీ కేంద్రాల విస్తరణ , ఆధునీకరణకు, రూ. 18 కోట్లను కొత్త రీసెర్చ్ అండ్ డెవలప్‌మెంట్ సెంటర్ ఏర్పాటుకు కేటాయించనున్నారు. మిగిలిన నిధులను అప్పుల చెల్లింపులకు, వర్కింగ్ క్యాపిటల్ అవసరాలకు, ఆస్ట్రేలియాలోని నౌమెడ్ ఫార్మాస్యూటికల్స్ కొనుగోలు కోసం తీసుకున్న రుణాల చెల్లింపులకు వినియోగించనున్నారు.

సాయి పారెంటరల్స్ సంస్థ కార్డియోవాస్కులర్, డయాబెటిక్, శ్వాసకోశ , డెర్మటాలజీ వంటి అనేక విభాగాల్లో ఔషధాలను ఉత్పత్తి చేస్తోంది. 2024-25 ఆర్థిక సంవత్సరంలో ఈ కంపెనీ రూ. 163.1 కోట్ల ఆదాయాన్ని నమోదు చేసింది, ఇది అంతకుముందు ఏడాదితో పోలిస్తే మెరుగ్గా ఉంది. అలాగే కంపెనీ నికర లాభం కూడా దాదాపు 72 శాతం వృద్ధితో రూ. 14.45 కోట్లుగా నమోదైంది. హైదరాబాద్ కేంద్రంగా పనిచేస్తున్న ఈ సంస్థకు ఐదు తయారీ కేంద్రాలు ఉన్నాయి.

ఈవారం IPOకు వస్తున్న 11 కంపెనీలు, నిధుల సమీకరణే లక్ష్యంగా పోటీ

Shankar Dukanam — Sun, 21 Dec 2025 07:50:36 +0530

Upcoming IPOs in India: భారతీయ స్టాక్ మార్కెట్‌లో డిసెంబర్ 22, 2025 నుండి ప్రారంభమయ్యే వ్యాపార వారంలో SME విభాగంలోని అనేక కంపెనీల ఇనిషియల్ పబ్లిక్ ఆఫరింగ్ (IPO) రాబోతున్నాయి. రాబోయే వారంలో 11 కంపెనీలు మార్కెట్ నుంచి రూ.750 కోట్ల రూపాయలను సమీకరించడానికి ప్రయత్నిస్తాయి.

దీనివల్ల స్టాక్ మార్కెట్ పెట్టుబడిదారులలో కొత్త ఉత్సాహం కనిపించవచ్చు. అలాగే, గుజరాత్ కిడ్నీ అండ్ సూపర్ స్పెషాలిటీ మెయిన్‌బోర్డ్ IPO కూడా మార్కెట్లోకి రావడానికి సిద్ధంగా ఉంది. ఏయే కంపెనీలు తమ IPOలను తీసుకువస్తున్నాయో ఆ వివరాలు ఇక్కడ తెలుసుకుందాం.

గుజరాత్ కిడ్నీ అండ్ సూపర్ స్పెషాలిటీ IPO

హెల్త్‌కేర్ రంగానికి చెందిన గుజరాత్ కిడ్నీ అండ్ సూపర్ స్పెషాలిటీ తమ IPO ద్వారా సుమారు రూ. 251 కోట్లను సమీకరించడానికి ప్రయత్నిస్తుంది. డిసెంబర్ 22న పెట్టుబడిదారుల కోసం IPO సబ్‌స్క్రిప్షన్‌ ప్రారంభం అవుతుంది.

గ్రే మార్కెట్‌లో కంపెనీ షేర్ల పనితీరు విషయానికి వస్తే.. అవి తమ అప్పర్ ప్రైస్ బ్యాండ్ 114 రూపాయలతో పోలిస్తే సుమారు 7 శాతం పెరుగుదలతో ట్రేడ్ అవుతున్నాయి. దీని కారణంగా పెట్టుబడిదారులలో IPO పట్ల పాజిటివ్ వాతావరణం నెలకొంది. కంపెనీ మల్టీస్పెషాలిటీ ఆసుపత్రుల నెట్‌వర్క్‌ను నిర్వహిస్తుంది. గుజరాత్ కంపెనీ IPO నుండి వచ్చే డబ్బును కంపెనీ విస్తరణకు ఉపయోగించనుంది.

SME విభాగంలోని ఈ కంపెనీలు IPOలను తీసుకువస్తాయి

SME విభాగంలో అపోలో టెక్నో ఇండస్ట్రీస్ తాజాగా ఐపీఓకి వస్తుంది. దాంతోపాటు డాచెపల్లి పబ్లిషర్స్, EPW ఇండియా, ఎడ్మాచ్ సిస్టమ్స్, బై కాకాజీ పాలిమర్స్ కస్టమర్ల నమ్మకాన్ని పొందడానికి ఐపీఓకి రాబోతున్నాయి. ధారా రైల్ ప్రాజెక్ట్స్, సుందరెక్స్ ఆయిల్, శ్యామ్ ధాని ఇండస్ట్రీస్, నాంటా టెక్ కంపెనీల IPOలు సైతం వచ్చే వారం ప్రారంభం కానున్నాయి. బై కాకాజీ పాలిమర్స్ మార్కెట్ నుండి సుమారు రూ. 105 కోట్లను సమీకరించడానికి ప్రయత్నిస్తుంది.

నిరాకరణ: (ఇక్కడ అందించిన విషయాలు కేవలం సమాచారం కోసం మాత్రమే. మార్కెట్ పెట్టుబడులు మార్కెట్ రిస్క్‌లకు లోబడి ఉంటాయని గుర్తుంచుకోండి. పెట్టుబడిదారుడిగా డబ్బు పెట్టుబడి పెట్టే ముందు ఎల్లప్పుడూ ఆర్థిక నిపుణుల సలహా తీసుకోండి. ABP Desam ఎవరికీ డబ్బు పెట్టుబడి పెట్టమని ఎప్పుడూ సలహా ఇవ్వదు.)

Mega IPO: ఫస్ట్ లిస్టింగ్‌లో దూసుకెళ్లిన హెచ్‌డీబీ ఫైనాన్షియల్ షేర్ - కొనసాగుతుందా? ఇతర వాటిలా పడిపోతుందా?

Raja Sekhar Allu — Wed, 2 Jul 2025 14:57:30 +0530

HDB Financial: స్టాక్ మార్కెట్లు అంతర్జాతీయ పరిణామాల కారణంగా అనిశ్చితంగా మారుతున్నాయి. ఈ క్రమంలో అనేక బడా కంపెనీల ఐపీవోలు కూడా లిస్టింగ్ తర్వాత సమస్యలు ఎదుర్కొంటున్నాయి. ఇప్పుడు హెచ్‌డీబీ ఫైనాన్షియల్ వంతు వచ్చింది. రూ.10,000 కోట్ల భారీ లిస్టింగ్ తర్వాత హెచ్‌డీబీ ఫైనాన్షియల్ సర్వీసెస్ అధిగమించగలదా అని బిజినెస్ వర్గాలు ఆసక్తిగా చూస్తున్నాయి.

గత ఎనిమిది రూ.10,000 కోట్లు దాటిన ఐపీఓలలో ఆరు, లిస్టింగ్ తర్వాత ఆరు నెలల్లో సగటున 20 శాతం నష్టాలను చవిచూశాయి. హ్యుందాయ్ మోటార్ 6 నెలల్లో 7 శాతం తగ్గింది. స్విగ్ 30 శాతం నష్టపోయింది. ఎస్‌బీఐ కార్డ్స్ మాత్రమే 50% రాబడిని ఇచ్చింది. అది కూడా కోవిడ్ తర్వాత మార్కెట్ ర్యాలీ వ్లల సాధ్యమయింది. పెద్ద ఐపీఓలు మార్కెట్‌లో లిక్విడిటీ గ్రహించడంతో పనితీరు తక్కువగా ఉంటుందని నిపుణులు చెబుతున్నారు.

🚨 IPO Update:
Applied for 1 lot in HDB Financial Services IPO (Retail) ✅
📌 Issue Price: ₹740
📈 Listing Price: ₹835
💹 Currently trading at ₹845
💰 Listing gain of ₹95/share!#HDBFinancialIPO #IPOListing #StockMarket #RetailInvestor #IPOAlert #ipoallotment #HDFC pic.twitter.com/zRvRsjIFMH
— Dharmesh (@DHarshwal) July 2, 2025

హెచ్‌డీఎఫ్‌సీ బ్యాంక్ మద్దతుతో అనుబంధ సంస్థ అయిన హెచ్‌డీబీ ఫైనాన్షియల్ రూ.12,500 కోట్ల ఐపీఓను ప్రారంభించింది. రూ.2,500 కోట్లు ఫ్రెష్ ఇష్యూ, రూ.10,000 కోట్లు ఆఫర్-ఫర్-సేల్ ఇందులో ఉన్నాయి. షేర్ ధర రూ.700–740, గరిష్ఠంగా రూ.61,000 కోట్ల విలువ ఉంటుందని అంచనా. జూన్ 27, 2025న ముగిసిన ఈ ఐపీఓకు రూ.1.61 లక్షల కోట్ల బిడ్స్ వచ్చాయి. ఇది రూ.10,000 కోట్ల ఐపీఓలలో రెండో అత్యధిక సబ్‌స్క్రిప్షన్ . మొదటి స్థానంలో టాటా టెక్నాలజీస్ ఉంది. ఇన్‌స్టిట్యూషనల్ ఇన్వెస్టర్లు (QIB) 55.47 రెట్లు ఓవర్‌సబ్‌స్క్రైబ్ చేశారు, రిటైల్ ఇన్వెస్టర్లు 1.4 రెట్లు మాత్రమే.

జూలై 2, 2025న హెచ్‌డీబీ షేర్లు రూ.835 వద్దలిస్ట్ అయ్యాయి. తర్వాత రూ.845.75కు చేరింది. మార్కెట్ క్యాప్ రూ.70,198 కోట్లకు చేరింది. ఇది భారతదేశంలో ఎనిమిదో అతిపెద్ద NBFCగా నిలిచింది. బజాజ్ ఫైనాన్స్‌తో పోలిస్తే తక్కువ వాల్యుయేషన్ ఉన్నప్పటికీ, హెచ్‌డీబీ బలమైన ఫండమెంటల్స్ (15% ROE) కలిగి ఉందని నిపుణులు చెబుతున్నారు.

HDB Financial का डेब्यू, 13% प्रीमियम पर सेटल

HDB Financial Services Listing

BSE पर 13% प्रीमियम पर सेटल: HDB Financial

Price Band: Rs 700 – Rs 740/ Share

NSE पर ₹835/Sh पर सेटल: HDB Financial
BSE पर ₹835/Sh पर सेटल: HDB Financial@hdbfsl #IPOs, #IPO, #IPOListing, #SME,… pic.twitter.com/bkrWO4SbcH
— CNBC-AWAAZ (@CNBC_Awaaz) July 2, 2025

హెచ్‌డీఎఫ్‌సీ బ్యాంక్ మద్దతు బలమైన ఫండమెంటల్స్‌తో హెచ్‌డీబీ ఈ సెంటిమెంట్ ను అధిగమించే అవకాశం ఉంది. - బలమైన లిస్టింగ్ పనితీరు రిటైల్ ఆసక్తిని పునరుద్ధరించవచ్చు, ఇతర NBFC ఐపీఓలకు మార్గదర్శకంగా నిలుస్తుందని చెబుతున్నారు.

Nuvvunte Na Jathaga Serial july 1st: నువ్వుంటే నా జతగా సీరియల్: ఆనంద్ సీక్రెట్ లీక్.. దేవా ప్రేమ పసిగట్టేసిన మిథున.. బేబీ దగ్గరకు ప్రేమ జంట!

Jhanshi Balleda — Tue, 1 Jul 2025 10:08:27 +0530

Nuvvunte Na Jathaga Serial Today Episode మిథున కనిపించకపోయే సరికి దేవా చాలా కంగారు పడతాడు. మిథున కనిపించగానే చెప్పకుండా ఎక్కడికి వెళ్లావ్ అని కొట్టడానికి చేయి ఎత్తుతాడు. ఎంత కంగారు పడ్డానో తెలుసా అని తిడుతాడు. నేను ముక్కూ ముఖం తెలీనిదాన్ని అంటావ్ కదా మరి నా కోసం ఏమైతే నీకు ఏంటి అని అడుగుతుంది. దేవా అలా ఏం కాదు నాతో వచ్చావ్ నీ బాధ్యత నాది అంటాడు.

మిథున దేవాకి నువ్వు నిన్నంతా ఏం తినలేదు కదా నీకు ఆకలి వేస్తుంది అని టిఫెన్ తీసుకొచ్చా అంటుంది. దేవా మిథునని అలా చూస్తాడు. దేవా నేను కాసేపు కనిపించకపోయే సరికి కంగారు పడిపోయావ్ దీన్ని ఏంమంటారో తెలుసా అంటుంది. దేవా బాధ్యత అని అంటే కాదు ప్రేమ అని మిథున అంటుంది. మనసులో ప్రేమ ఉన్నప్పుడు మాత్రమే ఇంత తపన ఉంటుంది అని చెప్తుంది. నువ్వు నాతో వచ్చావ్ కాబట్టి నీ బాధ్యత నాది దానికి నువ్వు ఏదోదో అనుకోకు అంటాడు. మిథున మనసులో నాకు నమ్మకం వచ్చేసింది ఈ వారంలో నా మీద నీ ప్రేమ మా నాన్న దగ్గర నిరూపిస్తా అని అనుకుంటుంది. ఇద్దరూ బయల్దేరుతారు. ప్రియతమా.. ప్రియతమా.. పలికినది హృదయమే సరిగమా అంటూ మిథున సాంగ్ పాడుకుంటుంది. మిథున కంట్లో దుమ్ము పడితే దేవా ఊదుతాడు. మిథున దేవాని చూస్తూ ఉంటుంది.

ఎస్‌ఐ, కానిస్టేబుల్ దాసు మిథున కోసం వెతుకుతుంటారు. ఓ జంక్షన్ దగ్గర ఆగి నా మల్లెపువ్వు ఎటు వెళ్లుంటుంది అని ఎస్‌ఐ అంటాడు. ఇద్దరూ ఎటు వెళ్లాలి అనుకుంటారు. దాసు ఎస్‌ఐని తిట్టుకుంటూనే పొగుడుతాడు. ఇద్దరూ కలిసి ఓ వైపు వెళ్లుంటారని గెస్ చేసి బయల్దేరుతారు. ప్రమోదిని కూరగాయలకు వెళ్లి వస్తుంది. ఆనంద్ అలసిపోయి రోడ్డు పక్కన ఓ బల్ల మీద పడుకొని ఉంటాడు. ప్రమోదిని చూసి వెళ్లి మీరు ఇక్కడ ఏంటి.. జాబ్‌కి వెళ్లకుండా ఇక్కడ ఏం చేస్తున్నారు అని అడుగుతుంది. ఉద్యోగానికి వెళ్తూ కాసేపు ఇక్కడ ఉన్నాఅంటాడు. ప్రమోదిని నిజం చెప్పమని మీరు మారారని నేను మిథున ఇంట్లో అందరూ నమ్మాం మీరు ఏం చేస్తున్నారు అని అడుగుతుంది. దాంతో ఆనంద్ నేను మారిపోయాను ప్రమోదిని కర్రల మిల్లలో పని చేస్తున్నా ఆ దుమ్ముకి నా వల్ల కావడం లేదు ఊపిరి ఆగిపోయేలా ఉంటే కాసేపు ఇక్కడికి వచ్చాను అంటాడు. ప్రమోదిని ఏడుస్తూ మీరు ఇంత కష్టపడి ఈ ఉద్యోగం చేయొద్దు అని నేను కుట్టు మిషన్ తొక్కుతాను మీరు ఇలాంటి పని ఇంకోసారి చేయొద్దు అని మాట తీసుకుంటుంది.

బేబీ ఇంటి ముందు ఇద్దరి దంపతుల పంచాయితీ అవుతుంటుంది. నస పెడుతుంది టార్చర్ పెడుతుంది దీన్ని వదిలేసి విడాకులు ఇచ్చేస్తా అని అంటాడు. అప్పుడే మిథున, దేవాలు వస్తారు. దేవా చప్పట్లు కొట్టి మంచి నిర్ణయం బ్రదర్ ఇద్దరూ కలసి గొడవ పడటం కంటే విడిపోవడం మంచిది అంటాడు. మిథున కలిసి బతకాలి అని దేవుడు ఇచ్చిన జీవితాన్ని నిలుపుకోవాలని అంటుంది. వాళ్ల పేరు పెట్టుకొని మిథున, దేవా వాదించుకుంటారు. పట్టుకున్న చేతిని జీవితాంతం వదలకుండా ఉండటం గొప్ప.. ఏడు అడుగులు నడిచినప్పుడు నీ మీద నమ్మకంతో నీ వెంట వచ్చింది తన నమ్మకం గెలిపించు నీ మీద ప్రేమతో ఉంటుంది అని అంటాడు. ఆ వ్యక్తి మారిపోయి భార్య అంటే మరో అమ్మ అని చెప్పావ్ తల్లి ఇకపై నా భార్య చేయి వదలను అని అంటాడు.

మిథునని అందరూ పొగుడుతారు. బేబీ కూడా నా మనవరాలు చెప్పిన తీర్పే నా తీర్పు కూడా అని అంటుంది. అందరూ వెళ్లిపోతారు. మిథున, దేవాలను బేబీ హగ్ చేసుకొని పని మనిషికి దిష్టి తీయడానికి ఏర్పాట్లు చేయమని అంటుంది. ఇక ప్రమోదిని భర్తతో మీరు డిపోలో చేస్తున్న పని ఎవరికీ చెప్పొద్దు ముఖ్యంగా రంగా, కాంతానికి చెప్పొద్దు వాళ్లు దెప్పి పొడుస్తారు. వాళ్ల బుద్ధి మంచిది కాదు అని ప్రమోదిని అంటే రంగం, కాంతం ఆ మాటలు వింటారు. దీంతో ఇవాళ్టి ఎపిసోడ్ పూర్తయిపోతుంది.

Also Read: కలవారి కోడలు కనకమహాలక్ష్మీ: విహారి గ్రూప్ కంపెనీకి ఎదురుదెబ్బ! ఘోర అవమానం.. లక్ష్మీ రాజీనామా!

Most Awaited IPO: ఈ IPO కోసం 9 ఏళ్లుగా ఎదురుచూపులు - అతి త్వరలో సెబీ అనుమతి!

Arun Kumar Veera — Tue, 25 Mar 2025 15:58:29 +0530

Most Wanted IPO: దేశంలో అతి పెద్ద స్టాక్ ఎక్స్ఛేంజ్ "నేషనల్‌ స్టాక్‌ ఎక్సేంజ్‌" (NSE) ప్రతిపాదిత "ఇనీషియల్‌ పబ్లిక్‌ ఆఫర్‌" ‍(IPO)కు స్టాక్ మార్కెట్ నియంత్రణ సంస్థ SEBI నుంచి త్వరలో గ్రీన్ సిగ్నల్ లభించవచ్చు. NSE IPO ఆలస్యానికి గల కారణాలను పరిశీలిస్తామని SEBI చీఫ్ తుహిన్ కాంత్ పాండే చెప్పారు. IPOను లాంచ్‌ చేయడానికి నియంత్రణ సంస్థ సెబీ వద్ద NSE 2016లోనే ముసాయిదా పత్రాలు దాఖలు చేసింది.

తుహిన్ కాంత్ పాండే కీలక వ్యాఖ్యలు
తుహిన్ కాంత్ పాండే అధ్యక్షతన సెబీ మొదటి బోర్డు సమావేశం తర్వాత మీడియాతో మాట్లాడారు. ఆ సమయంలో, తుహిన్ కాంత్ పాండేను ఎన్‌ఎస్‌ఈ ఐపీవో జాప్యం గురించి మీడియా ప్రతినిధులు ప్రశ్నించారు. ఈ విషయాన్ని తాము ఖచ్చితంగా పరిశీలిస్తామని, సమస్యలను పరిష్కరించడానికి ప్రయత్నిస్తామని, అడ్డంకులను ఎలా తొలగించవచ్చో తెలుసుకుంటామని చెప్పారు. మార్కెట్ వాటా పరంగా, నేషనల్ స్టాక్ ఎక్స్ఛేంజ్ NSE దేశంలోనే అతి పెద్ద స్టాక్ ఎక్స్ఛేంజ్. ఈ ఎక్సేంజ్‌తో పాటు ఇన్వెస్టర్లు కూడా గత తొమ్మిది సంవత్సరాలుగా IPO కోసం ఎదురు చూస్తున్నారు.

IPO ఆలస్యానికి NSEదే బాధ్యత: సెబీ
నేషనల్ స్టాక్ ఎక్స్ఛేంజ్ IPO ప్రక్రియ, షేర్‌ ధరలు & షేర్‌ లిస్టింగ్‌కు సంబంధించిన విషయాలు అప్పుడప్పుడు వార్తల్లో కనిపిస్తున్నప్పటికీ, పెట్టుబడిదార్లు ఎదురు చూస్తున్న కాలం ఏటికేడు కొత్త అంకెను నమోదు చేస్తోంది. గత సంవత్సరం, ఒక కేసు విచారణ సందర్భంగా, NSE తన లిస్టింగ్‌కు సంబంధించి 'నో అబ్జెక్షన్ సర్టిఫికేట్' (NOC) కోసం కొత్తగా ఎటువంటి డిమాండ్ చేయలేదని SEBI దిల్లీ హైకోర్టుకు తెలిపింది. ఐపీఓ ప్రక్రియలో జాప్యానికి నేషనల్ స్టాక్ ఎక్స్ఛేంజ్ స్వయంగా బాధ్యత వహించాలని సెబీ స్పష్టం చేసింది. NSE IPOను త్వరగా ఆమోదించాలని సెబీని ఆదేశించాలని కోరిుతూ గతంలో దిల్లీ హైకోర్టులో ఒక ప్రజా ప్రయోజన వ్యాజ్యం దాఖలైంది.

వాస్తవానికి, NSE తన ప్రతిపాదిత IPO & మార్కెట్‌లో షేర్ల లిస్టింగ్ కోసం 9 సంవత్సరాల క్రితమే SEBI నుంచి అనుమతి పొందింది. NSE 2016లో SEBI దరఖాస్తు సమర్పించినప్పుడే, నియంత్రణ సంస్థ సూత్రప్రాయంగా ఆమోదించింది. కానీ తరువాత ఆ ముసాయిదా తిరుగుటపాలో వచ్చింది. కో-లొకేషన్ సౌకర్యాల విషయం వెలుగులోకి వచ్చిన తర్వాత, సెబీ 2019లో NSE ముసాయిదా పేపర్లను వెనక్కు పంపింది. కో-లొకేషన్ సౌకర్యాల విషయంపై దర్యాప్తు పూర్తయిన తర్వాత మళ్లీ కొత్తగా IPO ముసాయిదాను దాఖలు చేయమని సూచించింది. చివరకు, 2024 ఆగస్టులో, NSE 'నో అబ్జెక్షన్ సర్టిఫికేట్' (NOC) కోసం SEBIకి దరఖాస్తు చేసుకుంది.

అతి పెద్ద మార్కెట్‌ వాటాను ఎంజాయ్‌ చేస్తున్న NSE, అత్యంత లాభదాయకమైన సంస్థ కూడా. దీంతో, ఈ కంపెనీ అన్‌లిస్టెడ్‌ మార్కెట్‌ నుంచి లిస్టెడ్‌ మార్కెట్‌లోకి ఎప్పుడు వస్తుందా అని ఇన్వెస్టర్లు ఏళ్ల తరబడి ఎదురు చూస్తున్నారు.

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

Upcoming IPO: మార్కెట్‌లోకి రానున్న రూ.15000 కోట్ల IPO, డబ్బులతో రెడీగా ఉండండి

Arun Kumar Veera — Mon, 17 Mar 2025 13:02:35 +0530

LG Electronics IPO News Update: దక్షిణ కొరియాకు చెందిన ఎలక్ట్రానిక్స్ కంపెనీ LG ఎలక్ట్రానిక్స్, త్వరలో ప్రారంభించనున్న IPO ‍‌(Initial Public Offering)కు మార్గం సుగమం అయింది. LG ఎలక్ట్రానిక్స్ IPOకు, స్టాక్ మార్కెట్ నియంత్రణ సంస్థ 'సెబీ' (‍SEBI) ఆమోదం తెలిపింది. ఈ ఐపీఓ ద్వారా, ఎల్‌జీ ఎలక్ట్రానిక్స్ ఇండియా, ప్రైమరీ మార్కెట్‌ నుంచి రూ. 15,000 కోట్లు సేకరించేందుకు సన్నాహాలు చేస్తోంది. హ్యుందాయ్ మోటార్ ఇండియా (Hyundai Motor India) తర్వాత, భారతదేశ స్టాక్ మార్కెట్‌లో లిస్టింగ్‌కు రెడీ అయిన రెండో దక్షిణ కొరియా కంపెనీ LG ఎలక్ట్రానిక్స్.

LG ఎలక్ట్రానిక్స్, తన IPO కోసం ఇప్పటికే రోడ్ షో (పెట్టుబడిదార్లను ఆకర్షించే కార్యక్రమాలు, సమావేశాలు వంటివి) ప్రారంభించింది. ఆ కంపెనీ, IPO కోసం ముంబైలో రోడ్ షో నిర్వహించింది & ఇతర నగరాల్లో కూడా ఈ తరహా కార్యక్రమాలను ప్లాన్‌ చేసింది.

15 శాతం వాటా అమ్మకం
LG ఎలక్ట్రానిక్స్, ప్రతిపాదిత IPO ద్వారా, పెట్టుబడిదార్ల నుంచి 1.5 బిలియన్‌ డాలర్ల (దాదాపు రూ. 15,000 కోట్లు) వరకు సేకరించగలదు. ఇనీషియల్‌ పబ్లిక్‌ ఆఫర్‌లో, దక్షిణ కొరియాలోని మాతృ సంస్థ 101.8 మిలియన్లకు పైగా షేర్లను విక్రయిస్తుంది, ఇది 15 శాతం వాటాకు సమానం.

పూర్తిగా OFS రూట్‌లో IPO
LG ఎలక్ట్రానిక్స్, గత ఏడాది డిసెంబర్‌లోనే SEBI వద్ద IPO ముసాయిదా పత్రాలను దాఖలు చేసింది. ముసాయిదా పత్రాల ప్రకారం, దాని దక్షిణ కొరియా మాతృ సంస్థ LG ఎలక్ట్రానిక్స్ 10,18,15,859 ఈక్విటీ షేర్లను ‍‌(రూ.10 ముఖ విలువ) విక్రయిస్తుంది. IPOలోని అన్ని షేర్లను ఆఫర్ ఫర్ సేల్ (OFS) ద్వారా విక్రయిస్తారు & కంపెనీ ఒక్క తాజా షేర్‌ కూడా జారీ చేయడం లేదు. దీని అర్ధం - ఈ IPO ద్వారా LG ఎలక్ట్రానిక్స్ ఇండియాకు ఒక్క రూపాయి కూడా రాదు & సేకరించిన మొత్తం డబ్బు దక్షిణ కొరియాలోని మాతృ సంస్థకు వెళ్తుంది.

భారతీయ స్టాక్ మార్కెట్‌లో LG ఎలక్ట్రానిక్స్‌ ఇండియాను లిస్ట్‌ చేయడం వల్ల కన్జ్యూమర్‌ ఎలక్ట్రానిక్స్ వ్యాపారానికి కొత్త ప్రోత్సాహం లభిస్తుంది. - LG ఎలక్ట్రానిక్స్ CEO విలియం చో

LG ఎలక్ట్రానిక్స్ ఇండియా IPO కోసం బ్యాంక్ ఆఫ్ అమెరికా, సిటీ గ్రూప్, JP మోర్గాన్, మోర్గాన్ స్టాన్లీ వంటి మర్చంట్ బ్యాంకర్లు పని చేస్తున్నాయి. IPO ద్వారా 13 బిలియన్‌ డాలర్ల విలువను సాధించాలని ఈ కంపెనీ లక్ష్యంగా పెట్టుకుంది.

Tata Capital IPO: టాటా క్యాపిటల్ IPOకి లైన్‌ క్లియర్‌ - ఎప్పుడు ఓపెన్‌ అవుతుందంటే?

Arun Kumar Veera — Wed, 26 Feb 2025 12:48:31 +0530

Tata Capital IPO News: దేశంలోని అతి పెద్ద వ్యాపార సమూహం టాటా గ్రూప్‌లోని 'టాటా క్యాపిటల్ లిమిటెడ్‌' షేర్‌ మార్కెట్‌లోకి రావడానికి మరో లైన్‌ క్లియర్‌ అయింది. ఈ గ్రూప్‌లోని NBFC కంపెనీ అయిన 'టాటా క్యాపిటల్', IPOను ప్రారంభించడానికి ఆ కంపెనీ డైరెక్టర్ల బోర్డు ఆమోదం తెలిపింది. టాటా క్యాపిటల్, ఈ IPO ద్వారా కొత్త షేర్లను (Fresh Shares) జారీ చేసి ప్రైమరీ మార్కెట్‌ (IPO Market) నుంచి డబ్బు సేకరిస్తుంది. అదే సమయంలో, ఇప్పటికే ఉన్న పెట్టుబడిదారులు కూడా ఆఫర్ ఫర్ సేల్‌ (OFS)లో తమ వాటాలను పాక్షికంగా విక్రయిస్తారు. టాటా క్యాపిటల్ బోర్డు, కంపెనీలోని ప్రస్తుత వాటాదారుల నుంచి రైట్స్ ఇష్యూ (Tata Capital Rights Issue) ద్వారా రూ. 1,504 కోట్లు సేకరించడానికి ఆమోదం తెలిపింది.

IPOలో భాగంగా టాటా క్యాపిటల్ 23 కోట్ల ఫ్రెష్‌ షేర్లను జారీ చేస్తుంది. ఆఫర్ ఫర్ సేల్‌ షేర్ల విషయంలో ఇంకా స్పష్టత రాలేదు. ఫ్రెష్‌ షేర్లు + ఆఫర్ ఫర్ సేల్‌ షేర్లతో కలిపి, ఈ IPO ద్వారా, టాటా క్యాపిటల్‌ ప్రైమరీ మార్కెట్ నుంచి రూ. 15,000 కోట్లు సేకరిస్తుందని అంచనా వేస్తున్నారు.

IPO కోసం డైరెక్టర్ల బోర్డు నుంచి ఆమోదం లభించింది కాబట్టి, ఇప్పుడు, మార్కెట్‌ రెగ్యులేటర్‌ సెబీ (SEBI) వద్ద ముసాయిదా పేపర్‌ను (DHRP) ఈ కంపెనీ సమర్పించాలి. IPO సైజ్‌, IPO తేదీ, ప్రైస్‌ బ్యాండ్‌ సహా ఇతర వివరాలు ఆ తర్వాత తెలుస్తాయి.

ఈ ఏడాది సెప్టెంబర్‌ నాటికి టాటా క్యాపిటల్ IPO ఓపెన్‌ అవుతుందని అంచనా వేస్తున్నారు. టాటా క్యాపిటల్ ఒక ఉన్నత స్థాయి ఎన్‌బీఎఫ్‌సీ (Upper-layer NBFC) కాబట్టి, రిజర్వ్ బ్యాంక్ ఆఫ్ ఇండియా ‍‌(RBI) నిబంధనల ప్రకారం, 2025 సెప్టెంబర్ 2025 కంటే ముందు టాటా క్యాపిటల్‌ను స్టాక్ ఎక్స్ఛేంజ్‌లో లిస్ట్‌ చేయాలి. RBI రూల్స్‌ ప్రకారం, టాటా సన్స్‌ను కూడా 2025 సెప్టెంబర్ నాటికి స్టాక్ ఎక్స్ఛేంజ్‌లో లిస్ట్‌ చేయాల్సిన అవసరం ఉంది. టాటా క్యాపిటల్‌లో టాటా సన్స్‌కు 93 శాతం వాటా ఉంది.

దూసుకుపోయిన టాటా ఇన్వెస్ట్‌మెంట్ కార్పొరేషన్ షేర్లు
టాటా క్యాపిటల్ IPOకి ఆమోదం లభించడంతో, నష్టాల మార్కెట్‌లోనూ టాటా ఇన్వెస్ట్‌మెంట్ కార్పొరేషన్ షేర్లు (Tata Investment Corporation Share Price) బలంగా పెరిగాయి. మంగళవారం (25 ఫిబ్రవరి 2025) మార్కెట్‌ ప్రారంభంలో దాదాపు 10 శాతం పెరిగి రూ. 6,344 స్థాయికి చేరుకుంది. ఆ రోజు మార్కెట్‌ ముగిసే సమయానికి దాదాపు 7 శాతం లాభంతో రూ. 6,158 వద్ద క్లోజ్‌ అయింది.

2023 నవంబర్‌లో, టాటా గ్రూప్ నుంచి టాటా టెక్నాలజీస్ IPO వచ్చింది & నవంబర్ 30, 2023న ఆ కంపెనీ స్టాక్ ఎక్స్ఛేంజ్‌లో నమోదైంది. టాటా టెక్నాలజీస్ IPO ఇష్యూ ధర రూ.500. అయితే, ఆ స్టాక్ 140 శాతం పెరిగి రూ.1200 వద్ద లిస్ట్‌ అయింది & మొదటి రోజే మల్టీబ్యాగర్ రిటర్న్స్‌ అందించింది.

మరో ఆసక్తికర కథనం: హైదరాబాద్‌లో పెరిగిన ఇళ్ల ధరలు - దేశ రాజధానితో పోలిస్తే భాగ్యనగరం చాలా బెటర్‌

Upcoming IPO: స్టాక్‌ మార్కెట్‌లోకి రానున్న లెన్స్‌కార్ట్‌ - IPO టార్గెట్‌ దాదాపు రూ.8,700 కోట్లు

Arun Kumar Veera — Mon, 17 Feb 2025 09:43:23 +0530

Lenskart IPO News: ఆన్‌లైన్ నుంచి ఆఫ్‌లైన్ వరకు కళ్లజోళ్లు అమ్మే ఐవేర్ రిటైల్ కంపెనీ 'లెన్స్‌కార్ట్', స్టాక్ మార్కెట్‌లో లిస్టింగ్‌కు సిద్ధం అవుతోంది. దేశ ప్రజల్లో, ముఖ్యంగా యువతలో బాగా పాపులారిటీ సంపాదించుకున్న ఈ ఐవేర్‌ కంపెనీ, సమీప భవిష్యత్‌లో ఇనీషియల్‌ పబ్లిక్‌ ఆఫర్‌ (IPO) ప్రారంభించనుంది. IPO ద్వారా, ప్రైమరీ మార్కెట్ నుంచి 1 బిలియన్‌ డాలర్లను సేకరించడానికి ప్లాన్‌ చేసినట్లు తెలుస్తోంది. ప్రస్తుత డాలర్‌-రూపాయి రేట్‌ ప్రకారం, 1 బిలియన్‌ డాలర్ల విలువను భారతీయ రూపాయల్లో చెప్పుకుంటే దాదాపు 8,700 కోట్ల రూపాయలు (రూ. 8669,82,36,400) అవుతుంది. IPO తీసుకురావడానికి ఈ సంవత్సరం మే నెలలో స్టాక్ మార్కెట్ నియంత్రణ సంస్థ 'సెబీ' (SEBI) వద్ద ముసాయిదా పత్రాలను (DRHP) దాఖలు చేయవచ్చు.

లెన్స్‌కార్ట్ IPO వాల్యుయేషన్ గురించి ఆ కంపెనీ CEO పియూష్ బన్సాల్ ‍‌(Peyush Bansal) & కంపెనీలోని కీలక పెట్టుబడిదారులు ఇటీవలి వారాల్లో బ్యాంకర్లతో చర్చించినట్లు తెలుస్తోంది. ఈ IPO ద్వారా లెన్స్‌కార్ట్ 10 బిలియన్‌ డాలర్ల విలువను లక్ష్యంగా పెట్టుకుంది, IPO మార్కెట్‌ నుంచి అందులో పదో వంతును (1 బిలియన్‌ డాలర్లు) సేకరించనుంది. అయితే, మార్కెట్ పరిస్థితులు & సెంటిమెంట్‌ను బట్టి IPOను ప్రారంభించే తేదీలను నిర్ణయిస్తారు.

మే నెలలో IPO - ఈ ఏడాదిలో లిస్టింగ్‌!
నేషనల్‌ మీడియా రిపోర్ట్‌ల ప్రకారం, ప్రస్తుత క్యాలెండర్ సంవత్సరంలోనే, ఈ కంపెనీ తన షేర్లను స్టాక్ ఎక్స్ఛేంజీలలో లిస్ట్‌ చేయాలని చూస్తోంది. దీని కంటే ముందు IPO ఓపెన్‌ చేయాలి కాబట్టి, ఈ ఏడాది మే నెల నాటికి SEBIకి IPO డ్రాఫ్ట్ పేపర్లను (DRHP) దాఖలు చేసేందుకు సిద్ధం అవుతోంది.

ప్రస్తుత మార్కెట్‌ పరిస్థితులను బట్టి చూస్తే, 10 బిలియన్‌ డాలర్ల విలువ లక్ష్యం పెద్దది & దూకుడుగా తీసుకునే నిర్ణయం అవుతుందని మార్కెట్‌ నిపుణులు చెబుతున్నారు. ఇప్పటికే ఈ కంపెనీలో ఉన్న పెట్టుబడిదార్లు ప్రయోజనం పొందాలంటే IPO విలువను తగ్గించాల్సి వస్తుందని సూచిస్తున్నారు.

లెన్స్‌కార్ట్‌ గురించి....
సాఫ్ట్‌ బ్యాంక్, టెమాసెక్ పెట్టుబడులు ఉన్న లెన్స్‌కార్ట్, మన దేశంలో ప్రముఖ కళ్లద్దాల సంస్థ. ఇది కళ్ళద్దాలు & కాంట్రాక్ట్ లెన్స్‌లను విక్రయిస్తుంది. ఈ కంపెనీకి ఆన్‌లైన్‌తో పాటు ఆఫ్‌లైన్‌లోనూ విక్రయాలు చేస్తుంది, సెల్లింగ్‌ స్టోర్స్‌ ఉన్నాయి. ఈ కంపెనీని 2010లో పియూష్ బన్సాల్ ప్రారంభించారు, ఆయన ప్రస్తుతం CEOగా పని చేస్తున్నారు. భారతదేశంలో లెన్స్‌కార్ట్ కార్యకలాపాలు లాభదాయకంగా ఉన్నాయి & కంపెనీ నిరంతరం విస్తరిస్తోంది. 2022 సంవత్సరంలో జపనీస్ కంపెనీని 400 మిలియన్‌ డాలర్లకు కొనుగోలు చేసింది. ఈ కంపెనీ థాయిలాండ్‌లో ఆశాజనకంగా పని చేస్తోంది. గత ఏడాది జూన్‌లో జరిగిన రెండో రౌండ్‌లో లెన్స్‌కార్ట్ 200 మిలియన్‌ డాలర్లను సేకరించింది. ఈ మొత్తాన్ని కంపెనీ 5 బిలియన్ల విలువ వద్ద సేకరించారు.

మరో ఆసక్తికర కథనం: స్టాక్‌ మార్కెట్‌ కంటే ఎక్కువ లాభం ఇచ్చిన పెట్టుబడి ఇది - డబ్బుల వర్షంలో తడిసిన ఇన్వెస్టర్లు

Hexaware Technologies IPO: హెక్సావేర్ టెక్నాలజీస్ ఐపీవో ప్రైస్‌ బ్యాండ్‌ ఇదే - ఫిబ్రవరి 12 నుంచి లైవ్‌

Arun Kumar Veera — Thu, 6 Feb 2025 15:55:13 +0530

Hexaware Technologies IPO News: స్టాక్ మార్కెట్‌లోకి మరో పెద్ద కంపెనీ అడుగు పెట్టబోతోంది. ముంబైకి చెందిన ఐటీ సేవల సంస్థ 'హెక్సావేర్ టెక్నాలజీస్ లిమిటెడ్', ప్రైమరీ మార్కెట్‌ కాలింగ్‌ బెల్‌ కొట్టేందుకు సిద్ధమైంది. ఈ కంపెనీ దాదాపు రూ.9 వేల కోట్ల భారీ IPO (Initial Public Offering) ఫిబ్రవరి 12 (బుధవారం) నుంచి ప్రారంభం కానుంది. ఆసక్తిగల పెట్టుబడిదారులు ఫిబ్రవరి 14 వరకు ఈ ఐపీఓ కోసం అప్లై చేసుకోవచ్చు.

ఇనీషియల్‌ పబ్లిక్‌ ఆఫరింగ్‌ కోసం, హెక్సావేర్ టెక్నాలజీస్‌, ఒక్కో IPO షేరుకు రూ. 674 - 708 ప్రైస్‌ బ్యాండ్‌ను ప్రకటించింది. ఫిబ్రవరి 11న జరిగే ప్రి-IPO విండోలో యాంకర్ ఇన్వెస్టర్లు పాల్గొంటారు.

IPO ద్వారా రూ.8,750 కోట్లు సమీకరణ
IPO ద్వారా, హెక్సావేర్ టెక్నాలజీస్ లిమిటెడ్‌ రూ.8,750 కోట్లు సమీకరించనుంది. ఈ IPO పూర్తిగా ఆఫర్ ఫర్ సేల్‌ (OFS)లో వస్తోంది. అంటే, కంపెనీలో ప్రస్తుతం ఉన్న పెట్టుబడిదారులు తమ షేర్లను అమ్మేస్తున్నారు. ఈ IPOలో కొత్త షేర్లు జారీ చేయడం లేదు. ఈ కంపెనీలో, ప్రమోటర్ CA మాగ్నమ్ హోల్డింగ్స్ 95.03 శాతం వాటాను కలిగి ఉంది.

IPO లాట్‌ సైజ్‌ & లిస్టింగ్‌ డేట్‌
హెక్సావేర్ టెక్నాలజీస్‌ IPOలో పెట్టుబడిదారులు కనీసం 21 షేర్లకు దరఖాస్తు చేసుకోవాలి. గరిష్ట ప్రైస్‌ బ్యాండ్‌ రూ.708 ప్రకారం, ఒక్కో లాట్‌ కోసం కనీసం రూ. 14,868 (708 x 21) పెట్టుబడి పెట్టాలి. రిటైల్ పెట్టుబడిదారులు గరిష్టంగా 13 లాట్లు లేదా 273 షేర్లకు దరఖాస్తు చేసుకోవచ్చు. అంటే, గరిష్టంగా రూ.1,93,284 వరకు పెట్టుబడి పెట్టవచ్చు.

IPO బిడ్డింగ్‌లో గెలుపొందిన పెట్టుబడిదార్లకు ఫిబ్రవరి 17న షేర్లు కేటాయిస్తారు. షేర్లు రాని వాళ్లకు ఫిబ్రవరి 18న డబ్బు వాపసు ఇస్తారు. అదే రోజున, విజయవంతమైన పెట్టుబడిదారుల డీమ్యాట్ ఖాతాలకు షేర్లు జమ చేస్తారు.

హెక్సావేర్ టెక్నాలజీస్ IPO 19 ఫిబ్రవరి 2025న స్టాక్ ఎక్స్ఛేంజీల్లో (BSE & NSE) లిస్ట్‌ అవుతుంది.

ఐటీ రంగంలో అతి పెద్ద ఐపీఓ
హెక్సావేర్ టెక్నాలజీస్ IPO ఐటీ రంగంలో అతి పెద్ద IPO అవుతుంది. టాటా గ్రూప్‌లోని ఐటీ కంపెనీ TCS, సుమారు 2 దశాబ్దాల క్రితం రూ. 4,713 కోట్ల IPOను తీసుకువచ్చింది. హెక్సావేర్ టెక్నాలజీస్ IPO ద్వారా రూ. 8,750 కోట్లు సేకరించనున్నారు. హెక్సావేర్ IPO TCS IPO కంటే దాదాపు 2 రెట్లు పెద్దది.

హెక్సావేర్ టెక్నాలజీస్ రీఎంట్రీ
హెక్సావేర్ టెక్ గతంలో స్టాక్ మార్కెట్‌లో లిస్ట్ అయింది. రెండు దశాబ్దాల క్రితం, జూన్ 2002లో ఇది లిస్ట్‌ అయింది. అయితే, దాదాపు 4 సంవత్సరాల క్రితం డీలిస్ట్‌ అయింది. పాత ప్రమోటర్ కంపెనీ బేరింగ్ ప్రైవేట్ ఈక్విటీ ఆసియా, 2020లో, హెక్సావేర్ టెక్‌ను ప్రైవేట్ కంపెనీగా మార్చాలని నిర్ణయించింది. అందువల్లే డీలిస్టింగ్‌ జరిగింది. కార్లైల్ గ్రూప్‌, 2021లో, బేరింగ్ ప్రైవేట్ ఈక్విటీ ఆసియా నుంచి హెక్సావేర్‌ను దాదాపు $3 బిలియన్లకు కొనుగోలు చేసింది.

Disclaimer: ఈ వార్త కేవలం సమాచారం కోసం మాత్రమే. ఏ పెట్టుబడి సాధనంలోనైనా పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పదు.

మరో ఆసక్తికర కథనం: ఈ ఏడాది బంగారం డిమాండ్‌ తగ్గొచ్చు - నగల రేట్లు దిగొచ్చే అవకాశం!

New IPOs: డబ్బుతో సిద్ధంగా ఉండండి, త్వరలో 6 కొత్త IPOలు ప్రారంభం

Arun Kumar Veera — Tue, 21 Jan 2025 11:20:47 +0530

SEBI Green Signals To Launch 6 IPOs: అమెరికా ప్రైవేట్ ఈక్విటీ సంస్థ కార్లైల్ ప్రమోట్ చేసిన హెక్సావేర్ టెక్నాలజీస్, మౌలిక సదుపాయాల సంస్థ విక్రాన్ ఇంజినీరింగ్, పీఎంఈఏ సోలార్ టెక్ సొల్యూషన్స్, అజాక్స్ ఇంజినీరింగ్ కంపెనీలు ప్రారంభ పబ్లిక్ ఆఫరింగ్ (IPO) ద్వారా నిధులు సేకరించడానికి 'సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా' (SEBI) నుంచి అనుమతి పొందాయి. గుజరాత్‌కు చెందిన స్కోడా ట్యూబ్స్, వినియోగదారు ఉత్పత్తుల తయారీ సంస్థ ఆల్ టైమ్ ప్లాస్టిక్స్‌కు కూడా IPO లాంచ్‌ చేయడానికి సెబీ ఆమోదం లభించింది. ఈ కంపెనీలు తమ పబ్లిక్‌ ఇష్యూల ద్వారా రూ. 10,000 కోట్లకు పైగా సేకరించాలని లక్ష్యంగా పెట్టుకున్నాయి.

ఈ ఆరు కంపెనీలు 2024 సెప్టెంబర్ - డిసెంబర్ మధ్య సెబీకి తమ ఐపీవో ముసాయిదా పత్రాలు సమర్పించాయి. మార్కెట్‌ రెగ్యులేటర్‌ నుంచి జనవరి 14-17 తేదీల మధ్య పరిశీలన లేఖలు అందుకున్నాడు. అంటే, ఐపీవో ప్రారంభించేందుకు సెబీ ఈ ఆరు కంపెనీలకు ప్రాథమిక అనుమతి ఇచ్చింది.

హెక్సావేర్ టెక్నాలజీస్ (Hexaware Technologies IPO)
ఐటీ కంపెనీ హెక్సావేర్ టెక్నాలజీస్ ఐపీఓ పూర్తిగా ఆఫర్ ఫర్ సేల్ (OFS). ఈ IPOలో, కార్లైల్ గ్రూప్ ఆధ్వర్యంలోని ప్రమోటర్లు CA మాగ్నమ్ హోల్డింగ్స్ తమ వాటాను విక్రయించనున్నారు. ఈ కంపెనీలో CA మాగ్నమ్ హోల్డింగ్స్ వాటా 95.03 శాతం. మొత్తం రూ.9,950 కోట్ల విలువైన ఈక్విటీ షేర్లను OFS ద్వారా కంపెనీ విక్రయిస్తుంది.

విక్రాన్ ఇంజనీరింగ్ (Vikran Engineering IPO)
ఇన్‌ఫ్రాస్ట్రక్చర్ EPC కంపెనీ విక్రాన్ ఇంజినీరింగ్ ప్రతిపాదిత IPOలో ప్రమోటర్లు రూ. 900 కోట్ల విలువైన ఫ్రెష్‌ ఈక్విటీ షేర్లు & రూ. 100 కోట్ల విలువైన OFS షేర్లను అమ్మకానికి పెడతారు.

PMEA సోలార్ టెక్ సొల్యూషన్స్ (PMEA Solar Tech Solutions IPO)
PMEA సోలార్ టెక్ సొల్యూషన్స్ IPOలో రూ. 600 కోట్ల తాజా ఇష్యూ ఉంటుంది & OFS ద్వారా వాటాదారులు & ప్రమోటర్లు రూ. 1.12 కోట్ల విలువైన షేర్లను విక్రయిస్తారు.

అజాక్స్ ఇంజినీరింగ్ లిమిటెడ్ (AJAX Engineering IPO)
అజాక్స్ ఇంజినీరింగ్ లిమిటెడ్ IPOలో 2.28 కోట్ల ఈక్విటీ షేర్లను ఆఫర్ ఫర్ సేల్‌ (OFS)లో ఉంచుతున్నారు. ఈ కంపెనీకి మద్దతునిస్తున్న పెట్టుబడి నిర్వహణ సంస్థ కేదారా క్యాపిటల్‌ 74.37 లక్షల షేర్లను OFSలో అమ్ముతోంది.

ఆల్ టైమ్ ప్లాస్టిక్స్ (All Time Plastics IPO)
రూ. 350 కోట్ల తాజా ఇష్యూతో 52.5 లక్షల షేర్ల OFSతో IPOను ప్రారంభించేందుకు ఆల్ టైమ్ ప్లాస్టిక్స్ సిద్ధంగా ఉంది. ఈ ఐపీఓలో ప్రమోటర్లు కైలాష్ పూనంచంద్ షా, భూపేశ్ పూనంచంద్ షా, నీలేష్ పూనంచంద్ షా రూ. 17.5 లక్షల విలువైన షేర్లను విక్రయిస్తారు.

స్కోడా ట్యూబ్స్ (ScodaTubes IPO)
స్కోడా ట్యూబ్స్ కూడా ఫ్రెష్‌ ఈక్విటీ షేర్ల ఇష్యూ ద్వారా రూ. 275 కోట్ల వరకు సమీకరించాలని యోచిస్తోంది.

మరో ఆసక్తికర కథనం: ట్రంప్‌ నిర్ణయాల వైపు పసిడి చూపు - ఈ రోజు బంగారం, వెండి కొత్త ధరలు ఇవీ